သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

သံဓါတ်လွန်ကဲရင် အရေပြားပိုးဝင်တာတွေ ပိုဖြစ်လွယ်နိုင်

    သံဓါတ်လွန်ကဲရင် အရေပြားပိုးဝင်တာတွေ ပိုဖြစ်လွယ်နိုင်

    သံဓါတ်အားနည်းလို့မဖြစ်ဘူး၊သွေးအားနည်းလိမ့်မယ်ဆိုပြီး သံဓါတ်ကြွယ်ဝတာတွေစားကြတယ်။ အားဆေးတွေသောက်ကြတယ်။ အထူးသဖြင့်မိန်းကလေးတွေ သံဓါတ်ပိုလိုအပ်တယ်ဆိုပြီး အားဆေးတွေသောက်ကြပါတယ်။ ဒါပေမယ့် တန်ဆေးလွန်ဘေးပါပဲ။ သံဓါတ်နည်းလွန်းလည်းမကောင်းသလို များလွန်းရင်လည်း ဆိုးကျိုးတွေရှိနိုင်တာ သတိထားဖို့လိုပါတယ်။

    ကျန်းမာရေးပြဿနာအမျိုးမျိုးမှာ သံဓါတ်ရဲ့အခန်းကဏ္ဍကိုလေ့လာခဲ့တဲ့သုတေသနတစ်ခုကတော့ သံဓါတ်လွန်ကဲခြင်းက အရေပြားပိုးဝင်ခြင်းတွေဖြစ်နိုင်ခြေပိုများစေနိုင်တယ်လို့ဖော်ပြခဲ့ပါတယ်။

    သံဓါတ်ဟာ ခန္ဓါကိုယ်အတွက် မရှိမဖြစ်လိုအပ်တဲ့ သတ္တုဓါတ်တစ်မျိုးဖြစ်ပါတယ်။ လူ့ခန္ဓါကိုယ်ကဆဲလ်တိုင်းမှာ သံဓါတ်အနည်းငယ်ပါဝင်တာဖြစ်ပေမယ့် သံဓါတ် ၇၀ ရာခိုင်နှုန်းကတော့သွေးနီဥဆဲလ်တွေမှာ ပါဝင်တာဖြစ်ပါတယ်။

    သံဓါတ်ကဟေမိုဂလိုဘင်ထုတ်လုပ်တဲ့နေရာမှာ အရေးပါတဲ့လုပ်ဆောင်ချက်ရှိပြီး အဆုတ်ထဲကနေ ကျန်တဲ့အစိတ်အပိုင်းတွေဆီအောက်ဆီဂျင်သယ်ဆောင်လာပေးတဲ့complex protein တစ်မျိုးလည်းဖြစ်ပါတယ်။ သံဓါတ်ချို့တဲ့ပြီးသွေးအားနည်းတာကို သေချာမကုသရင် နှလုံးရောဂါ၊ အသည်းရောဂါ၊ ဆီးချိုရောဂါ၊ ကိုယ်ဝန်ဆောင်ချိန်ပြဿနာ၊ ကလေးကြီးထွားဖွံ့ဖြိုးမှုနှေးတာတွေဖြစ်လာနိုင်ပါတယ်။

    UK Biobank မှာရှိတဲ့ လူဦးရေ ၅၀၀၀၀၀ ခန့်ရဲ့မျိုးဗီဇနဲ့ ကုသရေးအချက်အလက်တွေကို သုံးပြီး ရောဂါဖြစ်ပွားမှုတွေထဲ သံဓါတ်ရဲ့အခန်းကဏ္ဍကို သုတေသနလေ့လာခဲ့ကြတာပါ။

    ဒီလိုလေ့လာတဲ့အခါ ကောင်းတဲ့ဘက်နဲ့ ဆိုးကျိုးပေးတဲ့ဘက် နှစ်မျိုးတွေ့ရှိခဲ့ရပါတယ်။ သံဓါတ်လွန်ကဲခြင်းတာက ကိုလက်စထရောမမြင့်အောင်ကာကွယ်ပေးနိုင်တာကို ဆက်နွှယ်မှုတွေ့ရှိခဲ့တယ်။ ကိုလက်စထရောများတဲ့အခါ နှလုံးသွေးကြောကျဉ်းရောဂါနဲ့လေဖြတ်ခြင်းအန္တရာယ်ပိုများနိုင်တာဖြစ်ပါတယ်။

    ဆိုးကျိုးကတော့ –

    တစ်ဘက်မှာလည်း သံဓါတ်လွန်ကဲရင် အသည်းရောဂါ၊ နှလုံးရောဂါနဲ့ ဆီးချိုရောဂါတွေဖြစ်လာနိုင်တယ်ဆိုတဲ့ ဆိုးကျိုးသက်ရောက်မှုတွေကိုလေ့လာတွေ့ရှိခဲ့ပါတယ်။ သံဓါတ်လွန်ကဲခြင်းက အရေပြားပိုးဝင်ခြင်းတွေလည်း ဖြစ်နိုင်ခြေပိုများနိုင်ပါတယ်လို့ ထပ်တွေ့ရှိခဲ့ပါတယ်။

    ဒီလေ့လာမှုမှာ သံဓါတ်ကရောဂါတချို့နဲ့ဆက်နွှယ်နေတယ်ဆိုတဲ့အထောက်အထားတွေ ကိုတွေ့ရှိခဲ့တယ်။နောက်တစ်ဆင့်ကတော့ သံဓါတ်ပမာဏကိုတိုက်ရိုက်ထိန်းညှိပေးပြီး ကျန်းမာရေးပြဿနာတွေကို တိုးတက်ကောင်းမွန်စေနိုင်မလားဆိုတာ လက်တွေ့စမ်းသပ်မှုတွေ ကတဆင့်လေ့လာဆန်းစစ်ဖို့ဖြစ်ပါတယ်။

    ဒီသုတေသနကိုPLOS Medicineဂျာနယ်မှာဖော်ပြခဲ့တာဖြစ်ပါတယ်။

    Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့်ကုသမှုများမပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: