အရိုးပွခြင်းအကြောင်း သိသင့်သမျှ

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date နိုဝင်ဘာ 19, 2020 . 2 mins read
Share now

အရိုးပွခြင်းဆိုတာ အရိုးတွေမှာရှိသင့်တဲ့ သိပ်သည်းဆ လျော့နည်းသွားခြင်း ဖြစ်ပါတယ်။ လူတိုင်းရဲ့ အရိုးများထဲမှာ ပျားအုံတစ်အုံလိုပဲ အခေါင်းပေါက်ငယ်ကလေးတွေ ရှိပါတယ်။ အရိုးပွခြင်းဖြစ်လာရင် အဆိုပါ အပေါက်ငယ်ကလေးများရဲ့ အရွယ်အစားဟာ ပိုမိုကျယ်ပြန့်လာပါတယ်။ ဒါကြောင့် အရိုးရဲ့ သိပ်သည်းဆရော ကြံ့ခိုင်မှုပါ အားနည်းလာပါတယ်။ အရိုးလည်း ပါးလျလာပြီး ထိခိုက်မိရင် ကျိုးပဲ့လွယ်လာပါတယ်။

အရိုးပွခြင်းဟာ ဘယ်အရွယ်မှာမဆို ဖြစ်ပွားနိုင်ပါတယ်။ အထူးသဖြင့် အသက်ကြီးပိုင်း အမျိုးသမီးတွေမှာ ဖြစ်တတ်ပါတယ်။ အရိုးပွနိုင်ခြေ အများဆုံး အရိုးများကတော့ နံရိုး၊ ပေါင်ရိုး၊ ခါးရိုးနဲ့ လက်ကောက်ဝတ်ရိုးများပဲ ဖြစ်ပါတယ်။

လက္ခဏာများ

များသောအားဖြင့် ကနဦးလက္ခဏာ မတွေ့ရတတ်ပါဘူး။ အရိုးကျိုးသည့်တိုင်အောင် အရိုးပွတဲ့ အခြေအနေကို ကြိုတင်ပြီး မသိတာများပါတယ်။ တစ်ခါတရံမှာ တွေ့ရတတ်တဲ့ အခြေအနေတွေကတော့

သွားဖုံးများ ချိုင့်ဝင်လာခြင်း

– လက်များ ညှစ်ဆုပ်နိုင်မှု အားနည်းသွားခြင်း

– လက်သည်းများ ကျိုးပဲ့လွယ်လာခြင်း စတာတွေ ဖြစ်ပါတယ်။

ဘာပြဿနာတွေဖြစ်နိုင်သလဲ

အရိုးပွခြင်းကို ထိရောက်တဲ့ ကာကွယ်ကုသမှုမလုပ်ရင် အရိုးများ ပိုမိုပါးလျား အားနည်းလာပြီး ကျိုးပဲ့လွယ်လာပါတယ်။ ဆိုးရွားလွန်းတဲ့ အခြေအနေမှာဆိုရင် ချော်လဲရင်၊ ချောင်းပြင်းပြင်းဆိုးရင် ကျိုးပဲ့တတ်ပါတယ်။ ခါး၊ လည်ပင်းနာခြင်းတွေ ဖြစ်တတ်ပြီး ကိုယ်ခန္ဓာအပေါ်ပိုင်း ဖိအားကြောင့် ခါးဆစ်ရိုးကျိုးတတ်ပါတယ်။

အရိုးပွခြင်းဖြစ်နိုင်ခြေ မြင့်စေသော အကြောင်းများ

အဓိကကတော့ အသက်အရွယ်ဖြစ်ပါတယ်။ သင့်ဘဝတလျှောက်မှာ အရိုးများဟာ ပျက်စီးခြင်း၊ အသစ်ပြန်လည်ဖြစ်ပေါ်ခြင်း စတာတွေကို ပုံမှန်လုပ်ဆောင်နေပါတယ်။ ဒါပေမယ့် အသက် ၃၀ ကျော်လောက်ကစပြီး အရိုးဆဲလ်များ ပျက်စီးနှုန်းက အသစ်ပြန်ဖြစ်နှုန်းထက် ပိုများလာပါတယ်။ ဒါကြောင့် အရိုးများ သိပ်သည်းဆနည်းလာနိုင်ပါတယ်။

အမျိုးသမီးတွေမှာဆိုရင် အသက် ၄၀ ကျော် ၅၀ ခန့်အရွယ်မှာ သွေးဆုံးတတ်ပါတယ်။ သွေးဆုံးချိန်မှာ ဟော်မုန်းအပြောင်းအလဲကြောင့် အရိုးများပိုမို ပျက်စီးလာတတ်ပါတယ်။ မိသားစုထဲမှာ အရိုးပွရောဂါ ဖြစ်သူရှိခြင်း၊ အာဟာရဓာတ် ချို့တဲ့ခြင်း၊ ကိုယ်လက်လှုပ်ရှားမှု နည်းခြင်း၊ ဆေးလိပ်သောက်ခြင်း စတာတွေကြောင့်လည်း အရိုးပွနိုင်ခြေ များပါတယ်။

သိုင်းရွိုက်ရောဂါမှာ ကုသတဲ့ဆေးဝါးတချို့ကြောင့်လည်း အရိုးပွနိုင်ခြေများပါတယ်။ ပရဒ်နီဆလုံး၊ ကော်တီဆုန်း စတဲ့စတီးရွိုက်ဆေးဝါးတွေကြောင့် အရိုးပွတတ်ပါတယ်။

အရိုးပွခြင်းကို ဘယ်လိုစစ်ဆေးနိုင်သလဲ

အရိုးပွခြင်းကိုစစ်ဆေးဖို့အတွက် ဆရာဝန်ဟာ ရောဂါရာဇဝင်မေးမြန်းပြီး လိုအပ်တဲ့စစ်ဆေးမှုတွေ ပြုလုပ်ပါလိမ့်မယ်။ အရိုးများအခြေအနေကို သိရအောင် သွေး၊ ဆီးစစ်ခြင်း ပြုလုပ်ပါလိမ့်မယ်။ အဓိကအားဖြင့် အရိုးသိပ်သည်းဆကို စစ်ဆေးပါလိမ့်မယ်။ X-ray တစ်မျိုးကို အသုံးပြုပြီး လက်ကောက်ဝတ်၊ ပေါင်၊ ကျောရိုး စတာတွေရဲ့ သိပ်သည်းဆကို စစ်ဆေးပါလိမ့်မယ်။ အဆိုပါ စစ်ဆေးမှုဟာ ၁၀ မိနစ်ကနေ နာရီဝက်အထိကြာနိုင်ပြီး နာကျင်မှု မရှိပါဘူး။

ဘယ်လိုကုသနိုင်သလဲ

အရိုးပွနေကြောင်း သိရပြီဆိုရင်တော့ ဆရာဝန်ဟာ သင့်ပြဿနာကို ဘယ်လိုကုသပေးမလဲ အစီအစဉ်ဆွဲပါလိမ့်မယ်။ ဆေးဝါးများသောက်သုံးရသလို နေထိုင်မှုပုံစံတွ ပြောင်းလဲပေးခြင်းလည်း ပါဝင်ပါလိမ့်မယ်။ ကယ်လ်ဆီယမ်နဲ့ ဗီတာမင် D တွေကို ဆရာဝန်ညွှန်ကြားချက်နဲ့  သုံးစွဲရသလို သင့်တော်တဲ့ လေ့ကျင့်ခန်းတချို့လည်း ပြုလုပ်ရတတ်ပါတယ်။

တကယ်တော့ အရိုးပွခြင်းကို လုံးဝပျောက်ကင်းအောင် ကုသခြင်းမရှိပါဘူး။ ဒါပေမယ့် ထိရောက်တဲ့ကုသမှုနဲ့ဆိုရင် အရိုးများကို သန်စွမ်းအောင်၊ ပျက်စီးခြင်းနည်းအောင် ကာကွယ်ပေးနိုင်ပါတယ်။

