Tumor (အကျိတ်)

ဆေးပညာပိုင်းဆိုင်ရာတည်းဖြတ်သူ | ရေးသားသူ

Update Date ဩဂုတ် 13, 2017
Share now

အဓိပ္ပါယ်ဖွင့်ဆိုချက်

Tumor (အကျိတ်) ကဘာလဲ။

အထဲမှာအရည် သို့မဟုတ်အစိုင်အခဲတွေရှိနေနိုင်တဲ့ပုံမှန်မဟုတ်တဲ့တစ်ရှူးအစိုင်အခဲကြီးကိုအကျိတ်လို့ ခေါ်ပါတယ်။ အကျိတ်ဆိုသည်မှာ ပျောက်ကင်းအောင်ကုသနိုင်တဲ့ကင်ဆာမဟုတ်တဲ့ ရိုးရိုးအကျိတ၊်ကင်ဆာဖြစ်သွားနိုင်တဲ့အကျိတ၊်ကင်ဆာအကျိတ်စတာတွေကိုရည်ညွှန်းပါတယ်။အကျိတ်အမျိုးအစားအများကြီးရှိပါတယ်။ ပုံစံနဲ့သူတို့ ဖြစ်နေတဲ့တစ်ရှူးအမျိုးအစားပေါ်မူတည်ပြီးအမည်ပေးပါတယ်။

Tumor (အကျိတ်) က ဘယ်လောက်အဖြစ်များသလဲ

နှစ်တစ်နှစ်တိုင်းမှာအကျိတ်ပုံစံအမျိုးမျိုးကို သန်းနဲ့ချီတဲ့လူတွေမှာတွေ့နေရပါတယ်။ ဖြစ်စေနိုင်တဲ့အကြောင်းတွေက်ုရှောင်ကြဉ်ခြင်းဖြင့်မဖြစ်အောင်ကာကွယ်နိုင်ပါတယ်။ ထပ်ပြီးသိလိုတယ်ဆိုရင်ဆရာဝနိနဲ့ဆွေးနွေးတိုင်ပင်သင့်ပါတယ်။

လက္ခဏာများ

Tumor (အကျိတ်) ရဲ့လက္ခဏာတွေကဘာတွေလဲ

တွေ့ရများတဲ့ဲ့လက္ခဏာတွေကတော့

  • ခေါင်းကိုက်ခြင်း
  • စိတ်ကြွခြင်း
  • အထိအတွေ့ကို မသိတော့ခြင်း၊ကိုယ်လက်လှုပ်ရှားမှုကိုမထိန်းချုပ်နိုင်ခြင်း
  • သွေးပြန်ကြောအတွင်းသွေးခဲခြင်း
  • အမြင်အာရုံဆုံးရှူံးသွားခြင်း
  • အမူအရာအတွေးအခေါ်များပြောင်းလဲသွားခြင်း
  • ဟော်မုန်းဆိုင်ရာပြောင်းလဲမှုများရှိခြင်း

လက္ခဏာတွေဟာအကျိတ်အမျိုးအစား၊အရွယ်အစား၊နေရာနဲ့ကုသမှူုတွေပေါ်မူတည်နေပါတယ်။ ခွဲစိတ်ကုသခြင်း၊ဓါတ်ရောင်ခြည်ကုထုံး၊ ဓါတုကုထုံးတွေနဲ့ အခြားသောကုထုံးတွေကြောင့် လက္ခဏာအသစ်တွေလည်း ပေါ်လာနိုင်ပါတယ်။

အထက်မှာဖော်ပြခဲ့တဲ့အထဲမှာမပါတဲ့အခြားလက္ခဏာတွေလည်းရှိနေနိုင်ပါသေးတယ်။ သင့်မှာရောဂါလက္ခဏာတစ်ခုခုများရှိနေလားဆိုပြီးစိုးရိမ်နေတယ်ဆိုရင်ဆရာဝန်နဲ့သွားပြဆွေးနွေးသင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

အထက်မှာဖော်ပြခဲ့တဲ့လက္ခဏာတစ်ခုခုရှိခဲ့မယ်ဆိုရင်သို့မပါုတ်မေးခွန်းတွေရှိမယ်ဆိုရင်သွားပြသင့်ပါတယ်။ လူတစ်ဦးချင်းရဲ့ခန္ဓါကိုယ်တုံ့ပြန်မှုချင်းမတူနိုင်ပါဘူး။ သင့်အခြေအနေအတွက်ဘာအကောင်းဆုံးလဲဆိုတာကိုသင့်ဆရာဝန်နဲ့ တိုင်ပင်တာအကောင်းဆုံးပါပဲ။

အကြောင်းရင်းများ

Tumor (အကျိတ်) ကိုဘာတွေကဖြစ်စေသလဲ

များသောအားဖြင့်တော့တစ်ရှူးတွေ ဖြစ်ရိုးဖြစ်စဉ်မဟုတ်ဘဲပွားများခြင်းကြောင့်ဖြစ်ပါတယ်။ သာမန်မှာဆိုရငခန္ဓါကိုယ်ဟာဆဲလ်ကြီးထွားမှုတွေကွဲပွားမှုတွေကိထိန်းညှိပေးနိုင်ပါတယ်။ အိုမင်းပျက်စီးသွားတဲ့ဆဲလ်တွေဟာသေသွားရပါတယ်။ သေသွားတဲ့ဆဲလ်တွေနေရာမှာကောင်းမွန်တဲ့ဆဲလ်အသစ်တွေ အစားထိုးရပါတယ်။ အိုမင်းသွားတဲ့ဆဲလ်တွေကမသေဘဲ

ဆဲလ်အသစ်တွေထပ်ထပ်ပွားနေခြင်းကြောင့်အကျိတ်ဖြစ်ရပါတယ်။ ကင်ဆာဆဲလ်တွေဟာလည်းအလားတူပဲကြီးထွားပွားများလာပါတယ်။ သာမန်အကျိတ်တွေနဲ့ မတူတာကတော့ကင်ဆာကျိတ်တွေဟာအနီးအနားမှာရှိတဲ့တစ်ရှူးတွေ၊အခြားအစိတ်အပိုင်းတွေကိုပျံ့နှံ့ သွားနိုင်ခြင်း ဖြစ်ပါတယ်။

ဖြစ်နိုင်ခြေများ

ငါ့ဆီမှာ Tumor (အကျိတ်) ဖြစ်နိုင်ခြေကိုဘာတွေက မြင့်တက်စေသလဲ

ဖစ်ပွားနိုင်ချေ မြင့်မားစေတဲ့ အကြောင်းအရာတွေ အများကြီးရှိပါတယ်။

  • ပတ်ဝန်းကျင်

ဓါတ်ရောင်ခြည်တွေနဲ့ ထိတွေ့နေရခြင်းကြောင့်

ဦးနှောက်အကျိတ်ဖြစ်နိုင်ခြေများပါတယ်ကိုယ်ဝန်ဆောင်မိခင်တွေအသီးအနှံ၊ ဟင်းသီးဟင်းရွက်တွေနဲ့ စားသုံးခြင်း၊ကလေးတွေအသီးအနှံ ၊ ဟင်းသီးဟင်းရွက်တွေ စားသုံးခြင်း၊ကလေးတွေရေကျောက်ပေါက်ဖူးခြင်းတွေက ဦးနှောက်အကျိတ်ဖြစ်နိုင်ချေနည်းစေပါတယ်။

  • မျိုးရိုးဗီဇ

တချို့မျိုးရိုးဗီဇအန္တရာယ်များသည် မွေးကတည်းကပါလာသော မွေးရာပါများမဟုတ် ကျွန်ုပ်တို့ အသက်ကြီးလာတဲ့အခါမှ ဖြစ်လာတာမျိုးရှိသည်။ ထိုပုံမမှန်ပြောင်းလဲမှုသည် ဆဲလ်ကြီးပွားမှုပုံစံကို ပြောင်းလဲပစ်ကာ အကျိတ်ဖြစ်ပေါ်လာနိုင်စေပါတယ်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Tumor (အကျိတ်) ကို ဘယ်လိုအတည်ပြုပါသလဲ

ပထမအကျိတ်ဖြစ်ကြောင်း အတည်ပြုနိုင်ဖို့နဲ့နောက်ပိုင်း

အကျိတ်ပျောက်သွားလားကျုံ့သွားလားအရွယ်အစားမပြောင်းဘဲရှိနေလားဆိုတဲ့တိုးတက်လာမှုအခြေအနေတွေကို

ကြည့်နိုင်ဖို့ စမ်းသပ်စစ်ဆေးခြင်းတွေဆောင်ရွက်ရပါတယ်။ဦးနှောက်အကျိတ်နဲ့ ပတ်သက်လို့ နှစ်ပေါင်းများစွာ(သို့)သက်တမ်းတစ်လျှောက်လုံးအောက်ပါစစ်ဆေးမှုတွေနဲ့ စောင့်ကြည့်နေဖို့ လိုအပ်ပါတယ်။

  • ဦးနှောက်နဲ့ အာရုံကြောဆိုင်ရာစမ်းသပ်စစ်ဆေးခြင်း
  • ဦးနှောက်ဓါတ်မှန်ရိုက်ခြင်း
  • X-rays ဓါတ်မှန်ရိုက်ခြင်း
  • ဓါတ်ခွဲစမ်းသပ်ခြင်း
  • မျိုးရိုးဗီဇကောက်ချက်ချခြင်း
  • အသားစထုတ်ယူစစ်ဆေးခြင်း
  • ကင်ဆာဟုတ်မဟုတ်စစ်ဆေးခြင်း
  • အကျိတ်အဆင့်သတ်မှတ်ခြင်း

