ထွက်မှာ သေချာပြီလား။
သွားနဲ့ခံတွင်းကျန်းမာရေးကိုဂရုစိုက်လိုက်ရုံနဲ့ နှလုံးရောဂါဖြစ်နိုင်ခြေနည်းသွားနိုင်သလို ဦးနှောက်ကိုပါ ကာကွယ်ပြီးသားဖြစ်သွားတယ်ဆိုတာ သိရဲ့လား။ မကြာသေးခင်က လုပ်ခဲ့တဲ့လေ့လာမှုတစ်ရပ်အရပြင်းထန်တဲ့ သွားဖုံးရောဂါခံစားရသူတွေက အခြားသူတွေထက် မှတ်ဉာဏ်ချို့ယွင်းမှု ခံစားရနိုင်ခြေပိုများတယ်၊လို့ သိရှိခဲ့ရပါတယ်။ ခန္ဓာကိုယ်ကို အာဟာရဖြည့်တင်းဖို့အတွက်အရေးပါတဲ့ အစိတ်အပိုင်းဖြစ်တဲ့ သွားနဲ့ခံတွင်းကို ဂရုစိုက်မှုက ကာလတိုရော ကာလရှည်မှာပါ ထိရောက်တဲ့ အချက်တစ်ခုပေါ့။
လေ့လာမှုအသစ်တစ်ရပ်အရ သွားဖုံးကျန်းမာရေးကို ဂရုစိုက်ပေးတာက မှတ်ဉာဏ်ချို့ယွင်းမှုမဖြစ်အောင်ကာကွယ်ပေးနိုင်ပါတယ်၊ လို့တွေ့ရှိခဲ့ရပါတယ်။ ဒီလေ့လာမှုအတွက်တောင်ကိုရီးယားနိုင်ငံ ဆိုးလ်အမျိုးသား တက္ကသိုလ်ကလေ့လာသုံးသပ်သူတွေက ကျန်းမာရေးစောင့်ရှောက်မှုစောင့်ကြည့်ရေး အစီအစဉ်ကနေ အချက်အလက်တွေကို ရယူခဲ့ပါတယ်။
နာတာရှည် သွားဖုံးရောဂါခံစားနေရသူတွေက သွားဖုံးရောဂါမရှိသူတွေထက် မှတ်ဉာဏ်ချို့ယွင်းမှုခံစားရနိုင်ခြေပိုများနေတယ်ဆိုတာက အရင်ကလုပ်ခဲ့တဲ့လေ့လာမှုတွေမှာလည်းတွေ့ရှိခဲ့ဖူးပါတယ်။ ဒီလေ့လာမှုမှာသိရှိခဲ့တာက အရက်သောက်သုံးတာ၊ ဆေးလိပ်သောက်တာ၊လေ့ကျင့်ခန်းမလုပ်တာလိုမျိုး ဘဝနေထိုင်မှုပုံစံကြောင့် မဟုတ်ဘဲ နာတာရှည်သွားဖုံးရောဂါခံစားနေရသူတွေက မှတ်ဉာဏ်ချို့ယွင်းမှုခံစားနိုင်ရခြေပိုများနေတာပါ။
မှတ်ဉာဏ်ချို့ယွင်းခြင်း (dementia) ဆိုတာက မှတ်ဉာဏ်စွမ်းရည် တဖြည်းဖြည်းချင်းကျဆင်းလာတာဖြစ်ပြီး အရာရာကို မှတ်မိဖို့ခက်ခဲလာပြီး ပြင်းထန်တဲ့အခြေအနေမျိုးမှာဆိုရင် နေ့စဉ်ဘဝမှာပါ ထိခိုက်မှုတွေရှိလာနိုင်ပါတယ်။
၂၀၁၂ ခုနှစ်မှာ ကမ္ဘာ့ကျန်းမာရေးအဖွဲ့ကြီးနဲ့ အပြည်ပြည်ဆိုင်ရာ အယ်လ်ဇိုင်းမားရောဂါအဖွဲ့အစည်းတို့ရဲ့ ပူးတွဲကြေညာချက်မှာ မှတ်ဉာဏ်ချို့ယွင်းမှုက တစ်ကမ္ဘာလုံးအတိုင်းအတာနဲ့ စိုးရိမ်ရတဲ့ ကျန်းမာရေးအခြေအနေတစ်ခုဖြစ်လို့လာပါပြီနော်။ ဒီတော့ အားလုံးသတိထားပြီး ကာကွယ်နိုင်သမျှ ကာကွယ်ဖို့လိုအပ်လာပါပြီနော်။
