ဖိနပ်ပေါက်တဲ့အနာ အမာရွတ်မကျန်စေဖို့ ဒါတွေကို သတိထားပါ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 28, 2020 . 2 mins read
Share now

ဖိနပ်အသစ်လေးများဝယ်လာရင် ကိုယ်တွေကြုံနေကျပြဿနာက စတော့တာပဲ။ မနက်စီးသွားတုန်းကအကောင်း၊ နည်းနည်းသွားလာပြီးတာနဲ့ခြေလှမ်းတွေက သိပ်မသွက်နိုင်တော့ဘူး။ ဖိနပ်ကပေါက်နေပြီကိုး။
အရင်ဆုံးပြေးလုပ်နိုင်တဲ့ တစ်ခုတည်းသောအလုပ်ကတွေ့ရာဆိုင်မှာ ပလာစတာပြေးဝယ်တော့တာပဲ။ ဖိနပ်ပေါက်တဲ့နေရာလေးကို ပလာစတာကပ်ပြီး ဆက်စီးရင်စီး ဒါမှမဟုတ် ဖိနပ်လဲစရာရှိလဲရတော့တယ်။ ဒါပေမယ့်နောက်နေ့ကျ အဆင်ပြေသွားမှာပဲဆိုပြီးအောင့်အည်းပြီး သည်းခံစီးကြပါတယ်။ ဖိနပ်အသစ်လေးကို မစွန့်လွှတ်နိုင်ဘူးလေ။
ဒါပေမယ့်ပြဿနာက တချို့အနာတွေက အရည်ကြည်ဖုလေးတွေဖြစ်လာရာကနေ ပေါက်ပြဲကုန်လို့ အနာတွေဖြစ်ကုန်တာ၊ အသားမာတက်၊ အမာရွတ်ဖြစ်ကျန်တတ်ပါတယ်။ အဲဒီလိုဖြစ်ကျန်ခဲ့တဲ့အခါ ခြေထောက်လေးတွေ အရုပ်ဆိုးရပြီပေါ့။ အနာကနေ ပိုးဝင်ရင်လည်းနောက်ဆက်တွဲတွေက လာဦးမယ်ဆိုတော့ ကိုယ့်ဘက်က ကြိုးစားကြည့်လို့ရမယ့်အကြံဉာဏ်လေးတွေ ဒီဆောင်းပါးမှာပြောပြပေးချင်ပါတယ်။
  • အရမ်းကျပ်တဲ့ဖိနပ်ကို မစီးပါနဲ့။ ကိုယ့်ခြေထောက်နဲ့ ကွက်တိတော်တာပဲစီးပါ။ ဆိုင်မှာက စီးကြည့်လို့ရနေတာပဲလေ။ စီးကြည့်ပြီး သက်သောင့်သက်သာရှိမှစီးပါ။ လှပေမယ့်ခြေထောက်ကို ဒုက္ခပေးသလို ဖြစ်စေတာမျိုးက ရေရှည်အတွက်မကောင်းပါဘူး။
  • အရည်အသွေးကောင်းတဲ့ဖိနပ်တွေပဲ စီးပါ။ ဈေးပေါပြီး အရည်အသွေးညံ့တဲ့ ဖိနပ်တချို့က ခြေထောက်အရေပြားအတွက် ရန်သူပါပဲ။ ပျော့ပျောင်းမှုမရှိ၊ မာတောင့်တောင့်ကြီးလည်းဖြစ်နေနိုင်တော့ ပွန်းပဲ့လွယ်တယ်။
  • နောက်တစ်နည်းက ဖိနပ်ရဲ့အနားသတ်ကိုcastor oil သုတ်ထားပါ။ မာနေတဲ့ ဖိနပ်ရဲ့အသားကိုပျော့ပျောင်းစေတဲ့အတွက် ဖိနပ်မပေါက်တော့ဘူးပေါ့။
  • ဖိနပ်အတွင်းပိုင်းကို petroleum jelly နည်းနည်းသုတ်ပြီး တစ်ညထားပါ။နောက်တစ်နေ့ စီးလို့အဆင်ပြေနေပါလိမ့်မယ်။ မနက်ကျ အဝတ်စလေးနဲ့ သုတ်ပစ်လိုက်ပေါ့။
  • မစီးခင် ဖိနပ်ရဲ့အတွင်းဘက်ကို သုံးညဆက်တိုက် အုန်းဆီနည်းနည်းသုတ်ထားပေးပါ။ (သုတ်လို့ရတဲ့ဖိနပ်အသားဆိုရင်ပေါ့)
  • အထိခိုက်မခံနိုင်တဲ့ ဒါမှမဟုတ် ပျက်စီးမှာစိုးရိမ်ရတဲ့ တန်ဖိုးကြီးဖိနပ်ဆိုရင်တော့ ဖိနပ်ကိုပျော့အောင်လုပ်ဖို့ထက် ကိုယ့်ခြေထောက်ကို ကာကွယ်ကုသဖို့ပဲ ဂရုစိုက်လိုက်ပါတော့။
  • ခြေမနဲ့ခြေညှိုးကြားလိုမျိုး ဖိနပ်ပေါက်တတ်တဲ့နေရာတွေကို ရွေးပြီး petroleum jelly လိမ်းထားပါ။ ပေါင်ဒါနည်းနည်းလူးထားပါ။