Tumor (အကျိတ်) ကို ဘယ်လိုကုသပါသလဲ

နေရာနဲ့ အမျိုးအစားပေါ်မူတည်ပြီးကုသမှုတွေကွာသွားနိုင်ပါတယ်။ သာမန်အကျိတ်တွေဆိုရင်အရွယ်အစားသေးသွားအောင် (သို့)ခွဲစိတ်ပြီးလုံးဝဖယ်ထုတ်လိုက်နိုင်ပါတယ်။

ကင်ဆာအကျိတ်တွေဆိုရင်တော့ဓါတုကုထုံး၊ခုခံအားကိုလှုံဆော်ပေးခြင်းဖြင့်ရောဂါကိုကာကွယ်ခြင်းကုထုံး၊ဓါတ်ရောင်ခြည်ကုထုံးတွေနဲ့ခွဲစိတ်ကုသခြင်းတွေလိုအပ်ပါလိမ့်မယ်။

ဓါတုကုထုံးဆိုတာဆေးတွေနဲ့ကင်ဆာဆဲလ်တွေကို ဖျက်ဆီးပစ်ခြင်းဖြစ်ပါတယ်။ ကင်ဆာဆေးအမျိုးမျိုးရှိပြီးကင်ဆာအထူးကုရဲ့ညွန်ကြားချက်ရှိမှသာအသုံးပြုနိုင်မှာဖြစ်ပါတယ်။

ဦးတည်ချက်ထားကုသခြင်း (Targeted therapy) ဆိုတာကတော့အကျိတ်ကုသမှုနည်းသစ်တစ်မျိုးဖြစ်ပီးသာမန်ပုံမှန်ဆဲလ်တွေကိုထိခိုက်မှုနည်းစေပြီးဆေး (သို့) အခြားပစ္စည်းတွေ အကူအညီနဲ့ အကျိတ်ကိုသာအဓိကထားချေမှုန်ုးခြင်းဖြစ်ပါတယ်။

ခုခံအားကိုလှုံ့ဆော်ပေးခြင်းဖြင့်ရောဂါကိုကာကွယ်ခြင်းကုထုံးကတော့အကျိတ်ကိုခုခံအားစနစ်အကူအညီနဲ့ တိုက်ဖျက်ခြင်းဖြစ်ပါတယ်။

ဓါတ်ရောင်ခြည်ကုထုံးကတော့အလင်းတန်းတွေနဲ့ကင်ဆာဆဲလ်ကို ဖျက်ဆီးခြင်းဖြစ်တယ်။ သကိမှတ်ထားတဲ့ကာလတစ်ခုမှာသတ်မှတ်ထားတဲ့ကုသမှုအကြိမ်အရေအတွက်ပြည့်ရပါမယ်။ အခြားကုသမှုတွေနဲ့တွဲပြီးပေးနိုင်ပါတယ်။

ခွဲစိတ်ခြင်းနည်းကတော့အကျိတ်နဲ့အတူဘေးပတ်လည်မှာရှိတဲ့တစ်ရှူးအကောင်းများ (တစ်ချိန်ကင်ဆာဆဲလ်အဖြစ် ပြောင်းလဲမသွားနိုင် အောင် ၊ ကင်ဆာအမြစ်ပြတ်အောင်) ကိုပါဖယ်ထုတ်လိုက်ရခြင်းဖြစ်တယ်။

လူနေမှုပုံစံပြောင်းလဲခြင်းနှင့်အိမ်သုံးကုထုံးတွေကအကျိတ်ကိုကုသရာမှာဘယ်လိုအထောက်အကူပေးသလဲ။

အောက်ဖော်ပြပါလူနေမှုပုံစံနဲ့ အိမ်သုံးကုထုံးတွေကအကျိတ်ကိုကုသရာမှာနဲ့လိုက်လျောညီထွေဖြစ်အောင်နေရတဲ့နေရာတွေမှာအကူအညီပေးပါတယ်။

