ဆီးလမ်းကြောင်းပိုးဝင်ခြင်းရဲ့ ရောဂါလက္ခဏာများ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 11, 2020 . 2 ဖတ်ရန် ကြာချိန်
Share now

မျက်စိနဲ့မမြင်ရတဲ့ ပိုးမွှားအကောင်လေးတွေက ဆီးလမ်းကြောင်းထဲကို အကြောင်းအမျိုးမျိုးကြောင့် ဝင်ရောက်သွားတဲ့အခါ ဆီးလမ်းကြောင်းပိုးဝင်တဲ့ ရောဂါလက္ခဏာတွေ စတင်ပြပါတယ်။ ဘက်တီးရီးယား၊ မှိုရောဂါပိုး၊ အလွန်ရှားပါးတဲ့ အခြေအနေမှာ ဗိုင်းရပ်စ်ပိုးကူးစက်ခံရခြင်းကြောင့် ဖြစ်ပါတယ်။ လေ့လာတွေ့ရှိချက်အရ အမျိုးသမီးတွေရဲ့ ဆီးလမ်းကြောင်းဟာ အမျိုးသားတွေထက် တိုလွန်းတာကြောင့် ဆီးလမ်းကြောင့်ပိုးဝင်နိုင်ခြေ ၄ဆ ပိုများပါတယ်။ ဆီးလမ်းကြောင်းတွင်းသို့ ပိုးဝင်တဲ့အခါ ဒီရောဂါပိုးဟာ ကျောက်ကပ်၊ ဆီးအိမ်၊ ဆီးစွန့်ပြွန်ထိပါ ကူးစက်ဝင်ရောက်ပြီး အတွင်းကနေ ပျက်စီးစေကာ လုပ်ဆောင်ချက်များကို ကျဆင်းစေပါတယ်။

ဆီးလမ်းကြောင်း ပိုးဝင်ပြီဆိုတာ ဘယ်လိုသိနိုင်မလဲ။

တစ်ခါတလေမှာ ရောဂါလက္ခဏာ လုံးဝမပြတတ်တာမျိုးလည်း ဖြစ်နိုင်ပါတယ်။ အကယ်လို့ လက္ခဏာပြပြီဆိုရင်တော့

  • ဆီးသွားတဲ့အချိန် လိင်အင်္ဂါတွင်း ပူစပ်ပူလောင်ဖြစ်နေတာ
  • ဆီးတော့ ခဏခဏ သွားတယ်၊ ဆီးထွက်တာ နည်းနေတာ
  • ဆီးစွန့်ချင်စိတ် ထိန်းမရအောင် ဖြစ်နေတာ
  • ဆီးထဲမှာ သွေးပါတာ
  • ဆီးအရောင်က အဖြူရောင်နောက်ကျိကျိ အရောင်ဖြစ်နေတာ
  • ဆီးအရောင်က အညိုပုပ်ရောင်ဘက်ကို သမ်းနေတာ
  • ဆီးအနံ့ အရမ်းပြင်းလွန်းတာ
  • အမျိုးသမီးတွေမှာဆိုရင် တင်ပါးဆုံရိုး အောင့်ပြီး
  • အမျိုးသားတွေမှာ စအိုပတ်လည်က နာကျင်နေတာ စတဲ့ လက္ခဏာတွေကို အများဆုံး တွေ့ရပါတယ်။

သိပ်ကို ပြင်းထန်လွန်းတဲ့အခြေအနေ သို့မဟုတ် ဆီးလမ်းကြောင်းအတွင်းဘက်သို့ ကူးစက်ခံရတဲ့အခါ

  • ကျောနဲ့ ဘေးပတ်လည်မှာ နာကျင်ပြီး အောင့်နေသလို ခံစားရတာ
  • ချမ်းစိမ့်စိမ့်ဖြစ်တာ
  • အဖျားတက်တာ
  • မူးဝေအော့အန်ချင်တာ စတာတွေပါ တွေ့ရပါတယ်။

ပျောက်ကင်းအောင် ကုသဖို့ဆိုရင် ဘာတွေလုပ်သင့်လဲ။

၁။ အရင်ဆုံး အပေါ်မှာ ပြထားတဲ့ လက္ခဏာတွေ တွေ့ရပြီဆိုရင် ဆရာဝန်နဲ့ အမြန်ဆုံးပြကြည့်ပါ။

၂။ ဆရာဝန်အနေနဲ့ လူနာရဲ့ ကျန်းမာရေးအခြေအနေ၊ လိင်မှုကိစ္စဆိုင်ရာ အကြောင်းအရာတွေကို မေးမြန်းပြီးတဲ့အခါ ဆီးစစ်ခိုင်းပါလိမ့်မယ်။

၃။ ရလာတဲ့ ဆီးနမူနာကို ဓါတ်ခွဲခန်းသို့ပို့ပြီး အခြေအနေကို လေ့လာစစ်ဆေးမှာ ဖြစ်ပါတယ်။

၄။ အဖြေရလာတဲ့အချိန်မှ ကိုယ့်ဆီးလမ်းကြောင်းမှာ ရှိနေတဲ့ ရောဂါပိုးကို အမြန်ဆုံးတိုက်ထုတ်ပေးနိုင်မယ့် ပဋိဇီဝဆေး (Antibiotics) တွေကို ပေးသွားမှာဖြစ်ပါတယ်။

၅။ ဆရာဝန်ရဲ့ ဆေးအညွှန်းအတိုင်းကို သေချာသောက်သွားမယ်ဆိုရင် အချိန်တိုအတွင်းမှာ အမြစ်ပြတ် ပျောက်ကင်းသက်သာသွားနိုင်ပါတယ်။

မပြလို့ရော ရမလား။

ဆီးလမ်းကြောင်း ပိုးဝင်ခြင်းသည် စောစောသိပြီး ကုသမှုခံယူရင် ပျောက်ကင်းဖို့ အရမ်းလွယ်ပါတယ်။ ပိုးသတ်ဆေး၊ မှိုပိုးသတ်ဆေးတွေ မသောက်ဘဲနဲ့တော့ ရောဂါလုံးဝပျောက်မှာ မဟုတ်ပါဘူး။ အပေါ်မှာ ပြထားတဲ့ လက္ခဏာတွေသာမက မကုသဘဲ ပစ်ထားလိုက်မယ်ဆိုရင် ကျောက်ကပ်၊ ဆီးအိမ်ပိုးဝင်ပြီး ပျက်စီးကာ အသက်အန္တရာယ်ကိုပါ ထိခိုက်စေနိုင်တဲ့အထိ ပြင်းထန်သွားနိုင်ပါတယ်။

ဆီးလမ်းကြောင်း ပိုးမဝင်အောင် ဘယ်လိုကာကွယ်မလဲ။

၁။ တစ်နေ့ကို ရေ ၃လီတာထက် မနည်းသောက်ပေးပါ။

၂။ ဆီးသွားချင်ရင် အောင့်မထားပါနဲ့။ ဆီးကိုလည်း ပုံမှန်သွားပေးပါ။

၃။ အမျိုးသမီးတွေဆိုရင် မိန်းမကိုယ်ကို သန့်ရှင်းရေးလုပ်တဲ့အခါ အရှေ့ဘက်ကနေ အနောက်ဘက်ကို လက်ဖြင့်ဆွဲပြီး သန့်ရှင်းရေးလုပ်ပေးပါ။

၄။ မိန်းမကိုယ်သန့်စင်ဆေးရည်တွေကိုသာ အသုံးပြုပါ။ ဆပ်ပြာနဲ့ တိုက်ချွတ်ဆေးတာမျိုး မလုပ်ပါနဲ့။

၅။ အမျိုးသားဖြစ်စေ၊ အမျိုးသမီးဖြစ်စေ လိင်ဆက်ဆံတဲ့အခါ ကွန်ဒုံးကို အသုံးပြုပါ။

၆။ လိင်ဆက်ဆံပြီး နာရီဝက်အတွင်း ဆီးတစ်ကြိမ် သွားပါ။

၇။ အထူးသဖြင့် စအိုဖြင့်လိင်ဆက်ဆံပြီးတဲ့အခါ ထိုးသွင်းသူ အမျိုးသားအနေနဲ့ ဆီးသွားဖို့လိုအပ်တဲ့အပြင် လိင်အင်္ဂါကိုပါ ဆပ်ပြာနဲ့ သေချာဆေးကြောဖို့လိုအပ်ပါတယ်။

၈။ ဆီးချိုရောဂါရှင်တွေ၊ ကိုယ်ဝန်ဆောင်အမျိုးသမီးနဲ့ အရင်က ဆီးလမ်းကြောင်း ပိုးဝင်ဖူးတဲ့သူတွေမှာဆိုရင် ထပ်ပြီး ဖြစ်နိုင်ခြေပိုးများတာကြောင့် သေချာဂရုစိုက်ပေးပါ။

၉။ ကိုယ်ခံအားစနစ်ကို ကောင်းနေဖို့ အိပ်ရေးဝအောင် အိပ်ပါ။ အစာအာဟာရပြည့်ဝစုံလင်စွာ စားပေးပါ။

Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။+

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

ကျားလိင်အင်္ဂါကို ကြီးဆေးထိုးခြင်းရဲ့ ကြောက်စရာဆိုးကျိုးများ

လိင်အင်္ဂါ ကြီးဆေးထိုး လိင်တံ ယောက်ျား အမျိုးသား ကျန်းမာရေး ထောင်မတ် လိင်ဆက်ဆံ ကာမသုခ ဆီးလမ်းကြောင်း အနာ ထိပ်အရေပြား ဆီလီကွန် ဂေါ်လီ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

အသက်ကြီးမှ ကလေးယူမယ်ဆိုရင်

အသက်အရွယ် ကိုယ်ဝန်ဆောင် အမျိုးသမီး ကိုယ်တွင်းဟော်မုန်း အပြောင်းအလဲ မွေးရာပါချို့ယွင်းချက် ဆီးလမ်းကြောင်း သွေးပေါင်ချိန် ကိုယ်ဝန်ဆိပ်တက်ခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

ဆီးလမ်းကြောင်းတွင် ကျောက်တည်ခြင်းအန္တရာယ် နှင့် ရေနွေးကြမ်း

ဆီးလမ်းကြောင်း ကျောက်တည်ခြင်း ရေနွေး သံပုရာရည် ရေနွေးကြမ်း သဘာဝပစ္စည်း နာကျင်မှုဝေဒနာ ကျောက်ကပ် အသည်း green tea ရေဆာရင် နွေရာသီ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

ကလေးတွေကို နား သန့်ရှင်းပေးသင့်သလား

နား နားသန့်ရှင်း နားဖာကလော် နားဖာချေး မိခင် ကလေး နားပိတ်ဆို့မှု သန့်ရှင်းမှု ပိုးဝင်ခြင်း ထိခိုက်မှု အကြားအာရုံ ဆိုးကျိုး အန္တရာယ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

သင့်အတွက် ရွေးချယ်ထားသည်

ရေချိုးနေစဉ် ဆီးသွားသင့်လား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇွန် 30, 2020 . 2 ဖတ်ရန် ကြာချိန်

ဆီးလမ်းကြောင်း ပိုးဝင်ခဲ့ရင် ဆေးအကူအညီမယူဘဲ ဘယ်လိုကုမလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇွန် 30, 2020 . 2 ဖတ်ရန် ကြာချိန်
ခံတက်ချဉ်လေး ခံတွင်းတွေ့တယ် ဆိုသူတွေအတွက်

ခံတက်ချဉ်လေး ခံတွင်းတွေ့တယ် ဆိုသူတွေအတွက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇွန် 29, 2020 . 1 ဖတ်ရန် ကြာချိန်
မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

မိုးရာသီရဲ့နတ်ဆိုး (သို့မဟုတ်) သွေးလွန်တုပ်ကွေးရောဂါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဇွန် 8, 2020 . 3 ဖတ်ရန် ကြာချိန်