လေ့လာမှုတွေအရသိလာရတာက သွားဖုံးရောင်တာက ခံတွင်းထဲမှာ ဘက်တီးရီးယားတွေပါက်ဖွားတာကြောင့်ဖြစ်ပြီး ခံတွင်းထဲမှာ ဒီဘက်တီးရီးယားတွေအချိန်ကြာမြင့်စွာနေရာယူထားတာက သွားတွေကိုထိခိုကစေနိုင်သလို အရိုးနဲ့ နှလုံးအပြင် မှတ်ဉာဏ်ကိုပါထိခိုက်စေနိုင်ပါတယ်နော်။ ဒါကြောင့်သွားဖုံးရောင်လာပြီ သွားတွေမှာပြဿနာရှိနေပြီဆိုရင် ချက်ချင်းကုသဖို့လိုအပ်ပါမယ်နော်။
များစွာသောလေ့လာမှုတွေအရ နာတာရှည်သွားဖုံးရောဂါက မှတ်ဉာဏ်ချို့ယွင်းမှုကိုဖြစ်စေနိုင်တယ်လို့တွေ့ရှိခဲ့ရပါတယ်။ မကြာသေးခင်က လုပ်ခဲ့တဲ့လေ့လာမှုအသစ်မှာတော့ နာတာရှည်သွားဖုံးရောဂါရှိသူတွေဟာ အခြားသူတွေထက် မှတ်ဉာဏ်ချို့ယွင်းမှုရောဂါ ခံစားရနိုင်ခြေတော်တော်လေးမြင့်တက်နေတာကိုတွေ့ရှိခဲ့ရပါတယ်။ လေ့လာမှုအသစ်ကို ၂၀၀၅ ခုနှစ်ကနေ ၂၀၁၅ ခုနှစ်အထိ ၁၀ နှစ်ကြာလုပ်ဆောင်ခဲ့ပြီးတောင်ကိုရီးယားက အသက် ၅၀ နဲ့ ၅၀ အထက် ဖိုးဖိုးဖွားဖွား ၂၆၂၃၄၉ ဦးကိုလေ့လာခဲ့ပါတယ်။
လေ့လာမှုရလဒ်အရတော့ပြင်းထန်တဲ့ သွားဖုံးရောဂါခံစားရသူတွေက အခြားသူတွေထက် မှတ်ဉာဏ်ချို့ယွင်းမှုဝေဒနာခံစားရနိုင်ခြေက ၆ ရာခိုင်နှုန်းအထိပိုများနေတယ်လို့ တွေ့ရှိခဲ့ရပါတယ်။ ဒီတော့ အသက်ကြီးတဲ့အထိ မှတ်ဉာဏ်ကောင်းလာနေစေဖို့ရော အစားတွေကောင်းကောင်းစားဖို့ရော သွားနဲ့ခံတွင်းကိုသေချာလေးဂရုစိုက်ဖို့လိုပါမယ်နော်။ မနက်တစ်ခါ ညအိပ်ရာမဝင်ခင်တစ်ခါ သွားနဲ့ခံတွင်းကိုသန့်ရှင်းရေးလုပ်ပေးမယ်ဆိုရင် သွားတွေရာ သွားဖုံးတွေကိုပါကျန်းမာစေပြီး မှတ်ဉာဏ်ချို့ယွင်းမှုကိုပါ ကာကွယ်နိုင်မှာပါနော်။
ဒါဆိုရင် အစားကောင်းတွေကို အသက်ကြီးတဲ့အထိစားဖို့နဲ့ကောင်းမွန်တဲ့အမှတ်တရလေးတွေကို မှတ်မိနေစေဖို့ Hello ဆရာဝန်ပရိသတ်ကြီးအနေနဲ့ သွားနဲ့ ခံတွင်းကို အခုကစလို့ ဂရုစိုက်ပေးဖို့ တိုက်တွန်းပါရစေနော်။
ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။
အမျိုးသား
အမျိုးသမီး
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
Gum disease–causing bacteria could spur Alzheimer’shttps://www.sciencemag.org/news/2019/01/gum-disease-causing-bacteria-could-spur-alzheimer-sAccessed Date 21 March 2019
