ရောဂါကင်းစင်ပြီး ကျန်းမာပျော်ရွှင်စွာ ရှင်သန်ပါစေ။

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဖေ‌ဖော်ဝါရီ 3, 2021 . 3 mins read
Share now

ဘေဘီလေးတွေက ဖူးပွင့်လာမယ့် ပန်းကလေးတွေဆိုရင် ဖေဖေမေမေတို့က ဥယျာဉ်မှူးတွေပါ။ ဥယျာဉ်မှူးတွေရဲ့ တာဝန်က ပန်းကလေးတွေ လှပစွာဖူးပွင့်နိုင်စေဖို့ဆိုရင် ဖေဖေမေမေတို့တာဝန်က ဘေဘီလေးတွေ ကောင်းမွန်စွာ ကြီးပြင်းလာစေဖို့ပေါ့။

ကောင်းမွန်စွာ ကြီးပြင်းလာစေဖို့ဆိုရာမှာ ဘေဘီလေးက ရောဂါကင်းဖို့ရော၊ စိတ်ပိုင်းဆိုင်ရာ ကြံ့ခိုင်ဖို့ရော၊ ရုပ်ပိုင်းဆိုင်ရာ ဖွံ့ဖြိုးသန်စွမ်းဖို့ပါ လိုပါမယ်။ ဒီလို အဖက်ဖက်က ပြည့်စုံဖို့ အာဟာရပြည့်ဝရေး၊ ကျန်းမာတဲ့ နေထိုင်မှုပုံစံ၊ ချစ်ခင်အလေးစိုက်မှု နဲ့ လုံလောက်တဲ့ ကာကွယ်ဆေးထိုးနှံမှုဆိုတဲ့ အချက်တွေအားလုံးကို သေချာ ဂရုတစိုက် လုပ်ဆောင်ဖို့လိုမှာပါ။

ကာကွယ်ဆေးထိုးဖို့ အရေးကြီးလို့လား။

ကာကွယ်ဆေးထိုးတာက တစ်ကမ္ဘာလုံး အတိုင်းအတာနဲ့ အရေးပါတဲ့ ကျန်းမာရေး စောင့်ရှောက်မှုပါ။ ကာကွယ်ဆေး ပြည့်ဝစွာ ထိုးနှံမှုက နှစ်စဉ် ကလေးငယ် သန်းပေါင်းများစွာကို ရောဂါတွေဘေးကနေ ကာကွယ်ပေးနေတာပါ။

ကာကွယ်ဆေးက ရောဂါတွေရဲ့ အန္တရာယ်ကနေ ကာကွယ်ပေးရာမှာ ထိရောက်စွာ အားဖြည့်ပေးပါတယ်။ ကလေးတွေကို ရောဂါကင်းစင်ပြီး ကျန်းမာသန်စွမ်းစွာ ကြီးပြင်းလာစေပါတယ်။ ကာကွယ်ဆေးထိုးထားတာက ကလေးကို ရောဂါပိုးတွေ ကူးစက်ခံစားရနိုင်တဲ့အန္တရာယ်ကို လျှော့ချလိုက်တာပါပဲ။

ကာကွယ်ဆေးက ရောဂါတွေကို ထိရောက်စွာ ကာကွယ်ထိန်းချုပ်ပေးတဲ့အရာပါ။ ကာကွယ်ဆေးကြောင့် နှစ်စဉ် တုပ်ကွေးဝက်သက်၊ မေးခိုင်ရောဂါပိုး၊ ဆုံဆို့နာ၊ ကြက်ညှာချောင်းဆိုးလိုမျိုး ရောဂါတွေကြောင့် ထိခိုက်ရမယ့် ကလေးငယ် အသက်ပေါင်း ၂ သန်းကနေ ၃သန်းအထိကို ကာကွယ်နိုင်နေတာပါ။ ဒီတော့ ကာကွယ်ဆေးထိုးဖို့ အရေးကြီးလား။ မကြီးဘူးလားဆိုတာ တွေးသာကြည့်ပေတော့။

ကာကွယ်ဆေးဆိုတာ ဘာလဲ။

ကာကွယ်ဆေးဆိုတာက သေဆုံးသွားပြီဖြစ်တဲ့ ဒါမှမဟုတ် အားပျော့သွားပြီဖြစ်တဲ့ ဘက်တီးရီးယား၊ ဗိုင်းရပ်စ် အနည်းငယ်ကို ဓာတ်ခွဲခန်းမှာ စမ်းသပ်ထားတဲ့ ပရိုတင်းနဲ့ ပေါင်းစပ်ပြီး ထိရောက်ဘေးကင်းအောင် ထုတ်ထားတဲ့အရာပါ။

