Scrub အလုပ်လွန်လို့ ထိခိုက်သွားတဲ့ အသားအရေ ဘယ်လိုကုစားမလဲ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဇွန် 29, 2020 . 2 ဖတ်ရန် ကြာချိန်
Share now

အသားအရေ လေး လှချင်လို့ စကင်လေးကဲပါတယ်။ ဆဲလ်သေတွေ ဖယ်ရှားရမယ်၊ ချွေးပေါက် ပွင့်ရမယ် ဆိုလို့ Scrub တွေ သုံးမိတာပေါ့။ ဒါပေမယ့် တစ်ပတ် ကို တစ်ကြိမ်၊ အလွန်ဆုံး နှစ်ကြိမ်ပဲ သုံးသင့်တာပါ။

တန်ဆေး၊ လွန်ဘေး ပါနော်။ ခဏခဏ Scrub လုပ်မိလို့ မျက်နှာအသားအရေ ထိခိုက်သွားရင် ဘယ်လိုလုပ်ပါ့မလဲ။

အသားအရေ ထိခိုက်လာတာ ဘယ်လိုလုပ် သိမလဲ

Scrub လုပ်ရင်တော့ အသားလေး ဖြူပြီး လင်းလာတတ်တာပေါ့။ ဒါပေမယ့် ချွေးပေါက်ပြန်ကျဉ်းအောင် Toner သုံးပေးရမယ်၊ အစိုဓာတ် ထိန်းဖို့ Moisturizer ပြန်သုံးပေးရမယ်။ ဒီလိုလေး ပြန်မထိန်းသိမ်းဘဲ Scrub ချည်း လုပ်နေမယ်ဆို ကြာလာရင် နဂိုအလှပါ ပျက်စေနိုင်ပါတယ်။

ဘာတွေ ဖြစ်လာမလဲ ဆိုတော့ –

  • အသား ပိုခြောက်လာမယ်
  • အဆီ ပိုပြန်လာမယ်
  • အရေပြား ယားယံ၊ ဓာတ်မတည့် ဖြစ်လွယ်လာမယ်
  • ဝက်ခြံ ပိုထွက်လာမယ်
  • မျက်နှာပြောင်လာမယ် (မျက်နှာအသားအရေ မှန်လိုပြောင်လက်နေတာမျိုး)
  • ခြောက်သွေ့၊ အဖတ်ကွာတာတွေ ဖြစ်လာတယ်

ဒီလို လက္ခဏာတွေ ဖြစ်လာတဲ့အခါ မျက်နှာ အသားအရေကို အမြန်ကယ်တင်နိုင်ဖို့ လုပ်ရပါမယ်။ မဟုတ်ရင် ပိုဆိုးလာပါမှ အရေပြားဆေးခန်း ပြေးရတဲ့အခါ ပြန်ကောင်းဖို့ ကြာမယ်၊ ပိုဂရုစိုက်ရမယ်၊ စရိတ် ပိုကုန်ရမယ့် အပြင် အသားအရေမှာ နောက်ဆက်တွဲဒဏ်တွေ ကျန်ခဲ့နိုင်ပါတယ်။

ဒါဆို ဘာလုပ်ရမလဲ

(၁) Scrub တွေ ရပ်ထားပါ

Scrub တွေ အပါအဝင် ဆဲလ်သေ ဖယ်ရှားတဲ့ ပစ္စည်းတွေ အကုန် မသုံးဘဲ ရပ်ထားပါ။ အသားအရေ ကို ပွန်းစေ၊ စားစေမယ့် အရာ ဘာမှ မလုပ်မိပါစေနဲ့။

(၂) အပျော့စား တွေပဲ သုံးပါ

မျက်နှာသစ်ဆေး အပျော့စား ကိုပဲ သုံးပါ။ အသားဖြူဖို့၊ ဝက်ခြံပျောက်ဖို့၊ ဘာဖို့၊ ညာဖို့ အထူးအာနိသင်ပါတဲ့ အမျိုးအစားတွေ ရှောင်ပါ။

ခုနေအချိန်မှာ အကောင်းဆုံးက ဆပ်ပြာ မပါ၊ ဓာတုပစ္စည်း နည်းတဲ့ သဘာဝပစ္စည်း အခြေခံတဲ့ မျက်နှာသစ်ဆေးမျိုး သုံးပါ။

(၃) အစိုဓာတ် ထိန်းဖို့ Moisturizer သုံးပါ

ထိခိုက်ပျက်စီးနေတဲ့ အသားအရေ မှာ အစိုဓာတ် ဆုံးရှုံးနေတာမို့ Moisturizer သုံးပေးဖို့က အခြေခံအချက်ပါ။ Soothing Gel လေးတွေ၊ နို့ရည်လေးတွေ သုံးပေးလည်း ရပါတယ်။

(၄) ရေအေးဝတ် ကပ်ပေးပါ

ဆဲလ်သေဖယ်ရှားတာ လွန်ကဲလို့ နီမြန်း၊ ရောင်ရမ်းလာတဲ့ အသားအရေကို အဝတ်သန့်သန့်လေး နဲ့ ရေအေးဝတ် ကပ်ပေးပါ။

