အရက်နာကျခြင်းနှင့်သက်ဆိုင်သော အယူအဆမှားများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 10, 2020 . 2 mins read
Share now

ညက အတော်များသွားပြီလို့ မနက်အိပ်ရာနိုးနိုးချင်းမှာ တွေးနေမိပြီဆိုရင် သေချာတယ် သင် အရက်နာကျနေပြီဆိုတာပါပဲ။

တကယ်လို့ အရက်နာကျနေမယ်ဆိုရင် ခေါင်းတွေကိုက်၊ မကြည်မလင်တွေဖြစ်ပြီး အာခံတွင်းကနေလည်း ဆိုးရွားတဲ့အနံ့တွေ ထွက်နေမှာဖြစ်ပါတယ်။ ဘာမှမလုပ်ချင်မကိုင်ချင်နဲ့ နေရတ မအီမသာကြီးဖြစ်နေမှာပါ။ ပြီးရင်တွေးပါလိမ့်မယ် “တော်ပြီ နောက်တစ်ခါ ငါမသောက်တော့ဘူးကွာ” ဆိုပြီးပေါ့။

ဒီလိုတွေ ကြုံဆုံရပေမယ့် ယမကာလုလင်တွေကတော့ အရက်ကို ဖြတ်တော်မမူပဲ ဆက်ပြီး စွဲစွဲမြဲမြဲ မှီဝဲကြပြန်ပါတယ်။ နောက်တစ်ခါ အရက်နာပြန်ကျရင် ထပ်တွေးမယ်၊ “ငါထပ်မသောက်တော့ဘူး” ဆိုပြီးပေါ့။ ဒီလိုပဲ သံသရာလည်နေတာမဟုတ်လား။

ခုလိုဖြစ်နေစေရတဲ့ အကြောင်းအရင်းတွေထဲမှာ အရက်နာကျတာက ဆိုးရွားတဲ့ ပြဿနာတစ်ခုမဟုတ်ဘူးလို့ အစဉ်အဆက် ယူဆထားကြတာကြောင့်ဖြစ်ပါတယ်။ ယုံတမ်းအမှားတွေကြောင့် အရက်နာကျတာနဲ့ ပတ်သက်ပြီး တလွဲတွေ ရှုမြင်လာမိကြတာပေါ့။

တကယ်တော့ အရက်နာကျတာဟာ ကျန်းမာရေးကို ထိခိုက်စေနိုင်တဲ့ ပြဿနာတစ်ရပ်ပါ။ ဒါကြောင့် အရက်နာကျခြင်းနဲ့ ပတ်သက်ပြီး လူအများစုယူဆနေကြတာတွေရဲ့ အမှန်အမှားတွေကို ရှင်းပြလိုပါတယ်။

MYTH: အရက်နာကျတာ ပြဿနာကြီးကြီးမားမား မဟုတ်ဘူး

အရက်နာကျတာ ပြဿနာတစ်ရပ်ဖြစ်ပါတယ်။ သင့်ရဲ့ ဗဟိုအာရုံကြောမကြီးကို ကြီးကြီးမားမား ထိခိုက်စေတယ်ဆိုတာကို သိထားဖို့ လိုအပ်ပါတယ်။ ဒါကြောင့်လည်း ခေါင်းကိုက်တာ၊ ခေါင်းမူးတာနဲ့ အော့အန်တာတွေဖြစ်စေတာပါ။

MYTH: အရက်နာကျရင် မိန်းမတွေ ပိုခံရတယ်

ဒီအချက်က မှန်ပါတယ်။ ယောင်္ကျားနဲ့ မိန်းမ ခန္ဓာကိုယ်ဖွဲ့စည်းပုံ မတူညီသလို ရေဓာတ်ထိန်းသိမ်းနိုင်စွမ်းလည်း မတူညီတာကြောင့် ပမာဏတူ အယ်ကိုဟောကို ကျားနဲ့မ ပြိုင်သောက်ရင် မိန်းမတွေကို အရက်နာကျမှုကို ပိုပြင်းပြင်းထန်ထန် ခံစားရမှာဖြစ်ပါတယ်။