ဖိနပ်ပေါက်တဲ့ အနာဖြစ်လာပြီဆိုရင်တော့

အနာကို ဂရုမစိုက်လို့ ပိုပြီးပေါက်ပြဲလာရင်၊ ဖိနပ်နဲ့ပွတ်တိုက်ရင်း ဆက်ပွန်းပဲ့လာရင်ဖြစ်လာနိုင်တာက ပိုးဝင်ပြီးအနာရင်းတာရယ်၊ အနာကျက်ပြီးအမာရွတ်ကျန်တာရယ်၊ အသားမာတက်တာရယ် ဖြစ်လာတတ်ပါတယ်။ ဒါကြောင့်
ပလာစတာ ကပ်ထားပါ။ ဖိနပ်ပေါက်တဲ့အခါ လုပ်နိုင်တာက ပေါက်ပြဲအနာဖြစ်မလာအောင် အစောတည်းက ပလာစတာကပ်ထားလိုက်ဖို့ပါ။ ထပ်မပွန်းပဲ့တော့ဘူးပေါ့။ ဒါပေမယ့် ပလာစတာကို ညစ်ပေတိုင်း၊ လိုအပ်တိုင်း အသစ်လဲပေးဖို့လိုပါတယ်။ အရည်ကြည်ဖုဖြစ်လာရင် မဖောက်ပါနဲ့၊ မပေါက်ပါစေနဲ့။ သူ့အလိုလိုချပ်ရပ်သွားမှသာ အနာကျက်မြန်စေပြီး အမာရွတ်မဖြစ်စေပါဘူး။
နောက်တစ်ချက်ကတော့ ဖိနပ်စီးတာ အသားကျလာလို့ အနာကျက်ပြီဆိုရင် အမာရွတ်မကျန်အောင် ဂရုစိုက်ဖို့ပါ။ လုပ်လို့ရတဲ့နည်းလေးတချို့ပြောပြမယ်နော်။
ဆန်အနည်းငယ်ကို အမှုန့်ကြိတ်ပြီး (ဆန်စိမ်းမှုန့်သုံးလည်းရပေမယ့် ကိုယ်တိုင်လုပ်တာက ပိုလတ်ဆတ်ပါတယ်)ရေနဲ့အနှစ်ဖျော်ပါ။ ဖိနပ်ပေါက်တဲ့နေရာကို လိမ်းပါ။ခြောက်တဲ့အထိထားပါ။ ကြက်သီးနွေးရေလေးနဲ့ ညင်သာစွာဆေးကြောပါ။
သံလွင်ဆီ က အရေပြားအစိုဓာတ်ထိန်းတဲ့နေရာမှာ အကောင်းဆုံးဆေးတစ်လက်ပါ။ ပျားရည်နဲ့သံလွင်ဆီပေါင်းရင် ရောင်ရမ်းမှုနဲ့ အနာကိုသက်သာစေနိုင်စွမ်းရှိပါတယ်။ သူတို့နှစ်မျိုးကို ဆတူရောပြီး ပျစ်လာအောင်မွှေပါ။ ဖိနပ်ပေါက်တဲ့နေရာကို လိမ်းပြီး မိနစ် ၃၀ သက်သောင့်သက်သာထားပါ။ လုံးဝပျောက်ကင်းတဲ့အထိ အိမ်ပြန်ရောက်တိုင်း နေ့တိုင်းလုပ်ပေးရင်နာကျင်မှုသက်သာတဲ့အပြင် အမာရွတ်မဖြစ်အောင်လည်း ကာကွယ်နိုင်ပါလိမ့်မယ်။
ရှားစောင်းလက်ပပ် က အနာကျက်စေတဲ့စွမ်းအင်ကြောင့် ဖိနပ်ပေါက်တဲ့အနာနဲ့ အမာရွတ်တွေကို ကုသရာမှာ သိသာတဲ့ရလဒ်ရှိစေနိုင်ပါတယ်။ ဖိနပ်ပေါက်တဲ့နေရာကို ရှားစောင်းရဲ့အတွင်းနှစ် သို့မဟုတ် ရှားစောင်းသဘာဝဂျယ်လ်(ဘူး) လိမ်းပေးနိုင်ပါတယ်။ အနာကျက်တဲ့အခါလည်း အမာရွတ်ကျန်ရင်တောင် တဖြည်းဖြည်းပါးသွားအောင် ကူညီပေးနိုင်ပါတယ်။
ဖိနပ်ပေါက်တဲ့ဒုက္ခက စစီးစီးချင်း နှစ်ရက်ကနေ တစ်ပတ်လောက်တော့ခံစားရတတ်တယ်ဆိုတော့ အနာသက်သာဖို့နဲ့ အမာရွတ်ကျန်ပြီး ခြေထောက်အလှမပျက်ဖို့ ကြိုးစားကြည့်ရအောင်နော်။ခြေလှမ်းတိုင်းမှာ ယုံကြည်မှုရှိရှိနဲ့လျှောက်လှမ်းလိုက်ပါတော့။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

