သင့်ကလေးဟာခုဆို ၁၇လရှိပါပြီ။ သင့်ကလေးဆီကအသံတချို့ထွက်လာတာသင်သတိထားမိမယ်လို့ ထင်ပါတယ်။ ဟုတ်ပါတယ်။ ဒါဟာကြောက်ကြောက်လန့်လန့်အော်လိုက်တဲ့အသံပါ။ သင့်မှာအော်ဟစ်တတ်တဲ့ကလေးမရှိတဲ့အတွက် သင်ကံကောင်းတယ်လို့ ခုတော့သင်ထင်နေမှာပဲ။ စဉ်းစားကြည့်ပါ။ သင်ဟာအခုအော်တတ်တဲ့ကလေးရဲ့မိဘတစ်ယောက်ဆိုရင်ရော။ ဒီအချိန်တွေဟာသိပ်ကြာမှာမဟုတ်တဲ့အတွက်စိတ်ပူဖို့တော့မလိုအပ်ပါဘူး။ သင့်ကလေးဟာသူအသံထွက်နိုင်မှန်းသိပြီးတဲ့နောက် သူ့အသံဘယ်လောက်ထိကျယ်နိုင်လဲလို့ စမ်းသပ်နေတာပါ။ ဒါကိုဖြေရှင်းဖို့အကောင်းဆုံးနည်းလမ်းကတော့ လျစ်လျူရှုထားခြင်းပါပဲ။ သင်ဂရုစိုက်နေလေလေသူကပိုပြီးအော်ချင်လေလေဖြစ်မှာပါ။
သင့်ကလေးဟာ လျှာနဲ့ ပါးစပ်ကြွက်သားတွေ သန်မာလာတဲ့အလျောက် အသံထွက်ကလည်းပိုပြီးတိုးတက်လာပါလိမ့်မယ်။ သူပြောတဲ့စကားကိုထပ်ခါထပ်ခါ ပြန်ပြောခိုင်းပါ။ ဒီလိုလုပ်ခြင်းဟာအသံထွက်မှန်ကန်လာစေပြီးဖခင်နဲ့အခြားသူတွေကိုနားလည်သွားအောင်လုပ်ပေးနိုင်မှာပါ။ အချိန်နဲ့ စိတ်ရှည်သည်းခံမှုတွေနဲ့အတူကလေးတွေဟာအမြဲတမ်းဒီအခြေအနေကနေ ကြီးလာကြတာပါ။
သင့်ကလေးဟာသင့်နားနားကပ်ပြီးအော်ဟစ်ပစ်နိုင်ပါတယ်။ အဲ့လိုအော်ဟစ်ခြင်းဟာသင့်နားကိုနာကျင်စေတယ်ဆိုတာသူတို့ကိုရှင်းပြပါ။ ပြီးတော့ သူပုံမှန်အသံနဲ့ မပြောမချင်းသူ့ကိုတုံ့ပြန်မှာမဟုတ်ဘူးဆိုတာပြောပြပါ။ သူ့ကိုအဲ့ဒါတွေပြောနေတဲ့အချိန်မှာလည်းမအော်မိပါစေနဲ့။ “ ဒါကသားရဲ့ အပြင်အသံလေဒီအသံကိုပန်းခြံထဲမှာကစားကွင်းထဲမှာကစားတအဲ့ခါ သုံးကြတာပေါ့” လို့ပြောပါ။ ကလေးစကားနားထောင်တာအာရုံစိုက်တာကိုသင်တကယ်လိုချင်တယ်ဆိုရင်တော့ သူ့ကိုစကားပြောတဲ့အချိန်မှာလေသံကိုလျှော့ပြီးတိုးတိုးလေးပြောပါ။
