home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

အလုပ်ချိန်သိပ်များရင် လေဖြတ်နိုင်ခြေပိုများ

အလုပ်ချိန်သိပ်များရင် လေဖြတ်နိုင်ခြေပိုများ

အချိန်ရှိခိုက် လုံ့လစိုက်ပါတဲ့။ ဒီဆောင်ပုဒ်ကို လက်ကိုင်ထားပြီး အလုပ်ကြိုးစားကြတာ တကယ်အကျိုးရှိပါတယ်။ ဒါပေမယ့် ဘယ်အရာမှ အလွန်အကျွံဆိုရင် မကောင်းတာကြောင့် ကျန်းမာရေးမှာတော့ အနုတ်လက္ခဏာမပြအောင် ဂရုစိုက်သင့်ပါတယ်။ အခုပဲ သုတေသနတွေ့ရှိချက်တွေကပြောနေပါပြီ၊ အလုပ်လုပ်ချိန်အရမ်းများတာကလေဖြတ်နိုင်ခြေပိုများပါတယ်လို့။

တစ်နှစ်ကို အနည်းဆုံး ရက် ၅၀လောက် တစ်နေ့ကို ၁၀ နာရီကျော်အလုပ်လုပ်ခဲ့တဲ့သူတွေဟာလေဖြတ်နိုင်ခြေ ၃၀ ရာခိုင်နှုန်းလောက်ပိုများတယ်လို့Stroke ဂျာနယ်မှာဖော်ပြခဲ့တဲ့ သုတေသနက ဆိုပါတယ်။ ဒီလိုနှုန်းနဲ့ အလုပ်လုပ်တာ ၁၀ နှစ်ကျော်ပြီဆိုရင်တော့လေဖြတ်အန္တရာယ် ၄၅ ရာခိုင်နှုန်းလောက် ပိုများသွားနိုင်တယ်လို့ သိရပါတယ်။

” ၁၀ နှစ်ကြာ အလုပ်ချိန်များခဲ့တာနဲ့လေဖြတ်အန္တရာယ်ဆက်နွှယ်မှုက အသက် ၅၀အောက်အရွယ်တွေမှာ ပိုသိသာပါတယ်” လို့Paris Hospital, Versailles and Angers University မှ သုတေသီAlexis Descatha ကပြောပါတယ်။

သုတေသနမှာ အသက် ၁၈ နှစ်ကနေ ၆၉ နှစ်အတွင်းပြင်သစ်လူမျိုး ၁၄၃၀၀၀ကျော်ရဲ့အချက်အလက်တွေကို စုဆောင်းခဲ့တာပါ။ အဲဒီအချက်အလက်တွေထဲမှာ ပါဝင်သူတွေရဲ့နှလုံးသွေးကြောကျန်းမာရေးနဲ့လေဖြတ်ခြင်း ကျန်းမာရေးရာဇဝင်၊ဆေးလိပ်သောက်ခြင်း၊ အလုပ်ချိန်တွေပါဝင်ပါတယ်။

အားလုံးထဲမှာမှ လူဦးရေ ၁၂၂၄ ဦးကလေဖြတ်ဝေဒနာခံစားခဲ့ရတာတွေ့ရပါတယ်။ ဒီလေ့လာမှုမှာ အချိန်ပိုင်းအလုပ်သမားတွေ၊ အလုပ်ချိန်မများခင်ကလေဖြတ်ဖူးသူတွေ မပါဝင်ပါဘူး။

ဒီလေ့လာမှုက အလုပ်ချိန်များခြင်းနဲ့နှလုံးသွေးကြောရောဂါအန္တရာယ် ဆက်နွှယ်မှုကို The Lancet မှာဖော်ပြခဲ့တဲ့ ၂၀၁၅ ခုနှစ်သုတေသနတစ်ခုနဲ့ ကိုက်ညှိပြီးလုပ်ဆောင်ခဲ့တာပါ။ အဲဒီသုတေသနက အလုပ်ချိန်ကြာရှည်ခြင်းကနေဖြစ်လာတဲ့ စိတ်ဖိစီးမှုအပြင် တခြားကျန်းမာရေးပြဿနာတွေ၊ အရက်သောက်သုံးမှု၊ ကိုယ်လက်လှုပ်ရှားမှုတို့အားလုံးကလေဖြတ်အန္တရာယ်ပိုများစေနိုင်တယ်လို့ဖော်ပြခဲ့ပါတယ်။

” ကျန်းမာရေးစောင့်ရှောက်မှုနယ်ပယ်က ဝန်ဆောင်မှုပေးတဲ့သူတွေက အလုပ်ချိန်အကြာကြီးတွေလုပ်ကြရပြီးလေဖြတ်အန္တရာယ်ပိုများတာကိုလည်း ဦးစားပေးသတိပေးချင်ပါတယ်။ ဆရာဝန်တစ်ယောက်အနေနဲ့ အကြံပေးချင်တာက ဘယ်သူမဆို ကိုယ့်အလုပ်ကို ကြိုးစားတာကောင်းပေမယ့် စနစ်တကျအချိန်ဇယားဆွဲပြီး အလုပ်လုပ်သင့်တယ်ဆိုတာပါပဲ” လို့Descatha ကပြောပါတယ်။

အလုပ်ထဲမှာပဲ တရားလွန် မြှုပ်နှံပြီး အချိန်တွေအကုန်ပေးဆပ်ထားတာက ကိုယ့်ကျန်းမာရေးနဲ့ အလဲအလှယ်ပြုလုပ်နေတာပဲဆိုတာကို သတိရပါ။ လုပ်သင့်သလောက်လုပ်ပါ၊ သို့သော် စိတ်နဲ့ခန္ဓါကို အနားယူချိန်ပေးပါ။

Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Yun Sandi Nan Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
Dr. Thurein Hlaing Win မှ အချက်အလက် စစ်ဆေးထားပါသည်။