ဒါ့အပြင် စွမ်းအားဖြည့်အချိုရည်တွေမှာ သကြားဓာတ်ပါဝင်မှု များပြားပါတယ်။ ပုံမှန် စွမ်းအားဖြည့်အချိုရည် ၂၅၀ မီလီလီတာမှာ သကြား ၂၇ ဂရမ်ခန့် ပါဝင်ပါတယ်။ သွေးတွင်းသကြားဓာတ်ကို မြင့်တက်စေနိုင်တာကြောင့် ဆီးချိုရောဂါအခံရှိသူတွေသောက်မိရင် သွေးတွင်းသကြားဓာတ် ရုတ်တရက်မြင့်တက်ခြင်း ဖြစ်နိုင်ပါတယ်။ သုတေသနတစ်ခုရဲ့ဖော်ပြချက်အရ စွမ်းအားဖြည့်အချိုရည်ကို နေ့စဥ်နှစ်ဘူးခန့်သောက်သုံးသူတွေဟာ ဆီးချိုရောဂါဖြစ်နိုင်ခြေ ၂၆ ရာခိုင်နှုန်း ပိုမိုမြင့်မားတယ်လို့ သိရပါတယ်။
ဒါ့အပြင် သွေးတွင်းသကြားဓာတ်မြင့်တက်ခြင်းဟာ ဓာတ်တိုးဖိစီးခြင်းနဲ့ ရောင်ရမ်းခြင်းကို ဖြစ်စေပါတယ်။ ဒါဟာ နာတာရှည်ရောဂါတွေ ခံစားရခြင်းနဲ့ ဆက်စပ်နေပါတယ်။
ဘယ်လိုသောက်သုံးသင့်သလဲ
စွမ်းအားဖြည့်အချိုရည်များဟာ ဦးနှောက်ကို လှုံ့ဆော်ပြီး လူကိုလန်းဆန်းစေတာမို့ ပင်ပန်းနွမ်းနယ်ချိန်၊ အိပ်ရေးပျက်ချိန်တွေမှာ သောက်သုံးရင် လူရောစိတ်ပါလန်းဆန်းစေပါတယ်။ ဒါပေမယ့် အလွန်အမင်း သောက်သုံးရင်တော့ ကျန်းမာရေးပြဿနာတွေ ရှိနိုင်တာမို့ သင့်တင့်ရုံပဲ သောက်သုံးသင့်ပါတယ်။ နေ့စဉ် သုံးစွဲမယ်ဆိုရင်လည်း ၄၀၀ မီလီလီတာထက်ကျော်ပြီး သုံးစွဲဖို့ မသင့်ပါဘူး။ ဒါ့အပြင် စွမ်းအားဖြည့် အချိုရည်တွေ သောက်သုံးချိန်မှာ ကဖိန်းများတဲ့ တခြားအရည် ဥပမာ ကော်ဖီသောက်တာမျိုးကို ရှောင်သင့်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။