အဖြစ်များတဲ့ ဂျပန်ဦးနှောက်ရောင် ရောဂါကို ရင်ဆိုင်နိုင်ဖို့ကတော့ ကာကွယ်ဆေးထိုးတာပါပဲ။ ဒါကြောင့် အစိုးရရဲ့ ကာကွယ်ဆေးထိုး အစီအစဉ်မှာ ဂျပန်ဦးနှောက်ရောင် ကာကွယ်ဆေးကို ထည့်သွင်းထားတာပါ။
အစိုးရအစီအစဉ်နဲ့ မမီလိုက်ဘူးဆိုရင်လည်း ပြင်ပဆေးရုံတွေမှာ ဂျပန်ဦးနှောက်ရောင်ကာကွယ်ဆေးကို အလွယ်တကူ ဝယ်ထိုးလို့ရပါတယ်။ ဘယ်မှာပဲ ထိုးထိုး ကလေးကို ဂျပန်ဦးနှောက်ရောင်ကာကွယ်ဆေးထိုးဖြစ်ဖို့က အရေးကြီးပါတယ်။
ဂျပန်ဦးနှောက်ရောင်ကာကွယ်ဆေးဆိုတာ ပိုးကို အားပျော့အောင် လုပ်ပြီး တီထွင်ထားတဲ့ ကာကွယ်ဆေးဖြစ်ပါတယ်။ မြန်မာနိုင်ငံလိုမျိုး တစ်နှစ်ပတ်လုံးရောဂါဖြစ်နိုင်ခြေများတဲ့ နိုင်ငံမှာ ကလေးတိုင်း ထိုးထားသင့်တဲ့ ကာကွယ်ဆေးပါ။
ဒီဆေးကို အသက်၉လကစပြီး ထိုးထားလို့ရပါတယ်။ တစ်လုံးထိုးရင် ခုခံအားစရပြီဆိုပေမယ့် အဖြစ်များတဲ့ နိုင်ငံမှာ နေနေရတဲ့အတွက် စိတ်ချရအောင် ဆရာဝန်နဲ့ တိုင်ပင်ပြီး တစ်နှစ် ဒါမှမဟုတ် နှစ်နှစ်နေရင် ထပ်ဆောင်းကာကွယ်ဆေးထပ်ထိုးထားသင့်ပါတယ်။
ဂျပန်ဦးနှောက်ရောင် ရောဂါက ပြင်းထန်ပြီး အသက်အန္တရာယ်ရှိတာကြောင့် ဖြစ်မလာအောင် ကြိုတင်ကာကွယ်ထားတာ အသင့်တော်ဆုံးနည်းလမ်းပါပဲ။ အထူးသဖြင့် တစ်နှစ်ပတ်လုံးရောဂါဖြစ်နိုင်ပြီး အရှေ့တောင်အာရှနိုင်ငံထဲမှာ ပါဝင်နေတဲ့ မြန်မာနိုင်ငံအတွက်တော့ ကာကွယ်ဆေးထိုးထားဖို့ အကြုံပြုလိုပါတယ်။ ဂျပန်ဦးနှောက်ရောင်ကာကွယ်ဆေးအကြောင်းပိုမိုသိရှိလိုပါက ဆရာဝန်ထံသွားရောက်မေးမြန်းနိုင်ပါတယ်။
MAT-MM-2100007
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။