သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ကျောက်ပတ်တီးစည်းရပြီဆိုရင်

    ကျောက်ပတ်တီးစည်းရပြီဆိုရင်

    ကျောက်ပတ်တီးဆိုတာ အရိုးကျိုးထားတဲ့ခြေထောက် သို့မဟုတ် လက်ကို အနာမကျက်ခင်ကာလအတွင်း ပုံစံမပျက်ယွင်းစေဖို့ထိန်းပေးတဲ့ plasterသို့မဟုတ် fiberglass အလွှာဖြစ်ပါတယ်။ အခြေအနေအရကျောက်ပတ်တီးကိုင်လိုက်ရပြီဆိုပြန်ဖြည်တဲ့အခါ အနာကျက်မှာပဲ၊ပြန်ကောင်းမှာပဲဆိုပြီးနေချင်သလိုနေလို့မဖြစ်ပါဘူး။ ဆရာဝန်တွေကလည်းပြောပြလိုက်မှာဖြစ်ပေမယ့်ဆောင်ရန်ရှောင်ရန် သတိထားရမယ့်အချက်တွေကို ကိုယ်ကလိုက်နာမှဖြစ်တာပါ။

    ဂရုစိုက်နေထိုင်မှ ကိုယ့်ခန္ဓါကိုယ်အစိတ်အပိုင်းကို အကောင်းအတိုင်းပြန်ရနိုင်မှာဖြစ်ပါတယ်။ မဟုတ်ရင် အနေမတတ်တာနဲ့ကျောက်ပတ်တီးလည်းဖြည်ရော အရိုးအဆစ်ကကောက်နေတာ၊ ပတ်တီးအောက်မှာ အနာပိုးဝင်တာတွေဖြစ်ရင် မလိုလားအပ်တဲ့ရလဒ်တွေခံစားရနိုင်ပါတယ်။

    အရောင်ကျအောင် ဘာလုပ်ပေးရမလဲ

    ကျောက်ပတ်တီးစည်းထားတဲ့နေရာကရောင်ရမ်းလာရင် တင်းတင်းကြီးနဲ့နေရခက်လာမှာပဲ။ အရောင်ကျအောင်လို့ –

    • ကျောက်ပတ်တီးစည်းထားတဲ့လက်သို့မဟုတ်ခြေထောက်ကိုမြှင့်ထားပါ။ ပတ်တီးစည်းပြီးပြီးချင်း တစ်ရက်နှစ်ရက်အတွင်း ဒဏ်ရာရ လက် သို့မဟုတ်ခြေထောက်ကိုခေါင်းအုံးခုပြီးတော့ဖြစ်ဖြစ်မြှင့်ထားပါ။ ကျောက်ပတ်တီးရှိတဲ့လက်ကို ငြိမ်နေစေဖို့ ပခုံးကနေလက်သိုင်းပတ်တီးနဲ့ သိုင်းထားသင့်ပါတယ်။
    • ရေခဲကပ်ပါ။ကျောက်ပတ်တီးကိုမစိုစေဖို့ရေခဲအိတ်ကိုတဘက်ပါးလေးအုပ်ပြီးမှ ပတ်တီးပေါ်ကနေ အသာအယာကပ်ပါ။
    • လှုပ်ရှားမှုလည်းရှိပေးပါ။ လှုပ်ရှားမှုကိုထိန်းဖို့ ကျောက်ပတ်တီးစည်းထားတာဖြစ်ပေမယ့် လက်ချောင်း သို့မဟုတ်ခြေချောင်းလေးတွေတော့ လှုပ်ရှားပေးပါ။ ဒါမှသွေးလည်ပတ်မှုကောင်းစေမှာဖြစ်ပါတယ်။

