မိန်းမကိုယ် က လေလည်တတ်သလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 18, 2020 . 2 mins read
Share now

လေလည်သလိုမျိုး မိန်းမကိုယ် က လေထွက်တာ ကြုံဖူးပါသလား။ ဒါဟာ သင်တစ်ယောက်တည်း ဖြစ်တာမဟုတ်ပါဘူး။ အမျိုးသမီး တော်တော်များများ ဖြစ်တတ်ကြပါတယ်။ အူလမ်းကြောင်းမှာ လေရှိသလိုမျိုး မိန်းမကိုယ်မွေးလမ်းကြောင်းမှာလည်း လေရှိတတ်ပါတယ်။ ဒါကြောင့် လှုပ်လှုပ်ရှားရှား နေတဲ့အခါ လေထွက်လာတာပေါ့။ စိုးရိမ်ရတဲ့ အခြေအနေတော့ မရှိပါဘူး။ အများစုက အန္တရာယ်မရှိတဲ့ အကြောင်းရင်းတွေကြောင့် ဖြစ်ပါတယ်။ ဒါနဲ့ ပတ်သတ်ပြီး ဆက်ကြည့်ရအောင်။

ဘာကြောင့် မိန်းမကိုယ် က လေလည်ရတာလဲ။

  • လိင်ဆက်ဆံခြင်း

လိင်ဆက်ဆံတာက မိန်းမကိုယ်က လေထွက်ရခြင်းရဲ့ အဓိက အကြောင်းရင်းပါပဲ။ အမျိုးသား အင်္ဂါက မိန်းမကိုယ်ထဲကို အဝင်အထွက်လုပ်တဲ့အခါ လေပါ လိုက်ဝင်ပြီး လေခိုတတ်ပါတယ်။ ပြီးမြောက်သွားလို့ ကြွက်သားတွေ တင်းလိုက်ရင်ပဲ ဖြစ်ဖြစ်၊ အမျိုးသား အင်္ဂါကို ထုတ်လိုက်ရင်ပဲ ဖြစ်ဖြစ် လေတွေ ပြန်ထွက်လာပါတယ်။ အဲ့ဒီအခါ လေလည်သလိုမျိုး အသံထွက်လာတာပါ။

ပါးစပ်နဲ့ လိင်ဆက်ဆံခြင်းကလည်း မိန်းမကိုယ်ထဲကို လေဝင်စေတဲ့ အကြောင်းရင်း တစ်ခုပါပဲ။ ကြမ်းကြမ်းတမ်းတမ်း လိင်ဆက်ဆံရင်လည်း မိန်းမကိုယ်ထဲကို လေပိုဝင်ပြီး လေခိုတတ်ပါတယ်။

  • မိန်းမကိုယ်ထဲ ထည့်သည့် ပစ္စည်းများ

မိန်းမကိုယ်ထဲကို ထည့်တဲ့ ပစ္စည်းတွေ ( ဥပမာ- tamponsmenstrual cups) တွေကြောင့်လည်း လေခိုတတ်ပါတယ်။ ဒီပစ္စည်းတွေ ပြန်ထုတ်လိုက်တာဖြစ်ဖြစ်၊ လေ့ကျင့်ခန်း လုပ်ရင်ပဲ ဖြစ်ဖြစ်၊ အကြောလျှော့ရင်ပဲ ဖြစ်ဖြစ် လေတွေ ပြန်ထွက်လာတတ်ပါတယ်။

  • ကြွက်သားများ တောင့်တင်းခြင်း

လိင်ဆက်ဆံရင်ပဲ ဖြစ်ဖြစ်၊ မိန်းမကိုယ်ကို စမ်းသပ်ခံရရင်ပဲ ဖြစ်ဖြစ် မိန်းမကိုယ်က ကြွက်သားတွေက တောင့်နေတတ်ပါတယ်။ ဒါကြောင့် အထဲကို လေဝင်ပြီး လေခိုတတ်ပါတယ်။ ချောင်းဆိုးတာ၊ လေ့ကျင့်ခန်း လုပ်တဲ့အခါမှာလည်း ကြွက်သားတွေ တင်းလာပြီး မိန်းမကိုယ်ထဲက လေတွေ အပြင်ကို ပြန်ထွက်လာပါတယ်။

