အအေးမိတုပ်ကွေးရောဂါပိုးကို ကြိုတင်ကာကွယ်ဖို့ ထိရောက်တဲ့နည်းလမ်းတစ်ခု

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date မေ 23, 2020
Share now

အအေးမိတုပ်ကွေးရောဂါပိုးကို ကြိုတင်ကာကွယ်ဖို့ ထိရောက်တဲ့နည်းလမ်းတစ်ခု

ဟတ်ချိုး ဟတ်ချိုးနဲ့ နှာချေသံထွက်လာပြီး နှာရည်ပါကျလာပြီ၊ နေလို့မကောင်းတော့ဘူးဆိုရင် ဖျားတော့မယ်လို့ သိကြတယ်။ ရာသီကြောင့်အအေးမိဝေဒနာဖြစ်တာလား၊ တုပ်ကွေးဖြစ်တော့မှာလား စိုးရိမ်ရပါပြီ။

သာမန်အအေးမိဝေဒနာပဲဖြစ်ဖြစ် တုပ်ကွေးပဲဖြစ်ဖြစ် နှာစေး၊နှာပိတ်၊လည်ချောင်းနာ၊ချောင်းဆိုး၊ ကိုယ်ပူ စတဲ့လက္ခဏာတွေထဲမှာ လည်ချောင်းနာက ခံရအခက်ဆုံးပါ။ အသက်ရှူလမ်းကြောင်းပိုးဝင်ခြင်းလို့ဆေးပညာအရခေါ်ကြတဲ့ အအေးမိဝေဒနာမှာရောဂါပိုးတွေက ပုံမှန်အားဖြင့် လည်ချောင်းနဲ့ခံတွင်းမှာ ရှိနေတတ်ပါတယ်။

ဒီဝေဒနာတွေ စပြီး ခံစားလာရတဲ့အခါ ဒါမှမဟုတ် ဖြစ်ဖို့ အစပျိုးနေပြီလို့ ခံစားရရင် နာမကျန်းတဲ့ အဆင့်မရောက်အောင် ဘယ်လိုကာကွယ်လို့ရမလဲ။ ကိုယ့်အတွက်တင်မကဘဲ ကိုယ့်မိသားစု၊ ကိုယ့်သားသမီး၊ ကိုယ်ချစ်ခင်ရသူတွေမှာ ဘယ်လိုဂရုစိုက်ပေးနိုင်မလဲ။ ကြိုတင်ကာကွယ်နိုင်တဲ့ အလွယ်ဆုံးနည်းက အားရှိအောင်ကျွေး၊ အာဟာရပြည့်ဝအောင် ဂရုစိုက်ပေးပြီး ကိုယ်ခံအားကို မြှင့်တင်ပေးရမှာပါ။

ဒါပေမယ့် ဗိုင်းရပ်စ်နဲ့ ဘက်တီးရီးယားပိုးတွေကြောင့် ဖြစ်လာရတဲ့ ဒီဝေဒနာတွေအတွက်က ဒီလောက်နဲ့မလုံလောက်ပါဘူး။ ပဋိဇီဝဆေးတွေ သုံးစရာမလိုဘဲ ကြိုတင်ကာကွယ်ပေးမယ့်၊ ဖြစ်လာခဲ့ရင်တောင် ဝေဒနာသက်သာအောင် ကူညီပေးမယ့်အရာတစ်ခုရှိတယ်။ အဲဒါကတော့ ခံတွင်းသန့်ဆေးရည်ပါ။

ခံတွင်းသန့်ဆေးရည်နဲ့ ပလုပ်ကျင်းပေးရင် ရောဂါပိုးမွှားတွေကို ရှင်းလင်းဖယ်ရှားပေးနိုင်ပြီး ခံတွင်းကျန်းမာရေးကို ကောင်းမွန်စေပါလိမ့်မယ်။ ရောဂါပိုးတွေသေစေနိုင်တဲ့ ခံတွင်းသန့်ဆေးရည်နဲ့ဆို လည်ချောင်းနာတာလိုမျိုး အအေးမိလက္ခဏာဝေဒနာတွေကို သက်သာစေပြီး ဝေဒနာခံစားရတဲ့ရက်တွေကို တိုစေနိုင်ပါတယ်။

