ကလေးအရေပြားမှာ အနီရောင်အဖုအပိမ့်တွေထွက်တာကခြင်ကိုက်တာကြောင့်ဖြစ်နိုင်သလို ပျားတုပ်တာကြောင့်လည်းဖြစ်နိုင်ပါတယ်။ ဒီလိုအရေပြားပြဿနာတွေကြောင့်လည်း အရေပြားမှာ ယားယံတာမျိုးတွေဖြစ်နိုင်ပါတယ်။ အစားအစာဓါတ်မတည့်တာ၊ ပိုးမွှားတွေကိုက်ခံရတဲ့အခါမျိုးမှာလည်း အရေပြားမှာ အနီရောင်အဖုအပိမ့်တွေထွက်နိုင်ပါတယ်။ နှင်းခူဖြစ်ချင်တဲ့အခါမျိုးမှာလည်း အရေပြားမှာ နီမြန်းယားယံတာမျိုးတွေဖြစ်နိုင်ပါတယ်။
အရေပြား အဖတ်လန်တာမျိုးဖြစ်နိုင်ပါတယ်
ကလေးငယ်ရဲ့ အသားအရေက အစိုဓါတ်ကို ထိန်းသိမ်းနိုင်စွမ်းနည်းတာကြောင့် အရေပြားခြောက်သွေ့ အဖတ်လန်တာမျိုးတွေခံစားရနိုင်ပါတယ်။ မိခင်ဝမ်းထဲကနေမွေးဖွားလာပြီး ၂ ရက် ကနေ ၃ ရက်အတွင်းမှာပြင်ပလေနဲ့ ထိတွေ့မှုကြောင့် ကလေးမှာအရေပြားအဖတ်လန်တာလေးတွေစတင်ဖြစ်လာနိုင်ပါတယ်။ ဒါကလည်း ပုံမှန်ဖြစ်လေ့ဖြစ်ထရှိတဲ့ အခြေအနေတစ်ရပ်ပါ။
အသားအရေခြောက်သွေ့နိုင်ပါတယ်
ကလေးအရေပြားကခြောက်သွေ့လွယ်ပါတယ်။ ဒီလိုခြောက်သွေ့တဲ့အခါ ကလေးအရေပြားမှာ အစိုဓါတ်ပြည့်ဝပြီး နူးညံ့ချောမွေ့စေဖို့အတွက် အုန်းဆီလိုမျိုး အစိုဓါတ်ထိန်းပေးနိုင်မယ့် အဆီတစ်မျိုးမျိုးလူးပေးလို့ရပါတယ်။ ကလေးအရေပြားမခြောက်သွေ့အောင်လုပ်လို့ရတဲ့နောက်ထပ်နည်းလမ်းတစ်ခုက ကလေးကိုရေခဏခဏချိုးပေးတာမျိုးမလုပ်ဖို့ပါ။ ကလေးကိုရေခဏခဏချိုးပေးတဲ့အခါ အရေပြားပေါ်က အစိုဓါတ်နဲ့ အာဟာရဓါတ်တွေဆုံးရှုံးစေနိုင်ပါတယ်။ရေချိုးပေးတဲ့အခါမှာလည်း ကလေးတွေအတွက် ထုတ်ထားတဲ့ ဆပ်ပြာကိုရွေးချယ်ပေးဖို့မမေ့ပါနဲ့။ ကလေးကငယ်သေးရင်ရေသန့်သန့်လေးနဲ့ ချိုးပေးရင်တောင်ရပါပြီ။
ကလေးအဝတ်တွေကိုလျှော်ဖွတ်တဲ့ ဆပ်ပြာမှုန့်တွေကိုဂရုစိုက်ရွေးချယ်ပါ
ကလေးအဝတ်တွေကိုလျှော်ဖွတ်ဖို့ ဆပ်ပြာမှုန့်ရွေးချယ်တဲ့အခါမျိုးမှာလည်း အရမ်းမပြင်းဘဲ၊ ဆိုးဆေးတွေ၊ အစွန်းချွတ်ဆေးတွေလိုမျိုး ဓါတုပစ္စည်းတွေမပါဝင်တာမျိုးကိုရွေးချယ်ဖို့လိုပါမယ်။ ကလေးတွေရဲ့ အရေပြားကနူးညံ့တာကြောင့် ဆပ်ပြာမှုန့်တွေအများကြီးသုံးပြီး အဝတ်အစားတွေကိုလျှော်တာမျိုးလည်းမလုပ်ပါနဲ့။ တကယ်လို့ ဆပ်ပြာမှုန့်ကြောင့် ကလေးအရေပြားမှာဓါတ်မတည့်တာမျိုးတွေဖြစ်လာမယ်ဆိုရင် ဆက်မသုံးဖို့လိုပါမယ်။
ကလေးအသားအရေထိန်းသိမ်းစောင့်ရှောက်နည်း
မွေးကင်းစကလေးငယ်တွေရဲ့ အသားအရေကအရမ်းကိုနူးညံ့ထိခိုက်လွယ်သလို ကိုယ်ခံအားစနစ်ကလည်း ထိခိုက်လွယ်ပါတယ်။ ဒါကြောင့်မေမေတွေအနေနဲ့ ကလေးအသားအရေကိုဘယ်လိုထိန်းသိမ်းစောင့်ရှောက်ရမလဲဆိုတာကို သိထားဖို့လိုပါမယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။