သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

ask-doctor-icon

ဆရာဝန်အား အခမဲ့မေးမြန်းလိုက်ပါ။

Hello ဆရာဝန်မှာ သင့်အတွေးများကို အသိပေးနိုင်ပါတယ်။

ဦးခေါင်းမှာ ထိခိုက်ဒဏ်ရာရခဲ့ရင် ဂရုစိုက်ရမယ့်အချက်များ

    ဦးခေါင်းမှာ ထိခိုက်ဒဏ်ရာရခဲ့ရင် ဂရုစိုက်ရမယ့်အချက်များ
    ခန္ဓာကိုယ်ရဲ့ဘယ်အစိတ်အပိုင်းကိုမဆို ထိခိုက်မှုဖြစ်နိုင်ပါတယ်။ အခုတစ်ခေါက်တော့ ခန္ဓာကိုယ်အစိတ်အပိုင်းတစ်ခုဖြစ်တဲ့ ဦးခေါင်းကို ထိခိုက်မိတဲ့အခါ ဘယ်လိုသတိထားလုပ်ဆောင်မှုတွေ လုပ်ရမလဲဆိုတာကိုပြောပြပေးမယ်နော်။ ဦးခေါင်းကို ထိခိုက်မိတဲ့အခါပြင်းထန်တဲ့ ထိခိုက်မှုတွေရှိနိုင်သလို အသေးစားထိခိုက်မှုတွေရှိနိုင်ပါတယ်။ ထိခိုက်မှုအတိုင်းအတာပေါ်မှာလိုက်ပြီး ကုသရပုံချင်းကလည်း ကွာခြားနိုင်ပါတယ်။
    ဦးခေါင်းကိုထိခိုက်မိတိုင်းဆေးခန်းကိုသွားပြဖို့မလိုပါဘူး။ သိပ်မပြင်းထန်တဲ့ အချို့သော ဦးခေါင်းထိခိုက်မှုတွေကိုနေအိမ်မှာတင် ကုသပေးလို့ရပါတယ်။ တကယ်လို့ ပြင်းထန်တဲ့ထိခိုက်မှုတွေဖြစ်တဲ့အခါမှာလည်း ဆေးရုံဆေးခန်းကိုမသွားသေးခင် အရင်ဆုံး ကိုယ်တိုင်ကုသစောင့်ရှောက်မှုလုပ်ဆောင်ပေးဖို့လိုတာမျိုးလည်းရှိပါလိမ့်မယ်။ ဒီလိုအခြေအနေမှာ အခုပြောပြမယ့် အချက်လေးတွေက အသုံးဝင်မှာပါ။

    ဒီအနေအထားတွေကြောင့် ဦးခေါင်းမှာထိခိုက်ဒဏ်ရာရနိုင်ပါတယ်

    • နေအိမ်မှာ မတော်တဆဖြစ်တာ
    • အလုပ်ခွင်မှာ မတော်တဆထိခိုက်တာ
    • သွားရင်းလာရင်း မတော်တဆထိခိုက်မိတာ
    • ကစားရင်းထိခိုက်မိတာ
    • အားကစားလုပ်ရင်းထိခိုက်မိတာ
    • ချော်လဲတာ
    • အမြင့်ကနေပြုတ်ကျတာ
    • ထိုးကြိတ် ရိုက်နှက်ခံရတာ
    • ယာဉ်မတော်တဆဖြစ်တာတွေကြောင့် ဦးခေါင်းမှာထိခိုက်မှုတွေဖြစ်နိုင်ပါတယ်။

    ဦးခေါင်းထိခိုက်မိတဲ့အခါ ဒီလိုလက္ခဏာတွေတွေ့ရနိုင်ပါတယ်

    အသေးစားထိခိုက်မိတာကတော့ နာကျင်မှုဖြစ်တာက လွဲလို့ အခြား လက္ခဏာတွေ တွေ့ရခဲပါတယ်။ သိသိသာသာမြင်ရနိုင်တာက ထိခိုက်မိတဲ့နေရာက အရေပြားရောင်ရမ်းတာ၊ ဖုလာတာလောက်ပဲတွေ့ရနိုင်ပါတယ်။နောက်ထပ်တွေ့ရနိုင်တဲ့ လက္ခဏာအချို့က –

    • ခေါင်းနည်းနည်းကိုက်တာ
    • ဖျားချင်သလိုလိုဖြစ်တာ
    • မအီမသာဖြစ်တာ
    • ခေါင်းထဲကနောက်ကျိကျိဖြစ်နေတာ
    • အမြင်အာရုံတွေဝေဝါးနေတာမျိုးခံစားရနိုင်ပါတယ်။

    အရမ်းပြင်းထန်မယ်ဆိုရင်တော့ –

    • ဦးခေါင်းနဲ့ မျက်နှာအစိတ်အပိုင်းတွေကနေသွေးထွက်နေမယ်
    • နှာခေါင်းနဲ့ နားရွက်တို့ကနေသွေး ဒါမှမဟုတ် အရည်တွေထွက်နေမယ်
    • ခေါင်းအရမ်းကိုက်နေမယ်
    • မျက်လုံးအောက်ဘက်နဲ့ နားနောက်ဘက်တွေမှာပြာနှမ်းလာမယ်
    • အသက်ရှူတာ တစ်ချက်တစ်ချက်ရပ်သွားမယ်
    • စိတ်ရှုပ်ထွေးနေမယ်
    • ဟန်ချက်မထိန်းနိုင်ဖြစ်မယ်
    • လက်တွေခြေတွေထဲမှာ အားမရှိသလိုဖြစ်လာမယ်
    • သားငယ်အိမ်အရွယ်အစား မညီမညာဖြစ်လာမယ်
    • စကားပြောတဲ့အခါ ဗလုံးဗထွေးဖြစ်လာမယ်
    • တက်မယ်