လည်ချောင်းထဲက ပိုးမွှားတွေ၊ဗိုင်းရပ်စ်တွေကို ရှင်းလင်းပေးတဲ့ ခံတွင်းသန့်ဆေးရည်က အအေးမိဝေဒနာတွေကိုသက်သာစေရုံမက ထပ်ပြီးဖြစ်မလာအောင်လည်းတားဆီးပေးတဲ့အတွက် ကြိုတင်ကာကွယ်ဖို့လည်း သုံးလို့ရပါတယ်။ စစချင်း လည်ချောင်းယားတာ၊ လည်ချောင်းစပ်တာစတဲ့ လက္ခဏာတွေကတည်းက ခံတွင်းသန့်ဆေးရည်နဲ့ ပလုပ်ကျင်းပေးရင် ဝေဒနာတချို့တစ်ဝက် သက်သာစေနိုင်ပါတယ်။ စက္ကန့် ၃၀လောက်ပဲအချိန်ပေးပြီး ပလုပ်ကျင်းလိုက်ရုံနဲ့ လွယ်ကူထိရောက်တဲ့ ကာကွယ်မှုကို ရရှိနိုင်ပါတယ်။

အများအားဖြင့် ခံတွင်းသန့်ဆေးရည်ရဲ့ အကျိုးကျေးဇူးတွေကတော့ –

  • ခံတွင်းရှင်းစေတယ် – ခံတွင်းသန့်ဆေးရည်က ခံတွင်းနံ့ဆိုးထွက်စေတဲ့ ဘက်တီးရီးယားတွေကိုသေစေတဲ့အတွက် ခံတွင်းနံ့ဆိုးတွေကို သက်သာလျော့ပါးစေပါတယ်။
  • သွားမှာ အညစ်အကြေးတွေ မကပ်ငြိအောင် ကာကွယ်ပေးတယ်- သွားဖုံးနဲ့သွားကြားမှာ သွားချေးတွေ ကပ်ငြိမနေအောင် ကာကွယ်ရှင်းလင်းပေးပါတယ်။
  • အမှုန်အမွှားတွေကို ဖယ်ရှားပေးတယ် – အများစုက ခံတွင်းသန့်ဆေးရည်ကို သွားတိုက်ပြီးမှပဲ သုံးကြပါတယ်။ ဒါလည်း ကောင်းတယ်ဆိုပေမယ့် သွားမတိုက်ခင် အမှုန်အမွှားတွေကို ခံတွင်းကနေ ဆေးထုတ်နိုင်ဖို့ ဆေးရည်နဲ့ အရင်ပလုပ်ကျင်းပေးလို့ရပါတယ်။
  • သွားပိုးပေါက်မဖြစ်အောင်၊ သွားပိုးမစားအောင် ကာကွယ်ပေးတယ် – ခံတွင်းသန့်ဆေးရည်ကို ပုံမှန်သုံးပေးရင် သွားပိုးစားခြင်း၊သွားအခေါင်းပေါက်ဖြစ်ခြင်းကိုကာကွယ်ပေးနိုင်ပါတယ်။
  • လည်ချောင်းနာ သက်သာစေတယ်- လည်ချောင်းနာဖြစ်စေတဲ့ ရောဂါပိုးမွှားတွေကို ဖယ်ရှားသန့်စင်ပေးတယ် ။