ဒီဖော်စပ်မှုကို ခန္ဓာကိုယ်ထဲ ထည့်ပေးလိုက်တဲ့အခါ ကိုယ်ခံအားက တုံ့ပြန်ပေးပြီး ပြင်ပက ဝင်လာမယ့် အလားတူ ရောဂါပိုးတွေကိုလည်း အထိရောက်ဆုံး ကာကွယ်ပေးနိုင်စေဖို့ အသင့်ပြင်ထားပေးတဲ့အရာကို ကာကွယ်ဆေးလို့ ခေါ်တာပါ။ antibodiesလို့ ခေါ်တဲ့ ပဋိပစ္စည်း ထွက်လာအောင် လုပ်လိုက်တဲ့ သဘောပေါ့။

ကာကွယ်ဆေးက ရောဂါပိုးတွေ အန္တရာယ်ကနေ ကာကွယ်ပေးသလို ရောဂါဒဏ်ကို ဆိုးဆိုးရွားရွား မခံရစေဖို့ အားဖြည့်ပေးပါသေးတယ်။ နုနယ်တဲ့ကလေးတွေအတွက် မဖြစ်မနေ လိုအပ်မယ့်အရာပေါ့။

ဘေဘီလေးကို ကာကွယ်ဆေးထိုးပေးပါ။

ကာကွယ်ဆေးထိုးနှံတာက လွယ်ကူပြီး စရိတ်စကသက်သာသော ရောဂါကာကွယ်နည်းပါ။ ထိရောက်တဲ့ ကာကွယ်နည်းဆိုလည်း မမှားပါဘူး။

ကာကွယ်ဆေးတွေက ထိရောက်တဲ့ ကာကွယ်နည်းဖြစ်သလို သေချာစမ်းသပ်ထားတဲ့ ဆေးဝါးတွေပါ။ အမျိုးအစားအလိုက် ထိရောက်နိုင်စွမ်းတွေတော့ ကွာခြားနိုင်တာပေါ့။

ကာကွယ်ဆေးက ပြင်းထန်တဲ့ ရောဂါတွေရန်ကနေ ကာကွယ်ပေးတယ်။ ဝက်သက်၊ ကြက်ညှာချောင်းဆိုးလိုမျိုး ကူးစက်နိုင်တဲ့ရောဂါတွေ ကူးစက်မှုအန္တရာယ်ကနေ ကာကွယ်ပေးတယ်။ ပိုလီယိုရေကျောက်လိုမျိုးရောဂါတွေကို ကမ္ဘာ့နိုင်ငံ အတော်များများမှာ အမြစ်ဖြတ် သုတ်သင်ပေးခဲ့တယ်လေ။

ကလေးကိုကာကွယ်ဆေးထိုးနှံပေးတယ်ဆိုတာက ကာကွယ်ဆေးထိုးလိုက်တယ်ဆိုတာထက်ပိုတဲ့ အခုလို အဓိပ္ပါယ်တွေ သက်ရောက်နေတာပါ။ ကာကွယ်ဆေးထိုးတာက

  • ကလေးရဲ့ အသက်ကို ကယ်တင်တာပါ။

ကလေးကို ကောင်းမွန်စွာ ရှင်သန်ခွင့်ပေးလိုက်တာပေါ့။ ကာကွယ်ဆေးမထိုးနှံမိတာကြောင့် သေဆုံးရတဲ့ ကလေးငယ်တွေ၊ မသန်စွမ်းဖြစ်ရတဲ့ ကလေးငယ်တွေအများကြီးပါ။ ကာကွယ်ဆေးရဲ့ ကျေးဇူးကြောင့်ပဲ ကလေးတွေ ပိုလီယိုရောဂါ ကင်းစင်လာကြတာလေ။

  • ကာကွယ်ဆေးက ထိရောက်တယ်။

ကာကွယ်ဆေးဆိုတဲ့အရာက တတ်ကျွမ်းတဲ့ သုတေသီတွေ ကိုယ်တိုင် အထပ်ထပ် စမ်းသပ်စစ်ဆေးမှုတွေ လုပ်ထားတဲ့ ဆေးဝါးပါ။ ဒါကြောင့် ကာကွယ်ဆေးက အန္တရာယ်နည်းပြီး ထိရောက်မှု ရှိပါတယ်။