အစာကျွေးချိန်တိုင်းမှာ မျှတတဲ့ပေါင်းစပ်မှုပုံစံနဲ့ကျွေးကြည့်ပါ။ တကယ်လို့သင်ကကျန်းမာရေးနဲ့သင့်တော်တဲ့ အစာအုပ်စုပေါင်းစုံကအစာတွေကိုများများကျွေးမယ်ဆိုရင် သူကတစ်ချိန်မှာအသီးအရွက်ကြီးပဲစားပြီးနောက်တစ်ချိန်မှာ အနှံတွေကြီးပဲစားမယ်ဆိုရင်တောင် သူလိုအပ်တဲ့အာဟာရတွေကပြည့်စုံနေမှာပါ။ တစ်ပတ်လုံးမှာသူဘာတွေကိုအများဆုံးစားသလဲဆိုတာကသင့်ရဲ့အာဟာရပြည့်ဝတဲ့အရောအနှောတွေကို တစ်ရက်တည်းမှာသို့မဟုတ် အစာကျွေးချိန်တိုင်းမှာကျွေးနေတာထက်ပိုပြီးအရေးပါပါတယ်။ ကျန်းမာရေးနဲ့ညီညွတ်တဲ့အရာတွေကိုရွေးချယ်တဲ့နေရာမှာသူတို့လိုအပ်တဲ့အာဟာရတွေနဲ့ လိုအပ်တဲ့ပမာဏကကလေးငယ်တွေက သဘာဝတရားအရကို ကောင်းမွန်စွာရွေးချယ်နိုင်ပါတယ်။
အောက်ပါအကြောင်းအရာတွေကိုသင့်ဆရာဝန်နဲ့ဆွေးနွေးနိုင်ပါတယ်။
ဒီအရွယ်ကလေးအများစုဟာ ညဘက်မှာ၁၁နာရီလောက်အိပ်ပြီးနေ့လည်ဘက်ကိုတော့ ၂နာရီလောက်အိပ်စက်တတ်ပါတယ်။ ကလေးတွေဟာတက်ကြွနေတတ်ပြီးသူတို့ဖာသာအလုပ်ရှုပ်နေတတ်တာကြောင့် ညဘက်အိပ်ရာဝင်ချိန်ကတော့ တကယ့်တိုက်ပွဲပါပဲ။ သင့်ကလေးဟာအမှောင်နဲ့ တစ်ယောက်တည်းဖြစ်နေမှာကိုကြောက်တာကြောင့်လည်းညဘက် အိပ်ရာဝင်ဖို့ ငြင်းဆန်နေတာလည်းဖြစ်နိုင်ပါတယ်။
သင့်ကလေးဟာစားစရာတွေကို မျှမျှတတအစုံစားသလားဆိုတာကိုသိရမှာဖြစ်လို့ ဆရာဝန်က ဒီမေးခွန်းကိုမေးနိုင်ပါတယ်။ သူကကျန်းမာရေးနဲ့ညီညွတ်တဲ့ စားစရာတွေကိုကျွေးဖို့ အကြံပြုမှာပါ။ ဒါမှမဟုတ်လည်းအစာစားချိန်မှာသင့်ရဲ့အလုပ်ရှုပ်နေတဲ့ကလေးကိုထိုင်ခုံပေါ်မှာငြိမ်ငြိမ်လေးထိုင်စားဖို့အတွက် နည်းလမ်းတွေကိုလည်းအကြံပြုနိုင်ပါသေးတယ်။ ဒါကြောင့်လည်း ၁၈လအရွယ်ကလေးအများစုဟာ ကလေးထိုင်ခုံပေါ်မှာခါးပတ်တွေပတ်ပြီးထမင်းစားရတာပေါ့။
အသက် ၁၈လကနေ ၂၄လထိ ကလေးငယ်တော်တော်များများဟာအိမ်သာသွားတတ်ဖို့အတွက် ရုပ်ပိုင်းဆိုင်ရာစိတ်နဲ့ အတွေးအခေါ်ပိုင်းဆိုင်ရာတွေ တိုးတက်လာကြပါပြီ။ သူတို့ရဲ့ဘောင်းဘီတွေကိုအလွယ်တကူ ဝတ်နိုင်ချွတ်နိုင်တာမျိုးတွေပေါ့။ အချို့ကလေးတွေကတော့ အသက်၄နှစ်ပြည့်ပြီးတဲ့ထိတောင် ဒါတွေကိုသင်ယူဖို့ အဆင်သင့်မဖြစ်ကြသေးပါဘူး။