နေမကောင်းဖြစ်နေချိန် အထူးသဖြင့် အအေးမိတုပ်ကွေးရောဂါလက္ခဏာတွေ ခံစားနေရချိန်မှာ နှာစေး၊ချောင်းဆိုးဖြစ်နေမှာပဲဆိုတော့ လည်ချောင်းထဲက၊ ခံတွင်းထဲက ကပ်ကျန်နေတဲ့ ချွဲသလိပ်အစအနတွေကို ခံတွင်းသန့်ဆေးရည်နဲ့ ဆေးကြောရှင်းထုတ်နိုင်ပါတယ်။ နောက်ထပ်ထိရောက်တဲ့ အကျိုးကျေးဇူးကတော့ အအေးမိလက္ခဏာတွေကို ကြိုတင်ကာကွယ်နိုင်ပြီး ဖြစ်လာခဲ့ရင်လည်း အချိန်တိုတိုနဲ့အမြန်သက်သာစေတာပါပဲ။

Hello Health Groupသည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

Read also:

ဒီဆောင်းပါးက သင့်အတွက် အသုံးဝင်ပါသလား။
happy unhappy"

သင်ဒါလည်း နှစ်သက်နိုင်ပါတယ်။

အဖြစ်များသောအရေးပေါ်အခြေအနေများ(၁)

အဖြစ်များသော အရေးပေါ်အခြေအနေများ အပူငုတ်ခြင်း ချွေးထွက်ခြင်း ခေါင်းကိုက်ခြင်း အပူရှပ်ခြင်း အရေပြားယားယံခြင်း ကိုယ်အပူချိန် ချောင်းဆိုးခြင်း

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint

နေထိုင်မကောင်းချိန်မှာ သောက်သင့်တဲ့ အသီးဖျော်ရည်များ

အအေးမိတုပ်ကွေး ကိုယ်ခံအား ဓာတ်တိုးဆန့်ကျင်ပစ္စည်း ရွှေဖရုံစေ့ ဖရဲသီးဖျော်ရည် သရက်သီး မုန်လာဥနီ တရုတ်နံနံ ခရမ်းချဉ်သီးဖျော်ရည် လိမ္မော်သီးဖျော်ရည် ဂရိတ်ဖရု

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

တုပ်ကွေးအတွက် သဘာဝကုထုံးများ

တုပ်ကွေး ဗိုင်းရပ်စ် သဘာဝကုထုံး ရေ ကိုယ်ခန္ဓာ အနားယူပါ လည်ချောင်းနာ အိပ်စက်ခြင်း ကိုယ်ခံအားစနစ် ရေနွေးငွေ့ရှူပေးပါ ချွဲသလိပ်တွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr.Thant Zin

ချောင်းခြောက်ဝေဒနာ ကင်းဝေးစေဖို့ အိမ်တွင်းကုထုံး

ချောင်းခြောက် အိမ်တွင်းကုထုံး အိမ်ထောင်ရှင် ငုံဆေး ပျားရည် ရေနွေး ကြက်စွပ်ပြုတ် ချင်းပြုတ်ရည် အစိုဓာတ်ထိန်းစက် ဆားငန်ရည် ဓာတ်မတည့် အအေးမိ လည်ချောင်းနာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Myo Myat

သင့်အတွက် ရွေးချယ်ထားသည်

အပူချိန်ပြင်းထန်လွန်းတဲ့အချိန်မှာ ရေခဲရေအေးအေး သောက်သင့်ရဲ့လား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung
ရေးသား ထုတ်ဝေခဲ့သည် မေ 18, 2020
ပျားရည် နဲ့ ကျန်းမာရေး

ပျားရည် နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 7, 2020
ဘေဘီလေးတို့ ကိုယ်ခံအားတိုးစေမယ့် စားစရာလေးများ

ဘေဘီလေးတို့ ကိုယ်ခံအားတိုးစေမယ့် စားစရာလေးများ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် ဧပြီ 29, 2020
ဖျားတိုင်း COVID-19 ကို ကြောက်စရာလိုလား

ဖျားတိုင်း COVID-19 ကို ကြောက်စရာလိုလား

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် ဧပြီ 27, 2020