သင့်စိုးရိမ်မှုတွေက ဘာတွေလဲ။

close
မတိကျ
နားလည်ရခက်
အခြား

သို့မဟုတ် လင့်ခ်ကူးယူမည်

Diabetes (ဆီးချိုရောဂါ)

အဓိပ္ပါယ်ဖွင့်ဆိုချက်

Diabetes (ဆီးချိုရောဂါ) ကဘာလဲ။

သွေးထဲမှာသကြားဓါတ်မြင့်မားနေခြင်းကိုဆီးချိုရောဂါဟုခေါ်သည်။

ဆီးချိုအမျိုးအစား (၂)ခုရှိသည်။

အမျိုးအစား ၁

ခန္ဓါကိုယ်၏ခုခံအားမှပန်ကလိယခေါ်မုန့်ချိုအိတ်ရှိ အင်အူလင်ထုတ်သော ဆဲလ်များကိုတိုခိုက်ခြင်းကြောင့်ဖြစ်လာသည်။

အမျိုးအစား ၂

မုန့်ချိုအိတ်မှ အင်ဆူလင်ထုတ်လုပ်မှုနည်းပါးပြီး ခန္ဓါကိုယ်ရှိဆဲလ်များအပေါ်တွင်လည်း ထိုအင်ဆူလင်သက်ရောက်မှုအားနည်းနေခြင်းဖြစ်သည်။ သွေးထဲသကြားဓါတ်မြင့်မားခြင်းကြောင့် မကြာခဏဆီးသွားခြင်း၊ရေဆာခြင်း၊ဆာလောင်ခြင်းတို့ ခံစားရတတ်သည်။

Diabetes (ဆီးချိုရောဂါ) က ဘယ်လောက်အဖြစ်များသလဲ

ဆီးချိုရောဂါဟာ အခုအခါမှာအဖြစ်များလာကြပြီး ဆီးချိုကိုပိုမိုဖြစ်စေနိုင်သောအချက်များကိုကြိုတင်ကာကွယ်သောအားဖြင့် ရှောင်ရှားသင့်ပေသည်။ အသေးစိတ်အချက်အလက်များကို နီးစပ်ရာဆရာဝန်နင့်တိုင်ပင်ရန်လိုအပ်သည်။

လက္ခဏာများ

Diabetes (ဆီးချိုရောဂါ) ရဲ့လက္ခဏာတွေကဘာတွေလဲ

  • မကြာခဏဆီးသွားခြင်း
  • ရေငတ်ခြင်း
  • ဆာလောင်ခြင်း
  • ပင်ပန်းလွယ်ခြင်း
  • အမြင်မကြည်ခြင်း
  • အနာကျက်နှေးခြင်း
  • ဝိတ်ကျခြင်း(အမျိုးအစား ၁)
  • ခြေချောင်း လက်ချောင်းများထုံကျဉ်ခြင်း

အမျိုးအစား ၂ဆီးချိုရောဂါသည်များတွင် လက္ခဏာမှာမသိသာတတ်ပေ။

အထက်မှာဖော်ပြထားတဲ့အထဲမှာမပါဝင်တဲ့ အခြားသောလက္ခဏာတွေလည်းရှိနိုင်ပါသေးတယ်။ တကယ်လို့ကိုယ့်ဆီမှာ ရောဂါလက္ခဏာတစ်ခုခုများရှိနေမလားဆိုပြီး စိုးရိမ်နေမယ်ဆိုရင် ဆရာဝန်နဲ့ ဆွေးနွေးတိုင်ပင်သင့်ပါတယ်။

ဘယ်အချိန်မှာ ဆရာဝန်နဲ့ သွားရောက်တွေ့ဆုံသင့်သလဲ

  • ရေအရမ်းငတ်ခြင်း
  • အထူးသဖြင့်ညဘက်များတွင် ဆီးမကြာခဏသွားခြင်း
  • ပင်ပန်းလွယ်ခြင်း
  • ဝိတ်ကျခြင်းနှင့်ကြွက်သားများသေးသွားခြင်း
  • ချိုင်းကြားကဲ့သို့ချွေးအောင်းနိုင်သော ကြားနေရာများတွင် ယားခြင်း၊အနာဖြစ်ခြင်း
  • အနာကျက်နှေးခြင်း
  • အမြင်မှုန်ဝါးခြင်း

ထိုလက္ခဏာများသည်အမျိုးအစား ၁တွင် ရက်ပိုင်းအတွင်းဖြစ်ပေါ်တတ်သည်။

အမျိုးအစား ၂ တွင်မူလက္ခဏာမှာမသိသာ၍ သတိထားမိဖို့ရာ အချိန်ကြာတတ်သည်။

အကြောင်းရင်းများ

Diabetes (ဆီးချိုရောဂါ) ကိုဘာတွေကဖြစ်စေသလဲ

စားလိုက်သောအစားများထဲမှသကြားဓါတ်ကိုအစာအိမ်မှချေဖျက်စုပ်ယူပြီးနောက် ဆဲလ်များတွင်စွမ်းအင်အဖြစ်ပြောင်းလဲသိုလှောင်ရန် အင်ဆူလင် လိုအပ်သည်။ ဆီးချိုရောဂါသည်များတွင် ထိုအင်ဆူလင်မရြိှခ်းကြောင့် စွမ်းအင်အဖြစ်မပြောင်းလဲနိုင်ဘဲ သွေးတွင်းသကြားဓါတ်မြင့်တက်ခြင်းများကိုဖြစ်ပေါ်စေသည်။

