ကလေးအစာခြေစနစ်ပြဿနာများ

ကလေးတိုင်းလိုလို ဝမ်းလျှောနိုင်ပါတယ်။ ယင်းရောဂါဟာ အဖြစ်များပြီး အိမ်မှာပဲကုပြီး ပျောက်သွားတာ များပါတယ်။ နည်းမှန်လမ်းမှန် မကုသပါက ဝမ်းလျှောတယ်ဆိုတာ ကလေးရဲ့ကျန်းမာရေးကို ဆိုးဝါးစွာထိခိုက် နိုင်ပါတယ်။ ကလေး ဝမ်းလျှောစေတဲ့ အရာများ ဝမ်းလျှောခြင်းဆိုတာ ဝမ်းအရည်များသွားခြင်းကို ခေါ်ပါတယ်။ ညစ်ပတ်သော အစားအစာများ စားခြင်း ၊ ညစ်ပတ်သော သောက်ရေများ သောက်သုံးခြင်းနှင့် ဝမ်းရောဂါဖြစ်နေတဲ့ လူတွေရဲ့ အညစ်အကြေးနဲ့ ထိတွေ့တဲ့အခါမှာ ဝမ်းရောဂါဖြစ်ပွားနိုင်ပါတယ်။ ကလေးတွေမှာ ဝမ်းရောဂါအများဆုံးဖြစ်စေတဲ့ အရာတွေကတော့ ဗိုင်းရပ်များ ၊ ဘက်တီးရီးယားများ၊ ကပ်ပါးကောင်များ ၊ အစားဓါတ်မတည့်ခြင်းများနဲ့ အစာအဆိပ်သင့်ခြင်းများစသည်တို့ ဖြစ်ပါတယ်။ ကလေးတွေ ဝမ်းလျှောခြင်းရဲ့ အကျိုးဆက်များ နာတာရှည်ဝမ်းရောဂါဟာ မကြာခဏ အပြင်းအထန်ဝမ်းလျှောခြင်းနဲ့ စတင်ပါတယ်။ အကျိုးဆက်ကတော့ အလွန်အာဟာရ ချို့တဲ့သွားခြင်းပါပဲ။ ယင်းရောဂါရဲ့ အန္တရာယ်ဖြစ်စေတဲ့ အရာကတော့ရေဓါတ်ခန်းခြောက် ခြင်းပါပဲ။ ဒါကြောင့် သင့်ကလေး ဝမ်းရောဂါဖြစ်ပါက […]

လူသန်းပေါင်းများစွာဟာလိပ်ခေါင်းရောဂါကိုနေ့နေ့ညညခံစားနေရပါတယ်။ လိပ်ခေါင်းရောဂါဆိုတာဟာယေဘုယျအနေနဲ့အသက်၃၀အထက်တွေမှာသာ ဖြစ်လေ့ရှိတာမှန်ပေမယ့်ကလေးတွေမှာလည်းလိပ်ခေါင်းဖြစ်နိုင်ချေကရှိနေပြန်ပါတယ်။ လိပ်ခေါင်းဆိုတာဘာလဲ။ စအိုနဲ့အူမကြီးအဆုံးပိုင်းတဝိုက်မှာရှိတဲ့သွေးပြန်ကြောတွေဖောင်းကားရောင်ရမ်းတာကိုလိပ်ခေါင်းလို့ခေါ်ပါတယ်။ လိပ်ခေါင်းဟာစအိုတဝိုက်ယားယံတာ၊အထိမခံနိုင်တာ၊နာကျင်တာတို့ကို ဖြစ်စေနိုင်သလိုဝမ်းသွားရင်သွေးပါတာကိုလည်းဖြစ်စေနိုင်ပါတယ်။ ကလေးတွေမှာလိပ်ခေါင်းဖြစ်နေပြီဆိုရင်သူတို့အိမ်သာတက်ပြီးလို့သန့်ရှင်းရေးလုပ်တဲ့တစ်ရှူးစက္ကူမှာသွေးစလေးတွေပေနေတာကိုတွေ့ရမှာ ဖြစ်ပါတယ်။ ပြင်းထန်တဲ့လိပ်ခေါင်းရောဂါတွေကိုဆေးရုံဆေးခန်းစတာတွေမှာတက်ရောက်ကုသမှုခံယူဖို့လိုပေမယ့်သိပ်မဆိုးတဲ့လိပ်ခေါင်းမျိုးဆိုရင်တော့အိမ်မှာပဲသဘာဝနည်းလေးတွေနဲ့ကုသလို့ရနိုင်ပါတယ်။   