MYTH: မဟားဒယားတွေ သောက်မှ အရက်နာကျမှာ

လူတစ်ဦးချင်းစီရဲ့ အခြေအနေတွေအပေါ် အများကြီး မူတည်နေပါတယ်။ တချို့တွေအတွက်တော့ တစ်ခွက်နှစ်ခွက်သောက်လည်း အရက်နာကျနိုင်ပါတယ်။ နောက်ပြီး ရေဓာတ်ဆုံးရှုံးမှု အခြေအနေပေါ်လည်း မူတည်လေ့ရှိပါတယ်။

MYTH: ဝိုင်သောက်ရင် အထာကျတယ်၊ အရက်နာမကျဘူး

ဝိုင်အနီမှာ Tannins ပါဝင်ပါတယ်။ အရက်နာကျတာကို ဖြစ်စေတဲ့ အဓိကလက်သည်ပေါ့။ ဒါကြောင့် ဝီစကီသောက်သောက် ဝိုင်သောက်သောက် အရက်နာကျနိုင်ခြေက ရှိကိုရှိပါတယ်။

MYTH: Diet Cocktails ပဲ သောက်မယ်၊ အရက်နာမကျအောင်

Diet Cocktails ဆိုတာက ကယ်လိုရီနည်းအောင် ဖန်တီးထားတာသာရှိတာပါ။ အယ်လ်ကိုဟောပါဝင်နေတာမို့ သောက်တာများရင် အရက်နာကျနိုင်တာပါပဲ။ ဒါပေမယ့် အသီးအနှံတွေ ရောနှောပါဝင်နေတာမို့ အရက်ဒီအတိုင်းသောက်တာထက်တော့ ဖြစ်နိုင်ခြေပိုနည်းတာ အမှန်ပါ။

MYTH: အရက်မသောက်ဘူး ဘီယာပဲသောက်မယ်

အရက်မသောက်ပဲ ဘီယာပဲ သောက်ရင် အရက်နာမကျဘူးလို့ တစ်ချို့က ထင်တတ်ကြပါသေးတယ်။ ဘီယာ၊ အရက်၊ ဝိုင် အားလုံးက အယ်လ်ကိုဟော ပါဝင်နေတာချည်းပါ။ များရင် အရက်နာကျတာချင်း အတူတူပါပဲ။

MYTH: မအိပ်ခင် ပါစတာစားရင် မနက် အရက်နာမကျဘူး

နှစ်ခါပြန်မှားတဲ့ အချက်လို့သာ ဆိုရပါတော့မယ်။ အရက်အမူးလွန်နေတာမို့ မနက် အရက်နာကျဖို့ သေချာနေတဲ့အပြင် အိပ်ရာဝင်ခါနီးမှာ ကယ်လိုရီများတဲ့ အစားအစာကိုပါ ထပ်စားမိတာမို့ အဝလွန်ဖို့ပါ ပိုနီးစပ်သွားပါလိမ့်မယ်။ တကယ်တော့ အရက်နာကျတာကို ရှောင်ချင်ရင် မသောက်ခင် အစာအရင်စားတာမျိုး လုပ်ဖို့သင့်တာပါ။

MYTH: အရက်အသောက်များရင် အိပ်ရေးတောင်ဝသေးတယ်

ဆန့်ကျင်ဘက်ပါ။ အသိစိတ်လွတ်ပြီး အိပ်ပျော်နေတာမှန်ပေမယ့် နှစ်ခြိုက်စွာအိပ်မောကျနေတာမျိုးမဟုတ်ပါဘူး။ ပြည့်ပြည့်ဝဝအိပ်စက်နိုင်တာမျိုး မဟုတ်တာကြောင့် ကျန်းမာရေးကို ထိခိုက်မှာဖြစ်ပါတယ်။

