home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

တစ်ပတ်ကို ၅၅ နာရီနဲ့အထက် အလုပ်လုပ်တဲ့ လေဒီတွေ စိတ်ဓါတ်ကျနိုင်

တစ်ပတ်ကို ၅၅ နာရီနဲ့အထက် အလုပ်လုပ်တဲ့ လေဒီတွေ စိတ်ဓါတ်ကျနိုင်

စိတ်တွေဖိစီးလိုက်တာ၊ အလုပ်တွေကလည်း ဒီလောက်လုပ်နေတာတောင်မပြီးဘူးဆိုတဲ့လေဒီလေးတွေများရှိလား။ ဒါဆိုရင်တော့ပြောစရာတစ်ခုရှိလာပါပြီနော်။ ဒါကတော့ အလုပ်တွေကို တအားဖိလုပ်နေလို့ စိတ်ဖိစီးနေတာဖြစ်နိုင်တယ်ဆိုတဲ့အချက်တစ်ခုပါ။ စိတ်ဖိစီးမှုများလာတဲ့အခါ အလုပ်တွေကိုကောင်းကောင်းမလုပ်နိုင်တော့ပါဘူး။ အာရုံစူးစိုက်မှုကလည်း ကျလာပါတယ်နော်။

အလုပ်ချိန်များများလုပ်လေ စိတ်ဖိစီးလေလေပါ

အလုပ်စားပွဲမှာ တစ်ချိန်လုံးထိုင်နေရတာက ခက်ခဲပင်ပန်းပါတယ်။ တစ်နေ့တာမှာ ၈ နာရီထက်ကျော်ပြီး အလုပ်စားပွဲမှာ ထိုင်နေရတာက အချိန်ကြာလာတာနဲ့အမျှ စိတ်ဖိစီးမှုကပိုလာနိုင်ပါတယ်။ ဒီခံစားချက်က စိတ်ခံစားမှုသက်သက်ပဲတော့မဟုတ်ပါဘူး။လေ့လာချက်တွေအရလည်း အမျိုးသမီးတွေဟာ အလုပ်ချိန်များများအလုပ်လုပ်လေလေ စိတ်ဖိစီးမှုပိုများလာလေလေလို့တွေ့ရှိထားရပါတယ်။

သုတေသီတွေကလေ့လာမှုအတွင်း အလုပ်လုပ်နေတဲ့အမျိုးသမီးတွေကိုလေ့လာခဲ့ပါတယ်။ ဒီလေ့လာမှုအရ တစ်ပတ်မှာ အလုပ်ချိန် နာရီ ၄၀ ထက် အလုပ်လုပ်တဲ့အမျိုးသမီးတွေထက် တစ်ပတ်မှာ ၅၅ နာရီနဲ့အထက်အလုပ်လုပ်တဲ့အမျိုးသမီးတွေက စိတ်ဖိစီးမှုပိုများနေတယ်လို့တွေ့ရှိခဲ့ရပါတယ်။ တစ်ပတ်တာမှာ ၅၅ နာရီနဲ့ အထက် အလုပ်လုပ်တဲ့အမျိုးသမီးတွေက စိတ်ဓါတ်ကျလက္ခဏာတွေပုံမှန်ထက်ပိုများနေတတ်ပါတယ်။

တစ်ပတ်ကို ၅၅ နာရီနဲ့အထက်အလုပ်လုပ်တာအပြင် ပိတ်ရက်တွေမှာပါအလုပ်လုပ်နေရတာက စိတ်ဖိစီးမှုဖြစ်စေပြီး စိတ်ဓါတ်ကျနိုင်ခြေပိုများနေပါတယ်နော်။ ဒါကတော့ အမျိုးသမီးတွေတင်မကပါဘူး။ အမျိုးသားတွေမှာပါ အကျုံးဝင်တဲ့လေ့လာချက်ပါ။ ဒီလေ့လာချက်ကဗြိတိန်နိုင်ငံက အရွယ်ရောက်ပြီးသူတွေကိုလေ့လာထားတဲ့လေ့လာချက်တစ်ခုပါ။

၅၅ နာရီနဲ့အထက်အလုပ်လုပ်တဲ့လေဒီတို့……သတိ!

