အစားစားပြီးချိန် ပျို့အန်ချင်စိတ်ဖြစ်ပေါ်ခြင်း

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date အောက်တိုဘာ 2, 2020 . 2 mins read
Share now

စားသောက်ပြီးချိန်မှာ ဗိုက်ထဲမကောင်းတာ အကြောင်းအရင်းပေါင်းစုံကြောင့် ဖြစ်နိုင်ပါတယ်။ ကိုယ်ဝန်ရှိခြင်းကနေ အစာအဆိပ်သင့်ခြင်းအထိ မျိုးစုံဖြစ်နိုင်ပါတယ်။ ဖြစ်ပေါ်တဲ့လက္ခဏာပေါ် မူတည်ပြီး အကြောင်းအရင်းကို ခန့်မှန်းရပါတယ်။ လိုအပ်တဲ့ကုသမှုကို ခံယူနိုင်ပါတယ်။

ယခုဆက်လက်ဖော်ပြမှာကတော့ စားသောက်ပြီးချိန်မှာ ပျို့အန်ခြင်းဖြစ်စေနိုင်တဲ့ အကြောင်းအရာတွေ ဖြစ်ပါတယ်။

အစာမတည့်ခြင်း

တစ်ခါတရံမှာ အစားအစာအချို့ ဥပမာ ခရုကမာ၊ အခွံမာသီး၊ ဥအမျိုးမျိုး ကို သင့်ကိုယ်ခံစွမ်းအားကနေ အန္တရာယ်ရှိတဲ့ ပစ္စည်းများအနေနဲ့ မှတ်ယူတတ်ကြပါတယ်။ တစ်ခုခုကိုစားလိုက်မိရင် ကိုယ်ခံအားစနစ်ကနေ ဟစ်စ်တမင်းနဲ့ တခြားဓာတ်ပစ္စည်းများ ထုတ်လုပ်ခြင်းအားဖြင့် တုံ့ပြန်မှုတွေ ပြုလုပ်ပါတယ်။ အဲဒီအခါ ဓာတ်မတည့်ခြင်းလက္ခဏာများဖြစ်တဲ့ အင်ပျဉ်ထခြင်း၊ ယားယံခြင်း စတာတွေ ဖြစ်လာတတ်ပြီး ပျို့အန်တာပါ ဖြစ်လာနိုင်ပါတယ်။

အစာအဆိပ်သင့်ခြင်း

သေချာစွာ ထုတ်ပိုးသိမ်းဆည်းမထားတဲ့ အစားအစာတွေမှာ ဘက်တီးရီးယား၊ ဗိုင်းရပ်စ်၊ ကပ်ပါးပိုး စတဲ့ရောဂါပိုးပေါင်းစုံ ဝင်ရောက်ပေါက်ပွားနိုင်ပါတယ်။ အဆိုပါ အစားအစာတွေကို စားသုံးမိရင် နာရီအနည်းငယ်အတွင်း ပျို့အန်ခြင်း၊ ဗိုက်အောင့်ခြင်း၊ ဝမ်းပျက်ခြင်း စတာတွေ ဖြစ်လာနိုင်ပါတယ်။

ကိုယ်ဝန်ရှိခြင်း

ကိုယ်ဝန်ရှိလာရင် ဟော်မုန်းအပြောင်းအလဲကြောင့် မအီမသာဖြစ်ခြင်း၊ သက်သောင့်သက်သာမရှိခြင်းတွေ ကြုံလာရပါတယ်။ အထူးသဖြင့် အစားစားပြီးချိန်တွေမှာ ပျို့အန်ချင်စိတ် ဖြစ်လာနိုင်ပါတယ်။ တစ်ခါတရံမှာ အစားအစာတချို့ရဲ့ အနံ့အရသာကို ရလိုက်ရုံနဲ့တင် မအီမသာဖြစ်ပြီး ပျို့အန်ချင်စိတ် ပေါ်လာနိုင်ပါတယ်။

