ဝိတ်ချချင်တဲ့ မိန်းကလေးတွေ အစားလျှော့စားဖို့ လိုလား

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 19, 2020 . 2 mins read
Share now

မိန်းကလေးတိုင်းကတော့ လှချင်ကြတာပါပဲ။ အသားအရေတင် မကပါဘူး။ ခန္ဓာကိုယ်အချိုးအစား ပြေပြစ်မှ လှတယ်လို့ မိန်းကလေးအများစုကတော့ ခံယူထားကြပါတယ်။ ကိုယ်အလေးချိန်ချဖို့ အစားတွေ လျှော့စားရမယ်။ အဲ့ဒါမှ သွယ်လျလှပတဲ့ ခန္ဓာကိုယ်ကို ပိုင်ဆိုင်ရမယ်ဆိုပြီး မှားယွင်းတဲ့ အယူအဆတွေ ထွက်ပေါ်လာပါတယ်။

မိန်းကလေးဖြစ်စေ၊ ယောက်ျားလေးဖြစ်စေ ကိုယ်အလေးချိန် ကျစေဖို့ အစားလျှော့စားပေးစရာ မလိုပါဘူး။ မှန်ကန်တဲ့ စားသောက်နေထိုင်မှုစနစ်နဲ့ နေ့စဉ် လိုအပ်တဲ့ အစာအာဟာရတွေကို ပြည့်ဝစွာ စားသုံးပေးပါ။ အစားလျှော့စားတဲ့အခါမှာ ခန္ဓာကိုယ်က လိုအပ်တဲ့ အာဟာရဓာတ်တွေကို လုံလောက်စွာ မရရှိနိုင်တဲ့အတွက် အချိန်ကြာလာတာနဲ့အမျှ ကျန်းမာရေးပြဿနာတွေ ကြုံလာရမှာပါ။ ဒါကြောင့် ကိုယ်အလေးချိန်လည်း ချချင်တယ်၊ အစားလည်း လျှော့စားစရာမလိုတဲ့ နည်းလမ်းတွေကို ဝေမျှပေးချင်ပါတယ်။

၁။ ရေများများသောက်ပါ

ရေဟာ ကိုယ်ခန္ဓာထဲက ကယ်လိုရီတွေကို လောင်ကျွမ်းစေတယ်။ တစ်နေ့တာ ကုန်ဆုံးသွားတဲ့ ရေဓာတ်ကိုလည်း ပြန်လည်ဖြည့်တင်းပေးနိုင်တာကြောင့် တစ်နေ့ကို အနည်းဆုံး ရေ ၃လီတာခန့် သောက်ပေးဖို့ အရေးကြီးပါတယ်။ ဖျော်ရည်၊ အအေး၊ ကော်ဖီတွေ သောက်မယ့်အစား ရေပဲ များများသောက်ပေးပါ။

၂။ တာရှည်ခံအစားအစာတွေ ရှောင်ပါ

အဆီနဲ့ ကယ်လိုရီတွေ ပိုမိုပါဝင်တဲ့အပြင် သကြားပါဝင်မှုနှုန်းလည်း များတာကြောင့် ကျန်းမာရေးအတွက်ရော အလှအပေရးရာအတွက်ပါ ဂရုစိုက်ချင်သူတွေအနေနဲ့ တာရှည်ခံအစားအစာမျိုးတွေကို ရှောင်သင့်ပါတယ်။

၃။ အာဟာရဖြစ်စေတဲ့ အစားအစာတွေကို အဓိက စားပေးပါ

ဟင်းသီးဟင်းရွက်၊ သစ်သီးဝလံတွေကို နေ့စဉ်ပုံမှန်စားပေးဖို့ လိုအပ်တဲ့အပြင် အသား၊ ငါး၊ ပင်လယ်စာ၊ ဥအမျိုးမျိုး၊ ပဲအမျိုးမျိုး၊ အစေ့အဆန်၊ နို့ထွက်ပစ္စည်း အစရှိသဖြင့် နေ့စဉ် အစာအာဟာရပြည့်ဝစုံလင်စွာ စားပေးဖို့ အရေးကြီးပါတယ်။ အာဟာရပြည့်ဝမှုဟာ ကိုယ်အလေးချိန်ကို ထိန်းပေးနိုင်တဲ့အပြင် ကျန်းမာရေးနဲ့လည်း ညီညွတ်စေတာကြောင့် အစားလျှော့စားမယ့်အစား အာဟာရဖြစ်စေတဲ့ အစားအစာတွေကို ပိုစားပေးပါ။

