လူကြီးဖြစ်တဲ့အထိ လက်မစုပ်တဲ့အကျင့် မပျောက်သေးဘူးလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 25, 2020 . 2 mins read
Share now

လက်မ သို့မဟုတ် လက်ချောင်းလေးတွေ စုပ်တယ်ဆိုတာ ပုံမှန် အသက် မွေးကင်းစ နို့စို့တဲ့ ကလေးအရွယ်ကနေ ၅ နှစ်လောက်ထိ သူ့အလိုလို ဖြစ်တတ်တဲ့ အကျင့်ပါ။ ၅ နှစ်နောက်ပိုင်း ကျောင်းစတက်တဲ့အခါ ဒီအကျင့်က ပျောက်သွားတတ်သလို မပျောက်ဘဲ ကြီးတဲ့အထိ လက်မစုပ်နေတတ်တဲ့ သူတွေလည်း ရှိပါတယ်။

လူကြီးဖြစ်တဲ့အထိ လက်မစုပ်တဲ့ အကျင့်က ဘာလို့ မပျောက်သွားတာလဲ။

လက်မစုပ်ရတဲ့ အကြောင်းရင်းကို အခုချိန်ထိ တိတိကျကျ ရှာဖွေဖော်ထုတ်နိုင်ခြင်းတော့ မရှိသေးပေမဲ့ လူကြီးတွေမှာ ဖြစ်ရတဲ့ အကြောင်းရင်းကိုတော့ စိုးရိမ်ပူပန်ခြင်း လျော့ကျစေပြီး စိတ်ကို သက်သောင့်သက်သာ ဖြစ်စေဖို့ ကူညီပေးနိုင်တာကြောင့် ဖြစ်တယ်လို့ ဆိုထားပါတယ်။ ကလေးအရွယ်မှာ များသောအားဖြင့် အကြောင်းရင်းမရှိဘဲ ပါးစပ်ထဲ လက်မထည့် စုပ်နေတတ်ပြီး နို့ဆာတဲ့ အခါမျိုး၊ ကိုယ့်ဦးနှောက် အသိဉာဏ်ထဲမှာ ရင်းနှီးနေတဲ့ မေမေ ဖေဖေတွေရဲ့ မျက်နှာ၊ အသံကို ကြားတဲ့အခါမှာလည်း ချစ်စဖွယ် ဖြစ်အောင် လုပ်ပြတာ ဖြစ်ပါတယ်။

ကလေးဘဝမှာ စိတ်ဒဏ်ရာ ရခဲ့ဖူးတဲ့ သူတွေ ကြီးပြင်းလာတဲ့အခါ ငယ်ငယ်တုန်းက လုပ်ခဲ့ဖူးတဲ့ လက်မစုပ်တဲ့ အမူအကျင့်က စွဲကပ်ပြီး ပါလာတတ်ပါတယ်။ စိုးရိမ်ပူပန်ခြင်းတွေ၊ စိတ်ဖိစီးမှုတွေကြောင့် ထိန်းမရအောင် လှုပ်ရှားနေတဲ့ စိတ်ကို ငြိမ်စေတယ်။ တချို့တွေမှာကျတော့လည်း စိတ်ကျန်းမာရေး ပြဿနာ တစ်စုံတစ်ရာ မရှိဘဲ ပျင်းရင်း လက်ကို ပါးစပ်ထဲထည့်ပြီး စုပ်နေတတ်တယ်။ Trichotillomania လို့ ခေါ်တဲ့ ဦးရေပြား၊ မျက်ခုံးမွေး သို့မဟုတ် ခန္ဓာကိုယ်မှာ ပေါက်နေတဲ့ အမွေးအမျှင်တွေကို လက်နဲ့ ဆောင့်ဆွဲပြီး နှုတ်ချင်တဲ့ စိတ် ထိန်းမနိုင် သိမ်းမရဖြစ်ခြင်း စိတ်ဝေဒနာ ရှိသူတွေမှာလည်း လက်မစုပ်တတ်တဲ့ အကျင့်ကို တွေ့ရပါတယ်။

လက်မ စုပ်ခြင်းကြောင့် ဘယ်လို ကျန်းမာရေး ပြဿနာတွေ ဖြစ်နိုင်လဲ။

ကလေးအရွယ်မှာ သွားတွေက နုနယ်သေးတဲ့အတွက် ပြဿနာ ကြီးကြီးမားမား မရှိနိုင်တဲ့ တိုင်အောင် လက်သည်းကြားမှာ ရှိတဲ့ ရောဂါပိုးတွေ ဗိုက်ထဲ ဝင်သွားပြီး အစာအိမ်နဲ့ ဝမ်းရောဂါတွေ ဖြစ်စေနိုင်ပါတယ်။ လူကြီးတွေမှာဆိုရင်တော့ ဝမ်းနဲ့ ပတ်သက်တဲ့ ရောဂါတွေသာမက ခံတွင်းနဲ့ သွားဘက်ဆိုင်ရာ ကျန်းမာရေး ပြဿနာတွေပါ ဖြစ်လာနိုင်ပါတယ်။ ဘယ်လို ရောဂါတွေနဲ့ ကျန်းမာရေး ပြဿနာတွေလဲဆိုရင်

၁။ သွားမညီခြင်း (Misaligned Teeth)

မကြာခဏ လက်မကို အာရုံစိုက်ပြီး စုပ်နေတဲ့အချိန်မှာ ပါးစောင်မှာ ရှိနေတဲ့ ကြွက်သားတွေက ပျော့ခွေလာပြီး သူနဲ့ ဆက်စပ်နေတဲ့ မေးရိုး အနေအထားကို ပြောင်းလဲစေကာ သွားတွေကို မညီမညာ ဖြစ်စေတာ၊ သွားတွေ အရှေ့ဘက်ကို ခေါထွက်လာတာ၊ သို့မဟုတ် အနောက်ဘက်ကို စောင်းလာတာ၊ မေးရိုး အနေအထား ပြောင်းလဲသွားတာမျိုး ဖြစ်နိုင်ပါတယ်။

၂။ အာခေါင်က ထိခိုက်ပွန်းပဲ့ရန် လွယ်ကူလာတာ

လက်မစုပ်ခြင်းဟာ ပါးစပ်ထဲမှာ ရှိတဲ့ အာခေါင်ကို ချိုင့်သွားစေပြီး ခွက်ဝင်သွားစေတယ်။ ထိခိုက်ပွန်းပဲ့လွယ်လာသလို အအေးဒဏ်၊ အပူဒဏ် အစရှိတဲ့ ခံစားသိနိုင်မှု ပိုများလာပါတယ်။

၃။ ခံတွင်းရောဂါ ဖြစ်ခြင်း

ဘယ်သူကမှတော့ အချိန်ပြည့် လက်ကို ဆေးနိုင်မှာ မဟုတ်ပါဘူး။ လက်ဆိုတာ အရာဝတ္ထု ပေါင်းစုံကို လက်နဲ့ ကိုင်တွယ်နေရတာ၊ အပြင်က ဖုန်တွေ၊ သဲတွေ ကပ်ငြိနေတာကြောင့် ရောဂါပိုး ပေါင်းစုံက ရှိနေပြီးသားပါ။ အဲ့လို မသန့်ရှင်းတဲ့ လက်ကို ပါးစပ်ထဲ ထည့်လိုက်ပြီ ဆိုတာနဲ့ ရောဂါပိုးတွေက သွား၊ သွားဖုံး၊ လျှာ၊ အာခေါင်၊ လည်ချောင်း၊ အာသီးတွေမှာ သွားကပ်ငြိပြီး ပိုးဝင်စေကာ ရောဂါ ဖြစ်စေနိုင်ပါတယ်။

၄။ လက်မကို ရှည်မျောမျော ဖြစ်လာစေတာ

ရေရှည် စုပ်ခံနေရတဲ့ လက်မဟာ အချိန်ကြာလာတာနဲ့ လက်မ ပုံသဏ္ဍာန် ပျက်ယွင်းပြီး အရေပြား ခြောက်သွေ့ခြင်း၊ ကွဲအက်ခြင်း၊ လက်မက ရှည်မျောမျော ဖြစ်လာခြင်း၊ ပိုးဝင်နိုင်တာမျိုးတွေ ဖြစ်နိုင်ပါတယ်။

၅။ ဘာသာစကား ပြောဆိုရာမှာ အခက်အခဲ ဖြစ်ခြင်း

နောက်ဆက်တွဲ ဖြစ်တဲ့ ပြဿနာတွေထဲမှာ ဘာသာစကား ပြောဆိုရာတွင် အခက်အခဲ ဖြစ်ခြင်း၊ စကား မပီတော့ခြင်း၊ အသံထွက်ကို ကွဲကွဲပြားပြား မပြောနိုင်တာတွေလည်း ပါဝင်ပါတယ်။

ဘယ်လို သက်သာအောင် လုပ်မလဲ။

အဓိက စိတ်မငြိမ်တဲ့ သူတွေမှာ အတွေ့များတဲ့ အမူအကျင့် ဖြစ်တာကြောင့် ကိုယ့်ရဲ့ စိတ်ကို အရင်ဆုံး ပြုပြင်ဖို့ လိုအပ်ပါတယ်။ အဓိက အားဖြင့်

• တရားထိုင်ခြင်း
• လေ့ကျင့်ခန်းလုပ်ခြင်း
• အသက်ရှူလေ့ကျင့်ခန်းများ
ယောဂကျင့်စဉ်များ စတဲ့ နည်းလမ်းတွေကို လုပ်ပေးလို့ ရပါတယ်။

နောက်ထပ် နည်းလမ်းတွေ အနေနဲ့ လက်မကို အစွပ် တစ်ခုခုနဲ့ စွပ်ပေးထားခြင်း၊ သို့မဟုတ် လက်အိတ် ဝတ်ထားတာမျိုးလည်း လုပ်ပေးလို့ ရပါတယ်။ မိမိကိုယ်ကိုယ် ဘယ်လိုမှ ထိန်းချုပ်အောင် ဆိုးရွားနေတယ်လို့ ယူဆရင်တော့ စိတ်ရောဂါ ပညာရှင်နဲ့ တိုင်ပင်ဆွေးနွေးပြီး အမူအကျင့်နဲ့ စိတ်ကုထုံး ကျင့်စဉ်တွေကို လေ့ကျင့်လုပ်လို့ ရပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သင်ချစ်ရတဲ့သူတွေ စိတ်ဖိစီးမှုမှ လွတ်မြောက်ဖို့ ဘယ်လိုကူညီပေးမလဲ

စိတ်ဖိစီးမှုက ခံနိုင်စွမ်းထက် ကျော်လွန်လာရင်တော့ ရုပ်ပိုင်းဆိုင်ရာ၊ စိတ်ပိုင်းဆိုင်ရာတွေ ထိခိုက်လာမှာပါ။ ဒီအဆင့်ထိရောက်မသွားအောင် ကာကွယ်ဖို့လိုပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

စမုန်စပါးရဲ့ ကျန်းမာရေးအာနိသင်

စမုန်စေ့က လူတိုင်းနဲ့ ရင်းနှီးပြီး ဖြစ်နိုင်ပေမယ့် စမုန်စပါးပင်ကိုတော့ သိထားမိသူ နည်းနိုင်ပါတယ်။ စမုန်စပါးပင်က ဟင်းခတ်အမွှေးအကြိုင်တစ်ခုပါ။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သွေးတွင်းအချိုဓာတ်ကို များစေနိုင်သည့် လူသိနည်းသော အချက်များ

သွေးတွင်းအချိုဓာတ်ကို များစေတဲ့ အချက်တွေကတော့ စိတ်ဖိစီးမှုများတာ၊ အိပ်ရေးပျက်တာ၊ ဖျားနာတာ၊ ဆေးသောက်ချိန်မမှန်တာ၊ ကဖင်းဓာတ်စတာတွေကြောင့် ဖြစ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

တိုင်းရေးပြည်ရာ အတွေးစတွေကြောင့် စိတ်ဖိစီးနေပြီလား

လူဆိုတာ နိုင်ငံရေးသတ္တဝါလို့ ဆိုစကားရှိတယ်။ လူရယ်လို့ဖြစ်လာပြီဆိုရင် တိုင်းရေးပြည်ရာ ကိစ္စရပ်တွေနဲ့ ဆက်နွယ်နေတော့စိတ်ဖိစီးမှုလည်း ကြုံလာနိုင်တော့တာပေါ့။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

ရိုးသားတဲ့လူတွေဟာ ပိုကျန်းမာကြသလား

ရိုးသားတဲ့လူတွေဟာ ပိုကျန်းမာကြသလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် နိုဝင်ဘာ 21, 2020 . 2 mins read
အရေးပါတဲ့ ကျန်းမာရေးနဲ့ညီညွတ်တဲ့ စားသောက်မှုပုံစံ

အရေးပါတဲ့ ကျန်းမာရေးနဲ့ညီညွတ်တဲ့ စားသောက်မှုပုံစံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 20, 2020 . 2 mins read
ဆီးချိုရှိသူအတွက် ပြုစုစောင့်ရှောက်ရသူတစ်ယောက်ရဲ့စိတ်သောကကို လျှော့ချပေးနိုင်မယ့် (၇) ချက်

ဆီးချိုရှိသူအတွက် ပြုစုစောင့်ရှောက်ရသူတစ်ယောက်ရဲ့စိတ်သောကကို လျှော့ချပေးနိုင်မယ့် (၇) ချက်

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Yun Sandi Nan Mon
ရေးသား ထုတ်ဝေခဲ့သည် နိုဝင်ဘာ 10, 2020 . 3 mins read
သိမ်းဆည်းထားရမယ့် အရာတွေထဲမှာ စိတ်ဖိစီးမှု မပါပါ။

သိမ်းဆည်းထားရမယ့် အရာတွေထဲမှာ စိတ်ဖိစီးမှု မပါပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 9, 2020 . 2 mins read