ပွပွချောင်ချောင်နဲ့ ချွေးစုပ်တဲ့ ချည်သားအဝတ်အထည်တွေကို ဝတ်ဆင်ပါ။ အမျိုးသမီးတွေအနေနဲ့ အိမ်မှာနေရင် တတ်နိုင်သမျှ အတွင်းခံဝတ်တာကို လျှော့ပါ။
ဒါကတော့ ဆာဆာမဆာဆာ သောက်ရပါမယ်။ ချွေးထွက်တာကြောင့် ရေဓာတ်ဆုံးရှုံးမှုက သာမန်အချိန်ထက် ပိုများပါတယ်။ အချိုရည်တွေထက်စာရင် ရေ၊ ဓာတ်ဆားရည်၊ အချိုလျှော့ထားတဲ့ သဘာဝသစ်သီးဖျော်ရည်တွေကို သောက်ပေးပါ။ သာမန်ရေထက် ခပ်အေးအေး ရေကို သောက်ပေးနိုင်ပါတယ်။
ရေသောက်တာအပြင် သစ်သီးတွေကို ရေခဲသေတ္တာထဲမှာ ထည့်ပြီး စားတာ၊ ဖျော်ရည်တွေကို ရေခဲတုံးလေးတွေ ခဲပြီး စားတာ စတာကလည်း ရေဓာတ်ဖြည့်ဖို့ အထောက်အကူ ဖြစ်ပါတယ်။
- ကိုယ်တွင်းအပူချိန်ကို လျှော့ချပါ။
ဒါက အပူလျှပ်တဲ့ လူနာတွေမှာ သုံးတဲ့နည်းလမ်းပါ။ ကိုယ်တွင်းအပူချိန်ကို အမြန်ချနိုင်မယ့် နည်းလမ်းတစ်ခုပါ။ ပဝါအသေး ၆ခုကို ရှာပြီး ရေထဲ နှစ်ထားပါ။ ရေညှစ်ပြီး လည်ပင်း မေးရိုးအောက် ဘယ်ညာ၊ ချိုင်းကြား ဘယ်ညာ၊ ပေါင်ခြံ ဘယ်ညာမှာ ကပ်ထားပါ။ ရေခြောက်သွားရင် ထပ်ကပ်နိုင်ပါတယ်။
သက်သောင့်သက်သာလေး လှဲပြီး ရေဝတ်လေးတွေ ကပ်နေတာကလည်း ကိုယ်တွင်းအပူချိန်ကို ကျစေပါတယ်။
အများစုက အရင်လို မြစ်စပ်ကမ်းစပ်မှာ မဟုတ်ဘဲ အိမ်မှာပဲ ချိုးကြတာဆိုတော့ ဘယ်အချိန်ချိုးချိုး ရပါတယ်။ နေပူထဲက ပြန်လာလာချင်းသာ မချိုးပါနဲ့။ ရေချိုးတဲ့အခါ ရေပန်း ဒါမှမဟုတ် ခွက်နဲ့ ဖြည်းဖြည်းလောင်းချပြီး အေးဆေးချိုးပါ။ ရိုးရိုးရေ သုံးရင် ရပါပြီ။ ရေခဲရေ မသုံးရပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။