အမျိုးအစား ၁ ဖြစ်နိုင်ချေကိုလျှော့ချ၍မရနိုင်ပေမယ့် အမျိုးအစား ၂ ကတော့အဝလွန်သူများတွင်အဖြစ်များသည်။

ဖြစ်နိုင်ခြေများ

Diabetes (ဆီးချိုရောဂါ) ဖြစ်နိုင်ခြေကိုဘာတွေက မြင့်တက်စေသလဲ

အသက် ၄၀ ကျော်လာလျှင်ဆီးချိုရောဂါပိုဖြစ်လာနိုင်သည်။ အထူးသဖြင့် ဝလွန်းသူများ၊ဆေးလိပ်သောက်သူများ၊ဆီးချိုမျိုးရိုးရှိသူများပိုမိုဖြစ်နိုင်ချေရှိသည်။

ရောဂါအဖြေရှာခြင်းနှင့် ကုသမှု

ယခုဖော်ပြထားသော အချက်အလက်များကို ဆေးပညာအကြံပေးမှုနေရာတွင် အစားထိုးရန်မသင့်တော်ပါ။ ပိုမိုသောအချက်အလက်များရရှိရန်အတွက် ဆရာဝန်နှင့် အမြဲတမ်းတိုင်ပင်ပါ.

Diabetes (ဆီးချိုရောဂါ) ကို ဘယ်လိုအတည်ပြုပါသလဲ

ဆီးချိုလက္ခဏာတွေရှိလာခဲ့ပါက သွေး၃မျိုးဖောက်စစ်နိုင်ပါသည်။

  • HbA1c test
  • Fasting plasma glucose test
  • OGTT test

Diabetes (ဆီးချိုရောဂါဆိုတာဘာလဲ) ကို ဘယ်လိုကုသပါသလဲ

အမျိုးအစား ၁

ဆီးချိုအမျိုးအစား ၁များဟာသွေးထဲမှာ အင်ဆူလင်ဟိုမုန်းမရှိခြင်းကြောင့်ထိုဟိုမုန်းဆေးကို အစားစားခါနီးတိုင်း ပုံမှန်ထိုးပေးရန်လိုအပ်သည်။

အမျိုးအစား ၂

  • ကျန်းမာရေးနှင့်ညီညွှတ်သောအစားအသောက်ကိုစားပါ
  • ကိုယ်လက်လှုပ်ရှားမှုပြုလုပ်ပါ။
  • သွေးချိုညှိဆေးကို ဆရာဝန်နှင့်တိုင်ပင်ပြီးသောက်ရန်
  • အင်ဆူလင်ထွက်အားကောင်းစေသောဆေးဝါးများ
  • အစာအိမ်မှသကြားဓါတ်စုပ်ယူမှုလျော့ချစေသောဆေးဝါးများ
  • အင်ဆူလင်လုပ်ဆောင်မှုကိုအားပေးသောဆေးဝါးများ
  • အင်ဆူလင်ထုတ်လုပ်မှုအပြင် အသည်း၏သကြားဓါတ်ထုတ်လုပ်မှုကိုပါညှိနိုင်းပေးသောဆေးဝါးများ
  • ကျောက်ကပ်၏သကြားပြန်လည်စုပ်ယူမှုကိုလျော့ကျစေပြီး စွန့်ထုတ်မှုကိုအားပေးသောဆေးဝါးများ

Verifying...
health-tool-icon

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ။

ခန္ဓာကိုယ် ထုထည်ညွှန်းကိန်း တွက်ချက်ခြင်း (BMI) ကို အသုံးပြုပြီး ကျန်းမာတဲ့ ကိုယ်အလေးချိန် ရှိရဲ့လားဆိုတာကို တွက်ချက်ပါ။ ဒီကျန်းမာရေး ကိရိယာကို အသုံးပြုပြီး ကလေးရဲ့ (BMI) ကိုလည်း တွက်ချက်လို့ ရပါတယ်။

အမျိုးသား

အမျိုးသမီး

Hello Health Group သည် ဆေးပညာအကြံဉာဏ်များ၊ ရောဂါရှာဖွေမှုများနှင့် ကုသမှုများ မပြုလုပ်ပေးပါ။

ရင်းမြစ်များ

Diabetes: Symptoms, Causes and Treatments.

http://www.medicalnewstoday.com/info/diabetes. Accessed 02 September, 2016.

Diabetes.

http://www.nhs.uk/Conditions/Diabetes/Pages/Diabetes.aspx. Accessed 02 September, 2016.
Diabetes Health Center.

http://www.webmd.com/diabetes/guide/understanding-diabetes-symptoms?page=2. Accessed 02 September, 2016.
Diabetes.

http://www.yourdiseaserisk.wustl.edu/YDRDefault.aspx?ScreenControl=YDRGeneral&ScreenName=YDRDiabetesFact_Sheet#q2. Accessed 02 September, 2016.
Diabetes Symptoms.

http://www.diabetes.org/diabetes-basics/symptoms/?referrer=https://www.google.com.vn/.Accessed 02 September, 2016.

စာရေးသူ ဓာတ်ပုံbadge
Dr. Sandar Lin မှ ရေးသားသည်။ 19/02/2018 တွင် ပြန်လည်ပြင်ဆင်ခဲ့သည်။
Hello Sayarwon Panel မှ အချက်အလက် စစ်ဆေးထားပါသည်။