ထိခိုက်အနာတရဖြစ်လာပြီဆိုရင် အနာအမြန်ကျက်ဖို့ကို ဦးစားပေးလုပ်ကြတာပါပဲ။ အများကြီးတွေးမနေကြပါဘူး။ အနာထဲကိုဆေးထည့်လိုက်တာနဲ့ပဲ အနာကျက်သွားလိမ့်မယ်လို့ ယူဆကြပါတယ်။ကျေးလက်အယူအဆတချို့ဆို တိုင်းရင်းဆေးပညာလည်း သိပ်မသိပါဘဲ ဒီအရွက် အနာကျက်တယ်ဆိုပြီး အရွက်တစ်မျိုးမျိုးထုထောင်းပြီး အနာမှာအုံလိုက်တာမျိုးပြုလုပ်တတ်ကြပါတယ်။ တိုင်းရင်းဆေးပညာအရဆေးဖက်ဝင်အရွက်တွေ၊ သစ်ဥသစ်ဖုတွေ၊ဆေးမြစ်တွေကအစွမ်းထက်ကြပေမယ့် မသိနားမလည်တဲ့ဆေးမြီးတိုတွေကြောင့် အနာပိုးဝင်ပြီး ပိုဆိုးစေနိုင်ပါတယ်။