လိင်ဆက်ဆံနေစဉ် နဲ့ ဆက်ဆံပြီးချိန်မှာ အမြဲလိုလိုနာကျင်တာက ခန္ဓာကိုယ်က တစ်ခုခု မှားယွင်းနေတာကို ပြသနေတာပါ။ ဒါကြောင့် အမှုမဲ့ အမှတ်မဲ့ မနေပါနဲ့။ ဒီလို နာကျင်မှုဖြစ်လာရင် ဆရာဝန်နဲ့ ပြသကြည့်ဖို့ အကြံပြုပါရစေ။ ဒီလို နာကျင်မှုကို အမျိုးသားရော အမျိုးသမီးပါ ခံစားရနိုင်ပါတယ်။
၄. အမျိုးသမီးတိုင်း ပထမဆုံးအကြိမ် အတူနေစဉ်မှာ သွေးထွက်ကြသလား
ဒါက အမျိုးသမီးတိုင်းမှာ မမှန်ပါဘူး။ ပထမဆုံးအကြိမ် အတူနေစဉ်မှာ သွေးထွက်တဲ့ အမျိုးသမီးတွေ ရှိသလို အချို့တွေကတော့ သွေးမထွက်ပါဘူး။
အမျိုးသမီးတွေဟာ ပထမဆုံးအကြိမ် အတူနေစဉ်မှာ အပျိုစင်အမြှေးပါး ပေါက်သွားတာကြောင့် သွေးထွက်တာမျိုး ဖြစ်တတ်တာပါ။ အပျိုစင်မြှေးဆိုတာက သားအိမ်ခေါင်းကို ဖုံးထားတဲ့ အရေပြားအလွှာ ပါးပါးလေးပါ။ ဒါကြောင့် ပထမဆုံး အတူနေချိန်မှာ ဒီအမြှေးပါး ပေါက်ပြဲသွားပြီး သွေးထွက်တာပါ။
ပထမဆုံးအကြိမ် အတူနေချိန်မှာ အပျိုစင်မြှေး ပေါက်ပြဲမှ အပျိုစစ်တယ်လို့တော့ မဆိုလိုပါဘူး။ အတူနေတာကြောင့် မဟုတ်ဘဲ။ မြင်းစီးတာ၊ အခြား အားကစားလေ့ကျင့်မှုတွေ လုပ်တာ၊ tampons အသုံးပြုတာ၊ တစ်ကိုယ်ရေ အာသာဖြေတာ၊ စက်ဘီးစီးတာတွေကြောင့်လည်း အပျိုစင်မြှေး ပေါက်ပြဲနိုင်ပါတယ်။
၅. ကွန်ဒုံးက HIV ကူးစက်မှုကို အမြဲ ကာကွယ်ပေးနိုင်သလား
ကွန်ဒုံးကို နည်းစနစ် မှန်မှန် အသုံးပြုမယ်ဆိုရင်တော့ HIV ကိုရော လိင်ဆက်ဆံရာကတဆင့် ကူးစက်တဲ့ ရောဂါတွေကိုပါ ကာကွယ်ပေးနိုင်ပါတယ်။ ဒါပေမယ့် ဆိုဒ်မှန်မှန် နဲ့ နည်းလမ်းမှန်မှန် အသုံးပြုဖို့တော့ လိုပါမယ်။ နောက်တစ်ချက်ကတော့ ဆက်ဆံမှု တစ်ခုချင်းစီအတွက် ကွန်ဒုံးအသစ်ကို အသုံးပြုရမှာ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။