သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

null

အုပ်စု ဘီ စထရပ်ရောဂါပိုးကူးဆက်ခြင်း

    အုပ်စု ဘီ စထရပ်ရောဂါပိုးကူးဆက်ခြင်း

    Group B strep ဆိုတာ လူတွေရဲ့ အူလမ်းကြောင်းထဲမှာ သဘာဝအတိုင်းတွေ့ရတဲ့ ဘက်တီးရီးယားတစ်မျိုးဖြစ်ပါတယ်။ ကိုယ်ဝန်ဆောင်စဉ် သင့်အစာဟောင်းအိမ်မှာရှိတဲ့ Group B strep ဘက်တီးရီးယားတွေက သင့်ယောနိဆီရောက်တတ်ရှိပြီး၊ သင်ကလေးမွေးတဲ့အချိန်မှာ သင့်ကလေးဆီ ရောက်ရှိသွားတတ်ပါတယ်။

    ဒီဘက်တီးရီးယားအမျိုးအစား ကိုယ့်ဆီမှာရှိတာကို အမျိုးသမီးတော်တော်များများက သတိမထားမိတတ်ပါဘူး။

    Group B Strep ရှိမရှိဆိုတာ ဘယ်လိုသိမလဲ။

    Group B strep ဘက်တီးရီးယားတွေက အရွယ်ရောက်ပြီးသားလူတွေမှာ အန္တရာယ်မရှိတတ်ပါဘူး။ ဒါပေမယ့် ကလေးငယ်တွေမှာတော့ ( မွေးဖွားလာမှာရယ်၊ ပြင်းထန်တဲ့ ရောဂါပိုးကူးစက်မှု ) ဆိုးရွားတဲ့ ကျန်းမာရေးပြဿနာတွေ ကြုံတွေ့ရတတ်ပါတယ်။

    ဒါ့ကြောင့် Group B strep အတွက် စစ်ဆေးဖို့ လိုအပ်ပါတယ်။ မီးဖွားစဉ် ပိုးသတ်ဆေးတွေနဲ့ အချိန်မီကုသမှုက သင့်ကလေးရဲ့ Group B strep ရနိုင်တဲ့ အန္တရာယ်ကို တော်တော်လျှော့ချပေးပါတယ်။

    များသောအားဖြင့် ရက်သတ္တပတ် ၃၅ နဲ့ ၃၇ ကြားထဲ Group B strep ရှိမရှိ ယောနိကို စစ်ဆေးလေ့ရှိပါတယ်။ လေ့လာထားချက်အရ မီးမဖွားခင် ၅ ပတ်မှာ စစ်ဆေးတာက အတိကျဆုံး ရလဒ်ကို ပေးစွမ်းမှာပါ။

    စစ်ဆေးမှုမှာ သင့်ယောနိနဲ့ အစာဟောင်းအိမ်မှ နမူနာယူပါလိမ့်မယ်။ နမူနာမှာ Group B strep ရှိမရှိ စစ်ဆေးမှာပါ။ ရလဒ်ကို ၂၄နာရီမှ ၄၈နာရီအတွင်း ရပါလိမ့်မယ်။

    ဘာလို့ စောစောစစ်ဆေးသင့်တာလဲ။

    ဘက်တီးရီးယားတွေက ဝင်ပြီးထွက်လာနိုင်လို့ စစ်ဆေးမှုကို အရမ်းစောစော ပြုလုပ်လို့မရနိုင်ပါဘူး။ စောစောစစ်လို့ရတဲ့ ရလဒ်က သိပ်အားမကိုးရပါဘူး။ ဒါ့အပြင် မီးမဖွားခင် ပိုးသတ်ဆေးသောက်တာကလဲ ထူးမခြားနားပါ။

    သို့ပေမယ့် သင့်ဆီးလမ်းကြောင်းထဲကို Group B strep ကူးစက်ခဲ့ရင် ပိုးသတ်ဆေးကို ချက်ချင်းသောက်ဖို့ လိုအပ်ပါတယ်။ ဆေးကုသမှုပြီးရင် ဆီးစစ်ရပါမယ်။ တကယ်လို့ သင့်ဆီးမှာ Group B strep ပိုးတွေ့ပါက၊ သင့်ရဲ့ လိင်အင်္ဂါလမ်းကြောင်းမှာပါ တော်တော်များများ ရှိနေပြီလို့ ဆိုနိုင်ပါတယ်။

    ဒါကြောင့် ဆရာဝန်က သင်မီးဖွားတဲ့အခါ ပိုးသတ်ဆေးကို အကြောသွင်းဆေးမှတဆင့် အလိုအလျောက်ရရှိအောင် ပြုလုပ်ပေးပါလိမ့်မယ်။

    ့ သင့်ကလေးမှာ Group B strep ကူးစက်ခဲ့မယ်ဆို ဘာလုပ်မလဲ။

    တကယ်လို့ သင့်ကလေးရဲ့ ကနဦးအဆင့်မှာ ကူးစက်ခံရရင် အောက်ပါအရာတွေကို ခံစားရနိုင်ပါတယ်။

    – ပိုးကူးစက်မှု၊ အဆုတ်ရောင်ရောဂါ၊ ဦးနှောက်အမှေးပါးရောင်ရောဂါ။

    – အသက်ရှုခက်ခဲခြင်း။

    – ပုံမှန်မဟုတ်တဲ့ နှလုံးခုန်နှုန်း၊ သွေးပေါင်ချိန်။

    – အစာအိမ်၊ အူလမ်းကြောင်း၊ ကျောက်ကပ် ဆိုင်ရာ ပြဿနာများ။

    ကနဦးကူးစက်ခံရရင် ကလေးငယ်မှာ မွေးဖွားပြီး နာရီပိုင်းအတွင်း Group B strep ပေါ်လာတတ်ပြီး နောက်ပိုင်းကူးစက်မှုကြောင့်ဆိုရင်တော့ ပေါ်လာဖို့ ရက်သတ္တပတ်မှ လပိုင်းတွေအထိ ကြာနိုင်ပါတယ်။

    စောမွေးတဲ့ ကလေးတွေမှာ ကူးစက်နိုင်ချေများပါတယ်။ ကလေးတွေမှာ နောက်ပိုင်းကူးစက်မှုကြောင့် များသောအားဖြင့် ဦးနှောက်အမှေးရောင်ရောဂါ ဖြစ်နိုင်ပါတယ်။ သင့်စစ်ဆေးမှုမှာ ပိုးမရှိဘူးလို့ ပြောပေမယ့် သင့်မှာ အောက်ဖော်ပြထားတဲ့ လက္ခဏာတွေ တွေ့ရင်တော့ ကျန်းမာရေး အကူအညီ တောင်းခံသင့်ပါတယ်။

    – လေးလံထိုင်းမှိုင်းခြင်း

    – ငေးငိုင်ခြင်း

    – အစာစားချင်စိတ် လျော့နည်းခြင်း

    – အော့အန်ခြင်း

    – အဖျားတက်ခြင်း

    မီးဖွားစဉ် ပိုးသတ်ဆေးပေးတာက ဘယ်လို ဘေးထွက်ဆိုးကျိုးတွေ ရှိနိုင်လဲ။

    မီးဖွားစဉ် Group B strep ကို ထိန်းချုပ်ဖို့ ဆရာဝန်တွေက များသောအားဖြင့် ကလေးငယ်တွေအတွက် ဘေးကင်းတဲ့ ပန်နဆလင်ကို အသုံးများပါတယ်။ မီးဖွားစဉ် ပန်နဆလင်သုံးစွဲမှုခံယူတဲ့ ကိုယ်ဝန်ဆောင်တွေရဲ့ ၁၀% မှာ အဖုအပိန့်လိုမျိုး အသေးစား ဓါတ်မတည့်တာမျိုး ခံစားရတတ်ပါတယ်။

    ပန်နဆလင်ကြောင့် အသက်အန္တရာယ် ဆိုးရိမ်မှုက ၁၀၀၀၀၀ ပုံ ၁ ပုံ သာရှိပါတယ်။ တကယ်လို့ သင်က ပန်နဆလင်နဲ့ ဓါတ်မတည့်ပါက သင့်အပေါ် သက်ရောက်မှုရှိမယ့် တခြား ပိုးသတ်ဆေးတစ်မျိုးနဲ့ စမ်းသပ်ကုသပေးပါလိမ့်မယ်။

    Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

    health-tool-icon

    ကိုယ်ဝန်ဆောင်ချိန် ကိုယ်အလေးချိန်တွက်ချက်ခြင်း

    ဤကိရိယာသည် အမျိုးသမီးများအတွက် ကိုယ်ဝန်မဆောင်ခင်က ရှိသည့် ကိုယ်အလေးချိန်ပေါ် မူတည်၍ ကိုယ်ဝန်ဆောင်ချိန်တွင် ကိုယ်အလေးချိန် မည်မျှရှိသင့်သည်ကို တွက်ချက်ပေးခြင်း ဖြစ်ပါသည်။

    28

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Group B streptococcus screening. https://www.babycenter.com/0_group-b-streptococcus-screening_1647.bc Accessed April 11, 2017
    Group B Strep Infection: GBS http://americanpregnancy.org/pregnancy-complications/group-b-strep-infection/ Accessed April 11, 2017

    စာရေးသူ ဓာတ်ပုံbadge
    Wathun Myat Chal မှ ရေးသားသည်။ 13/05/2022 တွင် ပြန်လည်ပြင်ဆင်ခဲ့သည်။
    Dr. Kaung Thar မှ အချက်အလက် စစ်ဆေးထားပါသည်။