ဇလုံတစ်လုံးထဲမှာ ရေနွေးနွေး ထည့်ပြီး ခြေမျက်စိ မြုပ်တဲ့အထိ စိမ်ပါ။ ဆားခါး ရှိရင် ဆားခါး သင့်တော်သလောက် ထည့်တာ ပိုကောင်းပါတယ်။ မရှိလည်း ရေနွေးရဲ့ အပူကုထုံး ကြောင့် နာကျင်ရောင်ရမ်းမှုတွေ လျော့ပါးစေနိုင်ပါလိမ့်မယ်။
ရေနွေး သိပ်မပူစေဖို့တော့ သတိပြုပါ။ ရေနွေးစိမ်ဖို့ အကောင်းဆုံးက ညအိပ်ခါနီး အချိန်ပါပဲ။ တစ်နေကုန် လှုပ်ရှားထားရတဲ့ အကြောအခြင်တွေပါ ပြေလျော့စေနိုင်ပါတယ်။
(၃) ပက်လက်အိပ်တဲ့အခါ ခြေထောက်ကို မြှင့်ထားပါ
ခဏဖြစ်ဖြစ် ညအိပ်တဲ့အချိန်ဖြစ်ဖြစ် လှဲအိပ်တဲ့အခါတိုင်း ခြေထောက်ကို နှလုံးထက် ပိုမြင့်စေဖို့ ခေါင်းအုံးခုပြီး မြှင့်ထားပါ။ ဒါဆို ရောင်ရမ်းမှုပါ သက်သာစေနိုင်ပါတယ်။
ဆီ တစ်ခုခုနဲ့ နှိပ်နယ်လို ရပေမယ့် အားသိပ်မသုံးမိဖို့ သတိထားပါ။ ခပ်ဖွဖွသာ စိမ့်ဝင်အောင် နှိပ်နယ်ရမှာပါ။ အားပြင်းသွားခဲ့ရင် ရောင်ရမ်းပြီး ပုံသဏ္ဍာန်မူမမှန်ဖြစ်နေတဲ့ အဆစ်ကို ပိုပြီး ထိခိုက်စေနိုင်ပါတယ်။
ဥပမာ သံလွင်ဆီကို နွေးရုံလေး အပူပေးပြီး ဘူနီယွန် အဆစ်ဖု၊ ခြေချောင်းတွေနဲ့ ခြေဖဝါးအောက်ပိုင်းကို ၁၅ မိနစ်လောက် စိမ့်ဝင်အောင် နှိပ်နယ်လိမ်းပါ။ ခြေထောက်အောက်ပိုင်းနဲ့ ခြေချောင်းတွေတဝိုက် သွေးလည်ပတ်မှု ပိုကောင်းစေပြီး အဆစ်တွေ လှုပ်ရှားရ ပိုအဆင်ပြေစေပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။