home

What are your concerns?

close
Inaccurate
Hard to understand
Other

သို့မဟုတ် လင့်ခ်ကူးယူမည်

စိတ်ချရတယ်ဆိုပြီး မီးနီဖြတ်မလို့လား။ ခဏလေး နေပါဦး

စိတ်ချရတယ်ဆိုပြီး မီးနီဖြတ်မလို့လား။ ခဏလေး နေပါဦး

ရာသီလာနေတုန်း လိင်ဆက်ဆံရင် ကိုယ်ဝန်မရဘူးတဲ့။ ကျိန်းသေပြီလား။ ဒီစကားကို ယုံစားမိလို့ ဒုက္ခရောက်ခဲ့ကြသူတွေ ရေတွက်လို့မှ မကုန်နိုင်။ ဘာကြောင့်လဲဆိုတော့ မီးနီဖြတ်ရင် ကိုယ်ဝန်ရနိုင်ခြေ နည်းတယ်ဆိုပေမဲ့ လုံးဝမရနိုင်တာမျိုးတော့ မဟုတ်ဘူးလေ။ ဒါဖြင့် မီးနီဖြတ်လိုက်ရင် ကိုယ်ဝန်ရနိုင်ခြေ ဘယ်လောက်များသတဲ့လဲ။

ယေဘုယျအားဖြင့် အမျိုးသမီးတစ်ယောက်ရဲ့ ကိုယ်ဝန်ရနိုင်ခြေဟာ မမျိုးဥကြွေချိန် စက်ဝန်းပေါ်မူတည်ပါတယ်။ များသောအားဖြင့် အမျိုးသမီးတွေရဲ့ ဓမ္မတာစက်ဝန်းဟာ ၂၉ရက် ရှိတတ်ပြီး ရက် ၂၀ ကနေ ၄၀ ထိလည်း ရှိတတ်ပါတယ်။ ဒီထက်ကြာတာတောင် ရှိပါသေးတယ်။

ယေဘုယျအားဖြင့်တော့ ရာသီလာပြီး တစ်ပတ်ဆိုရင် မမျိုးဥကြွေတတ်ပါတယ်။ကျန်းမာသန်စွမ်းတဲ့ သုက်ပိုးဟာ အမျိုးသမီးတွေရဲ့ ခန္ဓာကိုယ်ထဲမှာ ၇၂ နာရီ နေနိုင်တာမို့ ဒီသုက်ပိုးဟာ မမျိုးဥကြွေတာနဲ့ တွေ့သွားလိုက်မယ်ဆိုရင် ကိုယ်ဝန်ရဖို့ ရာနှုန်းတစ်ခု ရှိသွားပါပြီ။ ဒါကြောင့် ရာသီပြီးခါနီးလေ ကိုယ်ဝန်ရနိုင်ခြေ ပိုပိုများလာလေပါပဲ။

နောက်တစ်ခါ တချို့ အမျိုးသမီးတွေက မမျိုးဥကြွေချိန်မှာလည်း သွေးနည်းနည်းဆင်းတတ်ပါတယ်။ ဒီအချိန်မှာ ပျော်ပျော်ကြီး မီးနီဖြတ်မယ်ဟေ့ ဆိုရင်လည်း အနှီးလေး ပြင်ထားဖို့တော့ မမေ့နဲ့ပေါ့။

ဆိုတော့ကာ သွေးစဆင်းပြီး တစ်ရက်ကနေ နောက်နှစ်ရက်လောက်အတွင်း လိင်ဆက်ဆံမိရင် ကိုယ်ဝန်ရနိုင်ခြေဟာ မရှိဘူးဆိုပေမဲ့ စိတ်ချလို့ မရတဲ့ အနေအထားပါ။ နောက်ရောက်လေလေ ကိုယ်ဝန်ရနိုင်ခြေ ပိုများလေလေပါပဲ။ ရာသီစလာပြီး (၁၃) ရက်လောက် ကြာပြီဆိုရင်တော့ ကိုယ်ဝန်ရနိုင်ခြေက 9% လောက် ဖြစ်နေပါပြီ။ ၉% ဆိုတာ ကြည့်တော့သာ နည်းနေသလိုလိုနဲ့ တကယ်တမ်းကျတော့ အဲဒီ ၉% ဟာ ကိုယ့်ဆီမှာမှ လာပြီး အသက်ဝင်တာမျိုးလည်း ဖြစ်သွားနိုင်တယ်မဟုတ်လား။

နေ့ရက်တိုင်းဟာ စိတ်မချရပါဘူး။ ဒီလို ဆေးပညာတွေ ခေတ်ရှေ့ပြေးနေတဲ့ ကာလကြီးမှာ သားဆက်ခြားနည်းပေါင်းစုံ ရှိပါတယ်။ သုံးပါ။ နောက်ဆုံး ဘေးထွက်ဆိုးကျိုးတွေ ဖြစ်မှာစိုးလို့ ဟော်မုန်းဆေးတွေ မသောက်ချင်ဘူး၊ မထိုးချင်ဘူး၊ ဟော်မုန်းကပ်ခွာတွေ မသုံးချင်ဘူး၊ IUD မထည့်ချင်ဘူးဆိုရင် အလွယ်ဆုံးနဲ့ အန္တရာယ်အကင်းဆုံးနည်းဖြစ်တဲ့ ကွန်ဒုံးသုံးပါ။

ဘယ်အရာမဆို ကာကွယ်ခြင်းက ကုသခြင်းထက် ကောင်းပါတယ်။ အချိန်လွန်မှ ခြေမကိုင်မိ၊ လက်မကိုင်မိဖြစ်ပြီး အသက် (၁) ချောင်းကနေ (၂) ချောင်းဆုံးရှုံးရမယ့် လုပ်ရပ်တွေ မလုပ်မိသေးခင်၊ ဘာမှ အဆင်သင့်မဖြစ်သေးတဲ့ ဘဝထဲ နောက်ထပ် အသက်တစ်ချောင်းကို ခေါ်ပြီး ဒုက္ခမပေးမိသေးခင်၊ စိတ်ဒဏ်ရာတွေ မပေးမိသေးခင် ကာကွယ်ထားတာ အကောင်းဆုံးနည်းလမ်းပါပဲ။

Wathun Myat Chal

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Dr. Thiha Phyo Myint မှ ရေးသားသည်။ 4 ပတ် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။