၆။ ဆေးရုံဝန်ထမ်းများရဲ့ ခွင့်ပြုချက်မရှိဘဲ ဖုန်း (သို့) အခြားကိရိယာများဖြင့် ဓါတ်ပုံ၊ ဗီဒီယိုရိုက်ခြင်း၊ မှတ်တမ်းတင်ခြင်းမပြုရ
လူ့အခွင့်အရေးကို တန်ဖိုးအထားဆုံးလို့ သတ်မှတ်ထားတဲ့ အမေရိကရဲ့ အကောင်းဆုံးဆေးရုံကြီးမှာ ဒီလိုသတ်မှတ်ချက်ရှိပါတယ်။ တကယ်တော့ လူ့အခွင့်အရေးဆိုရာမှာ မိမိအခွင့်အရေးကို ကာကွယ်သလို သူတစ်ပါးရဲ့အခွင့်အရေးကို လေးစားတန်ဖိုးထားခြင်းလည်း ပါဝင်နေပါတယ်။ ဆေးရုံ/ဆေးခန်းတွေမှာ ဓါတ်ပုံ/ဗီဒီယိုတွေရိုက်ပြီး လူမှုကွန်ရက်ပေါ်တင်ပြီး ပြစ်တင်ဝေဖန်ခြင်းဟာ မှန်ကန်တဲ့ဖြေရှင်းမှု မဟုတ်ပါဘူး။
၇။ ကျန်းမာရေးဝန်ထမ်းများနှင့် အခြားလူနာများ၏ အတွင်းရေးများကို ထိန်းသိမ်းထားပါ။
ဆေးရုံဆေးခန်းများဟာ လူနာရဲ့အတွင်းရေးကို ထိန်းသိမ်းထားဖို့ တာဝန်ရှိသလို လူနာများဟာလည်း မိမိကိုပြုစုကုသနေသူများ၊ အခြားလူနာများရဲ့ အတွင်းရေးများကို ထိန်းသိမ်းပေးထားဖို့ တာဝန်ရှိနေပါတယ်။ (အတွင်းရေးကိစ္စတွေကို ဘယ်လိုအခြေအနေတွေမှာပဲ ဖွင့်ဟခွင့်ရှိသလဲဆိုတာ နောင်မှာ ဆက်လက်ဖော်ပြပေးသွားပါမယ်)
အထက်ပါအချက်အလက်များကတော့ ဂျွန်ဟော့ပ်ကင်းဆေးရုံက ယုံကြည်လက်ခံထားတဲ့ လူနာများရဲ့ တာဝန်ဝတ္တရားများအကြောင်းပဲ ဖြစ်ပါတယ်။ လူနာများအတွက် ထုတ်ပြန်တဲ့ တာဝန်ဝတ္တရားဆိုတာလည်း တကယ်တော့ လူနာတွေရဲ့ အကျိုးအတွက်လည်း ပါဝင်ပါတယ်။
ဘယ်နေရာမှာမဆို ရပိုင်ခွင့်တွေရှိနေသလို ပြန်လည်စောင့်ထိန်းရတဲ့ တာဝန်ဝတ္တရားတွေလည်း ရှိနေပါတယ်။ ဆေးရုံဆေးခန်း (သို့) ဆရာဝန်များနဲ့ လူနာများဟာ မိမိတို့ကိုယ်စီကိုယ်ငှ ရပိုင်ခွင့်နဲ့ တာဝန်ဝတ္တရားတွေကို သေချာသဘောပေါက်နားလည်ပြီး လုပ်ဆောင်သွားရင် ကုသမှုလုပ်ငန်းစဉ်မှာ ပိုမိုချောမွေ့နိုင်မှာ ဖြစ်ပါတယ်။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။