၃။ စိတ်ကျန်းမာရေးကို အကျိုးပြုခြင်း
အမျိုးသားတွေဟာ ကြွက်သားတင်မကဘဲ စိတ်ခံစားချက်ပိုင်းဆိုင်ရာ တင်းကြပ်မှုကို ပိုခံစားရနိုင်ပါတယ်။ အထူးသဖြင့် အလုပ်အရမ်းများတဲ့ အမျိုးသားတွေဆိုရင် စိတ်ဖိစီးမှုဒဏ်ကို ပိုခံရတတ်ပါတယ်။ ယောဂသည် စိတ်ဖိစီးမှုကို ဖြစ်စေတဲ့ ကော်တီစော် (Cortisol) ဟော်မုန်းထုတ်လုပ်နှုန်းကို လျော့ကျစေလို့ စိတ်ကို ပေါ့ပါးလန်းဆန်းသွားစေနိုင်ပါတယ်။
ဒီအခါမှာ တစ်နေ့တာလုံး စိတ်ကို ကြည်လင်စေသလို လိင်ဆက်ဆံတဲ့အခါမှာလည်း စိတ်ဖိစီးမှုကြောင့် ကိုယ့်ရဲ့ လိင်စိတ်ကို အနှောင့်အယှက်ဖြစ်စေတာမျိုး လျော့နည်းသွားမှာပါ။
၄။ အာရုံစူးစိုက်မှု ပိုကောင်းလာခြင်း
ဦးနှောက်ကို အသုံးပြုပြီး အလုပ်လုပ်နေရတဲ့ အမျိုးသားတွေ၊ တစ်ခုခုဆို စိတ်အာရုံ ပျံ့လွင့်လွယ်တဲ့သူတွေအတွက် ယောဂလေ့ကျင့်ခန်းက အကောင်းဆုံးပါပဲ။ ပျံ့လွင့်နေတဲ့ စိတ်အာရုံများကို တစ်စုတစ်စည်းတည်း ဖြစ်စေပြီး ကိုယ့်ရဲ့ စိတ်ကို တည်ငြိမ်စေတယ်။