home

သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

မဆာလည်း စားမိနေတာ ဒါတွေကြောင့်ပါ

မဆာလည်း စားမိနေတာ ဒါတွေကြောင့်ပါ

ဗိုက်ကတော့မချောင်သေးဘူး စားစရာနောက်တစ်ခုခုက ပါးစပ်ထဲရောက်နေပြီ၊ တစွတ်စွတ်နဲ့စားမိနေတာ ဗိုက်လည်းမဆာဘဲနဲ့လေ။ စားမိနေတုန်းတော့မသိသေးဘူး၊ပြန်စဉ်းစားကြည့်လိုက်ရင် တစ်နေ့တာမှာစားခဲ့မိတာ စုံလို့။ ဒီလိုစားမိတာ အစာအိမ်အတွက်ရော ခန္ဓါကိုယ်ကျန်းမာရေးအတွက်ပါ မကောင်းပါဘူး။ ဝိတ်တွေတက်လာမယ်၊ အစာမကြေဖြစ်မယ်၊ အစာအိမ်ကျယ်လာနိုင်တယ် စတဲ့ အကျိုးဆက်တွေရှိလာနိုင်တာပေါ့။ ဒါကို ထိန်းချုပ်ဖို့ အတွက် ဘာကြောင့်ဖြစ်ရတယ်ဆိုတဲ့အကြောင်းရင်းခံတော့ သိထားဖို့လိုပါတယ်။ ဘာကြောင့် မဆာဘဲစားမိနေတာလဲဆိုတာဖြစ်နိုင်ခြေကတော့ –

အပေါင်းအသင်း

တစ်ခါတလေ အဖော်ကောင်းလို့လည်း ခဏခဏစားနေမိတတ်ပါတယ်။ လူစုံတာနဲ့ ဆာလည်းစား မဆာလည်းစား၊ စားရင်းစကားပြောရင်းနဲ့ အချိန်ကုန်တတ်ကြတယ်။

အရက်

အရက်သောက်တတ်တဲ့သူတွေမှာ အစားအသောက်နဲ့ပတ်သက်တဲ့ဆင်ခြင်ချင့်ချိနိုင်စွမ်းကို ကျဆင်းစေပါတယ်။ အရက်သောက်သူတွေဟာ အဆီနဲ့အချိုများတဲ့အစားအသောက်တွေလိုမျိုး ကျန်းမာရေးနဲ့မညီတာတွေကို ပိုစားမိလေ့ရှိပါတယ်။လေ့လာမှုတွေအရတော့ အရက်သောက်ခြင်းက ကိုယ့်ကိုယ်ကိုထိန်းချုပ်နိုင်စွမ်းနဲ့ဆိုင်တဲ့ဦးနှောက်အပိုင်းကို ထိခိုက်စေလို့ အရသာရှိတဲ့သရေစာတွေကိုငြင်းဆန်နိုင်ဖို့ခက်ခဲစေပါတယ်တဲ့။

အစားအသောက်ပုံတွေ

ဖေ့စ်ဘုတ်မှာတွေ့နေရတဲ့အစားအသောက်ပုံတွေက စားချင်စိတ်မဖြစ်ဖြစ်လာအောင် ဆွဲဆောင်နေပါတယ်။ ဒီလိုပုံတွေကြောင့်လည်း စားချင်စိတ်တွေတဖွားဖွားပေါ်လာပြီး မဆာလည်း အိမ်မှာရှိသမျှရှာစားရတဲ့အထိဖြစ်လာစေပါတယ်။

တကယ်ရောဆာလို့လား…

တကယ်ဆာလောင်မှုဆိုတာဖြည်းဖြည်းချင်းဖြစ်လာပြီး ခဏအောင့်ထားလို့လည်းရပါတယ်။ အဆာပြေအောင်စားလိုက်ရတယ်ဆိုလည်း စိတ်ကျေနပ်သွားဖို့လွယ်ပါတယ်။ စိတ်က စားချင်လာပြီး မဆင်မခြင်စားတာမျိုးက ရုတ်တရက်ဖြစ်လာတတ်ပြီး အစားအစာအမျိုးအစားတချို့ကို မက်မက်မောမောတောင့်တနေတတ်ပါတယ်။ ဗိုက်မဆာဘဲ စားမိပြီးကာမှ အပြစ်လုပ်မိသလိုလိုနောင်တရသလိုလိုဖြစ်လာရော။

မဆင်မခြင်မစားမိအောင် ဘယ်လိုလုပ်ရမလဲ

စိတ်ကိုဖြေသိမ့်နိုင်မယ့် တခြားနည်းလမ်းတွေကိုရှာပါ။ ဥပမာ အားကစားလုပ်တာ၊ တရားထိုင်တာ၊ မဖြစ်မနေစားရမယ်ဆိုရင်တောင် ကျန်းမာရေးနဲ့ညီတာတွေကိုရွေးချယ်ပါ။ သူငယ်ချင်းတွေနဲ့တွေ့မယ်ဆို အစားအသောက်တွေကြားမှာမဆုံပါနဲ့။ အပြင်စာတွေ ခဏခဏဝယ်စားတဲ့အကျင့်ကိုလျှော့ပါ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

စာရေးသူ ဓာတ်ပုံbadge
Yun Sandi Nan Mon မှ ရေးသားသည်။ 11/05/2020 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။