မပြင်းထန်တဲ့ ဘေးထွက်ဆိုးကျိုးတွေ၊ ဓာတ်မတည့်တာမျိုးတော့ ဖြစ်နိုင်တာပေါ့။ ဒါကလည်း ကလေးတိုင်းဖြစ်မယ်လို့ မဆိုလိုပါဘူး။ ဖြစ်ခဲပါတယ်။  ကာကွယ်ဆေးအမျိုးအစားပေါ်လည်း မူတည်ပါသေးတယ်။

  • ချစ်ရတဲ့ ရင်သွေးလေးကို ကာကွယ်စောင့်ရှောက်တာပါ။

ကာကွယ်ဆေး ထိုးပေးတာက ကလေးကို ကောင်းမွန်စွာ ရှင်သန်နိုင်ပါစေဆိုတဲ့ အဓိပ္ပါယ်ပါ။ ကလေးကို ကူးစက်နိုင်တဲ့ရောဂါတွေ၊ အသက်အန္တရာယ်ကို ထိခိုက်စေနိုင်တဲ့ ရောဂါတွေ ရန်ကနေ ကာကွယ်ပေးတာပါ။

  • ကာကွယ်ဆေးက မိသားစုတွေရဲ့ အချိန်နဲ့ ငွေကြေးအရင်းအနှီးကို ခြိုးခြံတာပါ။

ကာကွယ်ဆေးထိုးတာက ကလေးကို ရောဂါတွေ အန္တရာယ်ကနေ ကာကွယ်လိုက်တာဖြစ်တဲ့အတွက် ကလေးက နာမကျန်းဖြစ်တာ ကင်းလို့ မိသားစုရဲ့အချိန်တွေ၊ ငွေတွေ အလဟဿ မဖြစ်တော့ဘူးပေါ့။

  • ကာကွယ်ဆေးထိုးတာက အနာဂတ်မျိုးဆက်ကို ကာကွယ်ပေးတာပါ။

ကာကွယ်ဆေးက ပြင်းထန်တဲ့ရောဂါတွေ အန္တရာယ်ကနေ ကာကွယ်ပေးတာ ဖြစ်တာကြောင့် ကလေးကို ငယ်စဉ်ကတည်းက ကာကွယ်ဆေးထိုးပေးထားမယ်ဆိုရင် ရောဂါကင်းစင်ပြီး ကျန်းမာသန်စွမ်းတဲ့ အနာဂတ်မျိုးဆက်သစ်လေးတွေ အဖြစ် ကြီးပြင်းလာစေမှာပါ။

အချို့သော ကာကွယ်ဆေးတွေက တစ်ကြိမ်ထိုးရုံနဲ့ လုံလောက်ပေမယ့် အချို့ကာကွယ်ဆေးတွေကတော့ နှစ်အလိုက် ကာလအလိုက် ထပ်ဆောင်းကာကွယ်ဆေးတွေ ထိုးနှံဖို့တော့ လိုပါမယ်။

ဘေဘီလေးကို ထိုးနှံပေးသင့်တဲ့ ကာကွယ်ဆေးတွေက ဘာတွေဖြစ်မလဲ။

ဘေဘီလေးတွေကို ရောဂါကင်းပြီး ကျန်းမာသန်စွမ်းစွာ ကြီးပြင်းလာစေဖို့ မွေးစကနေစပြီး အသက် ၁၀ နှစ်အတွင်း

  • ဘီစီဂျီ (BCG) ပြင်းထန်တီဘီနဲ့ ဦးနှောက်အမြှးရောင်တီဘီ ကာကွယ်ဆေး
  • အသည်းရောင်အသားဝါ (ဘီ) ကာကွယ်ဆေး
  • ပိုလီယိုအစက်ချ
  • ရိုတာဗိုင်းရပ်စ်အစက်ချ
  • ပီစီဗီ (PCV) ပြင်းထန်အဆုတ်ရောင်ရောဂါ ကာကွယ်ဆေး
  • ငါးမျိုးစပ်ကာကွယ်ဆေး (ဆုံဆို့၊ ကြက်ညှာ၊ မေးခိုင်၊ အသည်းရောင်အသားဝါဘီနဲ့ ဦးနှောက်အမြှေးရောင်ကာကွယ်ဆေး)
  • ပိုလီယိုထိုးဆေး
  • ဝက်သက်-ဂျိုက်သိုးကာကွယ်ဆေး
  • ဂျပန်ဦးနှောက်ရောင်ကာကွယ်ဆေး
  • သားအိမ်ခေါင်းကင်ဆာကာကွယ်ဆေးစတဲ့ ကာကွယ်ဆေးတွေကို အသက်အရွယ်အလိုက် သေချာလေး ထိုးနှံပေးဖို့လိုပါမယ်။