မျက်နှာပေါ်မှာ မိနစ်အနည်းငယ်လောက် ရေအေးဝတ် ကပ်ထားပေးပါ။ ရေခဲတုံး နဲ့ မလုပ်ရပါ၊ လုံးဝ မပွတ်ရပါဘူးနော်။

(၅) နေပူ တိုက်ရိုက် မထိတွေ့အောင် ရှောင်ပါ

Scrub လုပ်တာ လွန်ကဲသွားတဲ့အခါ ဆဲလ်သေတွေတင် မကဘဲ အရေပြားဆဲလ်အသစ်တွေပါ ဖယ်ရှားခံလိုက်ရတာ ဖြစ်ပါတယ်။ ဒါ့ကြောင့် ဒီအရေပြားမှာ နေလောင်ဒဏ် ပိုခံရတတ်ပါတယ်။

ဒီလိုဖြစ်တဲ့အချိန် အသားအရေ ပိုမပျက်စီးချင်ရင် နေပူထဲ မထွက်မိအောင် ဂရုစိုက်ပါ။

(၆) ဆရာဝန် ပြပါ

ဒီတိုင်း မသက်သာနိုင်တော့ဘူး၊ လက္ခဏာတွေ တာရှည်နေတယ်၊ ပိုဆိုးလာတယ် ဆိုရင် အရေပြားဆရာဝန် အမြန်ဆုံးပြပြီး ကုသမှု ခံယူသင့်ပါတယ်။

ဒါဖတ်ပြီးတော့ စကင်ကဲဖို့၊ Scrub သုံးဖို့လည်း ကြောက်မနေကြနဲ့ဦးနော်။ တစ်ပတ်ကို တစ်ကြိမ် သို့မဟုတ် နှစ်ကြိမ်ပဲ ကန့်သတ်ထားမယ်၊ Scrub လုပ်ပြီးတဲ့အခါ အသားအရေ ကို ဂရုစိုက် ထိန်းသိမ်းပေးမယ် ဆိုရင် ဒီလို လွန်ကဲမှု ပြဿနာတွေ ဖြစ်လာစရာ မရှိပါဘူး။ စိတ်မပူပါနဲ့လို့။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

Exfoliate လုပ်တာများလို့ အသားအရေထိခိုက်လာတဲ့ လက္ခဏာ (၆) မျိုး

exfoliate Toner Moisturizer ဆဲလ်သေဖယ်ရှား အသားအရေ ထိန်းသိမ်းမှု အစိုဓာတ်ထိန်း အရေပြားကျန်းမာရေး ဝက်ခြံ အသားခြောက်ခြင်း အဆီပြန်ခြင်း ယားယံခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Yun Sandi Nan Mon

အနီရောင် ဂေါ်ဖီထုပ်ကပေးတဲ့ ကျန်းမာရေး

အနီရောင်ဂေါ်ဖီထုပ် ကျန်းမာရေး အာဟာရတန်ဖိုး ကျန်းမာရေး ကယ်လ်လိုရီ ပရိုတင်း ကယ်လ်ဆီယမ် ပိုတက်ဆီယမ် သံဓာတ် ကိုယ်ခံအား ဗီတာမင် C သွေးဖြူဥဆဲလ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

မုတ်ဆိတ်မွေး၊ နှုတ်ခမ်းမွေးရိတ်ပြီးတိုင်း Aftershave သုံးရမှာလား။

aftershave ကျားဟော်မုန်း အမွေးအမျှင် နှုတ်ခမ်းမွေး မုတ်ဆိတ်မွေး အသားခြောက် ချွေးပေါက်ကျယ် ပွန်းပဲ့ပြတ်ရှဒဏ်ရာ ပိုးဝင် ရှားစောင်းလက်ပပ်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Htet Htet Zaw Win

ဂျူးမြစ်လေးကို တဂျွတ်ဂျွတ်ဝါးရတာ သဘောကျသူလေးတွေ အတွက်

ဂေါ်ရခါးသီး အကျိုးကျေးဇူးတွေ ဂျူးမြစ် အာဟာရဓာတ် ဗီတာမင် A အမျှင်ဓာတ် ကယ်လ်ဆီယမ် ပရိုတင်း သံဓာတ် နှလုံး ဓာတ်တိုးဆန့်ကျင်အာနိသင် ကိုယ်ခံအား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

ပါးစပ်ထဲက တံထွေး ကျန်းမာရေးကို ဘယ်လို အထောက်အကူပြုသလဲ။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇူလိုင် 1, 2020 . 2 ဖတ်ရန် ကြာချိန်

အဆီကို မြန်မြန်နဲ့ မှန်မှန်လေး ကျစေမယ့် အဓိကအချက် (၃) ချက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat
ရေးသား ထုတ်ဝေခဲ့သည် ဇွန် 30, 2020 . 2 ဖတ်ရန် ကြာချိန်

လှမယ်ထင်ပြီး လုပ်နေမိတဲ့ အမှားများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် ဇွန် 30, 2020 . 2 ဖတ်ရန် ကြာချိန်
လေ့ကျင့်ခန်းလုပ်ရင် ပိုလှလာမှာလား။

လေ့ကျင့်ခန်းလုပ်ရင် ပိုလှလာမှာလား။

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဇွန် 30, 2020 . 2 ဖတ်ရန် ကြာချိန်