အသက် လေးနှစ်နဲ့ ခုနှစ်နှစ်ကြားအရွယ်ဟာလည်း ဒုတိယဘာသာစကားကို သင်ယူဖို့ ကောင်းမွန်တဲ့ နောက်ထပ် အချိန်အပိုင်းအခြားတစ်ခု ဖြစ်ပါတယ်လို့လည်း သိရပါသေးတယ်။ ဒါကြောင့် ဘာသာစကားနှစ်ခုကို အပြိုင်သင်ယူခြင်းဟာ ကလေးအတွက် ဝန်ထုပ်ဝန်ပိုး မဖြစ်စေတဲ့အပြင် စောလေပိုကောင်းလေဆိုတာကိုတောင် တွေ့မြင်နိုင်ပါတယ်။
ကလေးတွေဟာ ရေမြှုပ်တုံးလေးတွေလိုပါပဲ။ ဘာသာစကားနှစ်မျိုးကို မပင်မပန်းဘဲ အလွယ်တကူ စုပ်ယူနိုင်စွမ်းရှိပါတယ်။ ဒါပေမယ့် ဘာသာစကားအသစ်တစ်ခုဟာ သင့်ကလေးခေါင်းထဲကို မန်မိုရီစတစ်နဲ့ ကူးလိုက်သလို ဝင်ရောက်လာမှာ မဟုတ်ပါဘူး။ အားသန်တဲ့ ပင်မဘာသာစကားကို ပုံမှန်အတိုင်း လေ့လာသွားလို့ရပေမယ့် ဒုတိယဘာသာစကားကိုပါ တွဲဖက်သင်ယူရတော့မယ်ဆိုရင် မိဘတွေဘက်ကလည်း ကလေးအတွက် သင့်တော်မှန်ကန်တဲ့ ပတ်ဝန်းကျင်ကောင်းတခု ဖန်တီးပေးဖို့လိုအပ်ပါတယ်။
မြန်မာစာတန်းထိုးနဲ့ ‘မုဆိုးမလေးမဂင်္ဂါ’ဇာတ်လမ်းတွဲကို နေ့တိုင်းထိုင်ကြည့်တဲ့ သင့်ကလေးအနေနဲ့ အင်္ဂလိပ်ဘာသာစကားကို ဒုတိယဘာသာအဖြစ် အလွယ်တကူ သင်ယူနိုင်မယ်လို့တော့ မထင်ပါနဲ့။ ဒါကြောင့် လက်တွေ့ဘဝနဲ့ အမှန်တကယ် ဆက်စပ်နိုင်ပြီး စိတ်ဝင်စားဖို့လည်းကောင်း၊ အဓိပ္ပာယ်လည်းရှိတဲ့ လေ့လာသင်ယူချင်စရာ ပတ်ဝန်းကျင်ကောင်းတစ်ခုကို မိဘတွေအနေနဲ့ ဖန်တီးပေးထားသင့်ပါတယ်။
မိဘနှစ်ပါးရဲ့ ပင်မဘာသာစကား မတူညီလို့ ပဲဖြစ်ဖြစ်၊မွေးဖွားရာနဲ့ ကြီးပြင်းရာ နေရာ မတူလို့ဘဲ ဖြစ်ဖြစ် ဘာသာစကား နှစ်ခုလုံးကို သင်ယူဖို့ အခြေဆိုက်လာတဲ့ ကလေးတွေနဲ့ ပတ်သက်လို့ လွဲမှားနေကြတဲ့ အယူအဆလေးတွေ အကြောင်း မျှဝေ ပေးလိုက်ရပါတယ်။ ဘာသာစကားနှစ်မျိုး နဲ့ ကြီးပြင်းခြင်းက ကလေးကို ထိခိုက်စေမှာ မဟုတ်ပါဘူး။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။