မိုးလင်းလို့ မျက်လုံးဖွင့်လိုက်တာနဲ့ အရင်ဆုံးလုပ်မိတာကဖေ့ဘုတ်ခ် စဖွင့်တာများလား။ အခုနောက်ပိုင်းမှာလူတော်တော်များများလုပ်မိနေကြတာက မိုးလင်းလို့ မျက်လုံးဖွင့်လိုက်ရင်အရင်ဆုံးလုပ်မိတာက ဖုန်းဖွင့်ပြီးဖေ့ဘုတ်ခ်ကြည့်တာဆိုရင်တော့ ဒီဆောင်းပါးလေးက သင့်အတွက်လို့ပြောပါရစေ။
ဆောင်းပါးများ
ကိရိယာများ
အဖွဲ့များ
သတိ Facebook ကြောင့်မထိခိုက်ပါစေနဲ့
ဖေ့ဘုတ်ခ်ရှိတာကကောင်းတာရှိသလို ဆိုးတာတွေလည်းရှိပါတယ်။ အဝေးရောက်နေတဲ့ လူတွေကို အလွယ်တကူဆက်သွယ်ထိတွေ့ခွင့်ရစေနိုင်သလို သိချင်တာတွေကိုလည်း အလွယ်တကူရှာလို့ရပါတယ်။ ဒါပေမယ့် အရာရာက တန်ဆေး လွန်ဘေးဆိုသလိုပေါ့။ ကိုယ်အသုံးပြုတဲ့ပုံစံပေါ်မှာမူတည်ပြီးကောင်းတာတွေဖြစ်လာနိုင်သလို ဆိုးတာတွေလည်းဖြစ်လာနိုင်ပါတယ်နော်။
ဖေ့ဘုတ်ခ်ကြောင့်ဘာတွေဖြစ်နိုင်သလဲ
လေ့လာမှုတွေအရဖေ့ဘုတ်ခ်ကိုအလွန်အကျွံအသုံးပြုသူတွေဟာ ကျန်းမာရေးကို ထိခိုက်စေနိုင်တဲ့ အလေ့အထတွေတိုးလာသလို၊ ရုပ်ပိုင်းဆိုင်ရာ ထိခိုက်မှုတွေရော၊ စိတ်ပိုင်းဆိုင်ရာ ထိခိုက်မှုတွေကိုပါခံစားရနိုင်ပါတယ်။ဖေ့ဘုတ်ခ်အသုံးပြုတာများလာလေလေ ရုပ်ပိုင်းဆိုင်ရာ စိတ်ပိုင်းဆိုင်ရာမှာ ထိခိုက်မှုတွေများလာလေလေပါပဲ။ ဆိုရှယ်မီဒီယာပေါ်မှာ စွဲလမ်းလွန်းသူတွေဟာ စိတ်အားထက်သန်မှုလျော့ကျလာတယ်လို့လည်းသိရပါတယ်။
ရုပ်ပိုင်းဆိုင်ရာထိခိုက်မှုတွေ
ဖေ့ဘုတ်သုံးတဲ့အခါ အစားအသောက်တွေကို စားဖို့မေ့နေတာမျိုးတွေဖြစ်နိုင်သလို ဆီးတွေဝမ်းတွေမသွားဘဲအောင့်ထားတာမျိုးဖြစ်နိုင်ပါတယ်။ဖေ့ဘုတ်ခ်သုံးရင်း အိပ်ရာဝင်နောက်ကျတာမျိုးဖြစ်နိုင်ပါတယ်။ မျက်လုံးအားစိုက်ရလွန်းတာကြောင့် မျက်ကြောတွေထိခိုက်နိုင်သလို တစ်ချိန်လုံးအာရုံစိုက်နေရတဲ့အတွက် ဇက်ကြောတွေတာင့်တင်းတာ၊ လက်ကကြွက်သားတွေတောင့်တင်းတာမျိုးလည်းဖြစ်နိုင်ပါတယ်။ ခါးနာတာနဲ့ လက်ကောက်ဝတ်နာကျင်တာမျိုးတွေလည်းခံစားရနိုင်ပါတယ်။ ဒါတွေကရုပ်ပိုင်းဆိုင်ရာ ထိခိုက်မှုတွေပေါ့။နောက်ထပ်ဖြစ်လာနိုင်တာကတော့ ပုံမှန်လုပ်နေကျလှုပ်ရှားမှုတွေ၊ ကိုယ်လက်လှုပ်ရှားမှုတွေကို မလုပ်မိတာကြောင့် ကိုယ်အလေးချိန်တက်လာတာမျိုးလည်းဖြစ်နိုင်ပါတယ်။
စိတ်ပိုင်းဆိုင်ရာထိခိုက်မှုတွေ
ဖေ့ဘုတ်ခ်ကြောင့် စိတ်ပိုင်းဆိုင်ရာထိခိုက်မှုတွေရှိလည်းရှိနိုင်ပါတယ်။ဖေ့ဘုတ်ခ်အသုံးများတဲ့သူတွေဟာ အခြားသူတွေထက် စိတ်ပူပန်မှုပိုများကြသလို စိတ်ပိုင်းဆိုင်ရာမသက်မသာဖြစ်တာကိုခံစားရနိုင်ခြေကလည်း ပိုများနေပါတယ်။ ဖေ့ဘုတ်ခ်အသုံးပြုမှုကြောင့် စိတ်ဓါတ်ကျတာ၊ စိတ်ဖိစီးတာနဲ့ စိတ်ပူပန်တာတွေခံစားရနိုင်ခြေက အတော်လေးများနေပါတယ်။ နောက်တစ်ချက်က စိတ်ထိခိုက်မှုကိုခံရနိုင်ခြေပိုများနေတာပါ။