  • ပြည့်ပြည့်၀၀အနားယူခြင်း
  • လေ့ကျင့်ခန်းပြုလုပ်ခြင်း(ပုံမှန် လေ့ကျင့်ခန်းပြုလုပ်ခြင်း၊ရေကူးခြင်း၊ ပြေးခြင်းစတာတွေက သင့်ရဲ့ခွန်အားနဲ့ ခုခံအားစနစ်ကိုမြင့်မားစေနိုင်ပါတယ်)
  • အာဟာရမျှတအောင်စားခြင်း(ကျန်းမာရေးကောင်းဖို့အာဟာရမျှတရန်လိုပါတယ်။ ပြည့်ဝဆီများ လျှော့စားခြင်း၊ သံလွင်ဆီ၊ငါးကြီးဆီကဲ့သို့သော အိုမီဂါသရီးဖက်တီးအက်ဆစ်ကြွယ်ဝသောအစားအစာများများများစားခြင်း)
  • စိတ်ဖိစီးမှုလျှော့ချခြင်း (စိတ်ဖိစီးမှုကသင့်ရဲ့လက္ခဏာတွေက်ုပိုဆိုးလာနိုင်စေပါတယ်။ ထိုက်ချိ ၊ ယောဂလေ့ကျင့်ခြင်း၊ တရားထိုင်ခြင်း၊ အသက်ပြင်းပြင်းရှူခြင်းက စိတ်ဖိစီးမှုကိုလျော့စေနိုင်ပါတယ်။)

သင့်မှာမေးခွန်းတွေရှိမယ်ဆိုရင်သင့်အတွက်အကောင်းဆုံးအဖြေရဖို့ဆရာဝန်နဲ့ ဆွေးနွေးတိုင်ပင်တာကအကောင်းဆုံးပါပဲ။

Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ

ဒီဆောင်းပါးက သင့်အတွက် အသုံးဝင်ပါသလား။
happy unhappy"
ရင်းမြစ်များ

သင်ဒါလည်း နှစ်သက်နိုင်ပါတယ်။

အသင့်စား ခေါက်ဆွဲတွေက အရသာ ကောင်းပေမယ့် ကျန်းမာရေးအတွက် မကောင်းပါ

ခေါက်ဆွဲပြုတ် သားသားမီးမီးတွေ တာရှည်ခံဆေး အသင့်စားခေါက်ဆွဲ အာဟာရ ကျန်းမာရေး ပြဿနာ အစာကြေ ကိုယ်ဝန် ပျက်ကျ ကိုယ်ဝန်ဆောင်တွေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

ဝိတ်တက်လေ ဆီးကျိတ်ကင်ဆာဖြစ်နိုင်ခြေများလေတဲ့နော်

ကိုယ်အလေးချိန်၊ အဝလွန်၊ နှလုံး၊ သွေးတိုး၊ ဆီးချို၊ ကင်ဆာ၊ Diet၊ Low-fat အစားအစာတွေ၊ ဟင်းသီးဟင်းရွက်၊ နို့ထွက်ပစ္စည်း၊ BMI၊ ဆီးအိမ်၊ ဆီးရည်၊ သုက်

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Ye Zon Aung

သရက်သီးဖျော်ရည် သောက်ကြမယ်

သရက်သီးဖျော်ရည် ကျန်းမာရေး အကျိုးကျေးဇူး ခန္ဓာကိုယ် အာဟာရဓာတ် အကျိုးပြု ကိုလက်စထရော ကယ်လ်ဆီယမ် ဗီတာမင် C သံဓာတ် အူမကြီးကင်ဆာ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သံပုရာသီးကပေးတဲ့ ကျန်းမာရေး

မုန့်ဟင်းခါး အာဟာရဓာတ် သံပုရာသီး ဗီတာမင် B6 မဂ္ဂနီဆီယမ် ကျန်းမာရေး ဓာတ်တိုးဆန့်ကျင်အာနိသင် နာတာရှည်ရောဂါ ဓာတ်တိုးပစ္စည်းတွေ ရောင်ရမ်းမှု ကော်လာဂျင် အသားအရေ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon

သင့်အတွက် ရွေးချယ်ထားသည်

သားသားမီးမီးတို့ကို လေ့ကျင့်ခန်း လုပ်ခိုင်းပါ

သားသားမီးမီးတို့ကို လေ့ကျင့်ခန်း လုပ်ခိုင်းပါ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 28, 2020
ပန်းသစ်ခွ နဲ့ ကျန်းမာရေး

ပန်းသစ်ခွ နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 28, 2020
အရက်ဖြတ်လိုက်ခြင်းကြောင့် ဘယ်လိုအကျိုးကျေးဇူးတွေ ခံစားလာရနိုင်သလဲ

အရက်ဖြတ်လိုက်ခြင်းကြောင့် ဘယ်လိုအကျိုးကျေးဇူးတွေ ခံစားလာရနိုင်သလဲ

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Dr. Thiha Phyo Myint
ရေးသား ထုတ်ဝေခဲ့သည် မေ 25, 2020
အာလူး နဲ့ ကျန်းမာရေး

အာလူး နဲ့ ကျန်းမာရေး

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
ရေးသားသူ Aye Thi Mon
ရေးသား ထုတ်ဝေခဲ့သည် မေ 25, 2020