သာမန် ဖျားနာမှုကြောင့် အနံ့၊ အရသာ ပျောက်ခဲ့ရင်

အအေးမိတယ်။ တုပ်ကွေးဖြစ်တယ်။ သက်တော့ သက်သာလာပါရဲ့ စားလိုက်ရင် ခံတွင်းမတွေ့ဘူး။ ...

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

ချောင်းဆိုးတာကို အိမ်မှာပဲ သက်သာအောင် လုပ်ချင်တယ်ဆိုရင်

ချောင်းဆိုး ချောင်းခြောက်ဆိုး ချွဲထ ပျားရည် ရေနွေးပူပူ ချင်း ရေနွေးငွေ့ရှူ ချွဲပျော် ချွဲပျော်ဆေး သလိပ်အရောင် အိမ်တွင်းနည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

အဆစ်ရောင်ရောဂါရှိသူများအတွက် သင့်တော်သော စားသောက်ဖွယ်ရာများ

အဆစ်ရောင်ရောဂါဟာ အရိုးအဆစ်တွေမှာရှိတဲ့ အရိုးနုတွေ ရောင်ရမ်းခြင်း၊ ပျက်စီးခြင်း စတာတွေကြောင့် ဖြစ်ပွားရပြီး နာကျင်ကိုက်ခဲမှုဝေဒနာကို သိသိသာသာ ခံစားရပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
အဆစ်ရောင်နာ, ကျန်းမာရေးစင်တာ အောက်တိုဘာ 1, 2020 . 2 mins read

ပန်ကရိယလေး ကျန်းမာပါစေ။

န်ကရိယလေးက အစာခြေစနစ်ရဲ့ အရေးပါတဲ့ လုပ်သားလေးပေါ့။ ကာဗိုဟိုက်ဒရိတ်၊ ပရိုတင်း နဲ့ အဆီတွေကို ချေဖျက်ဖို့အင်ဇိုင်းတွေ ထုတ်ရင်း ကူညီပေးတာပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ရှားစောင်းလက်ပပ်က ဆံသားအတွက် ဘယ်လိုအကျိုးပြုနိုင်သလဲ။

ရှားစောင်းလက်ပပ်က ဆံသားအတွက် ဘယ်လိုအကျိုးပြုနိုင်သလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ရင်သားကင်ဆာ ကာကွယ်ပေးမယ့် အစားအစာများ

ရင်သားကင်ဆာ ကာကွယ်ပေးမယ့် အစားအစာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 15, 2020 . 2 mins read
ချောင်းဆိုးနေတဲ့ ကိုဗစ် ဝေဒနာရှင်တွေအတွက် အထောက်အကူဖြစ်စေမယ့် နည်းလမ်းများ

ချောင်းဆိုးနေတဲ့ ကိုဗစ် ဝေဒနာရှင်တွေအတွက် အထောက်အကူဖြစ်စေမယ့် နည်းလမ်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် အောက်တိုဘာ 9, 2020 . 2 mins read
Q center ကို သွားရတော့မယ်ဆိုခဲ့ရင် ဘာတွေ ယူသွားမလဲ။

Q center ကို သွားရတော့မယ်ဆိုခဲ့ရင် ဘာတွေ ယူသွားမလဲ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် အောက်တိုဘာ 9, 2020 . 2 mins read