  • အကြောလျှော့ခြင်း

ယောဂလိုမျိုး အောက်ပိုင်းက ကြွက်သားတွေကို လျှော့ချပေးတဲ့ လေ့ကျင့်ခန်းတွေက မိန်းမကိုယ်ကို ပိုပွင့်စေပြီး လေပိုဝင်စေပါတယ်။ ဒါကြောင့် လေ့ကျင့်ခန်း လုပ်ရင်း ပုံစံတစ်ခုက တစ်ခု အပြောင်းမှာ လေထွက်တတ်ပါတယ်။

  • မိန်းမကိုယ် စမ်းသပ်ခြင်း

ကျန်းမာရေး အကြောင်းတစ်ခုခုကြောင့် သားဖွားမီးယပ်ဆရာဝန်နဲ့ သွားပြတဲ့အခါ လိုအပ်ရင် မိန်းမကိုယ်ကို စစ်ဆေးရပါတယ်။ speculumလို့ ခေါ်တဲ့ ကိရိယာလေးနဲ့ မိန်းမကိုယ်ထဲကို ကြည့်တဲ့အခါ လေဝင်တတ်ပါတယ်။ ဒီကိရိယာလေးကို ပြန်ထုတ်အချိန်မှာ ဝင်သွားတဲ့လေတွေ ပြန်ထွက်လာတတ်ပါတယ်။

ခုထိပြောခဲ့တာတွေက အဖြစ်များတဲ့၊ စိုးရိမ်စရာ မရှိတဲ့ အကြောင်းတွေပဲ ဖြစ်ပါတယ်။ ရှားရှားပါးပါး တွေ့ရတတ်တဲ့ ကျန်းမာရေး ပြဿနာ တစ်ခုကို ဆက်ကြည့်ရအောင်။

  • မွေးလမ်းကြောင်းနဲ့ တခြားအင်္ဂါအကြား လမ်းကြောင်းဆက်ခြင်း (Vaginal fistula)

Vaginal fistula ဆိုတာ မွေးလမ်းကြောင်းနဲ့ သူ့အနီးအနားက အင်္ဂါတွေ ဆက်သွားတာပဲ ဖြစ်ပါတယ်။ အတွေ့ရအများဆုံးက သူနဲ့ ကပ်ရက် ဆီးအိမ်နဲ့ ဆက်တဲ့ vesicovaginal fistulaပါ။ ဒါ့ပြင် ဆီးပို့ပြွန်နဲ့ ဆက်ရင် Ureterovaginal fistula၊ မစင်အိမ်နဲ့ ဆက်ရင် Rectovaginal fistula၊ အူသိမ်နဲ့ ဆက်ရင်  Enterovaginal fistula၊ အူမကြီးနဲ့ ဆက်ရင် Colovaginal fistula၊ ဆီးပြွန်နဲ့ ဆက်ရင် Urethrovaginal fistula စသဖြင့် အမျိုးအစားတွေ ရှိပါတယ်။ ဒီလို လမ်းကြောင်းဆက်တဲ့ ပြဿနာကတော့ ဆရာဝန်နဲ့ ပြသပြီး သေချာ ကုသမှု ခံယူမှ ရမှာပါ။

ဒီပြဿနာမှာ မိန်းမကိုယ်က လေထွက်တာအပြင်

-ဆီးသွားရင် ဆီးထဲမှာ ဝမ်းစလေးတွေ ပါလာတာ

-အနံ့ဆိုးတဲ့ ဆီး၊ မိန်းမကိုယ်က အကျိအချွဲထွက်တာ

-ခဏခဏ ဆီးပိုးဝင်တာ၊ မိန်းမကိုယ်ရောင်တာ

-ဆီးမထိန်းနိုင်၊ ဝမ်းမထိန်းနိုင် ဖြစ်တာ

-ခဏခဏ ဝမ်းလျှောတာ

-မိန်းမကိုယ်နဲ့ မစင်အိမ်မှာ နာနေတာ

-အတူနေရင် နာတာ

-ပျို့တာ

-ဗိုက်အောင့်တာ စတဲ့ လက္ခဏာတွေ ရှိတတ်ပါတယ်။

ဘယ်လို ကာကွယ်ကြမလဲ။

တိတိကျကျ ကာကွယ်တဲ့ နည်းလမ်းလည်း မရှိသလို ကာကွယ်ဖို့လည်း မလိုပါဘူး။ ဒါဟာ လေလည်သလိုပဲ သဘာဝဖြစ်စဉ် တစ်ခုပါ။ လေထွက်သာ သက်သက်ပဲ ဖြစ်ပြီး နာလည်း မနာဘူးလေ။

