သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

မျက်မှန်အစား မျက်ကပ်မှန်ကို ရွေးချယ်တော့မယ်ဆိုရင် ။ ။

ပါဝါမျက်မှန်မတပ်ချင်လို့၊ ပါဝါမရှိပေမယ့်လည်း မျက်လုံးလေးလှအောင် ဆိုပြီး ခုနောက်ပိုင်း မျက်ကပ်မှန်တပ်တာတွေ ခေတ်စားလာပါတယ်။ ဒါပေယ့် မျက်ကပ်မှန်ဆိုတာ မျက်မှန်တွေလိုမျို းထားချင်တဲ့နေရာ ပစ်ထားလို့ရတဲ့ အရာ မဟုတ်ပါဘူး။ မျက်လုံးနဲ့ အနီးကပ်ဆုံးနေရာမှာ ကပ်ထားရမှာ ဖြစ်တဲ့အတွက်ကြောင့် သူသန့်ရှင်းနေဖို့ ၊ နည်းလမ်းမှန်မှန်နဲ့ အသုံးပြုတတ်ဖို့ကလည်း လုံးဝကို အရေးကြီးတဲ့အရာတစ်ခုပါ။ ဒါ့ကြောင့် မျက်မှန်အစား မျက်ကပ်မှန်ကိုရွေးချယ်တော့မယ့်သူတိုင်း ဒီနည်းလမ်းလေးတွေကို သိထားသင့်ပါတယ်။

ဘယ်လို အခြေအနေတွေမှာ မျက်ကပ်မှန်အသုံး မပြုသင့်ဘူးလဲ ။ ။

ဘယ်လောက်ပဲ မျက်ကပ်မှန်တွေကိ ုအပြင်မှ ာလွယ်လွယ်ကူကူ ဝယ်လို့ရတယ်ပြောပြော မျက်ကပ်မှန် မတပ်ခင် ဆရာဝန်နဲ့ အရင်ဆုံး တိုင်ပင်ပြသဖို့ လိုပါတယ်။ ဒါမှ ကိုယ့်မျက်လုံး အခြေအနေက မျက်ကပ်မှန်တပ်သင့်ရဲ့လား၊ ဘယ်လိုအမျိုးအစားတပ်သင့်လဲဆိုတာကို ဆရာဝန်က သေချာ လမ်းညွှန်ပေးနိုင်မှာပါ။ ခုပြောပြမယ့် အခြေအနေတွေက မျက်ကပ်မှန် မတပ်သင့်တဲ့ အခြေအနေတွေပဲဖြစ်ပါတယ်။

မျက်ကပ်မှန်တပ်သူတိုင်း သိသင့်တဲ့ အရာတွေက

ကိုယ်သုံးနေတဲ့ မျက်ကပ်မှန်ရဲ့ သက်တမ်းကုန်ဆုံးရက်နဲ့ ကိုယ်သုံးနေတာ ဘယ်လောက်ကြာပြီလဲဆိုတာကို သိထားရပါမယ်။

  • မျက်ကပ်မှန် အမာစားတွေကို ရက်သတ္တပတ် အနည်းငယ်မှ နှစ်လလောက်အထိအသုံးပြုနိုင်ပြီး အပျော့စားမျက်ကပ်မှန်တွေကိုတော့ ရက်အနည်းငယ်မှ တစ်ပတ်အထိလောက်သာ အသုံးပြုနိုင်ပါတယ်။
  • အသုံးပြုခါစမှာ မျက်လုံးယားယံတာ၊ ကသိကအောက်ဖြစ်တာ အလင်းရောင် မခံနိုင်တာ၊ မျက်ရည်ကျတာမျိုးတွေ ကြုံတွေ့ရတတ်ပါတယ်။
  • မျက်ကပ်မှန်တွေကိုသေသေချာချာ သန့်သန့်ရှင်းရှင်းထားဖို့က အ ရေးအကြီးဆုံး အချက်ပါ။ ဒီတော့ တပ်ပြီး ပြန်ချွတ်ထားတဲ့ မျက်ကပ်မှန်တွေကို ပိုးသတ်ထားတဲ့ ဆေးရည်ထဲမှာ စိမ်ထားရပါမယ်။
  • ဆေးရည်ကုန်သွားတဲ့အခါမျိုးမှာ ရေထဲ စိမ်ထားတာမျိုးကို မလုပ်သင့်ပါဘူး။ရေထဲမှာ မမြင်နိုင်တဲ့ပိုးမွှားတွေ အများကြီးပါနေလို့ပါ။
  • မျက်ကပ်မှန် ဆေးရည်စိမ်ထားတဲ့ခွက်ကို ၃လတစ်ခါလောက်လဲပေးပါ။
  • လက်ကို သေချာသန့်စင်အောင်ဆေးပြီးမှ မျက်ကပ်မှန်တပ်ပါ။
  • မျက်ကပ်မှန် တပ်ပြီး မအိပ်မိဖို့ကိုလည်း အထူးသတိထားရပါမယ်။
  • မျက်ကပ်မှန် အပျော့စားသုံးမယ်ဆိုရင် မိတ်ကပ်မလိမ်းခင်တည်းက တပ်ထားသင့်ပြီး မျက်ကပ်မှန် အမာစားကိုတော့ မိတ်ကပ်လိမ်းပြီးမှ တပ်သင့်ပါတယ်။ မိတ်ကပ်ဖျက်တဲ့အချိန်ကျရင်တော့ မျက်ကပ်မှန် အရင်ဆုံး ချွတ်ပါ။

ဒီတော့ မျက်ကပ်မှန် တပ်နေကျသူတွေရော ခုမှ စပြီး မျက်ကပ်မှန်တပ်တော့မယ့် သူတွေရော ခုပြောထားတာတွေ အားလုံးကို သေချာသိထားဖို့လိုလိမ့်နော် ။ ။

Hello Health Group သည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။

Verifying...

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ
စာရေးသူ ဓာတ်ပုံbadge
Dr. Thin Yadanar @ Frances မှ ရေးသားသည်။ 3 ရက် အကြာက တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။