home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

ရာသီလာချိန်မှာ လေဒီတို့ခံစားရနိုင်တဲ့ ပြဿနာတွေ

ရာသီလာချိန်မှာ လေဒီတို့ခံစားရနိုင်တဲ့ ပြဿနာတွေ

ကြည့်ရတာ မလန်းမဆန်းနဲ့။နေမကောင်းတာလား။ မဟုတ်ဘူး။ ကြည့်ရတာပင်ပန်းနေသလိုပဲနော်။ ဟုတ်တယ်။ လစဉ်ကြုံနေကျ ကိစ္စလေးဖြစ်နေလို့ပါ။ ဒီအချိန်မှာလေဒီလေးတွေက ရာသီသွေးဆင်းနေတာကိုပဲ ခံစားရတာမဟုတ်ဘဲ အခြားပြဿနာတွေကို ပါခံစားနေရတာပါ။ ဒါကြောင့်လေဒီတော်တော်များများက ဒီအခိုက်အတန့်လေးမှာနေရတာပင်ပန်းနေသလိုဖြစ်နေရတာပါ။ ဒီတစ်ခေါက်တော့လေဒီလေးတွေရာသီလာချိန်မှာခံစားရနိုင်တဲ့ဝေဒနာလေးတွေအကြောင်းပြောပြပေးပါရစေနော်။

ရာသီလာချိန်မှာလေဒီလေးတွေ ဒီလက္ခဏာတွေခံစားရနိုင်ပါတယ်

မအီမသာဖြစ်တာ

ခန္ဓါကိုယ်တစ်ခုလုံးက ကိုင်ရိုက်ထားသလို နာနေမယ်။နေရတာပင်ပန်းနုံးချိနေမယ်။ အန်ချင်သလိုလိုဖြစ်နေမယ်။ခေါင်းထဲကမူးသလိုလိုဖြစ်နေမယ်။ ဝမ်းသွားမယ် စတဲ့လက္ခဏာတွေခံစားရနိုင်ပါတယ်။ ဒီလိုဖြစ်ရတာက ရာသီလာချိန်မှာဟော်မုန်းတွေထွက်ရှိလာတာကြောင့်ပါ။ ဒီဟော်မုန်းတွေကသွေးကြောထဲကိုရောက်ရှိတာကြောင့် အခုလိုဖြစ်ရတာပါ။

သွေးဆုံးရှုံးမယ်၊သွေးခဲတွေဆင်းမယ်

ရာသီလာချိန်မှာလေဒီလေးတို့အနေနဲ့ လက်ဖက်ရည်ဇွန်း ၂ ဇွန်းကနေ ၄ ဇွန်းလောက်အထိဆုံးရှုံးနိုင်ပါတယ်။သွေးအများကြီးဆင်းတာ၊သွေးခဲတွေဆင်းတာက ပုံမှန်ပါပဲ။ အများကြီးမဟုတ်ဘူးဆိုရင်တော့ စိုးရိမ်စရာမလိုပါဘူး။လေဒီအချို့ကသွေးခဲတွေဆင်းတာ၊သွေးအများကြီးဆင်းတာမျိုးဆိုရင်စိုးရိမ်တတ်ကြပါတယ်။

ဗိုက်အောင့်ခြင်း

သားအိမ်တွင်းကသွေးတွေ ခန္ဓါကိုယ်ပြင်ပကို စီးဆင်းရောက်ရှိရတာဖြစ်တာကြောင့် ကြွက်သားတွေ တင်းတာမျိုးဖြစ်နိုင်ပါတယ်။ ဒါကြောင့် ဗိုက်အောက်ဘက်နားကအောင့်တာမျိုးခံစားရနိုင်ပါတယ်။ ရာသီမလာစဉ်ကတည်းကစအောင့်တတ်ကြသလို ရာသီလာနေစဉ်တလျှောက်လုံးလည်းအောင့်နိုင်ပါတယ်နော်။

စိတ်ခံစားမှုမကောင်းတာ

ရာသီလာချိန်မှာ ကိုယ်တွင်းကဟော်မုန်းတွေ မညီမျှတာမျိုးဖြစ်နိုင်ပါတယ်။ဟော်မုန်းအတက်အကျကိုလိုက်ပြီး စိတ်ခံစားမှုကပြောင်းလဲနိုင်တာကြောင့်ပါ။ ဒါကြောင့် စိတ်တိုစိတ်ဆတ်လါယ်တယ်ဆိုတာကလည်းလေဒီလေးတွေ ရာသီလာချိန်မှာ ခံစားရနိုင်တဲ့ အခြေအနေတစ်ခုပါ။ စိတ်ဓါတ်ကျတာမျိုးတောင်ဖြစ်နိုင်ပါတယ်နော်။

ရာသီလာစဉ်နာကျင်ကိုက်ခဲမှုဝေဒနာ

ရာသီလာစဉ်မှာ ခန္ဓါကိုယ်ရဲ့ အစိတ်အပိုင်းတွေဖြစ်တဲ့ပေါင်တွေကိုက်ခဲတာ၊ခြေသလုံးနဲ့ ခါး ထဲကနာကျင်တာ၊ခြေလက်တွေကိုက်ခဲတာ၊ ဆီးစပ်ကိုက်တာမျိုးတွေခံစားရနိုင်ပါတယ်။ ရာသီသွေးဆင်းဖို့အတွက် သားအိမ်အကျုံအဆန့်လုပ်ရတာကြောင့် နာကျင်ကိုက်ခဲရတာပါ။ အရမ်းမပြင်းထန်ဘူးဆိုရင်တော့ နားနားနေနေနေပေးရင်သက်သွားမှာပါ။ အရမ်းပြင်းထန်ရင်တော့ ဆရာဝန်နဲ့ပြသကြည့်ပါ။

ရာသီထိန်ခြင်း

တစ်ခါတလေမှာ ရာသီသွေးမဆင်းတာမျိုးဖြစ်နိုင်ပါတယ်။ ရာသီသွေးစဆင်းတဲ့အခါမျိုးမှာ ကြုံတွေ့ရနိုင်သလိုနေ့စဉ်လုပ်ဆောင်နေတဲ့ အပြုအမူ နဲ့ စားသောက်မှုပုံစံတွေကြောင့်ဖြစ်နိုင်ပါတယ်နော်။ တကယ်လို့ ရာသီသွေးထိန်တာက ၆ လထက်ကျော်လာပြီဆိုရင်တော့ ဆရာဝန်နဲ့ပြသကြည့်ဖို့ တိုက်တွန်းပါရစေနော်။

ရာသီလာချိန်မှာ ဒီပြဿနာတွေက ခံစားရတာက ပုံမှန်ပဲမို့လေဒီလေးတို့ကို အရမ်းကြီးမစိုးရိမ်ကြဖို့ပြောပါရစေနော်။

Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Menstrual Problems https://www.healthline.com/health/menstrual-problems Accessed Date 10 March 2019

Common Period Problems https://www.webmd.com/women/common-period-problems#1 Accessed Date 10 March 2019

စာရေးသူ ဓာတ်ပုံbadge
Aye Thi Mon မှ ရေးသားသည်။ 25/10/2021 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။