ကလေးမှာ အူအတက်ရောင်နေတာများလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 mins read
Share now

“ မေမေရေ ဗိုက်အောင့်တယ်” ဆိုတဲ့အသံလေး ကြားလိုက်ရရင် မေမေတို့မှာ ပျာယာခတ်ရတော့တာပဲ။ စိတ်လှုပ်ရှားလို့အောင့်တာ၊ အစာမကြေလို့အောင့်တာ၊လေထိုးလေအောင့်ဖြစ်တာ ဒါမှမဟုတ်ကျောင်းမသွားချင်လို့ဘေဘီတို့ဉာဏ်ဆင်တာလည်းဖြစ်နိုင်ပါတယ်။ အများအားဖြင့်တော့ အစာကြေဆေး၊လေဆေးလောက်နဲ့သက်သာတတ်ပေမယ့် တကယ်တမ်းအမြန်ကုသဖို့လိုတဲ့အခြေအနေသာဆို ဘယ်လိုလုပ်မလဲ။ အန္တရာယ်မရှိတဲ့ ဗိုက်အောင့်ခြင်းနဲ့ အူအတက်ရောင်တာလိုမျိုး ဗိုက်အောင့်တဲ့လက္ခဏာတွေကို ဘယ်လိုခွဲခြားမလဲ။

အကောင်းဆုံးက ကလေးရဲ့နာကျင်မှုအခြေအနေကို ဆန်းစစ်ပါ။ကလေးက ဗိုက်အောင့်တယ်တော့ပြောတယ်၊ဆော့နိုင်သေးတယ်၊ ရယ်နိုင်သေးတယ်၊ အစားစားနိုင်သေးတယ်ဆိုရင် သိပ်စိုးရိမ်ဖို့မလိုပါဘူး။ ကလေးကအောင့်တယ်ပြောတယ်၊ ပုံမှန်လုပ်နေကျတွေ ဘာမှမလုပ်နိုင်တော့ဘူးဆိုရင် ဆရာဝန်အမြန်ပြသင့်ပါတယ်။ အူအတက်ရောင်တာဖြစ်ခဲ့ရင်နောက်ကျလို့ အန္တရာယ်ရှိပါတယ်။ အမြန်ခွဲစိတ်ကုသဖို့လိုတဲ့ဝေဒနာဖြစ်ပါတယ်။

ကလေး ဗိုက်အောင့်တဲ့အခါ ဒီလက္ခဏာတွေဖြစ်လာရင် ဆရာဝန်အမြန်ပြပါ –

  • ချက်နားကနေ စပြီးအောင့်ရာက ဝမ်းဗိုက်ညာဘက်အောက်နားထိအောင့်လာတာမျိုး။ ဒီလက္ခဏာဆို အူအတက်ရောင်တာဖြစ်နိုင်လို့ အရေးပေါ်ကုသမှုခံယူသင့်တယ်။
  • အန်တဲ့အထဲ ဒါမှမဟုတ် ဝမ်းသွားတဲ့အထဲသွေးပါနေတာ။
  • အစိမ်းရောင်အရည်တွေအန်တာ။ သည်းခြေရည်ဖြစ်နိုင်တယ်။ အစာအိမ် သို့မဟုတ် အူမှာ ပိတ်ဆို့တာ၊ခေါက်တာကြောင့် ဒဏ်ဖြစ်တဲ့လက္ခဏာပါ။ အမြန်ကုသမှုခံယူသင့်ပါတယ်။
  • ဗိုက်က ပူဖောင်းနေတာ။ ပိတ်ဆို့မှု သို့မဟုတ် အူအတက်ရောင်ခြင်းလို တခြားပြဿနာတွေဖြစ်နေနိုင်တယ်။
  • ဗိုက်ကို ဖိလိုက်ရင် အထူးသဖြင့် ဖိပြီးပြန်လွှတ်လိုက်ရင် နာကျင်တာ။ အူအတက်ရောင်တာကြောင့် ဝမ်းတွင်းမြှေးကရောင်ရမ်းနေတာဖြစ်နိုင်ပါတယ်။
  • ဗိုက်အောင့်နေတဲ့ ကလေးကဘေးစောင်းပြီး ဒူးကွေးအိပ်နေတယ်ဆို အူအတက်ရောင်တာဖြစ်နိုင်ပါတယ်။
  • ဗိုက်အောင့်လို့ဆိုပြီး လမ်းလျှောက်ရင် ခါးလေးကိုင်းပြီးလျှောက်တယ် ဆိုရင်လည်း သတိထားပါ။
  • ချက်နားတဝိုက် ဒါမှမဟုတ် ဗိုက်ညာဘက်အောက်နားမှာ အဓိကအောင့်တာဖြစ်တယ်။ စစချင်းမှာ အောင့်ပြီးပြန်ပျောက်သွားမယ်၊နောက်မှ တဖြည်းဖြည်းဝေဒနာတိုးလာပြီး ပိုပြင်းထန်လာတတ်တယ်)
  • အဖျားနည်းနည်းရှိတတ်တယ်။
  • အစားသိပ်မစားတော့ဘူး။
  • မအီမသာဖြစ်ပြီး အန်တာ။
  • ဝမ်းပျက်တာ (နည်းနည်းလေးပဲ၊ အချွဲတွေပါတတ်တယ်)
  • ဗိုက်ဖောင်းလာတယ်။

