ထွက်မှာ သေချာပြီလား။
ကိုယ်ဝန်သက်တမ်း အပတ်၂၀မတိုင်ခင် ကိုယ်ဝန်ဆောင်စဉ် တခုခု လွဲချော်ခြင်း/ သန္ဓေသားကောင်းစွာ မကြီးထွားခြင်းတို့ကြောင့် အလိုလျောက်ကိုယ်ဝန်ကို ဆုံးရှုံးရခြင်းကို ခေါ်ပါတယ်။ ကိုယ်ဝန်ရှိမှန်းသြိပီးသူများမှာ ကိုယ်ဝန်ပျက်ကျနှုန်း ၁၀-၂၀%ရှိတယ်လို့ မှတ်တမ်းများရှိပါတယ်။
ကိုယ်ဝန်ပျက်ကျခြင်းဟာ အတော်အဖြစ်များပါတယ်။ အမျိုးသမီးတစ်ဦး တစ်လရာသီမထိန်ခင်၊ သူမကိုယ်တိုင် ကိုယ်ဝန်ရှိမှန်း မသိလိုက်ခင်မှာပဲ ၅၀%သော ကိုယ်ဝန်များဟာ ပျက်ကျတတ်ကြပါတယ်။ ကိုယ်ဝန်ဆောင်ချိန် အပတ်၂၀ကျော်လာလျှင်တော့ ဖြစ်နိုင်ခြေ နည်းသွားပါတယ်။ ရောဂါဖြစ်ပွားနိုင်တဲ့အချက်အလက်တွေကို လျှော့ချခြင်းအားဖြင့် စီမံနိုင်ပါတယ်။ အချက်အလက်များထပ်မံသိရှိဖို့အတွက် ဆရာဝန်နဲ့ တိုင်ပင်ဆွေးနွေးသင့်ပါတယ်။
ကိုယ်ဝန်ပျက်ကျခြင်းရဲ့ အဖြစ်အများဆုံးရောဂါလက္ခဏာတွေကတော့
အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာရောဂါလက္ခဏာတစ်ခုခုများရှိနေမလားဆိုပြီးစိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။
သင့်ဆီမှာအထက်ဖော်ပြပါ ရောဂါလက္ခဏာတွေထဲကတစ်ခုခုများရှိနေမယ်ဆိုရင် ဒါမှမဟုတ် မေးခွန်းတစ်ခုခုရှိနေမယ်ဆိုရင် ဆရာဝန်နဲ့ တိုင်ပင်ဆွေးနွေးပါ။ လူတိုင်းရဲ့ခန္ဓါကိုယ်တုံ့ပြန်မှုဟာမတူညီနိုင်ပါဘူး။ သင့်အခြေအနေအတွက် ဘာအကောင်းဆုံးလဲဆိုတာကိုသင့်ဆရာဝန်နဲ့ တိုင်ပင်တာကအကောင်းဆုံးပါပဲ။
ဗိုက်ထဲက ကလေးမှာ ပါလာတဲ့ မျိုးဗီဇဆိုင်ရာပြဿနာများက ကိုယ်ဝန်ပျက်ကျစေနိုင်ပါတယ်။ ဒီပြဿနာဟာ သင့်ကြောင့် ဖြစ်လေ့မရှိပါ။
သင့်သားအိမ်ခေါင်းမလုံခြင်းကြောင့်လည်း ဖြစ်နိုင်ပါတယ်။ သားအိမ်ခေါင်းက အားနည်းလွန်းပြီး ကိုယ်ဝန်ကို ထိန်းထားနိုင်စွမ်းမရှိတဲ့အခါ ကိုယ်ဝန်ပျက်ကျနိုင်ပါတယ်။ ဒီလိုကိုယ်ဝန်ပျက်ကျမှုမျိုးဟာ ဒုတိယသုံးလပတ်မှာ အဖြစ်များပါတယ်။ သားအိမ်ခေါင်းမလုံတဲ့ အချို့လက္ခဏာတွေကြောင့် သင်ဟာရုတ်တရက် ဖိအားကို ခံစားလာရပြီး ရေမွှာပေါက်ပြီး သိပ်မနာမကျင်ဘဲ ကလေးနဲ့အချင်းပါထွက်ကျလာပြီး ကိုယ်ဝန်ပျက်ကျနိုင်ပါတယ်။
ကိုယ်ဝန်ပျက်ကျစေတဲ့ အခြားအကြောင်းအရင်းများကတော့
ကိုယ်ဝန်ပျက်ကျခြင်းဖြစ်ပွားနိုင်ချေကိုမြင့်စေတဲ့အကြောင်းရင်းတွေ အများကြီးရှိပါတယ်။ ဥပမာအားဖြင့်
အထက်ပါဖြစ်ပွားနိုင်ချေများမရှိခြင်းကြောင့် သင့်မှာ ကိုယ်ဝန်ပျက်ကျခြင်းမဖြစ်ဘူးလို့ ပြောလို့မရနိုင်ပါဘူး။ ဒီအချက်လက်များဟာမှီငြမ်းကြည့်ရှုဖို့အတွက်ပဲဖြစ်ပါတယ်။ အသေးစိတ်သိရှိလိုပါက ဆရာဝန်နှင့် တိုင်ပင် ဆွေးနွေးဖို့ လိုအပ်ပါတယ်။
ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.