ကျန်းမာသန်စွမ်းတဲ့ ဘေဘီလေးတွေအဖြစ် ကြီးပြင်းအရွယ်ရောက်လာစေဖို့ ကာကွယ်ဆေးတွေကို မပျက်မကွက်ထိုးနှံကြဖို့ တိုက်တွန်းလိုက်ပါရစေ။

MAT-MM-2000039

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဘေဘီလေးက ကြက်သွန်ဖြူ စားလို့ရလား

ဘေဘီလေးက ကြက်သွန်ဖြူ စားလို့ရလား ဆိုတာ သိချင်နေပြီလား မေမေ... သေချာအဖြေထွက်သွားအောင် ဆောင်းပါးလေးထဲမှာ တူတူဖတ်ရအောင်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကလေးငယ် ဇန်နဝါရီ 18, 2021 . 2 mins read

ကိုယ်ခံအားစနစ်ကို အားဖြည့်မယ့် ဇာတ်လိုက် (သို့မဟုတ်) ဖြည့်စွက်အာဟာရ

ကိုယ်ခံအားစနစ်ကို အားဖြည့်ပါ။ ဒါမှ မွေးကတည်းကတစ်ပါတည်းပါလာခဲ့တဲ့ သက်တော်စောင့်လေးက ရောဂါတွေ၊ ပိုးမွှားတွေ အန္တရာယ်ကနေ စွမ်းစွမ်းတမံ ကာကွယ်ပေးနေတဲ့အရာပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ရေယုန်ဗိုင်းရပ်စ် အမျိုးအစားများ

 ရေယုန်ဗိုင်းရပ်စ် က အမျိုးအစားတွေ အများကြီး ရှိပြီး လူမှာတော့ ၈မျိုး ကူးတတ်ပါတယ်။သာမန်အရည်ကြည်ဖုကနေ ကင်ဆာရောဂါအထိ ဖြစ်လာနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ကူးစက်ရောဂါများ, ရေယုန် ဇန်နဝါရီ 15, 2021 . 2 mins read

ဘေဘီလေးတွေမှာ သံဓာတ်လွန်ကဲနေပြီလား

သံဓာတ်ဆိုတာက ဘေဘီလေးတွေအတွက် မရှိမဖြစ် လိုအပ်တဲ့ သတ္တုဓာတ် တစ်မျိုးပါ။ ဘေဘီလေးတိုင်းအတွက် လိုအပ်တဲ့ အာဟာရတစ်မျိုးပေါ့။ ဒါပေမယ့် အလွန်အကျွံမဖြစ်ဖို့လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ကလေးငယ် ဇန်နဝါရီ 14, 2021 . 2 mins read

သင့်အတွက် ရွေးချယ်ထားသည်

sleep-benefits-health ပင်ပန်းလာရင် အိပ်

ပင်ပန်းလာရင် အိပ်သင့်ရဲ့လား အိပ်လိုက်လို့ ဘာအကျိုးရှိနိုင်မလဲ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် မတ် 1, 2021 . 2 mins read
မြန်မာနိုင်ငံမှာ အဖြစ်အများဆုံး ရောဂါ (၆) မျိုး ကနေ ကလေးတွေကိုဘယ်လိုကာကွယ်မလဲ။

မြန်မာနိုင်ငံမှာ အဖြစ်အများဆုံး ရောဂါ (၆) မျိုး ကနေ ကလေးတွေကိုဘယ်လိုကာကွယ်မလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 29, 2021 . 2 mins read
လမ်းလျှောက်တတ်စအရွယ် ကလေးတစ်ယောက် ဖွံ့ဖြိုးမှု

ကာကွယ်ဆေးနဲ့ ကာကွယ်လို့ရတဲ့ ရောဂါ (၁၀) မျိုး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 29, 2021 . 4 mins read
ဘေဘီလေးက ချင်း (ဂျင်း) စားလို့ဖြစ်ရဲ့လား

ဘေဘီလေးကို ချင်း (ဂျင်း) ကျွေးလို့ရရဲ့လား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 20, 2021 . 2 mins read