ကိုယ်ဝန်ဆောင်နေစဉ် ကိုယ်အလေးချိန် ထိန်းထားဖို့ ဖြစ်နိုင်သလား

    ကိုယ်ဝန်ဆောင်နေစဉ် ကိုယ်အလေးချိန် ထိန်းထားဖို့ ဖြစ်နိုင်သလား

    ကိုယ်ဝန်ဆောင်ချိန်ဆိုတာ အမျိုးသမီးတွေအတွက် ဘဝမှာ ကိုယ်အလေးချိန်တက်ခြင်းကိုလက်ခံကြတဲ့ တစ်ခုတည်းသောအချိန်ပဲ ဖြစ်ပါတယ်။ ဒါပေမယ့် အဲဒီလိုအတွေးမျိုးဟာမမှန်ကန်ပါဘူး။ ကိုယ်ဝန်ဆောင် ချိန်ဟာချိုသောအစားအစာ၊အချိုရည်၊အသင့် စားအစားအစာအစရှိသည်တို့ကိုစားသောက်ဖို့ အတွက် အခွင့်အရေးတစ်ခုလို့ ထင်နေရင်တော့ ပြန်လည် စဉ်းစားကြည့်စေချင်ပါတယ်။ အဲဒီအစားအသောက်တွေကပုံမှန်အချိန်မှာတစ်ယောက်တည်းစားသောက်နေတာ က သင့်ကျန်းမာရေးကိုအလွန်အကျွံ ဒုက္ခမပေးနိုင်ပေမယ့် သင် ကိုယ်ဝန်ရှိလာတဲ့အချိန်မှာ သင့်ကလေးအတွက်ပါ နှစ်ယောက်စာစားရတာ ဖြစ်တဲ့အတွက် အများကြီးပိုသတိထားရပါမယ်။

    သကြားတွေနဲ့ ကစီဓါတ်ပါတာတွေကိုရှောင်ကြဉ်ပါ။

    စစချင်းမှာ ဆရာဝန်တွေက ကိုယ်ဝန်ဆောင်မိခင်တွေကို နေ့စဉ်အစားအစာတွေထဲမှာသကြား(အချို) တွေနဲ့ ကစီဓါတ်ပါတာတွေရှောင်ကြဉ်ဖို့ အကြံပေးပါလိမ့်မယ်။ အချို(သကြားလုံး)၊ အသင့်စားအစားအစာများနှင့် ထမင်း(ဆန်) စတဲ့ သကြားနဲ့ ကစီဓါတ်ပါတဲ့ အစားအစာတွေဟာအင်ဆူလင်ဟော်မုန်းထုတ်လုပ်ခြင်းကိုသိသိသာသာများလာစေနိုင်ပါတယ်။ အင်ဆူလင် ဆိုတာခန္ဓါကိုယ်မှာအဆီတွေကိုအဓိကသိမ်းဆည်းပေးထားနိုင်တဲ့ ဟော်မုန်းပါ။ အင်ဆူလင်နည်းသွားမှသာသင့်ခန္ဓါကိုယ်ကအဆီတွေကိုဖယ်ရှားဖို့ အချိန်ပိုရပြီးကစီဓါတ်ကိုယ်စားအဆီတွေကိုလောင်ကျွမ်းစေမှာမို့ပါ။ အင်ဆူလင်ပမာဏနည်းသွားခြင်းဟာပိုနေတဲ့ ဆိုဒီယမ်(ဆားဓါတ်) တွေကိုဖယ်ပေးပြီးဆီးထဲပါသွားစေတဲ့အတွက် ကျောက်ကပ်အတွက်လည်းကောင်းမွန်စေပါတယ်။ အဲဒါကမလိုအပ်တဲ့ ရေတွေကိုဖယ်ရှားပေးပြီးခန္ဓါကိုယ်ဖောရောင်ခြင်းကိုလျှော့ချပေးနိုင်ပါတယ်။ ကစီဓါတ်ပါတာတွေကိုမစားခြင်းကသွေးထဲမှာအင်ဆူလင်ကိုနည်းစေပြီးသင့်ခန္ဓါကိုယ်ကို ကိုယ်ဝန်ဆောင်နေစဉ်အတွင်းဆာလောင်တာမျိုးမဖြစ်စေဘဲအလိုအလျောက် ကယ်လိုရီနည်းနည်းသာစားသုံးနိုင်ဖို့ ကူညီပေးပါလိမ့်မယ်။

