လည်ချောင်းနာတာ အမြန်သက်သာစေမယ့် အိမ်တွင်းကုထုံး (၅) ချက်

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇူလိုင် 2, 2020 . 2 mins read
Share now

လည်ချောင်းနာတယ်ဆိုတာ ရာသီမရွေးဖြစ်ပွားတတ်ပြီး ခုလို ပူလိုက်၊ အေးလိုက်ဖြစ်နေတဲ့အချိန်မျိုးမှာဆို ပိုဆိုးတာပေါ့။ ဒီလိုအချိန်တွေမှာ ရောဂါပိုးမွှားတွေက ပိုမိုပွားများလာဖို့လည်း မြန်တဲ့အပြင် ပါးစပ်မအုပ်ဘဲ နှာချေ၊ ချောင်းဆိုးလိုက်ရာကနေ လေမှတစ်ဆင့် လျင်မြန်စွာ ကူးစက်ခံရဖို့ ပိုလွယ်ကူတတ်ပါတယ်။ ခုလို ရာသီအကူးအပြောင်းကာလမှာတော့ လူတွေအဖြစ်များဆုံး ပြဿနာထဲမှာ လည်ချောင်းနာတာလည်း တစ်ခုအပါအဝင်ပါပဲ။ ဘေးပတ်ဝန်းကျင်ကိုတော့ အနှောင့်အယှက်မဖြစ်စေပေမဲ့ ဝေဒနာရှင်အတွက်တော့ အစားကောင်းကောင်း မစားရ၊ ရေလည်း မသောက်ရ၊ နောက်ဆုံး တံတွေးမြိုရင်တောင် နာရတယ်၊ တစ်ခါတစ်ခါလည်း ယားပြီး နေရခက်တော့ ဘာလုပ်လို့ လုပ်ရမှန်းမသိ ဖြစ်တတ်တယ်နော်။ ဒါကြောင့် ဒီနေ့ဆောင်းပါးလေးမှာ လည်ချောင်းနာတာကို အမြန်သက်သာဖို့၊ ဆေးခန်းသွားပြရမှာ ပျင်းတဲ့သူတွေအတွက် အိမ်မှာပဲ အလွယ်တကူလုပ်လို့ရမယ့် နည်းလမ်းကောင်းတွေကို ဝေမျှပေးလိုက်ချင်ပါတယ်။

၁။ ဆားရည်နဲ့ ပလုတ်ကျင်းပါ။

ယားယံပြီး နေထိုင်ရခက်တဲ့ လည်ချောင်းအတွက် အကောင်းဆုံးဖြေဆေးကတော့ သွားတိုက်ပြီးတိုင်း ဆားရည်နဲ့ ပလုတ်ကျင်းတာပါပဲ။ သဘာဝဆားမှာ ရောဂါပိုးတွေကို သေစေတဲ့ အာနိသင်အပြင် နီရဲရောင်ရမ်းတာ၊ ယားယံတာကိုလည်း သက်သာစေတယ်။ လည်ချောင်းထဲမှာ ရှိနေတဲ့ ချွဲတွေကို အပြင်ဘက်ရောက်အောင် ခတ်ထုတ်ပေးနိုင်လို့ ခံတွင်းရှင်းပြီး ဝေဒနာအမြန်သက်သာစေဖို့ ကူညီပေးနိုင်ပါတယ်။ ရေနည်းနည်းနဲ့ ဆားဇွန်းတစ်ဝက်လောက်ကို ရောပြီး ပါးစပ်တစ်ခုလုံးနဲ့ အာခေါင်ထိရောက်အောင် ပလုတ်ကျင်းပေးဖို့ လိုပါတယ်။ တစ်နေ့ကို ၂ကြိမ်မှ ၃ကြိမ်ထိ လုပ်ပေးရုံနဲ့ ရက်အနည်းငယ်အတွင်း သက်သာတဲ့ အကျိုးကို ရရှိမှာပါ။