၄။ ဆီ၊ ဆား၊ သကြား လျှော့စားပါ

အဝလွန်ခြင်းရဲ့ အဓိက တရားခံကတော့ အဆီများတဲ့ အစားအစာတွေ၊ အငန်ဓာတ်၊ အချိုဓာတ်များတဲ့ အစားအစာတွေပဲ ဖြစ်ပါတယ်။ ကယ်လိုရီကိုလည်း တက်စေတယ်၊ သွေးတွင်းသကြားဓာတ်ကိုလည်း တိုးစေတယ်။ ဒီလိုအစားအစာတွေကို မကြာခဏစားတဲ့အခါ နှလုံးသွေးကြောကျဉ်းတာ၊ ဆီးချို၊ သွေးတိုး၊ နှလုံးရောဂါတွေပါ ရနိုင်တဲ့အပြင် လှချင်တဲ့ မိန်းကလေးတွေအတွက်လည်း အဝလွန်စေတာကြောင့် လျှော့စားဖို့ အကြံပေးလိုက်ပါတယ်။

၅။ ပမာဏနည်းနည်းနဲ့ များများစားပေးပါ

တစ်ကြိမ်ထဲနဲ့ အများကြီးစားမယ့်အစား ပမာဏနည်းနည်းနဲ့ အကြိမ်ရေ များများစားပေးတာက ကိုယ်အလေးချိန်ကို ဟန်ချက်ညီစေတဲ့အပြင် ရင်ပြည့်တာ၊ အဝလွန်တာတွေကိုလည်း လျော့ကျစေပါတယ်။ အစားလျှော့စားတာထက် တစ်ခါစားရင် ပမာဏနည်းနည်းနဲ့ အာဟာရဖြစ်စေတဲ့ အစားအစာတွေကို မကြာခဏ စားပေးပါ။

၆။ ကြက်ဥစားပါ

ကြက်ဥဟာ ကယ်လိုရီနည်းပြီး ခန္ဓာကိုယ်အတွက် လိုအပ်တဲ့ ပရိုတင်းဓာတ်တွေ ပေါကြွယ်ဝစွာပါဝင်ပါတယ်။ တခြားသော အာဟာရတွေလည်း ပါဝင်လို့ ကိုယ်အလေးချိန်ကို ကျစေချင်တဲ့ မိန်းကလေးတွေ ပုံမှန်စားပေးသင့်တဲ့ အစားအစာဖြစ်ပါတယ်။

၇။ အိပ်ချိန်မှန်ပါစေ

အိပ်ချိန်ပြည့်ဝမှုဟာ ကျန်းမာရေးနဲ့ ဆက်စပ်နေတဲ့အပြင် ကိုယ်အလေးချိန် ဟန်ချက်ညီစေမှုအပေါ်မှာပါ သက်ရောက်မှုရှိပါတယ်။ ငယ်စဉ်ကတည်းက တစ်နေ့ကို အိပ်ချိန် ၇နာရီကနေ ၈နာရီကြားရှိတဲ့ ကလေးတွေ ကြီးလာတဲ့အခါမှာ အဝလွန်ရောဂါ ဖြစ်လာနိုင်ခြေကို သိသိသာသာ လျော့ကျစေတာကို တွေ့ရပါတယ်။

၈။ အမျှင်ဓာတ်ပါတဲ့ အစားအစာတွေ စားပေးပါ။

အမျှင်ဓာတ်ဟာ အစာကြေ ရင်ချောင်စေပြီး ဝမ်းမှန်စေတယ်။ ခန္ဓာကိုယ်တွင်း အင်္ဂါအစိတ်အပိုင်းတွေကို ကောင်းစွာ အလုပ်လုပ်နိုင်စေဖို့ အထောက်အကူပေးနိုင်ပါတယ်။ အမျှင်ဓာတ်ဟာ ဗိုက်ပြည့်စေပြီး အစာမကြာခဏစားချင်စိတ်ကို လျှော့ချပေးနိုင်တာကြောင့် ကိုယ်အလေးချိန်ထိန်းချင်တဲ့ မိန်းကလေးတွေအတွက် အဆင်ပြေစေပါတယ်။ ဟင်းသီးဟင်းရွက်နဲ့ အသီးအနှံတွေမှာ အမျှင်ဓာတ်အများဆုံး ပါဝင်ပါတယ်။

၉။ ကိုယ်လက်လေ့ကျင့်ခန်း လုပ်ပါ။

အစာအာဟာရကို သေချာဂရုစိုက်ပြီး စားပေးဖို့ အရေးကြီးတဲ့အပြင် ကိုယ်လက်လှုပ်ရှား အားကစားပြုလုပ်ဖို့ကိုလည်း မေ့လို့ မဖြစ်ပါဘူး။ gym သွားဖို့ အချိန်မပေးနိုင်ဘူးဆိုရင်တောင် မနက်ခင်း လမ်းလျှောက်တာ၊ ပြေးတာ၊ ရေကူးတာ၊ စက်ဘီးစီးတာ အစရှိတဲ့ ကိုယ်ကာယလေ့ကျင့်ခန်းတွေ ပြုလုပ်ပေးခြင်းဖြင့် အဝလွန်တာကို ကာကွယ်ပေးနိုင်တဲ့အပြင် ကိုယ်အလေးချိန်ကိုပါ ဟန်ချက်ညီစေပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

အမျိုးသမီး များ အသက်အရွယ်တိုင်းမှာ ကျန်းမာနေစေဖို့

အမျိုးသမီး တွေအနေနဲ့ အသက်အရွယ်အလိုက် ရုပ်ပိုင်းဆိုင်ရာ၊ စိတ်ပိုင်းဆိုင်ရာ ကျန်းမာစေဖို့ နည်းလမ်းကောင်းလေးတွေ သိထားသင့်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

လိင်မဆက်ဆံပဲ အချိန်အကြာကြီး နေမိမယ်ဆိုရင် ဘာတွေဖြစ်လာမလဲ

လိင်ဆက်ဆံခြင်းဟာ ပျော်ရွှင်စေပြီး ကျန်းမာရေးကို အထောက်အကူပြုနိုင်တဲ့ ကိစ္စတစ်ခုပါ။ အကြာကြီး လိင်မဆက်ဆံပဲနေမယ်ဆိုရင် ဘာတွေဖြစ်လာမလဲ။ ကောင်းတာလား ဆိုးတာလား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သဘာဝအလျောက် သန္ဓေတားနည်းလမ်းများ

အမျိုးသမီးတို့အနေနဲ့ သန္ဓေတားရာမှာ ဆေးကတ်တွေသောက်ခြင်း၊ သုံးလထိုးဆေး ထိုးခြင်း၊ သားအိမ်အတွင်းသန္ဓေတားပစ္စည်းထည့်ခြင်း နည်းလမ်းတွေကို အသုံးပြုကြပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

အိပ်မပျော်ရောဂါကို သက်သာစေမယ့် အိမ်တွင်းကုထုံးများ

ကိုယ် အိပ်မပျော်ဖြစ်နေရင် ဒါမှမဟုတ် Insomnia ဝေဒနာခံစားနေရတယ်ဆိုရင် သက်သာမှုပေးနိုင်မယ့် အိမ်တွင်းကုထုံးလေးတွေ သိထားသင့်တယ် မဟုတ်လား။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

အစားအသောက် မှီဝဲမှုနဲ့ Lupus ကို ထိမ်းချုပ်လို့တော့ ရပါတယ်။ လေ့လာချက်တွေအရဆိုရင် ချင်းဟာ Lupus ကို ထိမ်းချုပ်ကုသရာမှာ အလွန်အသုံးတည့်တယ်လို့ဆိုပါတယ်။ မစ်ချီဂန်တက္ကသိုလ်ရဲ့ လေ့လာချက်အရ ချင်းမှာပါဝင်တဲ့ 6-gingerol လို့ခေါ်တဲ့ bioactive compound တစ်မျိုးဟာ Lupus ရဲ့ ရောဂါလက္ခဏာတွေကို လျှော့ချပေးရာမှာ အလွန်ထိရောက်တယ်လို့ ဆိုပါတယ်။

Lupus ရှိရင် ချင်း (ဂျင်း) စားပါ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဇန်နဝါရီ 16, 2021 . 2 mins read
လေဒီတို့ ခံစားရနိုင်တဲ့ တင်ပါးဆုံပြဿနာ အဖုံဖုံ

လေဒီတို့ ခံစားရနိုင်တဲ့ တင်ပါးဆုံပြဿနာ အဖုံဖုံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 14, 2021 . 2 mins read
ကြောက်ခြင်းရယ်တဲ့ အဖုံဖုံ

ကြောက်ခြင်းရယ်တဲ့ အဖုံဖုံ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 17, 2020 . 3 mins read
စိုးရိမ်စရာကောင်းတဲ့ မိန်းမကိုယ် အဖြူဆင်း ခြင်းများ

စိုးရိမ်စရာကောင်းတဲ့ မိန်းမကိုယ် အဖြူဆင်း ခြင်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win
ရေးသား ထုတ်ဝေခဲ့သည် ဒီဇင်ဘာ 14, 2020 . 2 mins read