တကယ်လို့ လေထွက်တာ သူ့ဟာသူ မထွက်ဘူးဆိုရင် ဆီးသွားတဲ့အချိန်မှာ squat ထိုင်ပြီး လေထုတ်လို့ရပါတယ်။ မိန်းမကိုယ်ကြွက်သားတွေ တောင့်နေလို့ ဆိုရင်တော့ အကြောလျှော့တာ၊ အသက်ပြင်းပြင်းရှူပြီး စိတ်လျှော့တဲ့ နည်းလမ်းတွေနဲ့ လေထွက်အောင် လုပ်လို့ ရပါတယ်။

လူကြားထဲမှာ မိန်းမကိုယ်က လေထွက်လို့ နေရခက်တယ်ဆိုရင် လတ်တလောမှာ အတူနေတာတို့၊ လေ့ကျင့်ခန်း လုပ်တာတို့ကို ခဏ ရှောင်လိုက်ပါ။ မိန်းမကိုယ်ထဲကို ထည့်တဲ့ ပစ္စည်းတွေ ( ဥပမာ- tampons၊ menstrual cups) ကိုလည်း မသုံးပါနဲ့ဦး။

နောက်ပြီး လေ့လာချက်တွေအရ ရိုးရိုးမီးဖွားတဲ့နည်းလမ်းကလည်း မိန်းမကိုယ်က လေထွက်စေပါတယ်တဲ့။ မိန်းမကိုယ်ကြွက်သားတွေကို သန်မာစေတဲ့ Kegel လေ့ကျင့်ခန်းတွေက လေထွက်တာကို သက်သာစေပါလိမ့်မယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဆီးလမ်းကြောင်း ပိုးဝင်ခြင်းရဲ့ ရောဂါလက္ခဏာများ

ဆီးလမ်းကြောင်း ကနေတဆင့် ဘက်တီးရီးယား နဲ့ မှိုပိုးတွေ ဝင်ရောက် ကူးစက်တာက များပါတယ်။ ဗိုင်းရပ်စ် ဝင်ရောက် ကူးစက်မှုကို ဆီးလမ်းကြောင်းပိုးဝင်တယ် ခေါ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

လေဒီတို့ ခံစားရနိုင်တဲ့ တင်ပါးဆုံပြဿနာ အဖုံဖုံ

တင်ပါးဆုံဆိုတာက  ဝမ်းဗိုက်အောက်ဘက်နားမှာရှိတဲ့ ဇလုံလို ခပ်ခွက်ခွက် အစိတ်အပိုင်းပါ။ ကျောရိုးကို ထောက်ကန်ပေးထားပြီး အတွင်းအင်္ဂါကို ကာကွယ်ပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မိန်းမကိုယ်မှာပေါက်တဲ့ ဝက်ခြံ သက်သာစေဖို့

မိန်းမကိုယ်မှာ ဝက်ခြံပေါက်တာက လေဒီလေးတွေအတွက် အတော်လေး ခံရခက်တဲ့ ကိစ္စတစ်ခုပါ။ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

မိန်းမကိုယ်မှာ ပေါက်တဲ့ဝက်ခြံ

ဝက်ခြံ မျက်နှာမှာ ပေါက်ရင် အော်........ပေါက်နေကျပဲလေလို့ ထားလိုက်တတ်ပေမယ့် မိန်းမကိုယ်မှာ ဝက်ခြံ ပေါက်လာပြီဆိုရင်တော့ ပေါက်လေ့ပေါက်ထရှိရဲ့လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ကယ်လိုရီလောင်ကျွမ်း ခြင်းနဲ့ လေ့ကျင့်ခန်းအမျိုးအစားကွဲများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
အချစ်ကပေးတဲ့ဒါဏ်ရာ (သို့) ချစ်တင်းနှောရင်းရနိုင်တဲ့ ဒါဏ်ရာအနာတရတွေ

အချစ်ကပေးတဲ့ဒါဏ်ရာ (သို့) ချစ်တင်းနှောရင်းရနိုင်တဲ့ ဒါဏ်ရာအနာတရတွေ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
စိုးရိမ်ပူပန်မှုလွန်ကဲနေချိန် အသုံးတည့်စေမယ့် လေ့ကျင့်ခန်းလေးများ

စိုးရိမ်ပူပန်မှုလွန်ကဲနေချိန် အသုံးတည့်စေမယ့် လေ့ကျင့်ခန်းလေးများ

ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 11, 2021 . 2 mins read
အကြောလျှော့လေ့ကျင့်ခန်

အကြောဖြေလျှော့ လေ့ကျင့်ခန်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 3 mins read