အိပ်ချိန်ပြည့်ဝမှုဆိုတာ လူတွေရဲ့ ကျန်းမာရေးအတွက် အရေးကြီးတဲ့ အခန်းကဏ္ဍက ပါဝင်နေပါတယ်။ အသက်အရွယ်မရွေး တစ်နေ့အိပ်ချိန် အနည်းဆုံး ၇နာရီ ရှိဖို့ လိုအပ်ပါတယ်။ အိပ်ချိန်ပြည့်ဝမှ ကျန်းမာမယ်။ တစ်နေ့တာလုံး လန်းဆန်းတက်ကြွပြီး ကိုယ့်ရဲ့ နေ့စဉ်လုပ်ငန်းဆောင်တာတွေကို လုပ်ကိုင်နေမယ်။ အားအင်ပြည့်ဝနေမှာပါ။
Hello Sayarwon မှ ထွက်မည်။
ထွက်မှာ သေချာပြီလား။
ကျန်းမာရေး ဆောင်းပါးများ
ကျန်းမာရေး ကဏ္ဍများ
ကျန်းမာပျော်ရွှင်သော လိင်မှုဘဝလမ်းညွှန်
အန္တရာယ်ကင်းစွာ လိင်ဆက်ဆံခြင်း/လိင်မှကူးစက်သောရောဂါများမှ ကာကွယ်ခြင်းChalamydia ပိုးဝင်ခြင်းဆစ်ဖလစ်ပိုးဝင်ခြင်း(ကာလသားရောဂါ)ဂနိုရောဂါ(ဆီးပူညောင်းကျ)လိင်အင်္ဂါကြွက်နို့များTrichomoniasis ရောဂါပိုးဝင်ခြင်းHIV နှင့် AIDS ရောဂါလိင်မှတစ်ဆင့်ကူးစက်သော အခြားရောဂါများသားဆက်ခြားခြင်းလိင်မှုဘဝသာယာပျော်ရွှင်ရေး လမ်းညွှန်ချက်များရေယုန်
ကူးစက်ရောဂါများ
ကိုရိုနာဗိုင်းရပ်စ်အသက်ရှူလမ်းကြောင်းဆိုင်ရာကူးစက်ရောဂါများအစားအသောက်မှကူးစက်သောရောဂါများတခြား ဘက်တီးရီးယား ကူးစက်ရောဂါများလေထဲမှတဆင့် ကူးစက်သော ရောဂါများဇီကာဗိုင်းရပ်စ်သွေးလွန်တုပ်ကွေးအင်းဆက်မှတဆင့် ကူးစက်သော ရောဂါများတခြား ဗိုင်းရပ်စ် ကူးစက်ရောဂါများဦးနှောက်အမြှေးရောင်ခြင်းရေယုန်တိုက်ဖွိုက် (အူရောင်ငန်းဖျား)
အစာအိမ်နှင့်အူလမ်းကြောင်း ကျန်းမာရေး
အစာအိမ်အနာဗိုက်ကယ်ခြင်း နှင့် လေပွခြင်းဝမ်းချုပ်ခြင်းဝမ်းပျက်ဝမ်းလျှောခြင်းအူရောင်ရောဂါများ (IBD)အူမကြီးရောဂါများ (IBS)ရင်ပူခြင်း၊ ရင်ခေါင်းအောင့်ခြင်းအစာအိမ်အက်ဆစ်ရည်ပြန်ဆန်တက်ခြင်းအစာအိမ်နှင့် အူလမ်းကြောင်းအနာအစာအိမ်ရောင်ခြင်းအခြားအစာအိမ်နှင့်အူလမ်းကြောင်းပြဿနာများဗိုင်းရပ်စ်ကြောင့် အထက်လန်အောက်လျှောခြင်းအူသိမ်တွင်ဘက်တီးရီးယားပိုးပေါက်ခြင်းသည်းခြေဆိုင်ရာရောဂါများလိပ်ခေါင်းရောဂါများအထက်လန်အောက်လျှောခြင်းအသည်းရောဂါများ
ကဏ္ဍအားလုံး ကြည့်ရှုမည်
ကျန််းမာရေး ကိရိယာများ
ကျန်းမာရေး အန္တရာယ်
ကိုယ်လက်လှုပ်ရှားမှု
