ကိုယ်ဝန်ဆောင် ချိန်မှာ ဘာတွေစားကြမလဲ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

ဗိုက်ထဲက ကလေးလေး ကောင်းမွန်စွာ ဖွံ့ဖြိုးကြီးထွားလာဖို့ နဲ့ မိခင်ကျန်းမာဖို့ အတွက် ကိုယ်ဝန်ဆောင် ချိန်မှာ မှန်ကန်လုံလောက်တဲ့ အစာအာဟာရ ရရှိဖို့က အရမ်းအရေးကြီးပါတယ်။ ဒါ့အပြင် မိခင်စားသောက်တဲ့ အစာအာဟာရဟာ ဗိုက်ထဲက ကလေးငယ်လေးအတွက် ရရှိနိုင်တဲ့ တစ်ခုတည်းသော အာဟာရဓာတ်ဖြစ်ပါတယ်။ ဒါ့ကြောင့် ကိုယ်ဝန်ဆောင် မိခင်အနေနဲ့ ကလေးအတွက် လိုအပ်တဲ့ အာဟာရဓာတ်တွေရနိုင်မယ့် အစားအစာတွေကိုရွေးချယ်စားသုံးဖို့ လိုအပ်ပါတယ်။

ပထမဆုံးအနေနဲ့

() ပရိုတင်းဓါတ် နဲ့ သံဓါတ်

ပရိုတင်း ဓါတ်ဟာ ကလေးလေးရဲ့ ခန္ဓာကိုယ် အပြင် ဦးနှောက် ဖွံ့ဖြိုးမှုအတွက်လည်း အရေးကြီးပါတယ်။ ပရိုတင်းဓါတ် ရဖို့အတွက် အဓိကအနေနဲ့ အမဲသား၊ဝက်သား၊ကြက်သား၊ကြက်ဥ၊ ဆယ်လမွန်ငါး စတာတွေစား ပေးရပါမယ်။ အနီရောင်ရှိတဲ့ အသားစားပေးခြင်းအားဖြင့် ပရိုတင်းဓါတ်သာမက သံဓါတ်လည်းရစေတဲ့အတွက် ဗိုက်ထဲက ကလေးငယ်ဆီကို လုံလောက်တဲ့ သွေးနဲ့ အောက်စီဂျင်တွေကို ရစေနိုင်ပါတယ်။ ဒါ့အပြင် သံဓါတ်ဟာ ကလေးလေး ခန္ဓာကိုယ်ကြီးထွားဖို့အတွက်ရော၊ ဦးနှောက်ဖွံ့ဖြိုးစေနိုင်ဖို့ အတွက်ပါ အရေးပါတဲ့ အာဟာရဓါတ်တစ်မျိုး ဖြစ်ပါတယ်။ အနီရောင်ရှိတဲ့ အသားအပြင် အသည်း စတဲ့ ကလီစာတွေ၊ ဂေါ်ဖီပန်းစိမ်း၊ အစိမ်းရင့်ရောင်ရှိတဲ့ အရွက်တွေ၊ ပဲအမျိုးမျိုး စတဲ့ အစေ့အဆံတွေ စားရင်လည်း သံဓါတ်ရနိုင်ပါတယ်။

() ကယ်ဆီယမ်ဓာတ်

ကယ်စီယမ်ဓာတ်ဟာ မိခင်အတွက် ကိုယ်ဝန်ဆောင်ချိန်မှာ သွေးတိုးတဲ့ ပြသနာဖြစ်တာကို လျှော့ချပေးနိုင်တဲ့ အပြင် ဗိုက်ထဲမှာရှိတဲ့ ကလေးလေးရဲ့ သွားနဲ့ အရိုးတွေ ဖွံ့ဖြိုးလာဖို့ ကူညီပေးနိုင်ပါတယ်။ ကယ်စီယမ်ဓာတ်ရဖို့ ဆယ်လမွန်ငါး၊ ချိစ်၊ ဒိန်ချဉ်၊ ပဲ အမျိုးမျိုး၊ နို့ ၊ ဂေါ်ဖီထုပ်၊ တိုဖူး၊ ကြက်ဥ စတာတွေ စားပေးဖို့လိုအပ်ပါတယ်။

() ကစီဓာတ်

ဆန်၊ဂျုံ ၊ ကြက်ဥစတာတွေစားပေးခြင်းဖြင့် ကစီဓာတ်တွေ ရနိုင်ပါတယ်။ ကစီဓာတ်ကလည်း ကလေးလေး ကြီးထွားဖွံ့ဖြိုးဖို့အတွက် ကူညီပေးပါတယ်။

() folic acid

Folic acid ဟာ ကလေးလေးတွေရဲ့ ဦးနှောက်နဲ့ အာရုံကြောဆိုင်ရာ မွေးရာပါချို့တဲ့ ခြင်းတွေရဲ့ ဖြစ်နိုင်ချေကို လျှော့ချပေးနိုင်ပါတယ်။ ဒါ့ကြောင့် ကိုယ်ဝန်ဆောင်မိခင်တစ်ယောက်အနေနဲ့ folic acid ပါဝင်တဲ့ အစိမ်းရင့်ရောင် အသီးအရွက်တွေ၊ အစေ့အဆံတွေ၊ ကြက်ဥတွေ၊ အသည်းတွေ စတာတွေကို စားပေးဖို့ အကြံပေးချင်ပါတယ်။

