ညအိပ်ခါနီးရင်လည်း အေးအေးလေး အိပ်ရအောင် ချိုးနိုင်ပါတယ်။ လူကြီးတွေက ရေချိုးရမှာ ကြောက်ရင် ရေပတ်ဝတ် ရွှဲရွှဲသုတ်ပေးပါ။

အထူးသဖြင့် အမျိုးသမီးတွေပါ။ ဆံပင်ကို ခပ်ပွပွနဲ့ ဂုတ်မှာ ရှုပ်မနေအောင် စည်ထားပါ။ မဟုတ်ရင် ဂုတ်နဲ့ လည်ပင်းမှာ အပူအောင်းပြီး ချွေးထွက်တတ်လို့ပါ။ ဒီကနေမှတဆင့် မိတ်ဖုတွေ ပေါက်လာနိုင်ပါတယ်။ ညအိပ်ရင်လည်း ဆံပင်ကို ခပ်ဖွဖွ ထုံးပြီး ဂုတ်မှာ ရှင်းနေအောင် ထားပြီး အိပ်ပါ။
- ညဘက်မှာ ပြတင်းပေါက်တွေ ဖွင့်ထားပါ။
ဒီတစ်ခါတော့ ပြတင်းပေါက်ရော၊ လိုက်ကာရော ဖွင့်ထားလို့ ရပါပြီ။ နေဝင်ပြီး ညနေပိုင်းလောက်ကစပြီး ဖွင့်ထားနိုင်ပါတယ်။ တစ်နေ့တာ အိမ်ထဲက အပူတွေကို ညလေအေးလေးက ရှင်းထုတ်ပေးမှာပါ။
- ခေါင်းအုံစွပ်ကို ရေခဲသေတ္တာထဲမှာ အအေးခံထားပါ။
ခေါင်းချလိုက်တာနဲ့ ပူတဲ့ ခံစားချက်မျိုး မခံစားချင်ဘူးဆိုရင် ခေါင်းအုံးစွပ်ကို အိတ်သန့်သန့်လေးနဲ့ ထည့်ပြီး ရေခဲသေတ္တာထဲမှာ ထည့်ထားပါ။ နေ့ပိုင်းမှာ ထည့်ထားပြီး အိပ်ခါနီးကျ ပြန်ထုတ်၊ စွပ်လိုက်ရင် အေးအေးလူလူ အိပ်နိုင်ပါပြီ။ အခန်းအပူချိန်ကြောင့် အများစိုးရိမ်နေသလို ဦးနှောက်သွေးကြောပြတ်လောက်အောင် အေးခဲနေမှာ မဟုတ်လို့ စိတ်ပူစရာ မရှိပါဘူး။
- ပန်ကာလေကို အေးအောင် လုပ်ပါ။
ဒါက အဲကွန်း အစားထိုး နည်းလမ်းတစ်ခုပါ။ ရေခဲဇလုံ ဒါမှမဟုတ် ရေဇလုံ ဒါမှမဟုတ် ရေစိုထားတဲ့ အဝတ်ပါးပဲဖြစ်ဖြစ် ပန်ကာရှေ့မှာ ချထားပြီး လေမှုတ်ထားပါ။ ဒါဆို ပန်ကာက လာတဲ့လေက အနည်းနဲ့ အများတော့ အေးနေမှာပါ။ အဲကွန်းက ထွက်တဲ့ လေလောက် မအေးပေမယ့် သက်သောင့်သက်သာတော့ ဖြစ်မှာပါ။
ဒါက ကိုယ်အိပ်မယ့် အိပ်ရာခင်း ဒါမှမဟုတ် စောင်ကို ရေစွတ်ပြီး အေးအောင် လုပ်တာပါ။ ဒီက လူတွေလည်း သိပ်ပူတဲ့ နွေညမျိုးဆို လုပ်တတ်ကြပါတယ်။ ဒါပေမယ့် ရေစိုအဝတ်နဲ့ အိပ်တာက မနက်ကျရင် ကိုယ်လက်ကိုက်ပြီး နေမကောင်းဖြစ်တယ်လို့ ပြောကြပါတယ်။ ဒီလိုမဖြစ်အောင် နည်းလမ်းအမှန်ကို ပြောပြပေးပါ့မယ်။
ကိုယ်အိပ်မယ့် အိပ်ရာခင်း ဒါမှမဟုတ် စောင်အပါးကို ရေစိုရုံ ဖြန်းပြီး စိုထိုင်းထိုင်းဖြစ်သည်အထိ အခြောက်ခံပါ။ ဖျာဆိုရင်လည်း ရေဖြန်းပြီး ပြန်သုတ်ပါ။ သိပ်စိုလွန်း သိပ်ခြောက်လွန်း အစွန်းနှစ်ဖက်ကို ရှောင်ရပါမယ်။ ပြီးမှ ဒါကို ခင်းအိပ်တာ၊ ခြုံအိပ်တာ လုပ်ရပါမယ်။ ရေစွတ်ထားတဲ့ အိပ်ရာမှာ အိပ်မယ်ဆို ပန်ကာကို လျှော့ရပါမယ်။ ကိုယ်တွင်းအပူချိန်ကြောင့် မကြာခင်မှာ ခြောက်သွားမှာပါ။ ဒီမတိုင်ခင်တော့ အေးအေးလေး အိပ်ရတာပေါ့။
ဒီလိုဆို အေးအေးလေး အိပ်ရပြီး မနက်ကျရင် နေမကောင်းဖြစ်မှာလည်း မဟုတ်တော့ပါဘူး။
အဲကွန်းမရှိတဲ့ နွေရာသီ
တစ်နေ့တခြား မြင့်တက်လာတဲ့ အပူချိန်ကြောင့် နွေရာသီမှာ နေရထိုင်ရခက်လာတာ အမှန်ပါ။ အဲကွန်း မရှိတဲ့ နွေညတွေက ခြောက်ခြားစရာ ဖြစ်လာပါပြီ။
ဒီလိုမဖြစ်အောင် သဘာဝကျပြီး ကုန်ကျစရိတ်သက်သာတဲ့ နည်းလမ်းလေးတွေနဲ့ နွေရာသီကို အံတုလိုက်ပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။