ကိုယ်ဝန်ပျက်ကျခြင်းကို အတည်ပြုဖို့ ဆရာဝန်က အောက်ပါစစ်ဆေးမှုများ ပြုလုပ်ပါမယ်။
သင့်မှာ ကိုယ်ဝန်ပျက်ကျလုနီးပါးဖြစ်တာကို သိလျှင် သွေးဆင်းတာ၊ နာတာမပျောက်မချင်း အနားယူရပါမယ်။ ကိုယ်လက်လှုပ်ရှားလေ့ကျင့်ခန်းနဲ့ လိင်ဆက်ဆံခြင်းကို ရှောင်ကြဉ်ရပါမယ်။ သို့မှသာ သင့်ကို သက်သောင့်သက်သာရှိစေမှာပါ။ ထို့ပြင် ခရီးသွားခြင်းကိုလည်းရှောင်သင့်ပါတယ်။ အထူးသဖြင့် ဆေးကုသမှု ချက်ခြင်းမရနိုင်တဲ့ နေရာများသို့သွားလာခြင်း။
သန္ဓေသား အသက်ရှင်မရှင်၊ ကိုယ်ဝန်တကယ်ရှိမရှိ၊ ကိုယ်ဝန်ပျက်ကျခြင်းကို ရှောင်လွှဲလို့ မရနိုင်တော့ဘူးလားဆိုတာတွေကို အာထရာဆောင်းရိုက်ကြည့်လျှင် သိနိုင်ပါတယ်။
သင်စဉ်းစားရွေးချယ်နိုင်တဲ့ နည်းလမ်းတွေကတော့ စောင့်ကြည့်ကုသခြင်း၊ ဆေးဖြင့်ကုသခြင်း၊ ခွဲစိတ်ခြင်းတို့ဖြစ်ပါတယ်။
သင့်မှာရောဂါပိုးဝင်တဲ့ လက္ခဏာမရှိလျှင် စောင့်ကြည့်တဲ့နည်းကို သုံးနိုင်ပါတယ်။ သဘာဝအတိုင်း ကိုယ်ဝန်ပျက်ကျမှုဖြစ်စေခြင်းကို ဆိုလိုတာဖြစ်ပါတယ်။ သူ့အလိုလို မထွက်ကျလာပါက ဆေးနဲ့ သို့မဟုတ် ခွဲစိတ်နည်းကို ရွေးရပါမယ်။
ကိုယ်ဝန်ပျက်ခြင်းကို မြန်မြန်ပြီးစေချင်လျှင် ဆေးသုံးဖို့ ဆရာဝန်နဲ့တိုင်ပင်ရပါမယ်။ ဆေးဝါးများက သင့်ခန္ဓါကိုယ်ထဲမှာ ကျန်ရှိနေတဲ့ ကိုယ်ဝန်တစ်သျှူးများနဲ့ အချင်းကို မြန်မြန်ထွက်လာအောင် ကူညီပေးပါလိမ့်မယ်။ မိန်းမကိုယ်ထဲသို့ ဆေးပြားထည့်ခြင်းဖြင့် ပိုမိုထိရောက်စေနိုင်တဲ့အပြင် ဆေးသောက်လျှင်ဖြစ်နိုင်တဲ့ ဘေးထွက်ဆိုးကျိုးများဖြစ်တဲ့ ပျို့အန်ခြင်း၊ ဝမ်းလျှောခြင်းတို့ မဖြစ်စေနိုင်တဲ့အတွက် ဆေးသောက်ခြင်းအစား ဒီနည်းကို အကြံပြုကြပါတယ်။
အခြားကုသမှုနည်းလမ်းတစ်ခုကတော့ အသေးစားခွဲစိတ်မှုတစ်ခုဖြစ်တဲ့ D&C သားအိမ်ခြစ်ခြင်း ဖြစ်ပါတယ်။ ဒီခွဲစိတ်မှုမှာ ဆရာဝန်က သင့်သားအိမ်ခေါင်းကို ချဲ့ပြီး သားအိမ်အထဲက တစ်သျှူးများကို ဖယ်ထုတ်ပါတယ်။ သင်ဟာ ကိုယ်ဝန်ပျက်ပြီး သွေးအလွန်ဆင်းနေလျှင်၊ ရောဂါပိုးဝင်တဲ့ လက္ခဏာများတွေ့ရလျှင် ခွဲစိတ်ကုသဖို့ လိုပါတယ်။
အောက်ဖော်ပြပါ လူနေမှုပုံစံများနဲ့ အိမ်သုံးကုထုံးများကသင့်အနေဖြင့် ကိုယ်ဝန်ပျက်ကျခြင်းကိုကုသတဲ့နေရာမှာနဲ့ လိုက်လျောညီထွေဖြစ်အောင်နေတဲ့နေရာတွေမှာအကူအညီပေးနိုင်ပါတယ်။
အကယ်၍သင့်မှာမေးခွန်းတွေရှိမယ်ဆိုရင် သင့်အတွက်သင့တော်တဲ့ အဖြေရှာဖွေနိုင်ဖို့ ဆရာဝန်နဲ့ ဆွေးနွေးတိုင်ပင်သင့်ပါတယ်။
Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ
ဤကိရိယာသည် အမျိုးသမီးများအတွက် ကိုယ်ဝန်မဆောင်ခင်က ရှိသည့် ကိုယ်အလေးချိန်ပေါ် မူတည်၍ ကိုယ်ဝန်ဆောင်ချိန်တွင် ကိုယ်အလေးချိန် မည်မျှရှိသင့်သည်ကို တွက်ချက်ပေးခြင်း ဖြစ်ပါသည်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
Pregnancy and Miscarriage.http://www.webmd.com/baby/guide/pregnancy-miscarriage. Accessed June 12, 2016.
Miscarriage.http://www.mayoclinic.org/diseases-conditions/pregnancy-loss-miscarriage/basics/definition/con-20033827. Accessed June 12, 2016.
