ကျောက်ကပ်ပျက်စီးနေတဲ့ လူနာတွေအဖို့တော့ ကျောက်ကပ်အစားထိုးကုသတဲ့ ကုသနည်းဟာ အထိရောက်ဆုံးဖြစ်တဲ့ ကုသနည်းတစ်ခုဖြစ်ပြီး အလှူရှင်နဲ့ လက်ခံသူ ေသွးအမျိုးအစားလည်းတူ တစ်ရှူးလည်းတူရင် ၉၀ ရာခိုင်နှုန်းတောင်အောင်မြင်တဲ့ ခွဲစိတ်မှု ကြီးတစ်ခုပါ။ ကျောက်ကပ်ဆိုတာ တစ်ခုတည်းရှိရင်တောင် သူ့လုပ်ငန်းတာဝန်တွေကို ၁၀၀ ရာခိုင်နှုန်းလုပ်နိုင်တဲ့အတွက် ပျက်စီးနေတဲ့ကျောက်ကပ်တွေနေရာမှာ ကျောက်ကပ် အကောင်းလေးတစ်ခုရောက်ရင် ဖြစ်နေတဲ့ ကျောက်ကပ်ြပဿနာတွေ အားလုံးပြေလည်သွားမှာဖြစ်တဲ့အပြင် အလှူရှင်တွေအတွက်လည်း ထိခိုက်သွားတာ မျိုးတွေ မရှိတာကြောင့် ခုနောက်ပိုင်း ကျောက်ကပ်အစားထိုးတဲ့ ကုသနည်းကို တွင်တွင်ကျယ်ကျယ် အသုံးပြုလာပါတယ်။
ဒါပေမယ့် ကျောက်ကပ်အစားထိုးတယ်ဆိုတာ ကိုယ်နဲ့ ကိုက်ညီတဲ့ အလှူရှင်ရှိမှ အစားထိုး ခွဲစိတ်လို့ ရမှာ ဖြစ်သလို ခွဲစိတ်မှု ကြောင့်ဖြစ်လာမယ့် နောက်ဆက်တွဲ ဒဏ်တွေကိုလည်း ခံနိုင်ရှိတဲ့ကျန်းမာရေးအခြေအနေနဲ့ အသက်အရွယ်ဖြစ်နေဖို့လိုပါသေးတယ်။ နောက်ပြီး ကိုက်ညီတဲ့ အလှူရှင်တွေ့ဖို့ကို အချိန်ကာလတစ်ခုစောင့်ဆိုင်းရပါဦးမယ်။ အလှူရှင်နဲ့ လက်ခံသူ မကိုက်ညီတဲ့အခါ အစားထိုးလိုက်တဲ့ ကျောက်ကပ်လေးကို လက်ခံသူရဲ့ ခုခံအားကို တိုက်ခိုက်မှာဖြစ်တာကြောင့် မအောင်မြင်ဖို့ ရာခိုင်နှုန်းများသွားတတ်ပါတယ်။ သွေးအမျိုးစားနဲ့ တစ်ရှူးအမျိုးအစား မကိုက်ညီတဲ့ကျောက်ကပ်အစားထိုးခြင်းကို မဖြစ်မနေ အရေးကြီးတော့မှ လုပ်ဆောင်ကြတာဖြစ်ပြီး ခုနောက်ပိုင်းမှာဆို တိုးတက်လာတဲ့ ဆေးပညာကြောင့် မကိုက်ညီလည်း အစားထိုးတဲ့ ခွဲစိတ်မှု တွေ ပြုလုပ်လို့ရနေပါပြီ။
ဒီတော့ ကျောက်ကပ်ပြဿာနရှိတဲ့သူတွေအနေနဲ့ ကျောက်ကပ်အစားထိုးမလား ကျောက်ကပ်ဆေးမလား စတာတွေကို အပေါ်မှာ ပြောထားတဲ့ အချက်တွေကို ကြည့်ပြီးေ ရွးချယ်ရမှာဖြစ်ပါတယ်။
အရှင်းဆုံး ပြောရမယ်ဆိုရင်တော့ ကျောက်ကပ်အစားထိုးခြင်းဟာ ပျက်စီးနေတဲ့ ကျောက်ကပ်အတွက် အထိရောက်ဆုံး ကုသမှု ဖြစ်တာ မှန်ပေမယ့် မကိုက်ညီတာတွေ၊ အလှူရှင်ကို စောင့်နေရတာတွေရှိတာကြောင့် ကြားထဲက အချိန်ကာလမှာ ကျောက်ကပ်ဆေးပြီး စောင့်နေလိုက်ပါ။
အသက်ကလည်းကြီးနေပြီ၊ ခွဲစိတ်မှု ဒဏ်မခံနိုင်တဲ့ ကျန်းမာရေး အခြေအနေကလည်း ရှိနေတယ်၊ အလှူရှင်လည်း မတွေ့ဘူးဆိုရင်တော့ ကျောက်ကပ်ပဲ ဆေးတာ အကောင်းဆုံးပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။