    ဘာတွေဆင်ခြင်ရမလဲ

    ကျောက်ပတ်တီးစည်းထားရတဲ့အခါ

    • ပတ်တီးစကိုင်ပေးတည်းက ဆရာဝန်မှာတဲ့ညွှန်ကြားချက်အတိုင်းလိုက်နာပါ။ Fibreglassကျောက်ပတ်တီးတွေကခြောက်သွေ့မြန်ပေမယ့်plaster ဆိုရင်တော့သေချာခြောက်သွေ့ပြီးစိတ်ချရတဲ့အခြေအနေရောက်ဖို့က ရက်အတော်ကြာပါတယ်။
    • ဆေးမှန်မှန်သောက်ပါ။ ဆရာဝန်ညွှန်ကြားချက်အတိုင်း လိုက်နာပါ။
    • ကျောက်ပတ်တီးကိုရေမစိုအောင်ထားပါ။ရေချိုးတဲ့အခါ လက် သို့မဟုတ် ခြေထောက်ကို ထုပ်ပိုးမှုသုံးပလတ်စတစ်နဲ့လုံအောင် ပတ်တာ၊ လက်ဆို တစ်ဖက်ကိုအမြင့်မြှောက်ထားတာ၊ ခြေထောက်ကိုတင်ပြီးထိုင်ခုံမှာထိုင်ပြီးရေချိုးတာမျိုး ပတ်တီးကို ရေမထိအောင် ဂရုစိုက်ပေးလို့ရပါတယ်။ ပတ်တီးေအာက်မှာ အစိုဓါတ်ဖြစ်သွားရင် အရေပြားယားယံတာ၊ ပွန်းတာ၊လောင်တာဖြစ်လာနိုင်ပါတယ်။ ခွဲစိတ်ထားရတာ၊ ဒဏ်ရာရှိနေတာဆိုရင် အနာပိုးဝင်ဖို့ဖြစ်နိုင်ခြေပိုများစေပါတယ်။
    • သွေးလည်ပတ်မှုကောင်းစေဖို့ တံတောင်ဆစ်၊ ဒူး၊ ခြေချောင်း၊လက်ချောင်း စတာတွေလို ကျောက်ပတ်တီးမစည်းထားတဲ့ အရိုးအဆစ်တွေကို လှုပ်ရှားမှုနည်းနည်းလုပ်ပေးပါ။
    • ကျောက်ပတ်တီးထဲကို အရာဝတ္ထုသေးသေးလေးတွေ၊ အမှုန်အမွှားတွေမဝင်စေဖို့ သန့်သန့်ရှင်းရှင်းထားပါ။
    • ကျောက်ပတ်တီးကို ကိုယ့်သဘောနဲ့ကိုယ် ဆွဲဆန့်တာ၊ ဘာညာ လှုပ်ရှားခြင်း၊ ကိုင်တွယ်ခြင်းတွေ မလုပ်သင့်ပါဘူး။
    • ကျောက်ပတ်တီးမဖြည်ရသေးခင်အထိ အလေးအပင် မ မ ပါနဲ့။ ကားမမောင်းပါနဲ့။
    • ဆရာဝန်ညွှန်ကြားတဲ့အတိုင်း ချိုင်းထောက် သို့မဟုတ် လက်သိုင်းပတ်တီးကို လိုအပ်သလို သုံးပါ။
    • နာကျင်နေရင် အကိုက်အခဲပျောက်ဆေးတွေက ကူညီပေးနိုင်ပါတယ်။

    ဒါတွေဖြစ်လာရင် ဆရာဝန်အမြန်ပြပါ –

    • အရမ်းနာကျင်လာရင်
    • ပတ်တီးေအာက်မှာ ပူပူကြီးခံစားရပြီး နာကျင်လာရင်
    • အနည်းငယ်ယားယံတာက ရက်ပိုင်းအတွင်းမှာ သက်သာသွားသင့်ပါတယ်။ ဒါပေမယ့်အရေပြားမှာ လောင်သလို၊ ပူသလို ခံစားလာရတာ၊ ပတ်တီးက အရမ်းတင်းပြီးကျပ်နေတာ၊ ပတ်တီးတဝိုက်မှာ သိပ်ရောင်ရမ်းလာရင်(တော်တန်ရုံရောင်တာလောက်ကဖြစ်တတ်ပါတယ်)၊ ကိုယ်ပူလာရင်၊ ပတ်တီးက အနံ့ဆိုးထွက်လာတာ၊အရည်ထွက်လာတာ ဆိုရင်
    • လက် သို့မဟုတ်ခြေထောက်ကအေးစက်လာတာ ဒါမှမဟုတ်ဖြူဖျော့လာတာ(အရောင်ပြောင်းလာတာ)ဆိုရင်
    • လက်ချောင်း သို့မဟုတ်ခြေချောင်းတွေ လှုပ်ရှားရခက်လာရင်
    • ပတ်တီးကပြေသွားတာ၊ပြဲတာ လိုမျိုး ပုံစံပျက်ယွင်းရင်
    • လက် သို့မဟုတ်ခြေထောက်မှာသွေးကြောထုံးတဲ့လက္ခဏာဖြစ်လာရင် (လက်၊ခြေသလုံးကြွက်သား၊တံကောက်ကွေး၊ပေါင်၊ပေါင်ခြံတို့မှာ နာကျင်လာတာ၊ နီရဲရောင်ရမ်းလာတာ) အမြန်ဆုံးဆေးရုံ၊ဆေးခန်းပြပါ။

    Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    စာရေးသူ ဓာတ်ပုံbadge
    Yun Sandi Nan Mon မှ ရေးသားသည်။ 25/08/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: