backup og meta
ကျန်းမာရေး ဆောင်းပါးများ
ကျန်းမာရေးစစ်ဆေးခြင်း
ဆရာဝန်အား မေးမည်။
သိမ်းဆည်းမည်

သိထားဖို့လိုမယ့် အာဟာရဆိုင်ရာ အချက်အလက်များ

မှ အချက်အလက် စစ်ဆေးထားပါသည်။ Aye Thi Mon


Aye Thi Mon မှ ရေးသားသည်။ · 14/10/2022 တွင် အသစ်ဖြည့်စွက်ခဲ့သည်။

သိထားဖို့လိုမယ့် အာဟာရဆိုင်ရာ အချက်အလက်များ

အစားအစာတွေကို ခန္ဓာကိုယ် အင်အားပြည့်ဝစေဖို့ တစ်နေ့တာ လုပ်ငန်းဆောင်တာတွေ အကောင်းဆုံး လုပ်ဆောင်နိုင်ဖို့ဆိုပြီး စားသုံးနေကြပါတယ်။ ဒီလို စားသုံးရာမှာ ဘယ်အသီးအရွက်ကတော့ ချဉ်တယ်။ ဘယ်အရာကတော့ ဆိမ့်တယ်၊ ဘယ်အရာကတော့ စပ်တယ်ဆိုတာတွေကို သိကြသလို ဘယ်အသီးအနှံစားရင် မျက်စိအားကောင်းတယ်။ အိပ်ပျော်တယ်ဆိုတာကိုလည်း သိကြပါတယ်။ ဒါပေမယ့် အာဟာရ ပါဝင်မှုကိုတော့ မသိကြပါဘူး။

အစားအစာတွေနဲ့ ပတ်သက်ပြီး စားသုံးတဲ့သူတွေက ဒီအချက်တွေကို သိပေမယ့် စားလိုက်တဲ့ အစားအသောက်မှာပါတဲ့ အာဟာရ တန်ဖိုးကို သေသေချာချာ သိသူကတော့ ခပ်ရှားရှားပါ။ ဒီတစ်ခေါက်တော့ ခန္ဓာကိုယ် ကျန်းမာစေဖို့ စားလိုက်တဲ့ အစားအစာတွေနဲ့ပတ်သက်ပြီး သိထားဖို့လိုမယ့် အာဟာရဆိုင်ရာ အချက်အလက်များ အကြောင်း နည်းနည်းလောက် ပြောပြပေးချင်ပါတယ်။

စားလိုက်တဲ့ အစားအစာတွေက ခန္ဓာကိုယ် ကျန်းမာစေဖို့နဲ့ ဇီဝကမ္မလုပ်ငန်းစဉ်တွေ ကောင်းမွန်စေဖို့ ထောက်ကူပေးပါတယ်။ စားလိုက်တဲ့ အစားအစာတွေက ခန္ဓာကိုယ်အတွက် ဘယ်လို ထောက်ကူပေးလဲဆိုတာကို မပြောခင် ခန္ဓာကိုယ် အစိတ်အပိုင်းတွေရဲ့ လုပ်ငန်းဆောင်တာတွေကို ပြောပြပေးချင်ပါတယ်။

ခန္ဓာကိုယ် အစိတ်အပိုင်းတွေရဲ့ လုပ်ငန်းတာဝန်များ

  • အဆုတ်များ – သွေးထဲကို အောက်ဆီဂျင် ထောက်ပံ့ပေးတယ်
  • နှလုံး – ခန္ဓာကိုယ်ကို သွေးတွေ လည်ပတ်စေဖို့ လုပ်ဆောင်ပေးတယ်
  • အစာအိမ် – အစာခြေဖို့ လုပ်ဆောင်ပေးတယ်
  • အူတွေ – အစားအစာတွေထဲက အာဟာရတွေကို စုပ်ယူတယ်
  • အသည်း – သွေးတွေထဲက အဆိပ်အတောက်တွေကို ဖယ်ရှားပေးတယ်။ စားလိုက်တဲ့ အစားအစာတွေထဲက အာဟာရတွေကို ဖြိုခွဲပေးတယ်
  • ကျောက်ကပ် – သွေးထဲက အညစ်အကြေးတွေကို စစ်ထုတ်ပေးတယ်။ ကိုယ်ထဲက ပိုနေတဲ့ အရည်တွေကို ဖယ်ရှား စစ်ထုတ်ပေးတယ်။
  • အာဟာရ ဆိုတာ

    အာဟာရ ဆိုတာက ခန္ဓာကိုယ်ရဲ့ ကျန်းမာရေးအပေါ် အစားအစာတွေရဲ့ သက်ရောက်မှုပါ။ အစားအစာတွေက ရှင်သန်ဖို့အတွက် အရေးပါတဲ့ အာဟာရဓာတ်တွေကို ထောက်ပံ့ပေးသလို ကျန်းမာပြီး ခန္ဓာကိုယ်က လုပ်ငန်းဆောင်တာတွေကို ကောင်းစွာ လုပ်ဆောင်နိုင်စေဖို့ ထောက်ကူပေးပါတယ်။ အစားအစာတွေထဲမှာ ခန္ဓာကိုယ် ကျန်းမာစေဖို့ လိုအပ်တဲ့ အာဟာရတွေဖြစ်တဲ့ ပရိုတင်း၊ ကာဗိုဟိုက်ဒရိတ်၊ အဆီတွေ ပါဝင်နေပါတယ်။ ဒီအာဟာရတွေက ခန္ဓာကိုယ်က လုပ်ငန်းဆောင်တာတွေ ကောင်းစွာ လုပ်ဆောင်နိုင်စေဖို့ စွမ်းအင်တွေ ထောက်ကူပေးသလို ကျန်းမာစေဖို့ ထောက်ကူပေးပါတယ်။

    အစားအစာတွေက အပေါ်မှာပြောခဲ့တဲ့ အာဟာရတွေအပြင် ဗီတာမင်တွေနဲ့ သတ္တုဓာတ်တွေကို ထောက်ကူပေးပါတယ်။ ဒီလို အာဟာရတွေ ပြည့်ဝမှ ခန္ဓာကိုယ်က ကျန်းမာစွာနဲ့ နေ့စဉ်လုပ်ငန်းဆောင်တာတွေကို ကောင်းစွာ လုပ်ဆောင်နိုင်မှာ ဖြစ်ပါတယ်။

    သိထားဖို့လိုမယ့် အာဟာရဆိုင်ရာ အချက်အလက်များ

    သိထားဖို့လိုမယ့် အာဟာရဆိုင်ရာ အချက်အလက်များ

    သိထားဖို့လိုမယ့် အာဟာရဆိုင်ရာ အချက်အလက်များ အကြောင်း အတူတူ လေ့လာလိုက်ရအောင်နော်။

    ပရိုတင်း –  ပရိုတင်းကို အမဲသား၊ ဝက်သား၊ ကြက်သား၊ တောကောင်သားတွေ၊ ငါး၊ ပင်လယ်စာ၊ ဥအမျိုးမျိုး၊ ပဲပိစပ် နဲ့ ပဲအမျိုးမျိုးတို့မှာ တွေ့ရပါတယ်။ ပရိုတင်းက ခန္ဓာကိုယ်အတွက် အမိုင်နိုအက်ဆစ်တွေကို ထောက်ပံ့ပေးပါတယ်။ အမိုင်နိုအက်ဆစ်က ကြီးထွားဖို့ လိုအပ်မယ့် ပရိုတင်းတွေကို ထောက်ကူပေးသလို ခန္ဓာကိုယ်က ထိခိုက်သွားတဲ့ တစ်ရှူးတွေကို အသစ်ဖြစ်စေဖို့ ထောက်ကူပေးပါတယ်။ ပရိုတင်းက ကြွက်သားနဲ့ အရိုးတွေကို သန်မာစေဖို့ ထောက်ကူပေးသလို ကိုယ်ခံအားဆဲလ်တွေကိုလည်း အားဖြည့်ပေးပါတယ်။

    ကာဗိုဟိုက်ဒရိတ်ကာဗိုဟိုက်ဒရိတ်က ခန္ဓာကိုယ်အတွက် လိုအပ်တဲ့ စွမ်းအင်တွေကို ထောက်ကူပေးပါတယ်။ ကာဗိုဟိုက်ဒရိတ် ပြည့်ဝစေဖို့ဆိုရင် ပြောင်းဖူး၊ ဂေါ်ရခါးသီး၊ ပဲအမျိုးမျိုး၊ ဆန်၊ ငှက်ပျောသီး၊ အာလူး၊ ဂျုံနဲ့လုပ်ထားတဲ့ မုန့်၊ ပေါင်မုန့်စတာတွေ စားပေးလို့ ရပါတယ်။

    အဆီဓာတ် – အဆီဓာတ်ကို အဆီတွေ၊ အုန်းသီး၊ အခွံမာသီးတွေ၊ နို့၊ ချိစ်၊ အသား၊ ကြက်သား၊ ငါးစတာတွေကနေ ရရှိနိုင်ပါတယ်။ ဆံလ်တွေကိုဖြစ်ပေါ်စေဖို့ ထောက်ကူပေးပါတယ်။ အဆီတွက ဆီမှာပျော်ဝင်နိုင်တဲ့ ဗီတာမင် A ကို စုပ်ယူနိုင်စေဖို့ ထောက်ကူပေးပါတယ်။

    ဗီတာမင်တွေ – စွမ်းအင်တွေ ထွက်စေဖို့ ထောက်ကူပေးပါတယ်။ အနာကျက်စေဖို့၊ အရိုးတွေ ဖြစ်စေဖို့၊ ကိုယ်ခံအား ကောင်းစေဖို့၊ မျက်လုံးတွေနဲ့ အရေပြား ကျန်းမာစေဖို့ ထောက်ကူပေးပါတယ်။

    သတ္တုဓာတ်တွေသတ္တုဓာတ်တွေက နှလုံးသွေးကြောတွေကို ကျန်းမာစေနိုက်သလို အရိုးတွေသန်မာစေဖို့လည်း ထောက်ကူပေးပါတယ်။

    သစ်သီးတွေ၊ ဟင်းသီးဟင်းရွက်တွေ၊ နို့ထွက်ပစ္စည်းတွေ၊ ပရိုတင်းပါတဲ့ အစားအစာတွေ နဲ့ နှံစားသီးနှံတွေ ကြွယ်ဝစွာ ပါဝင်နေတဲ့ အစားအစာတွေကို စားသောက်ပေးတာက ခန္ဓာကိုယ်ကို ကျန်းမာစေသလို ကောင်းစွာ လှုပ်ရှားနိုင်စေဖို့လည်း ထောက်ကူပေးပါတယ်။

    အစားအစာတွေထဲမှာပါတဲ့

    • ဗီတာမင် A က မျက်လုံးတွေကို ကျန်းမာစေတယ်
    • ကယ်လ်ဆီယမ် နဲ့ မဂ္ဂနီဆီယမ် က ကြွက်သားတွေနဲ့ သွေးကြောတွေကို ပြေလျော့စေဖို့ ထောက်ကူပေးတယ်။ ကြွက်မတက်စေဖို့၊ သွေးမတိုးစေဖို့ ထောက်ကူပေးတယ်
    • ဗီတာမင် C က အနာကျက်စေပြီး ရောဂါပိုးတွေကို တိုက်ဖျက်ပေးတယ်
    • သံဓာတ်က သွေးတွင်းအောက်ဆီဂျင်တွေကို ခန္ဓာကိုယ်အနှံ့ရောက်အောင် လုပ်ဆောင်ပေးတယ်။ သွေးအားနည်းရောဂါ မဖြစ်အောင် ကာကွယ်ပေးတယ်။
    • အသီးအရွက်တွေကို ဝယ်ယူတဲ့အခါမှာ အာဟာရ တန်ဖိုးတွေကို  သိရှိဖို့ ခက်ပေမယ့် အသင့်ထုပ်ပိုးထားတဲ့ အစားအစာတွေမှာတော့ အာဟာရတန်ဖိုးကို ဖော်ပြထားတဲ့ ဇယားတွေပါဝင်နေတာကြောင့် သေချာလေး ဖတ်ကြည့်ဖို့ လိုပါမယ်။

      ဒီ အာဟာရ ဇယားမှာ ပါဝင်တဲ့ အာဟာရ တစ်ခုချင်းစီရဲ့ ပမာဏကို % နဲ့ ဖော်ပြထားတာတွေ ပါဝင်နေသလို တစ်ခါစားရင်ရမယ့် ပမာဏကိုလည်း ဖော်ပြထားပါသေးတယ်။ ဒီအချက်တွေကို သေချာကြည့်ပြီး ကိုယ့်နဲ့ကိုက်ညီမှာကို ရွေးချယ်လို့ ရပါတယ်။

      မသက်ဆိုင်ကြောင်း ရှင်းလင်းချက်

      Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။



      မှ အချက်အလက် စစ်ဆေးထားပါသည်။

      Aye Thi Mon


      Aye Thi Mon မှ ရေးသားသည်။ · 14/10/2022 တွင် အသစ်ဖြည့်စွက်ခဲ့သည်။

      ad iconadvertisement

      ဤဆောင်းပါးက အကူအညီဖြစ်ပါသလား။

      ad iconadvertisement
      ad iconadvertisement