၂။ ငုံဆေးသကြားလုံး ငုံထားပါ။

Lozenge လို့ခေါ်တဲ့ ချောင်းဆိုးတဲ့အချိန်မှာ ခံတွင်းရှင်းစေဖို့ ငုံထားလို့ရတဲ့ ဆေးသကြားလုံးတွေကို လည်ချောင်းနာနေချိန်မှာလည်း ငုံထားပေးလို့ရပါတယ်။ သူက လည်ချောင်းထဲမှာရှိနေတဲ့ နီရဲရောင်ရမ်းနေတဲ့ တစ်ရှူးတွေကို အေးမြပြီး အရောင်ကျစေတယ်၊ ပူရှိန်ပါဝင်လို့ ယားယံတာ၊ နာကျင်တာကိုလည်း သက်သာစေနိုင်ပြီး ခံတွင်းရှင်းစေတယ်။ ငုံဆေးရွေးတဲ့အခါ သဘာဝအဆီအနှစ်တွေကနေ ထုတ်ထားတဲ့ Hudson’s ငုံဆေးလိုမျိုး ငုံဆေးသကြားလုံးဆိုရင် ပိုအဆင်ပြေပါလိမ့်မယ်။ အရသာအမျိုးမျိုးရှိလို့ ကိုယ့်စိတ်တိုင်းကျရွေးချယ်လို့ရပါတယ်။ ယူကလစ်ဆီ၊ အကေးရှားအဆီအနှစ် နဲ့ ပရုပ်အေးပါတဲ့ ငုံဆေးက ခံတွင်းကျန်းမာစေပြီး လည်ချောင်းနာတာကို အထိရောက်ဆုံး သက်သာစေနိုင်မှာပါ။

၃။ ပျားရည်နဲ့ သံပရာရည် ရောသောက်ပါ။

ကလေးတွေ ချောင်းဆိုးပြီဆိုရင် ဝေဒနာအမြန်သက်သာအောင်ဆိုပြီး သံပရာရည်ထဲကို ပျားရည် နည်းနည်းရောပြီး တိုက်တာ မြင်ဖူးကြမှာပါ။ ဒီအိမ်တွင်းကုထုံးက ချောင်းဆိုးတာအတွက်တင်မကဘဲ လည်ချောင်းနာတာအတွက်ပါ အသုံးဝင်ပါတယ်။ လည်ချောင်းယားတာ၊ လည်ချောင်းနာတာကို သက်သာစေတယ်။ ရောဂါပိုးတွေကို သေစေပြီး လည်ချောင်းထဲမှာကပ်နေတဲ့ ချွဲတွေကို အပြင်ဘက်ရောက်လာအောင် လှုံ့ဆော်ပေးနိုင်တယ်။ နီရဲရောင်ရမ်းနေတဲ့ လည်ချောင်းကို အရောင်ကျစေပါတယ်။ သံပရာရည်အစား ရေနွေးကြမ်း နွေးနွေးလေးတစ်ခွက်ကို ပျားရည် ဇွန်းတစ်ဝက်ရောပြီး သောက်မယ်ဆိုလည်း အဆင်ပြေပါတယ်။

၄။ ရေဓာတ်ပြည့်ဝပါစေ။

ခုလို လည်ချောင်းနာနေတဲ့အချိန်မှာ ကိုယ်ခန္ဓာကိုယ်က ရေဓာတ်ပြည့်ဝနေဖို့လည်း လိုအပ်ပါတယ်။ ရေဓာတ်ပြည့်ဝတဲ့အခါ တံတွေးထုတ်လုပ်နိုင်စွမ်း ပိုများလာလို့ လည်ချောင်းထဲမှာ ရှိတဲ့ချွဲတွေကိုလည်း အပြင်ဘက်ရောက်လာအောင် ကူညီပေးတယ်။ ရောင်ရမ်းနေတာ၊ ယားယံနေတာကိုလည်း သက်သာစေနိုင်ပါတယ်။ ရိုးရိုးရေကိုပဲ အနည်းဆုံး ၃လီတာခန့် သောက်ဖို့လိုသလို ရေနွေးကြမ်း၊ ရေနွေး၊ စွပ်ပြုတ်နွေးနွေးလေး သောက်ပေးရင်လည်း ရပါတယ်။ အရမ်းကြီးပူနေတဲ့အချိန်မှာတော့ မသောက်ဘဲ နည်းနည်း နွေးသွားတဲ့အထိ မှုတ်ပြီးမှ သောက်ပေးပါ။

၅။ ရေနွေးနဲ့ ရေစိမ်ချိုးပေးပါ။

ဒါကတော့ ခန္ဓာကိုယ်ပြင်ပကနေ အပူငွေ့ကို ရှူရှိုက်ပြီး လည်ချောင်းထဲမှာ ရှိတဲ့ ချွဲတွေကို ပျော်ကျလာစေတဲ့ နည်းလမ်းကောင်းပါ။ ရေကို အရမ်းပူနေတာမျိုး မဟုတ်ဘဲ ပူနွေးနွေးအနေအထားလောက်မှာ အနည်းဆုံး ၁၀ မိနစ်ခန့် ရေစိမ်ချိုးပေးတာဖြစ်စေ၊ ဒီအတိုင်း လောင်းပြီးတော့ ချိုးလို့လည်း ရပါတယ်။ အဓိကက ရောင်ရမ်းနေတဲ့ လည်ချောင်းကို အပူပေးပြီး အရောင်ကျစေတယ်။ ချွဲတွေကိုလည်း ပျော်ကျလာစေပြီး အပြင်ကို ခတ်ထုတ်ဖို့ လွယ်ကူစေတယ်။ ရေနွေးငွေ့ကို ရှူခြင်းဖြင့် နှာခေါင်းပိတ်နေတာကိုပါ ပွင့်သွားစေပြီး အသက်ရှူဝစေပါတယ်။

လည်ချောင်းနာတယ်ဆိုတာ ကျား၊ မ အသက်အရွယ်မရွေး ဖြစ်ပွားတတ်ပြီး မစိုးရိမ်ရသည့်တိုင်အောင် ကိုယ့်ရဲ့ နေ့စဉ်နေထိုင်မှုပုံစံကို ကောင်းကောင်းအနှောင့်အယှက်ပေးနိုင်တာကြောင့် ခုပြောပြခဲ့တဲ့ အိမ်တွင်းနည်းလမ်းတွေကို သေချာလိုက်နာဖို့တော့ လိုမယ်နော်။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ဗိုင်းရပ်စ်ပိုးကြောင့် အထက်လန်အောက်လျှောဖြစ်ခြင်း (viral gastroenteritis)

အထက်လန်အောက်လျှောဟာ ရောဂါပိုးကူးစက်မိထားသူနဲ့ ထိတွေ့ရာကနေဖြစ်စေ၊ ရောဂါပိုးရှိတဲ့ အစားအစာနဲ့ရေကို စားသောက်မိရာကနေ ဖြစ်စေ ကူးစက်နိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin

အသက်ရှူလမ်းကြောင်းက ဘယ်ကစ ဘယ်မှာဆုံး

အသက်ရှူလမ်းကြောင်းကို အပေါ်ပိုင်းနဲ့အောက်ပိုင်းဆိုပြီးခွဲခြားထားပါတယ်။နှာခေါင်းကစပြီးလေအိတ်ငယ်လေးတွေမှာဆုံးပါတယ်။အသက်ရှူနိုင်ဖို့ကြွက်သားတွေလည်းလိုအပ်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ချောင်းဆိုးနေတဲ့ ကိုဗစ် ဝေဒနာရှင်တွေအတွက် အထောက်အကူဖြစ်စေမယ့် နည်းလမ်းများ

ကိုဗစ်ရဲ့ ရောဂါလက္ခဏာတွေထဲမှာ ချောင်းဆိုးတာက အဓိကလက္ခဏာတစ်ခုပါ။ ဆေးစစ်ဖို့ အိမ်မှာ စောင့်ဆိုင်းနေချိန် အိမ်တွင်းနည်းလမ်းများနဲ့ သက်သာအောင်လုပ်ထားနိုင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

COVID-19 လက္ခဏာတစ်မျိုးဖြစ်တဲ့ လည်ချောင်းနာခြင်းကို သက်သာစေမယ့် အိမ်တွင်းကုထုံးများ

လည်ချောင်းနာတယ်ဆိုတာက အတော်လေး ခံရက်တဲ့ ဝေဒနာတစ်ခုပါ။ နောက်ပြီး COVID-19 ရဲ့ ရောဂါလက္ခဏာတွေထဲမှာလည်း လည်ချောင်းနာတာက တစ်ခုအပါအဝင်ဖြစ်နေတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

အိပ်နေစဉ် သွားရည်ကျတာကို သက်သာစေဖို့

အိပ်နေစဉ် သွားရည်ကျတာကို သက်သာစေဖို့

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 24, 2020 . 2 mins read
အရိုးပွနေရင် ဒါတွေရှောင်ပါ။

အရိုးပွနေရင် ဒါတွေရှောင်ပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် နိုဝင်ဘာ 9, 2020 . 2 mins read
လေထုထဲမှ ကူးစက်နိုင်သော ရောဂါများ

လေထုထဲမှ ကူးစက်နိုင်သော ရောဂါများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ဂျင်ဆင်း (သို့မဟုတ်) ကိုယ်ခံအားသို့ သွားရာလမ်း

ဂျင်ဆင်း (သို့မဟုတ်) ကိုယ်ခံအားသို့ သွားရာလမ်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 22, 2020 . 2 mins read