ကိုယ်ဝန်ဆောင်နှင့် ကလေးပြုစုစောင့်ရှောက်ခြင်း
ကျန်းမာရေး ကိရိယာ အားလုံးကို ကြည့်ရှုမည်
အိပ်ချိန်မှန်ရဲ့သားနဲ့ ဘာလို့ အိပ်ရေးမဝသလို ခံစားနေရတာလဲ
ဒါဆို တချို့လူတွေက အိပ်ချိန်မှန်ရဲ့သားနဲ့ ဘာလို့ မနက်နိုးလာတဲ့အချိန်မှာ ပင်ပန်းပြီး အိပ်ရေးမဝသလို၊ ခေါင်းမူးနေသလို၊ မောပြီး အားမရှိသလို လန်းလန်းဆန်းဆန်း မဖြစ်တာ ဘာကြောင့်လဲ တွေးမိပါလား။ ဒီလို အိပ်ချိန်မှန်ရဲ့သားနဲ့ အိပ်ရေးမ၀ ဖြစ်နေတဲ့သူတွေအတွက် ဗဟုသုတ ဝေမျှပေးချင်ပါတယ်။
အိပ်ရေးမဝသလို ခံစားနေရတဲ့ အကြောင်းရင်းတွေ
တစ်နေ့ကို အိပ်ချိန် ၇-၈နာရီ ပြည့်အောင်လည်း အိပ်ထားတယ်။ မနက်အိပ်ရာနိုးလို့ မလန်းဆန်းဘူး၊ ခေါင်းမူးနေတယ်၊ အိပ်ရေးမဝသလို ဖြစ်နေတာဟာ ဒီအချက်တွေကြောင့် ဖြစ်နိုင်ပါတယ်။
၁။ အိပ်ချိန်နဲ့ ၆နာရီအတွင်းမှာ ကဖင်းဓါတ်ပါဝင်တဲ့ ကော်ဖီ၊ လက်ဖက်ရည်တွေ သောက်မိတဲ့အခါ ညအိပ်ပျော်သွားခဲ့ရင်တောင် ဦးနှောက်က အလုပ်လုပ်နေရတဲ့အတွက် မနက်ခင်းမှာ ပင်ပန်းနွမ်းနယ်နေနိုင်ပါတယ်။
၂။ ညအိပ်ခါနီး ၂နာရီအတွင်း သို့မဟုတ် ည ၈နာရီထက် နောက်ကျပြီး အစာစားတဲ့သူတွေမှာလည်း အစာအိမ်က အစာချေဖျက်နေရတဲ့အတွက် ညအိပ်မပျော်တာ ဖြစ်စေနိုင်သလို အိပ်ရေးဝအောင် အိပ်သည့်တိုင်အောင် စိတ်မကြည်မလင်၊ ကိုယ်လက် မအီမသာ ဖြစ်နေနိုင်ပါတယ်။
၃။ ညအမှောင်ထဲမှာ ဖုန်းအသုံးပြုတာ၊ ကွန်ပျူတာ၊ တီဗီနဲ့ ရုပ်ရှင်ကြည့်တဲ့အခါ ဖန်သားပြင်ပေါ်က အလင်းတန်းတွေဟာ မျက်လုံးထဲကို တိုက်ရိုက်ဝင်ရောက်လာပြီး မျက်စိထိခိုက်နိုင်ပါတယ်။ ဒီလို ညအိပ်ခါနီးမှ ရုပ်ရှင်ကြည့်တဲ့သူ အများစုဟာ အိပ်ချိန် ၇နာရီ ပြည့်ဝခဲ့ရင်တောင် နိုးလာတဲ့အခါ အိပ်ရေးမဝတဲ့ ခံစားချက်မျိုး၊ မျက်စိညောင်းကိုက်နေတာမျိုး ဖြစ်နိုင်ပါတယ်။
၄။ ညအိပ်ချိန်နဲ့ နီးကပ်စွာ အရက်သောက်တဲ့အခါ အရက်ရှိန်ကြောင့် အိပ်ပျော်သွားပေမယ့် ကောင်းစွာ နှစ်နှစ်ခြိုက်ခြိုက် အိပ်ပျော်သွားတာမျိုး မဖြစ်စေလို့ အပြည့်အ၀ အိပ်စက်မှု ရရှိမှာ မဟုတ်ပါဘူး။
၅။ ရေသောက်တာဟာ မကောင်းတဲ့ အလေ့အကျင့်မျိုး မဟုတ်ပေမယ့် ညအိပ်ခါနီးမှ အများကြီး သောက်လိုက်မိရင်တော့ ဆီးမကြာမကြာ ထသွားရတာကြောင့် ကိုယ့်ရဲ့ ကောင်းစွာ အိပ်စက်မှုကို ထိခိုက်စေနိုင်ပါတယ်။
၆။ အလုပ်ခွင်က စိတ်ဖိစီးမှုတွေ၊ စိတ်ညစ်စရာ၊ စိတ်ပူပန်စရာတွေဟာ ခေါင်းထဲမှာ ပြည့်နေရင် ဘယ်လိုမှ ကောင်းကောင်းအိပ်ပျော်နိုင်မှာ မဟုတ်ပါဘူး။ အိပ်ပျော်သွားခဲ့ရင်တောင် စိတ်က ပူနေရတဲ့အတွက် မနက်ခင်းနိုးလာရင်လည်း စိတ်ရော ခန္ဓါပါ ပင်ပန်းနွမ်းနယ်နေမှာပါ။
ကောင်းစွာ အိပ်စက်အနားယူနိုင်စေဖို့ ဘာတွေ လုပ်သင့်လဲ။
၁။ အိပ်ခါနီး ရုပ်ရှင်ကြည့်တာ၊ ဖုန်း၊ ကွန်ပျူတာ အသုံးပြုတာ ရှောင်ပေးပါ။
၂။ အိပ်ရမယ့် အခန်းဟာ မှောင်ပြီး တိတ်ဆိတ်နေပါစေ။
၃။ ကဖင်းဓာတ်ပါတဲ့ ကော်ဖီ၊ လက်ဖက်ရည်၊ ဖျော်ရည်တွေကို မနက်ပိုင်းမှာ သောက်ပေးပါ။
၄။ အရက်သောက်ပြီး အိပ်တဲ့ အကျင့်ကို ရှောင်ပေးပါ။
၅။ အဆီများတဲ့ အစားအစာတွေ၊ ရင်ပြည့်စေမယ့် အစားအစာတွေကို ညအိပ်ခါနီး မစားသင့်ပါဘူး။
၆။ ကျန်းမာရေးနဲ့ ညီညွတ်ပြီး အာဟာရမျှတတဲ့ စားသောက်နေထိုင်မှုပုံစံကို ကျင့်သုံးပါ။
၇။ လေ့ကျင့်ခန်း ပုံမှန်လုပ်ပါ။
၈။ သာယာငြိမ့်ညောင်းဖွယ် ရေစီးသံ၊ တီးလုံးသံတွေကို ဖွင့်ထားပေးပါ။
အိပ်ရေးမဝတဲ့ ပြဿနာဟာ စိုးရိမ်ဖွယ်ရာ ရှိလား။
သိပ်ပြီး စိုးရိမ်စရာ ကိစ္စတစ်ခုတော့ မဟုတ်ပေမယ့် အိပ်ရေးပျက်တာ များလာမယ်။ ကိုယ့်ရဲ့ အလုပ်ခွင်၊ တာဝန်တွေကို ထိခိုက်လာမယ်ဆိုရင်တော့ ဆရာဝန်နဲ့ သေချာပြသကြည့်သင့်ပါတယ်။ အိပ်မပျော်ခြင်းကို ဖြစ်စေတဲ့ အကြောင်းရင်းတွေ၊ တခြား ငုပ်နေတဲ့ ရောဂါအခံတွေ ရှိ၊ မရှိ သေချာစစ်ဆေးကြည့်မှ ကိုယ့်ရဲ့ အိပ်ရေးမဝသလို ခံစားနေရတဲ့ ပြဿနာကို အဖြေရှာနိုင်မှာ ဖြစ်ပါတယ်။
Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပေးပါ။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
ရင်းမြစ်များ
Waking Up Tired After Good Night Sleep –https://thesleepdoctor.com/2018/07/29/6-reasons-you-wake-up-tired-after-a-full-night-of-sleep/?cn-reloaded=1 (Feb 20, 2019)
Why Do You Feel Tired After Full Night Sleep –https://www.alaskasleep.com/blog/why-tired-after-full-nights-sleep (Feb 20, 2019)