သင့်ကလေးလမ်းလျှောက်တတ်ပြီလား။
ခုချိန်မှာသင့်ကလေးလေးဟာစပြီးလမ်းလျှောက်သင့်နေပါပြီ။ ကလေးတွေဟာ ၉လကနေ ၁၈လအတွင်းမှာ လမ်းလျှောက်သင်ကြပါတယ်။ တကယ်လို့သူဟာခြေဖျားလေးတွေထောက်ပြီးလမ်းလျှောက်နေတယ် ဒါမှမဟုတ် စောင်းစောင်းကြီးလျှောက်နေတယ်ဆိုရင် ဆရာဝန်ကိုပြောပြပါ။ ကလေးရဲ့ သွားလာမှုအခြေအနေကိုသူကအကဲဖြတ်ပါလိမ့်မယ်။
၁၈လအရွယ်ကလေးအများစုဟာ မလိုချင်ဘူးမလုပ်ချင်ဘူးလို့ ပြောရတာကိုနှစ်သက်ပြီးဒါကိုပဲခဏခဏပြောချင်နေကြတယ်။ ဒါဟာကိုယ်ပိုင်ရပ်တည်မှုနဲ့ ဘာသာစကားအရာမှာတိုးတက်လာမှုကိုပြပါတယ်။
ဆရာဝန်နဲ့သွားတွေ့တဲ့အခါ ဘာတွေလုပ်ထားရမလဲဆိုတာသိထားဖို့လိုအပ်ပါတယ်။ ဆရာဝန်က အောက်ပါအချက်တွေကိုလုပ်ဆောင်နိုင်ပါတယ်။
သင့်ကလေးမတော်တဆတစ်ခုခုဖြစ်သွားမှာကိုသင်စိတ်ပူနေမှာပါ။ မတော်တဆမှုတွေဟာစိတ်ဖိစီးမှုများစရာကောင်းတဲ့အချိန် အလုပ်တွေရှုပ်နေတဲ့အချိန်မျိုးမှာ (မနက်အလုပ်သွားခါနီးအချိန်၊ ညနေစာမစားခင်၊ ဧည့်သည်တွေလာလို့ ဧည့်ခံနေရတဲ့အချိန်တွေနဲ့ အပန်းဖြေခရီးထွက်တဲ့အချိန်မျိုးတွေ) ဖြစ်လေ့ရှိပါတယ်။ ဒီအချိန်တွေဟာမိဘတွေခဏတာသူတို့ကိုသတိမထားမိတဲ့အချိန်မျိုးတွေပါ။
ဒီအချက်တွေကိုသတိထားလိုက်ခြင်းအားဖြင့် သင့်ကလေးလုံခြုံစိတ်ချစွာကစားနိုင်ဖို့ သင့်ကိုဖြည်းဖြည်းချင်းကူညီပါလိမ့်မယ်။ သင်သူ့ကိုအချိန်ပြည့် စက္ကန့်မလပ် မကြည့်နေနိုင်ဘူးဆိုရင်တော့ အသက်၁၇လအရွယ်ကလေးက ကစားကွင်းထဲသွားကစားဖို့ ငယ်လွန်းပါသေးတယ်။
နောက်လမှာသင့်ကလေးဘယ်လိုဆက်လက်ဖွံ့ဖြိုးလာမလဲ ကြည့်ကြပါစို့။
မသက်ဆိုင်ကြောင်း ရှင်းလင်းချက်
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ဆက်စပ် အကြောင်းအရာများ
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။