အမျိုးသား နဲ့ အမျိုးသမီး ဘယ်သူ ပိုစိတ်ဖိစီးတတ်သလဲ

ဒါကတော့ ဗီဇသဘာဝလို့ပဲ ဆိုရပါမယ်။ အမျိုးသားတွေက အမျိုးသမီးတွေလောက် အရာရာကို လေးလေးနက်နက် မတွေးဆတတ်ကြပါဘူး။ နောက်တစ်ခုက အမျိုးသမီးရော အမျိုးသားတွေပါ စိတ်ပူတတ်တယ်။ စိုးရိမ်စိတ် များတယ်ဆိုပေမယ့် အမျိုးသမီးတွေက အမျိုးသားတွေထက် ၂ ဆလောက် ပိုပြီး စိုးရိမ်စိတ် များတတ်ကြပါတယ်။ ဒီလို စိုးရိမ်စိတ်လေးရဲ့ အတိုင်းအတာ ကွာခြားချက်ကပဲ မမတွေကို ကိုကိုတွေထက် စိတ်ဖိစီးမှု ပိုဖြစ်စေတာပါ။

• ပေါက်ကွဲနိုင်စွမ်း ကွာခြားတာ

အမျိုးသားတွေက စိတ်တိုစရာ စိတ်ထိခိုက်စရာတွေ တွေ့လာတဲ့အခါ အော်ဟစ်ဒေါသထွက်တတ်ကြပေမယ့် အမျိုးသမီးတွေမှာ ဒီလို ပေါက်ကွဲဒေါသထွက်တတ်သူက အနည်းစုပါ။ ဒါကြောင့်ပဲ အမျိုးသမီးတွေက စိတ်ဖိစီးမှု ပိုများကြတာပါ။ အကြောင်းကတော့ ထွက်ပေါက်မရှိတဲ့ စိတ်က ပိုဖိစီးတတ်တယ် ဆိုတာမျိုးပေါ့။

• ရင်ဖွင့်တိုင်ပင်မှု နည်းပါးတာ

စိတ်ဖိစီးတဲ့အခါ အရက်သေစာ သောက်စားတာ၊ စိတ်ခံစားမှု ကောင်းစေတဲ့ ဆေးဝါးတွေ အသုံးပြုတာက ကျန်းမာရေးကို ထိခိုက်စေနိုင်တာကြောင့် အသုံးမပြုဘဲ မှန်ကန်တဲ့ နည်းလမ်းနဲ့ စိတ်ဖိစီးမှုကို ဖြေရှင်းဖို့ ပြောပါရစေ။

စိတ်ဖိစီးမှုက လူတိုင်း ရှောင်လွှဲလို့ မရပေမယ့် အကောင်းဆုံး ကျော်ဖြတ်လို့တော့ ရပါသေးတယ်။ ဒါကြောင့် ကိုကိုတွေရော မမတွေပါ စိတ်ဖိစီးမှု ခံစားလာရတဲ့အခါ မှန်ကန်ကောင်းမွန်တဲ့ နည်းလမ်းတွေနဲ့ ဖြေရှင်းကြဖို့ ပြောပါရစေ။