အစာခြေရည်လျှံတက်ခြင်း

ရင်ပူခြင်း၊ လေချဉ်တက်ခြင်းများဟာ အစာအိမ်ထဲမှာရှိတဲ့ အစာခြေရည်များဟာ လည်ချောင်းရင်းထိ ပြန်ဆန်တက်လာတာကြောင့် ဖြစ်ပါတယ်။ အစာရေမျိုနဲ့ အစာအိမ်ကို ပိုင်းခြားပေးထားတဲ့ အဆို့ရှင်ကြွက်သား အားနည်းတာကြောင့် ဖြစ်ပါတယ်။ အဆိုပါ အခြေအနေမှာ ပျို့အန်ခြင်းလည်း ဖြစ်တတ်ပါတယ်။

စိတ်ဖိစီးခြင်း၊ ပူပန်ခြင်း

စိတ်ဖိစီးခြင်းဟာ စိတ်ပိုင်းဆိုင်ရာတစ်မျိုးတည်းကိုသာ ထိခိုက်စေတာ မဟုတ်ပါဘူး။ ရုပ်ပိုင်းဆိုင်ရာ ကျန်းမာရေးကိုလည်း ထိခိုက်လာစေနိုင်ပါတယ်။ စားပြီးချိန်တွေမှာလည်း ပျို့တက်နိုင်ပါတယ်။

ကင်ဆာရောဂါကုသမှု ခံယူနေခြင်း

ကင်ဆာဖြစ်နေသူတွေ ဆေးကုသမှုခံယူချိန်မှာ ဆေးရဲ့ဘေးထွက်ဆိုးကျိုးတွေကြောင့် ပျို့အန်ခြင်းလည်း ဖြစ်နိုင်ပါတယ်။ ဒါပေမယ့် ကုသမှုပြီးချိန်မှာတော့ ပျောက်ကင်းသွားနိုင်ပါတယ်။

သည်းခြေအိတ်ပြဿနာ

သည်းခြေအိတ်ဟာ အစာအိမ်ရဲ့ညာဘက်အပေါ်ပိုင်းမှာ တည်ရှိပါတယ်။ သည်းခြေအိတ်ဟာ အဆီကို ချေဖျက်နိုင်ဖို့ ကူညီပေးပါတယ်။ သည်းခြေကျောက်တည်ခြင်း၊ အပါအဝင် သည်းခြေအိတ်မှာ ရောဂါတစ်ခုခုဖြစ်ရင် အဆီဓာတ်ကို ချေဖျက်ဖို့ ခက်ခဲသွားပါတယ်။ ဒါကြောင့် အစာအိမ်နေရာမှာ မအီမသာဖြစ်ပြီး လေပျို့ခြင်းများ ဖြစ်နိုင်ပါတယ်။ အထူးသဖြင့် အဆီများတဲ့ အစားအစာတွေစားပြီးချိန်မှာ ပိုဖြစ်တတ်ပါတယ်။

ကားမူးခြင်း

လူတချို့ဟာ ရွေ့လျားခြင်းဒဏ်ကို မခံနိုင်ကြပါဘူး။ ယာဉ်တစ်ခုခုပေါ် စီးနင်းပြီး ရွေ့လျားတဲ့အခါ မူးဝေခြင်း၊ ပျို့အန်ခြင်းများ ဖြစ်ပေါ်စေနိုင်ပါတယ်။ ကားမစီးခင် ဒါမှမဟုတ် ကားစီးပြီးခါစမှာ စားသောက်ရင် ပိုဖြစ်တတ်ပါတယ်။

ဘယ်အချိန်မှာ ဆရာဝန်ပြသင့်သလဲ

ခဏတာမျှ ပျို့အန်ခြင်းဟာ ပြဿနာမရှိပါဘူး။ ဒါပေမယ့် တစ်ပတ်လောက်နဲ့ ပျောက်မသွားခဲ့ရင် ဆရာဝန်ပြသပြီး အကြောင်းအရင်းကို ရှာဖွေသင့်ပါတယ်။ အထူးသဖြင့် ဆိုးရွားပြင်းထန်တဲ့ ရောဂါလက္ခဏာတွေ ပေါ်လာခဲ့ရင် ဖြစ်ပါတယ်။ အဆိုပါလက္ခဏာတွေကတော့