    ပရိုတင်းဓါတ်

    ဒုတိယတစ်ခုအနေနဲ့ ကိုယ်ဝန်ဆောင်မိခင်တွေအနေနဲ့ နေ့စဉ်အစားအစာတွေထဲမှာပရိုတင်းဓါတ်ပိုမိုစားသုံးပေးဖို့ လိုအပ်ပါတယ်။ အဲလိုစားသုံးပေးခြင်းကကလေး ကြီးထွားဖွံ့ဖြိုးဖို့နဲ့ မွေးရာပါချို့ယွင်းချက်တွေမဖြစ်ဖို့ကာကွယ်ပေးတဲ့နေရာမှာအရေးပါပါတယ်။ နေ့စဉ်အစားအစာတွေထဲမှာပရိုတင်း(အသား)ဓါတ်ကြွယ်ဝသော အစားအစာ၊ ကျန်းမာရေးအတွက်ကောင်းတဲ့ အဆီဓါတ်၊ ကစီဓါတ်နည်းတဲ့ အသီးအရွက်တွေကိုထည့်သွင်းစားသုံးပေးခြင်းအားဖြင့် အကြံပြုထားတဲ့ ကစီဓါတ်ပမာဏတစ်ရက်လျှင်၂၀ မှ ၅၀ ဂရမ် အတွင်းရောက်အောင် စားသုံးနိုင်မှာဖြစ်ပါတယ်။

    ကျန်းမာရေးအတွက်ကောင်းတဲ့ ပရီုတင်းဓါတ်ကို

    • ပင်လယ်စာ
    • ကြက်ရင်ပုံသား၊တောင်ပံသား
    • နို့၊ ချိစ့်၊ ဒိန်ချဉ်
    • ပဲ
    • ဝက်ပေါင်အတွင်းသားနူးညံ့သောအသား
    • ပဲပုပ်
    • အဆီမပါသောအမဲသားစသည်တို့ ကိုစားသုံးခြင်းဖြင့်ရရှိနိုင်ပါတယ်။

    ဒါ့အပြင် သစ်သီးများနှင့် ဟင်းသီးဟင်းရွက်များလည်းနေ့စဉ်အစားအစာထဲမှာ ပါဝင်သင့်ပါတယ်။ အမျှင်၊ ဗီတာမင်၊ သတ္တုဓါတ် ကြွယ်ဝတဲ့ အစားအစာတွေကလည်းသင့်ခန္ဓါကိုယ်မှာသံဓါတ်ကိုလုံလုံလောက်လောက်အသုံးပြုနိုင်အောင် လုပ်ဆောင်ပေးပြီးသင့်ကလေးရဲ့ အသားတစ်ရှုးတွေတည်ဆောက်ဖို့ ကူညီပေးပါတယ်။ ကစီဓါတ်နည်းတဲ့ ဟင်းသီးဟင်းရွက်တွေကိုကိုယ်အလေးချိန်တက်စေမှာစိတ်ပူစရာမလိုဘဲ ကြိုက်သလောက်စားနိုင်ပါတယ်။ ကစီဓါတ်နည်းတဲ့ ဟင်းသီးဟင်းရွက်တွေကတော့-

    • ပန်းဂေါ်ဖီစိမ်း
    • ပန်းဂေါ်ဖီ
    • ဟင်းနုနွယ်ရွက်
    • ကိုက်လံ
    • ဂေါ်ဖီထုပ်
    • ဆလပ်ထုပ်
    • သခွားသီး
    • တရုတ်နံနံစတဲ့ ဟင်းသီးဟင်းရွက်တွေပဲ ဖြစ်ပါတယ်။