အပတ်စဉ်တိုင်း ၅၅ နာရီ ဒါမှမဟုတ် ၅၅ နာရီနဲ့အထက် အလုပ်လုပ်တဲ့လေဒီတွေမှာ စိတ်ဓါတ်ကျဝေဒနာခံစားရနိုင်ခြေကတော်တော်လေးများပါတယ်။ ပိတ်ရက်တွေမှာပါ အလုပ်နဲ့လက်မပြတ်လုပ်နေရပြီဆိုရင်တော့လေဒီတွေတင်မဟုတ်ပါဘူး။ Gentlemenတွေမှာပါ စိတ်ဖိစီးမှုဖြစ်စေပြီး စိတ်ဓါတ်ကျစေနိုင်တာပါ။ အလုပ်နဲ့လက်မပြတ်တမ်းလုပ်နေတာကရေရှည်ဖြစ်လာတဲ့အခါနေ့စဉ်နဲ့အမျှ စိတ်ကျန်းမာရေးထိခိုက်လာရပါတယ်နော်။မေ့တတ်လာတာမျိုး၊ ချက်ချင်းဆိုသလိုပြောလိုက်တဲ့အကြောင်းအရာတွေကို မမှတ်မိတော့တာ၊နေ့စဉ်လုပ်နေကျတာဝန်တွေကိုမေ့သွားတာမျိုးဖြစ်နိုင်ပါတယ်။

United Kingdom Household Longitudinal Study (UKHLS) ကအိမ်ထောင်စု ၄၀၀၀၀ ခန့်ရဲ့ ကျန်းမာရေးစစ်ဆေးမှုမှတ်တမ်းတွေကိုလေ့လာခဲ့ပါတယ်။ ယခုလေ့လာမှုအတွက် အလုပ်ခွင်ဝင်နေတဲ့ အမျိုးသားနဲ့ အမျိုးသမီး ၂၃၀၀၀ကျော်ကိုလေ့လာခဲ့ပါတယ်။လေ့လာမှုစစ်တမ်းတွေအရ တစ်ပတ်ကို ၅၅ နာရီနဲ့ အထက်အလုပ်လုပ်နေတဲ့လေဒီတွေ၊ ပိတ်ရက်ပါမကျန်အလုပ်လုပ်နေတဲ့လေဒီတွေဟာ တစ်ပတ်ကို ၃၅ နာရီ ကနေ နာရီ ၄၀ ကြာအလုပ်လုပ်နေတဲ့ လေဒီတွေထက် စိတ်ဖိစီးမှုပိုများပြီး စိတ်ဓါတ်ကျနိုင်ခြေက အခြားသူတွေထက်ပိုများနေတယ်၊လို့တွေ့ရှိခဲ့ရပါတယ်။

စိတ်ဖိစီးမှုက အဖြစ်များတဲ့ စိတ်ကျန်းမာရေးအခြေအနေတစ်ခုပေါ့။ စိတ်ဓါတ်ကျတာကြောင့် ဘဝနေထိုင်မှုမှာထိခိုက်လာတာမျိုးအထိဖြစ်နိုင်ပါတယ်။ စိတ်ကျန်းမာရေးအားနည်းလာတဲ့အခါ စိတ်ဖိစီးတာ၊ရုပ်ပိုင်းဆိုင်ရာ ထိခိုက်မှုတွေပါခံစားလာရနိုင်ပါတယ်။ အလုပ်တာဝန်တွေကိုကောင်းမွန်ပြီးစီးအောင်မလုပ်နိုင်တော့သလို မိသားစုတာဝန်တွေကိုပါလစ်ဟင်းလာနိုင်ပါတယ်။ သိပ်မပြင်းထန်သေးတဲ့အဆင့်မှာတော့ အမြဲလိုလိုဝမ်းနည်းနေတာ၊မျှော်လင့်ချက်မဲ့နေတာ၊ အပြစ်ရှိသလိုအမြဲခံစားနေရတာ၊ ဝါသနာပါတာတွေကို အာရုံဝင်စားမှုမဲ့လာတာ၊ အိပ်စက်မှုမှာပြဿနာရှိလာတာမျိုးတွေခံစားရနိုင်ပါတယ်။
စိတ်ရောကိုယ်ပါကျန်းမာစေဖို့ တစ်ပတ်တာမှာ လွန်ရော ကျွံရော ၃၅ နာရီ ကနေ နာရီ ၄၀လောက်ပဲအလုပ်လုပ်ပါ။ ဒီထက်ပိုလုပ်တာက စိတ်ဖိစီးမှုကိုဖြစ်စေပြီးရေရှည်မှာ စိတ်ရောကိုယ်ပါထိခိုက်စေနိုင်တာကြောင့် အလုပ်ချိန်ကို ၅၅ နာရီထက်ပိုလုပ်တာ၊ ပိတ်ရက်တွေမှာပါ အလုပ်လုပ်နေတာကို တတ်နိုင်သမျှရှောင်ပါနော်။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Women Who Work Long Hours May Face More Depressionhttps://www.webmd.com/depression/news/20190226/women-who-work-long-hours-may-face-more-depression#2 Accessed Date 19 March 2019

Long working hours linked to heightened depression risk in womenhttps://medicalxpress.com/news/2019-02-hours-linked-heightened-depression-women.html Accessed Date 19 March 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။