စာရင်းဇယားတွေအရဆိုရင်လည်း Heart Attack ဖြစ်တဲ့လူတွေရဲ့ ၁၄% ဟာ အဆိုပါဝေဒနာကြောင့် အသက်ဆုံးရှုံးနေကြရတယ်လို့လည်း ဆိုထားပါတယ်။
အန္တရာယ်များတဲ့ အဆိုပါရောဂါဟာ မျိုးရိုးလိုက်ခြင်းကြောင့် ဖြစ်ပွားနိုင်သလို အစားအသောက်အနေထိုင် အပြုအမူတွေ မှားယွင်းနေတာကြောင့်လည်း ဖြစ်ပွားနိုင်ပါတယ်။
အထူးသဖြင့် ငယ်ရွယ်စဉ်မှာ အဝလွန်တာနဲ့ အမျိုးအစား ၂ ဆီးချိုဝေဒနာတွေ ရှိနေမယ်ဆိုရင် အရွယ်ရောက်လာချိန်မှာ နှလုံးရောဂါ စောလျင်စွာ စွဲကပ်နိုင်ပါတယ်။ ဒီအချက်ကို အမေရိကန်နှလုံးကျန်းမာရေးအဖွဲ့အစည်းက ၁၇ အရွယ်လူငယ်တွေကို ၅ နှစ်ကြာ သုတေသနပြုလုပ်ပြီး ၂၀၂၀ ခုနှစ် မေလတုန်းက ထုတ်ပြန်ကြေညာခဲ့တာပါ။
ဆီးချိုရော၊ အဝလွန်ခြင်းရော ၂ မျိုးလုံးဟာ သွေးကြောတွေကို ထိခိုက်စေနိုင်တာကြောင့် အရွယ်အတိုင်ခင် နှလုံးရောဂါဝေဒနာ ခံစားရတာမျိုးကို ဖြစ်စေတာပါ။
လေ့လာချက်တွေအရဆိုရင် အဆိုပါ ရောဂါ ၂ ခုကို ငယ်ရွယ်စဉ်မှာ ခံစားရမယ်ဆိုရင် နှလုံးရောဂါဖြစ်ပွားရုံသာမက ပိုမိုဆိုးရွားတဲ့ အခြေအနေတစ်ရပ်မှာ Heart Attack နဲ့ လေဖြတ်ရောဂါတွေ ဖြစ်နိုင်ခြေပါ အလွန်မြင့်တက်လာမှာ ဖြစ်ပါတယ်။