    နေ့စဉ် အစားအစာထဲမှာအဆီတွေကိုရှောင်ကြဉ်ရမှာမှန်ပေမယ့် ကျန်းမာရေးအတွက်ကောင်းသောမပြည့်ဝဆီ များကိုတော့ တချို့သောလိုအပ်တဲ့ ဗီတာမင်တွေစုပ်ယူနိုင်ဖို့နဲ့ အားအင်ရဖို့ အတွက်စားသုံးသင့်ပါတယ်။ ဘာကြောင့်လည်းဆိုတော့ ကိုယ်ဝန်ဆောင်နေစဉ်မှာ နေ့စဉ်အသုံးပြုရမယ့် ကယ်လိုရီရဲ့ ၃၀ရာခိုင်နှုန်းကိုအဆီတွေကနေရရှိတာကြောင့်ပါ။ မပြည့်ဝဆီပါဝင်တဲ့ အစားအစာတွေဟာသွေးထဲကအဆီကိုလက်စထရောကိုထိန်းထားပေးနိုင်ပြီးနှလုံးရောဂါဖြစ်နိုင်ချေကိုလည်းလျော့နည်းစေနိုင်ပါတယ်။ ဒီထက်ပိုပြီးကျန်းမာရေးအတွက်ကောင်းတဲ့ အဆီတွေကိုပြောရမယ်ဆိုရင်-

    အိုမီဂါ သရီးဖက်တီးအက်ဆစ်ကိုစားသုံးသင့်ပါတယ်။ အိုမီဂါသရီးဖက်တီးအက်ဆစ်ပါတဲ့ အစားအစာတွေကတော့ ဆယ်လမွန်ငါး၊ trout ရေချိုငါး၊ငါးမျက်ဆန်ကျယ်မျိုးငါးသလောက်၊ ကိုက်လံရွက်၊ ဟင်းနုနွယ်၊ သစ်ချသီးတို့ပဲဖြစ်ပါတယ်။

    မပြည့်ဝဆီ တွေကိုပိုစားသုံပါ။ အယ်လ်မွန်စေ့၊သီဟိုစေ့၊မြေပဲ၊ အစေ့အဆံတွေကထုတ်တဲ့ ထောပတ် နှင့် ထောပတ်သီးတွေကမပြည့်ဝဆီပါတဲ့ အကောင်းဆုံးအစားအစာတွေဖြစ်ပါတယ်။

    ကိုယ်ဝန်မယူခင်ကတည်းက မျှတတဲ့ အစားအစာတွေကိုနေ့စဉ်စားတယ်ဆိုရင်တော့ ကိုယ်ဝန်ဆောင်မှ နေ့စဉ်အစားအစာတွေကိုအများကြီးပြောင်းလဲစရာမလိုတော့ပါဘူး။ သင့်ရဲ့ နေ့စဉ်အစားအစာထဲမှာမမွေးသေးတဲ့ ဗိုက်ထဲကကလေးကောင်းကောင်းကြီးထွားလာနိုင်ဖို့ လုံလောက်တဲ့ အစာအာဟာရပါတယ်ဆိုတာသေချာအောင်လုပ်ဖို့ တော့ အရေးကြီးပါတယ်။ ကောင်းမွန်၊ကျန်းမာစေတဲ့ အစားအသောက် တွေကိုအစီအစဉ်ချစားသောက်ခြင်းကသင့်ကလေးကိုကျန်းမာရေးကောင်းအောင် ကူညီပေးရုံမက သင်ကိုယ်ဝန်ဆောင်နေစဉ်အချိန် အတွင်းမှာလည်းကိုယ်အလေးချိန် ထိန်းထားဖို့ကိုကူညီပေးနိုင်ပါတယ်။

    Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    10 ways to avoid gaining too much pregnancy weight. http://www.babycenter.com/0_10-ways-to-avoid-gaining-too-much-pregnancy-weight_10396224.bc. Accessed December 28, 2016.
    Overweight and pregnant: How to manage weight gain during pregnancy. http://www.babycenter.com/0_overweight-and-pregnant-how-to-manage-weight-gain-during-pre_1313887.bc. Accessed December 28, 2016.
    How to Safely Lose Weight During Pregnancy. http://www.healthline.com/health/pregnancy/how-to-lose-weight-safely#2.

     

    စာရေးသူ ဓာတ်ပုံ
    Khine Phoo Ngon မှ ရေးသားသည်။ 23/09/2022 တွင် ပြန်လည်ပြင်ဆင်ခဲ့သည်။
    Dr. K Zin Thwe မှ ကျွမ်းကျင်စွာ စစ်ဆေးထားပါသည်။