    ဒီလက္ခဏာတွေက လူကြီးတွေမှာ အများဆုံးခံစားရနိုင်ပါတယ်။ ကလေးတွေမှာဆိုရင်တော့ –

    • အပေါ်မှာပြောခဲ့တဲ့ လက္ခဏာတွေမပြနိုင်ပါဘူး
    • တစ်ချိန်လုံးငိုနေမယ်
    • အစားတစ်ခုခုကျွေးတိုင်း မစားဘဲနေမယ်
    • ဦးခေါင်းအရှေ့ဘက်ပိုင်း အရေပြားပျော့တဲ့နေရာမှာ ဖုလိုမျိုးဖောင်းနေမယ်
    • ခဏခဏအန်နေမယ်။

    အသေးစားဦးခေါင်းထိခိုက်ဒဏ်ရာရတဲ့အခါ

    • ထိခိုက်မိတဲ့နေရာကို ဆပ်ပြာခပ်ပျော့ပျော့နဲ့ရေကို သုံးပြီး သန့်စင်ပေးပါ။
    • သွေးတိတ်စေဖို့အတွက် ပိုးသတ်ထားတဲ့ ပတ်တီးစကို ခပ်ထူထူလေးခေါက်ပြီး ဒဏ်ရာပေါ်မှာ ၁၀ မိနစ်လောက်ဖိထားပေးပါ။
    • ရေခဲကို တဘက်စသန့်သန့်ထဲမှာ ထည့်ထုတ်ပြီး ထိခိုက်မိတဲ့နေရာကို မိနစ်လောက် ကပ်ပေးပါ။ တစ်နာရီခြားတစ်ခါ လောက်ကပ်ပေးပါ။ ရောင်ရမ်းနာကျင်မှုကို သက်သာစေမှာပါ။

    ဦးခေါင်းမှာ ထိခိုက်ဒဏ်ရာရတဲ့အခါ ဒါတွေမလုပ်ပါနဲ့

    • ဦးခေါင်းမှာရတဲ့ ထိခိုက်ဒဏ်ရာက အရမ်းနက်ပြီး သွေးတအားထွက်နေတယ်ဆိုရင် အနာကို သန့်စင်ဆေးကြောတာမျိုးမလုပ်ပါနဲ့။
    • အနာကိုထိခိုက်မိစေတဲ့အရာကို အနာပေါ်ကနေ ဖယ်ရှားတာမျိုး မလုပ်ပါနဲ့။
    • မလိုအပ်ဘဲ လူနာကိုနေရာရွှေ့ပြောင်းတာမျိုးမလုပ်ပါနဲ့။
    • လူနာကို လှုပ်နှိုးတာမျိုးမလုပ်ပါနဲ့။
    • ခေါင်းထိခိုက်မိပြီး ၄၈ နာရီအတွင်း အယ်လ်ကိုဟောနဲ့ အယ်လ်ကိုဟောပါဝင်တဲ့သောက်စရာတွေကို မသောက်ပါနဲ့။
    • ခေါင်းထိခိုက်ထားတဲ့သူကို ကားပေးမမောင်းပါနဲ့။
    • ခေါင်းထိခိုက်ထားတဲ့သူကို ထိခိုက်မိပြီး ၂၄ နာရီအတွင်း တစ်ယောက်တည်းမထားပါနဲ့။
    • တစ်နေ့တာလုံး တိတ်ဆိတ်စွာ နားနေခွင့်ပေးပါ။
    • ခေါင်းထိခိုက်ထားတဲ့သူကို ထိခိုက်မိပြီး ၄၈ နာရီအတွင်း အားကစားပေးလုပ်တာ၊ အာရုံစိုက်ရတဲ့အလုပ်တွေပေးလုပ်တာမျိုးကိုရှောင်ကြဉ်ပါ။

    ထိခိုက်မိတဲ့ ဒဏ်ရာကပြင်းထန်မယ်ဆိုရင်တော့ဆေးရုံတက်ရောက်ပြီး ကုသမှုခံယူရနိုင်ပါတယ်။ လိုအပ်ရင်ခွဲစိတ်မှုခံယူရတာနဲ့ ရေရှည်ဆေးကုသမှုခံယူရတာမျိုးတွေရှိနိုင်ပါတယ်။

    health-tool-icon

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

    ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

    အမျိုးသား

    အမျိုးသမီး

    Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

    ရင်းမြစ်များ

    Head injury – first aidhttps://medlineplus.gov/ency/article/000028.htm Accessed Date 9 August 2018

    Head Injuries – what to dohttps://firstaidforlife.org.uk/head-injuries-what-to-do/Accessed Date 9 August 2018

    Head trauma: First aidhttps://www.mayoclinic.org/first-aid/first-aid-head-trauma/basics/art-20056626Accessed Date 9 August 2018

    Head injury – first aidhttp://owensborohealthse3.adam.com/content.aspx?productId=117&pid=1&gid=000028 Accessed Date 9 August 2018

    စာရေးသူ ဓာတ်ပုံbadge
    Aye Thi Mon မှ ရေးသားသည်။ 25/08/2022 တွင် ပြန်လည်ပြင်ဆင်ခဲ့သည်။
    Hello Sayarwon Panel မှ အချက်အလက် စစ်ဆေးထားပါသည်။
    Next article: