ကလေး က အရွယ်လေး နည်းနည်းရောက်လာလို့ သင့်ကို လိမ်ပြောနေပြီဆိုရင် စိတ်မညစ်ပါနဲ့။ ဒါဟာ သဘာဝပါပဲ။ ထမင်းမကုန်သေးဘဲ ရုပ်ရှင်ကြည့်ချင်လို့ ထမင်းတွေ သွန်လိုက်ပြီး ကုန်ပြီလို့ လိမ်တာမျိုး၊ အိမ်စာမပြီးသေးရင် ဂိမ်းမဆော့ရဘူးဆိုလို့ အိမ်စာမပါဘူးလို့ လိမ်တာမျိုးဟာ ဖြစ်လေ့ ဖြစ်ထရှိတဲ့ ကိစ္စတွေပါပဲ။ ကလေးသဘာဝပါပဲ။ ကြီးကြီးကျယ်ကျယ်ပြောရရင် ကလေးတွေရဲ့ ဖွံ့ဖြိုးမှု အစိတ်အပိုင်း တစ်ခုပါပဲ။ ဒါကို ငါအသုံးမကျလို့ ကလေးက လိမ်တတ်တာလို့ ကိုယ့်ကိုယ်ကို အပြစ်မတင်ပါနဲ့။ ကလေးကိုလည်း ရိုက်နှက်မနေပါနဲ့။ ဒါဟာ ဖြေရှင်းနည်း မဟုတ်ပါဘူး။ အဓိကက ကလေးဘာကြောင့် လိမ်တာလဲဆိုတာ အဖြေရှာရမှာပါ။
Hello Sayarwon မှ ထွက်မည်။
ထွက်မှာ သေချာပြီလား။
ကျန်းမာရေး ဆောင်းပါးများ
ကျန်းမာရေး ကဏ္ဍများ
ကျန်းမာပျော်ရွှင်သော လိင်မှုဘဝလမ်းညွှန်
အန္တရာယ်ကင်းစွာ လိင်ဆက်ဆံခြင်း/လိင်မှကူးစက်သောရောဂါများမှ ကာကွယ်ခြင်းChalamydia ပိုးဝင်ခြင်းဆစ်ဖလစ်ပိုးဝင်ခြင်း(ကာလသားရောဂါ)ဂနိုရောဂါ(ဆီးပူညောင်းကျ)လိင်အင်္ဂါကြွက်နို့များTrichomoniasis ရောဂါပိုးဝင်ခြင်းHIV နှင့် AIDS ရောဂါလိင်မှတစ်ဆင့်ကူးစက်သော အခြားရောဂါများသားဆက်ခြားခြင်းလိင်မှုဘဝသာယာပျော်ရွှင်ရေး လမ်းညွှန်ချက်များရေယုန်
ကူးစက်ရောဂါများ
ကိုရိုနာဗိုင်းရပ်စ်အသက်ရှူလမ်းကြောင်းဆိုင်ရာကူးစက်ရောဂါများအစားအသောက်မှကူးစက်သောရောဂါများတခြား ဘက်တီးရီးယား ကူးစက်ရောဂါများလေထဲမှတဆင့် ကူးစက်သော ရောဂါများဇီကာဗိုင်းရပ်စ်သွေးလွန်တုပ်ကွေးအင်းဆက်မှတဆင့် ကူးစက်သော ရောဂါများတခြား ဗိုင်းရပ်စ် ကူးစက်ရောဂါများဦးနှောက်အမြှေးရောင်ခြင်းရေယုန်တိုက်ဖွိုက် (အူရောင်ငန်းဖျား)
အစာအိမ်နှင့်အူလမ်းကြောင်း ကျန်းမာရေး
အစာအိမ်အနာဗိုက်ကယ်ခြင်း နှင့် လေပွခြင်းဝမ်းချုပ်ခြင်းဝမ်းပျက်ဝမ်းလျှောခြင်းအူရောင်ရောဂါများ (IBD)အူမကြီးရောဂါများ (IBS)ရင်ပူခြင်း၊ ရင်ခေါင်းအောင့်ခြင်းအစာအိမ်အက်ဆစ်ရည်ပြန်ဆန်တက်ခြင်းအစာအိမ်နှင့် အူလမ်းကြောင်းအနာအစာအိမ်ရောင်ခြင်းအခြားအစာအိမ်နှင့်အူလမ်းကြောင်းပြဿနာများဗိုင်းရပ်စ်ကြောင့် အထက်လန်အောက်လျှောခြင်းအူသိမ်တွင်ဘက်တီးရီးယားပိုးပေါက်ခြင်းသည်းခြေဆိုင်ရာရောဂါများလိပ်ခေါင်းရောဂါများအထက်လန်အောက်လျှောခြင်းအသည်းရောဂါများ
ကဏ္ဍအားလုံး ကြည့်ရှုမည်
ကျန််းမာရေး ကိရိယာများ
ကိုယ်လက်လှုပ်ရှားမှု
ကိုယ်ဝန်ဆောင်နှင့် ကလေးပြုစုစောင့်ရှောက်ခြင်း
ကျန်းမာရေး ကိရိယာ အားလုံးကို ကြည့်ရှုမည်
ကလေးတွေ ဘာကြောင့်လိမ်ကြတာလဲ။
ကလေးတွေ လိမ်ရတဲ့ အကြောင်းရင်း
- ဇာတ်လမ်းထွင်ပြောတာ
ကလေးငယ်လေးတွေ၊ ကျောင်းတက်စ အရွယ်တွေမှာ ပိုတွေ့ရပါတယ်။ ကလေးတွေက စိတ်ကူးစိတ်သန်းကောင်းတဲ့အတွက် သူတို့စိတ်ထဲမှာ ရှိတာတွေကို ဇာတ်လမ်းထွင်ပြောတတ်ပါတယ်။ အပြင်က သူနဲ့သိတဲ့သူတွေကို ဇာတ်ကောင်လုပ်ပြီးတော့ပေါ့။ တစ်ခါတစ်လေ သူဖြစ်ချင်တာတွေကို ဇာတ်လမ်းလုပ်ပြီး ပြောလေ့ရှိပါတယ်။ ဥပမာ မရှိသေးတဲ့ သူငယ်ချင်း အသစ်က သူ့ကို နှိပ်စက်တယ်ပေါ့။ သူ့စာအုပ်မှာ လျှောက်ခြစ်ထားပါတယ်ပေါ့။ သူက နှိပ်စက်ခံရတဲ့ စင်ဒရဲလားလေးပါပေါ့။ ဒါမျိုးလေးတွေ ပြောတတ်ပါတယ်။
ဒါပေမယ့် ကလေးက သူ့ကိုသူ လိမ်ပြောနေတယ်လို့ မထင်ပါဘူး။ သူဟာ ပုံပြင်ပြောနေတယ်လို့ပဲ ခံစားနေရတာပါ။ အမေကသာ ဒါကို လိမ်ပြောနေတယ်လို့ ထသိတာပါ။ ဒါက ကလေးကြီးလာလို့ အကျိုးအကြောင်းနားလည်လာရင် ပြီးသွားပါတယ်။ ဒီ့မတိုင်ခင်တော့ ကလေးက ဆိုးဆိုးဝါးဝါးတွေ မဖြစ်သေးရင် လွှတ်ထားလိုက်ပါ။ သူပြောတာကို အာရုံစိုက်ပြီး စိတ်ဝင်တစား နားထောင်ပါ။ ဒါဟာ သူ့စိတ်ထဲမှာ ခံစားနေရတာတွေကို သိနိုင်တဲ့ အခွင့်အရေး တစ်ခုပါပဲ။
- အပြစ်ဒဏ်မခံချင်တာ
အရိုက်မခံချင်တာပေါ့။ တစ်ခါတစ်လေ အမေက အပြင်ထွက်မဆော့ဖို့ ပြောလိုက်ပေမယ့် ကိုယ်က ဆော့မိသွားပြီ။ အမေရိုက်တာလည်း မခံချင်ဘူးဆိုရင် မဆော့ဘူးလို့ပဲ လိမ်လိုက်တာပေါ့။ အမေသာ မသိရင် ဘာပြဿနာမရှိဘူး။ ငါလည်း အရိုက်မခံရဘူးဆိုတဲ့ ရည်ရွယ်ချက်နဲ့ပေါ့။
- မျက်နှာလိုချင်လို့
ငါ့သမီးလေးက တော်လိုက်တာ၊ ငါ့သားလေးက လိမ္မာလိုက်တာလို့ အမြဲတမ်း ချီးကျူးခံနေရတော့ ဒီကိစ္စနဲ့ မျက်နှာမပျက်ချင်ဘူး။ အမေ့ကို စိတ်မပျက်စေချင်ဘူး။ အထူးသဖြင့် အမျိုးတွေရှေ့မှာ၊ သူငယ်ချင်းတွေ ရှေ့မှာပေါ့။ ဆယ်ကျော်သက်အရွယ်တွေမှာ ပိုတွေ့ရပါတယ်။ လေ့လာချက်တွေအရ ကိုယ့်ကိုယ်ကို ယုံကြည်မှုနည်းတဲ့ကလေးတွေ၊ မိဘအချစ်လျော့မှာ ကြောက်တဲ့ကလေးတွေမှာ ဒါမျိုး အဖြစ်များပါတယ်။
- သူတို့မပြောချင်တဲ့ အကြောင်းအရာတွေ ဖြစ်နေတာ
သင်နဲ့ ဆွေးနွေးရမယ့် အကြောင်းအရာတွေက သူ့ကို စိတ်ဖိစီးစေတယ်၊ စိတ်မသက်မသာ ဖြစ်စေတယ်ဆိုရင် သူတို့က ပွင့်ပွင့်လင်းလင်း ပြောမှာ မဟုတ်ပါဘူး။ အဲ့ဒီအစား သူတို့က သင့်ကို လိမ်လည်လှည့်ဖြားဖို့ စဉ်းစားတော့မှာပါ။ သူတို့ လိမ်နေတာကို အပြစ်တင်မယ့်အစား ဘာအကြောင်းအရာကို လိမ်နေတာလဲ။ သူဘာကို ဖုံးကွယ်ထားချင်တာလဲဆိုတာ သိအောင်ကြိုးစားပါ။
- ထကြွလွယ်တာ
ADHD ရောဂါစုနဲ့ လိမ်လည်တာ ဆက်စပ်တဲ့အကြောင်းတွေကို လေ့လာထားတဲ့ အချက်တွေ အများကြီး ရှိပါတယ်။ ဒီထဲမှာ ကလေးက ADHD ရှိနေတာ သေချာရင် ဒါမှမဟုတ် ကလေးက တစ်ခုခုကို ဂျီကျလွယ်၊ သောင်းကျန်းလွယ်တဲ့ အကျင့်ရှိတယ်ဆိုရင် လိမ်ဖို့များပါတယ်တဲ့။ အကြောင်းက သူတို့ရဲ့ ဒီအမူအကျင့်ကြောင့် တချို့ အလုပ်တွေကို ကောင်းကောင်းမလုပ်နိုင်တာ ရှိပါတယ်။ ဥပမာ သင်္ချာပုစ္ဆာကို မတွက်နိုင်ဘဲနဲ့ တွက်ပြီးပြီလို့ ပြောတာမျိုး။ သူတို့လေးတွေသည် သူတို့ရဲ့ အခြေအနေကြောင့် အမှားလုပ်မိတာ များတယ်။ ဒီအမှားတွေကို ဖုံးကွယ်ဖို့ ဒါမှမဟုတ် အပြစ်ပေးခံရမှာကြောက်လို့ လိမ်ပြောတာမျိုး လုပ်တတ်ပါတယ်။
ဒါကတော့ ကလေးတွေ လိမ်ရတဲ့ အဓိက အကြောင်းရင်း ၅ခုပေါ့။ အကြောင်းရင်းတွေကို သိပြီဆိုရင် ကိုယ့်ကလေးဘာကြောင့် လိမ်ရတာတာလဲဆိုတာ စဉ်းစားကြည့်ပါ။ ဖြေမည်းနိုင်မယ့်နည်းလမ်းကိုလည်း ရှာဖွေကြည့်ပါ။ ဒါပေမယ့် ကလေးတွေကို ဆူတာ၊ ရိုက်တာကတော့ ဖြေရှင်းနည်း မဟုတ်ဘူးဆိုတာ အကြံပေးချင်ပါတယ်။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