အာဟာရပြည့်ဝတဲ့ အစားအသောက်များကိုလည်း စားသုံးဖို့ အရေးကြီးပါတယ်။ အရေးအကြီး ဆုံးကတော့ ကယ်လ်ဆီယမ်နဲ့ ဗီတာမင် D ပါပဲ။ ဒါ့အပြင် ပရိုတိန်း၊ မဂ္ဂနီဆီယမ်၊ ဗီတာမင် K၊ ဇင့် စတာတွေဟာလည်း အရိုးကျန်းမာရေးကို အထောက်အကူပြုပါတယ်။

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ဒီဆောင်းပါးက သင့်အတွက် အသုံးဝင်ပါသလား။
happy unhappy

သင်ဒါလည်း နှစ်သက်နိုင်ပါတယ်။

စရိတ်နည်းနည်းနဲ့ ကျန်းမာချင်ရင် ကြက်ဥအနှစ်စားပါ

ဥအနှစ်တွေက ဘယ်လိုများ အာဟာရဓာတ်တွေကြွယ်ဝနေလို့လဲ၊ ကြက်ဥ ဘဲဥအနှစ်တွေက သင့်ကျန်းမာရေးကို ဘယ်လိုများအထောက်အကူဖြစ်စေမှာလဲဆိုတာကို ပြောပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

ကြက်ဥစားရင် ဝိတ်ကျတယ်ဆိုတာ မှန်ရဲ့လား

နေ့စဉ် ဝိတ်ချတဲ့လုပ်ငန်းစဉ်မှာ ကြက်ဥပြုတ်ကို အမယ်တစ်ခုအဖြစ် ထည့်သွင်းချင်သူတွေကို အထောက်အကူဖြစ်မဖြစ်ဆိုတာကို ဗဟုသုတဖြစ်စေဖို့ ရှင်းပြပေးချင်ပါတယ်။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung

သွားနဲ့ခံတွင်းအကြောင်း တစေ့တစောင်း

သွားနဲ့ခံတွင်းဆိုလို့ ဒီနှစ်မျိုးတည်းလားဆိုတော့ မဟုတ်သေးပါဘူး။ သွားနဲ့ ခံတွင်းမှာ ပါဝင်နေတဲ့ အစိတ်အပိုင်းလေးတွေက အများကြီးပါ။

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သွားကိုက်ခြင်း အပါအဝင် အဖြစ်များတဲ့ သွားပြဿနာများ

သွားက ခန္ဓာကိုယ်မှာ အမာကျောဆုံး အစိတ်အပိုင်းဆိုပေမယ့် သွားမှာလည်း နာကျင်တာ၊ ကိုက်ခဲတာတွေကို ခံစားရနိုင်သလို နာမကျန်းဖြစ်တာတွေကို ခံစားရနိုင်ပါတယ်။ 

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon

သင့်အတွက် ရွေးချယ်ထားသည်

ဦးခေါင်းနှင့်လည်ပင်းပိုင်းတွင်ဖြစ်သော ကင်ဆာ (Head & Neck Cancer)

ဦးခေါင်းနှင့်လည်ပင်းပိုင်းတွင်ဖြစ်သော ကင်ဆာ (Head & Neck Cancer)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 11, 2021 . 2 mins read
အရိုးကင်ဆာ (Bone Cancer)

အရိုးကင်ဆာ (Bone Cancer)

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဇန်နဝါရီ 11, 2021 . 3 mins read
ကလေးထိန်းပြီး ဝိတ်ချမလား

ကလေးထိန်း ပြီး ဝိတ်ချမလား

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Ye Zon Aung
ရေးသား ထုတ်ဝေခဲ့သည် ဒီဇင်ဘာ 31, 2020 . 2 mins read
မေမေတစ်ယောက်အတွက် ဂုဏ်ယူစရာအကောင်းဆုံးက ဘာလဲ...................

မေမေတစ်ယောက်အတွက် ဂုဏ်ယူစရာအကောင်းဆုံးက ဘာလဲ……………….

ဆေးပညာပိုင်းဆိုင်ရာတည်းဖြတ်သူ Dr. Phyo Wai Lynn
ရေးသားသူ Aye Thi Mon
ရေးသား ထုတ်ဝေခဲ့သည် ဒီဇင်ဘာ 24, 2020 . 2 mins read