ဖေ့ဘုတ်ခ်ကြောင့် ဒီလိုတွေလည်းထိခိုက်နိုင်ပါသေးတယ်
ကိုယ့်ကိုယ်ကို စိတ်ကျေနပ်မှုမရှိဘူး -ဖေ့ဘုတ်ခ်သုံးတဲ့အခါ အခြားသူတွေရဲ့ အောင်မြင်မှုကိုကြည့်ပြီး ကိုယ့်အခြေအနေကို အားမလိုအားမရဖြစ်မှုတွေခံစားရပြီ စိတ်ပိုင်းဆိုင်ထိခိုက်မှုတွေခံစားရနိုင်ပါတယ်။
ဝန်တိုစိတ်တွေဖြစ်လာနိုင်တယ် – အခြားသူတွေရဲ့ပျော်ရွှင်ပြည့်စုံမှုတွေကို ကြည့်နေမိပြီး သူတို့ကို အားကျမှုကနေတဆင့် မမျှတဘူးလို့ ခံစားလာရပြီး တဖြည်းဖြည်း ဝန်တိုစိတ်တွေဖြစ်လာနိုင်ပါတယ်။
မေ့ဖို့လိုအပ်တဲ့အရာတွေကို အမှတ်ရနေစေတယ် –အချို့သောအရာတွေကို ကိုယ်တိုင်ကမေ့ထားနိုင်ဖို့တော်တော်လေးကြိုးစားထားရတဲ့အချိန်မှာဖေ့ဘုတ်ခ်မှာပေါ်လာတာကြောင့်ပြန်တွေးမိပြီး အရင်အချိန်ကိုပြန်ရောက်သွားတာမျိုးဖြစ်နိုင်ပါတယ်။ ကြိုးစားထားသမျှသဲထဲရေသွန်ဖြစ်သွားနိုင်ပါတယ်။
မလိုအပ်ဘဲ စိတ်ထိခိုက်ရနိုင်တယ် -ဖေ့ဘုတ်ခ်ကနေတဆင့် ကိုယ့်ရဲ့ အရင်ရည်းစားဟောင်းရဲ့ပုံတွေ၊ လက်ရှိမှာဖြစ်နေတဲ့ သူ့ရဲ့အခြေအနေတွေကိုမြင်တွေ့ရတဲ့အခါ မလိုအပ်ဘဲ စိတ်ထိခိုက်ရတာမျိုးတွေလည်း ခံစားရနိုင်ပါသေးတယ်။
စိတ်အားထက်သန်မှုကျဆင်းစေနိုင်တယ် – မနက်ခင်းဖေ့ဘုတ်ခ်စစဖွင့်ချင်းမှာတွေ့လိုက်ရတဲ့ ပို့စ်ကြောင့် စိတ်ထိခိုက်ပြီး တစ်နေ့တာလုံးမှာ စိတ်အားထက်သန်မှုကျဆင်းတာမျိုးဖြစ်နိုင်ပါတယ်။
Cyber Bullying အလုပ်ခံရနိုင်တယ် -ဖေ့ဘုတ်ခ်မှာ ပုံတွေတင်တာကြောင့် Cyber Bullying အလုပ်ခံရနိုင်ပါတယ်။ ဒီလိုအခြေအနေနဲ့တွေ့ကြုံခံစားရတဲ့အခါ စိတ်ပူပန်တာ၊ စိတ်ဖိစီးတာတွေခံစားရနိုင်ပါတယ်။
အလုပ်ပျက်နိုင်တယ် -ဖေ့ဘုတ်ခ်ကို မသုံးရမနေနိုင်တဲ့အနေအထားမျိုး အထိ စွဲလမ်းသွားတဲ့အခါ လုပ်ရမယ့်အလုပ်တွေကို ပစ်ထားပြီးဖေ့ဘုတ်ခ်သုံးနေမိတာကြောင့် အလုပ်ပျက်တာမျိုးတွေဖြစ်လာနိုင်ပါတယ်။
ကဲ စာဖတ်ပရိသတ်ကြီးရော ဒီအချက်တွေထဲက ဘယ်နှချက်လောက်ခံစားနေရပြီလဲ…………
ဒီလိုတွေပြောလို့ဖေ့ဘုတ်ခ်မသုံးနဲ့လို့မဆိုလိုပါဘူး။ အရာရာတိုင်းက အသုံးချတတ်ရင် အထောက်အကူဖြစ်ပေမယ့် အသုံးမချတတ်ရင် ဆိုးကျိုးဖြစ်စေနိုင်တာကြောင့် Helloဆရာဝန် ပရိသတ်ကြီးအနေနဲ့ သတိထားကြဖို့ တိုက်တွန်းလိုက်ပါရစေ။
Hello Health Groupသည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။
Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။
advertisementadvertisementadvertisementadvertisement
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။