– သွေးဝမ်းသွားခြင်း

– ရင်ဘတ်အောင့်ခြင်း

– အာရုံရှုပ်ထွေးခြင်း

– ဝမ်းပျက်ခြင်း (၂-၃ရက်ဆက်တိုက်)

– ရေဓာတ်ခမ်းခြောက်ခြင်းလက္ခဏာများဖြစ်သည့် အလွန်အမင်း ရေငတ်ခြင်း၊ ဆီးနည်းခြင်း၊ အားနည်းခြင်း၊ မူးဝေခြင်း

– အဖျားကြီးခြင်း

– ဝမ်းဗိုက်အတွင်း စူးအောင့်ခြင်း

– နှလုံးခုန်မြန်ခြင်း

– ဆိုးရွားစွာ ပျို့အန်ခြင်း၊ အစာမျိုရန်ခက်ခဲခြင်း စတာတွေ ဖြစ်ပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

ကိုယ်အင်္ဂါအစားထိုးမယ်ဆိုရင်

ကိုယ်တွင်းအင်္ဂါအစားထိုး အသည်းအစားထိုး ကျောက်ကပ်အစားထိုး သွေးအမျိုးအစား ခုခံအားစနစ်ကူးစက်ရောဂါ ကင်ဆာရောဂါ ဆေးလိပ်သောက် အရက်သောက် တက်တူးထိုး

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

Micronutrient များ

ကိုယ်ခံအား (immunity) အတွက် အခြေခံလိုအပ်တဲ့ micronutrients ခေါ် ဗီတာမင်နဲ့သတ္တုဓာတ်တွေကိုတော့ အတော်များများသတိမထားမိတတ်ကြပါဘူး။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Thiha Phyo Myint

တစ်ခုခုစားပြီးတိုင်း အိမ်သာပြေးနေရပြီဆိုရင်

စားပြီးဝမ်းလျှော Postprandial diarrhea Stomach flu အစာအဆိပ်သင့် လက်တို့စ်မချေဖျက်နိုင် ဖြည့်စွက်အားဆေး Irritable bowel syndrome Inflammatory bowel disease

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr. Htet Htet Zaw Win

ကိုဗစ်ကာလမှာ ကင်ဆာဝေဒနာသည်တွေကို ဘယ်လို စောင့်ရှောက်ကြမလဲ

ကိုဗစ်ကာလ တစ်လျှောက်လုံးမှာ ကင်ဆာ၊ ဆီးချို၊ သွေးတိုး၊ အသက်ရှူလမ်းကြောင်းပြဿနာ၊ နှလုံး၊ ကျောက်ကပ်၊ အသည်းနဲ့ ကိုယ်ခံအားစနစ် အားနည်းသူတွေ သတိထားဖို့ လိုပါမယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သင့်အတွက် ရွေးချယ်ထားသည်

အဖြစ်များသော အစာအိမ်အူလမ်းကြောင်းပြဿနာများ

အဖြစ်များသော အစာအိမ်အူလမ်းကြောင်းပြဿနာများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 23, 2020 . 2 mins read
ဗိုင်းရပ်စ်ပိုးကြောင့် အထက်လန်အောက်လျှောဖြစ်ခြင်း (viral gastroenteritis)

ဗိုင်းရပ်စ်ပိုးကြောင့် အထက်လန်အောက်လျှောဖြစ်ခြင်း (viral gastroenteritis)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 20, 2020 . 2 mins read
အစာအိမ်အူလမ်းကြောင်းကို ဒုက္ခပေးသော ရောဂါပိုးကူးစက်ခြင်းများ

အစာအိမ်အူလမ်းကြောင်းကို ဒုက္ခပေးသော ရောဂါပိုးကူးစက်ခြင်းများ

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 12, 2020 . 2 mins read
ဆီလီနီယံ ချို့တဲ့ခြင်း

ဆီလီနီယံချို့တဲ့ခြင်းအကြောင်း

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Dr.Thant Zin
ရေးသား ထုတ်ဝေခဲ့သည် အောက်တိုဘာ 1, 2020 . 2 mins read