MYTH: အရက်ကို အရက်နဲ့ ပြန်ဖြေမယ်

မနက်မိုးလင်းလို့ အရက်နာကျနေရင် အရက်လေး နည်းနည်းပြန်သောက်ပြီး ပြန်ဖြေမယ်ဆိုတဲ့ လူစားမျိုးတွေ ရှိပါတယ်။ သေချာတာကတော့ သူတို့ အရက်စွဲနေပြီမို့ ဆရာဝန်နဲ့ ပြသဖို့ သင့်နေပါပြီ။

MYTH: ကော်ဖီသောက်ရင် အရက်နာကျတာ သက်သာလိမ့်မယ်

ကဖိန်းဓာတ်က သွေးကြောတွေကို ကျဉ်းမြောင်းစေတဲ့ အစွမ်းသတ္တိရှိပါတယ်။ ဆိုရရင် အရက်နာကျတာပိုဆိုးသွားစေနိုင်တယ်ဆိုတဲ့ သဘောပါ။ ရေများများသောက်ဖို့သာ အကြံပေးပါရစေ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

လမ်းလျှောက်များလို့ ဖိနပ်ပေါက် တဲ့အခါ ဒီလိုလုပ်ပါ

ဖိနပ်ပေါက် တာက အမျိုးသားရော အမျိုးသမီးပါ ကြုံဖူးမယ့် ပြဿနာပါ။ ဒီပြဿနာကို ဘယ်လိုနည်းနဲ့ အကောင်းဆုံး ဖြေရျင်းမလဲဆိုတာကို ဖတ်ကြည့်နော်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

Covishield ကာကွယ်ဆေး နဲ့ အရက် သောက်သုံးခြင်း

Covishield ကာကွယ်ဆေး နဲ့ အရက် သောက်သုံးမှု။ ကာကွယ်ဆေးထိုးမယ်ဆိုရင် မထိုခင်နဲ့ ထိုးပြီး အနည်းဆုံး ၄၅ ရက် ကြာတဲ့အထိ အရက်သောက်သုံးမှုကို ရှောင်ရပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ထင်သလောက်မစွမ်း တော့ဘူးလား ကိုယ့်လူ

အမျိုးသားတွေဟာ သူတို့ရဲ့ လိင်မှုစွမ်းဆောင်ရည် အားနည်းနေပြီ၊ ကျဆင်းလာနေပြီဆိုတာကို ထုတ်ပြောဖို့ သပ်ပြီး တွန့်ဆုတ်တတ်ကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

မာလာရှမ်းကောက ဘာလို့ စွဲလမ်းစရာဖြစ်နေတာလဲ

မာလာရှမ်းကော ကို ပူလိုက်တာ စပ်လိုက်တာဆိုတဲ့ စကားတွေနောက်မှာ လျှာကိုတဟူးဟူး မှုတ်ရင်း မကုန်မချင်းစားမိသွားတတ်ကြတာ လူတိုင်းနီးပါးပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

drinking-too-much-during-the-pandemic

အကျပ်အတည်းကာလဆိုပြီး ပိုသောက်မိနေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဖေ‌ဖော်ဝါရီ 22, 2021 . 2 mins read
ခေါင်းတွေကိုက်

နေပူထဲသွားပြီး ခေါင်းတွေကိုက် နေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 17, 2021 . 2 mins read
ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ကြောက်စိတ်တွေ များနေတယ် ဆိုရင် ဒါတွေ မစားပါနဲ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 2 mins read
အော်ရင်း ဟစ်ရင်း လည်ချောင်းနာ နေပြီလား

အော်ရင်း ဟစ်ရင်း လည်ချောင်းနာ နေပြီလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဖေ‌ဖော်ဝါရီ 16, 2021 . 3 mins read