အိပ်ရေးဝဝအိပ်တာ ကျန်းမာရေးနဲ့ ညီညွတ်တယ်လို့ မကြာခဏပြောဖြစ်ကြပေမယ့် အလွန်အကျွံအိပ်ရင် ကျန်းမာရေးထိခိုက်တတ်တယ်ဆိုတဲ့ အချက်ကိုတော့ သိပ်မပြောဖြစ်ကြပါဘူး။ အိပ်ကောင်းကောင်းနဲ့ အလွန်အကျွန် အကြာကြီးအိပ်နေမိတဲ့အခါ ကျန်းမာရေးထိခိုက်တတ်ပါတယ်။
ထွက်မှာ သေချာပြီလား။
အိပ်ရေးဝဝအိပ်တာ ကျန်းမာရေးနဲ့ ညီညွတ်တယ်လို့ မကြာခဏပြောဖြစ်ကြပေမယ့် အလွန်အကျွံအိပ်ရင် ကျန်းမာရေးထိခိုက်တတ်တယ်ဆိုတဲ့ အချက်ကိုတော့ သိပ်မပြောဖြစ်ကြပါဘူး။ အိပ်ကောင်းကောင်းနဲ့ အလွန်အကျွန် အကြာကြီးအိပ်နေမိတဲ့အခါ ကျန်းမာရေးထိခိုက်တတ်ပါတယ်။
ဒီကနေ့ခေတ်က COVID-19 ကာလမို့ အိပ်ရေးဝဝအိပ်စက်ဖို့ မဖြစ်မနေလိုအပ်ပါတယ်။ လူအများစုကလည်း နေအိမ်တွေမှာ Work from Home နေကြ၊ နေအိမ်မှာပဲနေထိုင်နေကြရတာ ပိုများလာတာကြောင့် အိပ်စက်ချိန်တွေ ပိုများလာနေကြပါတယ်။
ကျန်းမာရေးအတွက် အိပ်စက်တာဟာ နည်းလမ်းကောင်းဖြစ်ပေမယ့် အိပ်စက်ချိန်လိုအပ်တာထက်ပိုများလာရင်လည်း ကျန်းမာရေးကိုပြန်ထိခိုက်စေနိုင်တယ်လေ။ လူတစ်ယောက်ဟာ တစ်နေ့ကို ၇-၈ နာရီလောက် အိပ်စက်ဖို့လိုအပ်ပါတယ်။ ဒီထက်နည်းရင်လည်း အဆင်မပြေ၊ များသွားရင်လည်း အဆင်မပြေပါဘူး။
အလွန်အကျွံအိပ်စက်ခြင်း (Hypersomnia) ဖြစ်စေရတဲ့အချက် ၂ ချက်ရှိပါတယ်။ တစ်ချက်ကတော့ စိတ်ဓာတ်ကျတာ ဒါမှမဟုတ် စိတ်ဖိစီးမှုများနေတာကြောင့်ပါ။ နောက်တစ်ချက်ကတော့ လူမှုပတ်ဝန်းကျင်နဲ့ အဆက်ပြတ်လာတာကြောင့်လို့ ဆိုပါတယ်။
လူတစ်ယောက်ရဲ့ အိပ်စက်ချိန်ဟာ အသက်အရွယ်အပေါ် မူတည်ပြီး ကွာခြားပါတယ်။ အသက်အရွယ်တင်မကပါဘူး၊ ကိုယ်လက်လှုပ်ရှားမှုပမာဏနဲ့လည်း သက်ဆိုင်ပါတယ်။ နောက်တစ်ခုကတော့ ကျန်းမာရေး အခြေအနေပေါ့။ ဒီအချက်တွေကြောင့် လူတစ်ယောက်ရဲ့ အိပ်စက်ချိန်နဲ့ အိပ်စက်ပုံ ပြောင်းလဲနိုင်ပါတယ်။
တစ်ခါတစ်လေမှာ ပင်ပန်းနွမ်းနယ်မှုကြောင့် အိပ်စက်ချိန် ကြာမြင့်တာမျိုးဖြစ်တတ်ပါတယ်။ ဒါပေမယ့် ပုံမှန်မှာကို တစ်နေ့ကို ၉ နာရီပမာဏထက် များစွာကျော်လွန်နေမိမယ်ဆိုရင်တော့ ဒါကို Hypersomnia လို့ ခေါ်ဆိုတဲ့ အလွန်အကျွံအိပ်စက်ခြင်းပြဿနာလို့ ခေါ်ဆိုနိုင်ပါတယ်။ ကမ္ဘာ့လူဦးရေရဲ့ ၂% လောက်က ဒီပြဿနာကို ရင်ဆိုင်နေကြရပါတယ်။
Hypersomnia ဟာ ကျန်းမာရေးပြဿနာတစ်ခုဖြစ်ပါတယ်။ အဆိုပါဝေဒနာကို ခံစားနေရသူတွေဟာ အချိန်တော်တော်များများ အိပ်ချင်နေတာ၊ ထိုင်းမှိုင်းနေတာမျိုးတွေဖြစ်နေတတ်ကြပြီး ညပိုင်းမှာဖြစ်စေ၊ တရေးတမောအိပ်စဉ်မှာဖြစ်စေ အိပ်စက်ချိန်လည်းကြာမြင့်တတ်ပါတယ်။
ဒီဝေဒနာကို ခံစားနေရပြီ၊ ဒီလို အလွန်အကျွံတွေ အိပ်စက်မိနေပြီဆိုရင် နောက်ဆက်တွဲကျန်းမာရေးပြဿနာတွေ ကြုံဆုံလာရမှာဖြစ်ပါတယ်။ ဘယ်လိုပြဿနာမျိုးတွေလဲဆိုရင်တော့
ကိုယ့်ရဲ့ အိပ်စက်ချိန်ကို ဆန်းစစ်လေ့လာကြည့်ပါ။ ပုံမှန်ထက်ပိုပြီး အိပ်စက်မိနေပြီလားဆိုတာမျိုးပေါ့။ တကယ်လို့ ဒီလိုမျိုး အိပ်စက်မိနေပြီဆိုရင် သက်သာအောင်ကုစားဖို့ လိုအပ်ပါတယ်။
ဒီနည်းလမ်းတွေအပြင် ကိုယ့်မှာ Hypersomnia ရှိမရှိ သက်ဆိုင်ရာဆရာဝန်နဲ့ စစ်ဆေးပြီး ရှိနေတယ်ဆိုရင်လည်း ကုသမှုခံယူသင့်ပါတယ်။
ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။
အမျိုးသား
အမျိုးသမီး
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။