အူအတက်ရောင်တယ်ဆိုတာ အူမကြီးအစနား ဝမ်းဗိုက်ညာဘက်အောက်နားမှာရှိတဲ့ အူအတက် (appendix)ရောင်ရမ်းခြင်းဖြစ်ပါတယ်။ စစချင်းမှာ ချက်နားက စအောင့်ပေမယ့် နာရီအနည်းငယ်ကြာတဲ့အခါ နာကျင်မှုက ဝမ်းဗိုက်ညာဘက်အောက်နားကိုရွေ့လာပါတယ်။ နာကျင်မှုစတင်လာပြီးနောက်ဖြစ်လာမယ့်လက္ခဏာတွေထဲမှာ အစားပျက်ခြင်း၊အဖျားငွေ့ငွေ့ရှိခြင်း၊ မအီမသာဖြစ်ခြင်း၊ပျို့အန်ခြင်းတို့ပါဝင်ပါတယ်။ ၂ နှစ်အောက် ကလေးတွေမှာဆို အဓိကလက္ခဏာတွေက ပျို့အန်ခြင်းနဲ့ ဗိုက်အောင့်ခွေခေါက်နေခြင်းပဲဖြစ်ပါတယ်။ ပိုကြီးတဲ့ကလေးတွေမှာတော့ ဝမ်းပျက်တာနဲ့ ဝမ်းချုပ်တာတွေဖြစ်နိုင်ပါတယ်။

ဒါပေမယ့် ကလေးတွေမှာဖြစ်တဲ့လက္ခဏာက အစာအိမ်နဲ့အူလမ်းကြောင်းရောင်ရမ်းခြင်း(gastroenteritis) ၊အစာအဆိပ်သင့်ခြင်းနဲ့ အသက်ရှူလမ်းကြောင်းရောဂါတွေနဲ့ ဆင်တူတတ်လို့ အူအတက်ရောင်တာ ဟုတ်မဟုတ် ခွဲခြားရခက်နိုင်ပါတယ်။

အသက် ၅ နှစ်ကနေ ၉ နှစ်အတွင်း ကလေးတွေမှာအဖြစ်များတဲ့gastroenteritis က အရေးပေါ်ကုသရတော့မလို ထင်ရပါတယ်။ ဗိုင်းရပ်စ်ကြောင့်ဖြစ်တဲ့ ဒီရောဂါက ချက်ချင်းကြီးဝေဒနာခံစားရတတ်ပေမယ့်မြန်မြန်ပဲသက်သာသွားလေ့ရှိပါတယ်။ အူအတက်လို ကြာနေမှာတော့မဟုတ်ပါဘူး။ ဒါပေမယ့် ဘာကြောင့်ပဲဖြစ်ဖြစ် ကလေးမှာ ဒီလိုလက္ခဏာတွေတွေ့ရတာနဲ့ အမြန်ဆုံးဆရာဝန်ပြဖို့ အရေးကြီးပါတယ်။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

၀မ်းဗိုက်အတွင်း ပြည်တည်နာဖြစ်ခြင်း

ဝမ်းဗိုက်အတွင်း ပြည်တည်နာဖြစ်ရာမှာ ဝမ်းဗိုက်အရှေ့မျက်နှာပြင်နားမှာ ဖြစ်ပေါ်နိုင်တာရှိသလို နောက်ကျောဘက်မှာကပ်ပြီး ဖြစ်တာလည်း ရှိပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အစာအိမ်အူလမ်းကြောင်းတွင် E Coli ရောဂါပိုးကူးစက်ခြင်း

E Coli ဟာ လူနဲ့ တိရစ္ဆာန်တွေရဲ့ အူလမ်းကြောင်းမှာ ရှင်သန်ပေါက်ပွားတတ်တဲ့ ဘက်တီးရီးယား ဖြစ်ပါတယ်။ E Coli မျိုးကွဲတချို့က အူလမ်းကြောင်းကို ဒုက္ခပေးပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သည်းခြေအိတ်ခွဲစိတ်ကုသပြီးချိန် ကြုံတွေ့နိုင်သည့်အရာများ

သည်းခြေအိတ်ဆိုတာ ဝမ်းဗိုက်ရဲ့ညာဘက်ခြမ်း အသည်းရဲ့အောက်ခြေမှာ အိတ်ပုံသဏ္ဌာန် တည်ရှိနေတဲ့ အင်္ဂါအစိတ်အပိုင်းဖြစ်ပါတယ်။ သည်းခြေရည်တွေကိုသိုလှောင်ထုတ်လွှတ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အူအတက်ခွဲစိတ်ကုသခြင်း

အူအတက်ခွဲစိတ်ကုသခြင်း (Appendectomy) ဆိုတာဟာ ရောင်ရမ်းလာတဲ့ အူအတက်ကို ခွဲစိတ်ဖယ်ရှားခြင်း ဖြစ်ပါတယ်။ အရေးပေါ် ခွဲစိတ်ကုသမှုတမျိုး ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

သင့်အတွက် ရွေးချယ်ထားသည်

ကော်လာဂျင်နဲ့ မေးခွန်းများစွာ

ကော်လာဂျင်နဲ့ မေးခွန်းများစွာ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 4, 2021 . 2 mins read
ကလေးကျန်းမာရေး အကြောင်း

ကလေးကျန်းမာရေး အကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 3, 2021 . 3 mins read
အစာအိမ်နဲ့ အူလမ်းကြောင်းက အစာတွေကို ဘယ်လိုခြေဖျက်ပေးနေသလဲ။

အစာအိမ်နဲ့ အူလမ်းကြောင်းက အစာတွေကို ဘယ်လိုခြေဖျက်ပေးနေသလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် နိုဝင်ဘာ 28, 2020 . 3 mins read
အစာအိမ်ထွက်ပေါက် (သို့မဟုတ်) အူသိမ်အ၀ ကျဉ်းမြောင်းခြင်း

အစာအိမ်ထွက်ပေါက် (သို့မဟုတ်) အူသိမ်အ၀ ကျဉ်းမြောင်းခြင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read