အဓိကလိုအပ်တဲ့ အာဟာရဓာတ်တွေအပြင် ဗီတာမင် အမျိုးမျိုးနဲ့ ခုခံအားကောင်းစေတဲ့ antioxidant တွေ၊ အမျှင်ဓာတ်တွေ အများအပြား ပါဝင်တဲ့ သဘာ၀ သစ်သီးတွေ(ဥပမာ- ထောပတ်သီး၊ ငှက်ပျောသီး၊ ဘယ်ရီသီး၊ လိမ္မော်သီး) နဲ့ ဟင်းသီးဟင်းရွက်တွေ (ဥပမာ- မုန်လာဥနီ၊ ကန်စွန်းရွက်၊ ပန်းဂေါ်ဖီစိမ်း၊ခရမ်းချဉ်သီး ) စတာတွေ များများစားဖို့ လိုပါတယ်။ ရေဓာတ်ပြည့်ဝနေအောင် ရေများများသောက်ဖို့နဲ့ ကိုယ်ဝန်ဆောင်ဖြည့်စွက် ဗီတာမင်တွေကို ဆရာဝန်နဲ့ တိုင်ပင်ပြီး သောက်သုံးဖို့ကလည်း အရေးကြီးပါတယ်။

ဒါ့အပြင် ကိုယ်ဝန်ဆောင်ချိန်မှာ အရက်ပါဝင်တဲ့ ယမကာတွေ၊ အသားစိမ်း၊ငါးစိမ်းတွေ၊ သေချာမကျက်တဲ့ အစားအသောက်တွေ၊ တာရှည်ခံအောင်လုပ်ထားတဲ့ အစားအစာတွေ ကို ရှောင်ကြဉ်သင့်ပါတယ်။ caffeine ပါတဲ့ ကော်ဖီ၊ dark chocolate တွေ၊ အဆီအရမ်းများတဲ့ အစားအစာတွေ၊ အကင်တွေ ကို လည်း လျှော့ဖို့ အကြံပေးချင်ပါတယ်။

မိမိရဲ့ အစားအသောက်ဟာ ကလေးလေးအတွက် အာဟာရ ဖြစ်စေနိုင်လို ဘေးအန္တရာယ်လည်း ဖြစ်စေနိုင်တဲ့ အတွက် ကောင်းမွန်၊မှန်ကန်တဲ့ အစားအသောက်တွေကို မျှတအောင်စားပြီး ကျန်းမာတဲ့ ကလေးလေးအဖြစ် မွေးထုတ်နိုင်ကြပါစေ။

Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

ရေးသားသူ- Phoo Ngon

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

တစ်နေ့တာကို သက်လုံ ကောင်းကောင်း နဲ့လှုပ်ရှားနိုင်စေဖို့

သက်လုံ လို့ဆိုလိုက်ရင် အားကစားသမားတွေနဲ့ပဲ ဆိုင်တယ်လို့ ပြေးမြင်ကြပါတယ်။ သက်လုံကောင်းမှ နေ့စဉ်ဘဝမှာ လုပ်ငန်းဆောင်တာတွေကို အကောင်းဆုံးလုပ်နိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သွေးတိုးသမားတွေ စားပေးရမယ့် အထူးအစားအစာများ

သွေးတိုးသမားဆိုတာ ဟိုဟာမတည့် ဒီဟာမတည့်နဲ့ဆိုတော့ စားရေးသောက်တာမှာ အင်မတန်ခက်ခဲတယ်။ ဒီလို သွေးတိုးသမားတွေ စားပေးရမယ့် အထူးအစားအစာလေးတွေ ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကိုယ်ဝန်ဆောင်စောင့်ရှောက်မှု ဆိုတာ

ကိုယ်ဝန်ဆောင်ကျန်းမာရေးစောင့်ရှောက်မှု မှာ သာမန်ကိုယ်ဝန်ဆောင် တစ်ယောက်အနေနဲ့ ဒီလောက်လိုက်နာမယ်ဆိုရင် မိခင်ရော ကလေးပါ ကျန်းကျန်းမာမာနဲ့ မွေးဖွားနိုင်မှာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကိုယ်ဝန်ဆောင်ကာလ ဖေ‌ဖော်ဝါရီ 2, 2021 . 3 mins read

ကိုယ်ဝန်လအလိုက် ကြုံရနိုင်တဲ့ ကျန်းမာရေး ပြဿနာများ

ကိုယ်ဝန်လအလိုက် တွေ့ကြုံနိုင်တဲ့ ကျန်းမာရေး ပြဿနာဆိုတာ ရှိပြီးသားပါ။ ကိုယ်ဝန်ဆောင်တွေအနေနဲ့ ကိုယ့်ကျန်းမာရေးကို အမြဲဂရုစိုက်နေရပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကိုယ်ဝန်ဆောင်ကာလ ဇန်နဝါရီ 22, 2021 . 3 mins read

သင့်အတွက် ရွေးချယ်ထားသည်

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆီးချိုသမားတွေအတွက် အသင့်တော်ဆုံး ဟင်းချက်ဆီ ရွေးချယ်မယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 12, 2021 . 2 mins read
ဆီးချို နဲ့ အစားအသောက်ဆိုင်ရာ myths များစွာ

ဆီးချို နဲ့ အစားအသောက်ဆိုင်ရာ myths များစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 11, 2021 . 2 mins read
ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆီးချိုရှိသူတွေအတွက် ကျန်းမာတဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 10, 2021 . 2 mins read
မုယော ရဲ့ကျန်းမာရေး အာနိသင်

မုယော ရဲ့ကျန်းမာရေး အာနိသင်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 8, 2021 . 2 mins read