ကလေးတွေမှာလိပ်ခေါင်းကိုဘယ်လိုကုမလဲ။ ဘာတွေပြင်ဆင်ထားရမလဲ။ ကြက်သီးနွေးရေ။ ဆံပင်မှုတ် dryer။ အဝတ်ပျော့ပျော့ဒါမှမဟုတ်ရေစွတ်ထားတဲ့တစ်ရှူးစက္ကူ။ ရေခဲအိတ်။ အကိုက်အခဲပျောက်ဆေး (Acetaminophen)။ လိပ်ခေါင်းလိမ်းခရင်မ်။   ကလေးလိပ်ခေါင်းကိုကုဖို့လုပ်ဆောင်ရမယ့်အချက်တွေ သင့်ကလေးကိုကြက်သီးနွေးရေလေးနဲ့နေ့တိုင်းရေချိုးပေးပါ။ အဓိကကတော့စအိုနားတဝိုက်ပေါ့။ ဆပ်ပြာပျော့ပျော့ကိုသုံးပါ(ဆပ်ပြာတွေကလိပ်ခေါင်းကိုပိုဆိုးနိုင်စေလို့ ဖြစ်နိုင်ရင်ဆပ်ပြာမသုံးစေချင်ပါဖူး)။ ပြီးရင်ဆံပင်မှုတ် dryer နဲ့ခြောက်အောင်သေချာမှုတ်ပေးပါ။ လိပ်ခေါင်းနေရာလေးကိုပဲရေနွေးသန့်သန့်ထဲမှာ၁၀မိနစ်-၁၅မိနစ်လောက်စိမ်တာကိုတနေ့ကိုနှစ်ခါသုံးခါလောက်လုပ်ပေးပါ။ အိမ်သာတက်ပြီးတိုင်းမှာရေစွတ်ထားတဲ့တစ်ရှူးစက္ကူသန့်သန့်နဲ့စင်ကြယ်အောင်အသာအယာဆေးပါစေ။ လိပ်ခေါင်းနေရာတဝိုက်ကိုကိုင်တွယ်ရင်ညင်ညင်သာသာကိုင်ဖို့နဲ့အနံ့စူးစူးပစ္စည်းတွေကိုခပ်ဝေးဝေးကရှောင်ဖို့သင်ပေးထားရပါမယ်။ စအိုဝနားကိုရေခဲအိတ်ကပ်ပါ။ တကယ်လို့ကလေးကနာတယ်လို့ပြောရင်အကိုက်အခဲပျောက်ဆေးဖြစ်တဲ့ acetaminophen ကိုပေးနိုင်ပါတယ်။ ဒါပေမယ့်ဆရာဝန်ညွှန်ကြားချက်ရှိမှသောက်ရပါမယ်။ လိပ်ခေါင်းလိမ်းခရင်မ်တွေကိုဝယ်ဖို့အတွက်ဆရာဝန်ကိုမေးမြန်းပါ။ ညွှန်ကြားတဲ့အတိုင်းအတိအကျလိုက်နာပါ။   အရေးကြီးတဲ့အချက်ကအိမ်မှာသဘာဝနည်းတွေနဲ့ကုလို့၂ပတ်ကျော်ကြာတဲ့အထိမသက်သာတာဒါမှမဟုတ်သွေးတွေအရမ်းထွက်လာတာမျိုးရှိတယ်ဆိုရင်ဆေးရုံဆေးခန်းကိုအမြန်ဆုံးသွားပြပါ။   လိပ်ခေါင်းရောဂါသက်သာပျောက်ကင်းဖို့ပြောင်းလဲပစ်ရမယ့်နေထိုင်သွားလာမှုပုံစံတွေ ကလေးရဲ့အစားအသောက်ပုံစံနဲ့ပတ်သက်လို့ဂရုစိုက်ပေးပါ။ ဘာလို့လဲဆိုတော့အမျှင်ဓါတ်အစားနည်းရင်ဝမ်းချုပ်ပြီးလိပ်ခေါင်းဖြစ်လာနိုင်လို့ပါ။ လိပ်ခေါင်းရဲ့အစောပိုင်းလက္ခဏာတွေကဝမ်းပုံမှန်ချုပ်နေတာ၊ဝမ်းသွားရခက်တာနဲ့အိမ်သာတခါတက်ရင်အကြာကြီးတက်ရတာစတာတွေပဲ ဖြစ်ပါတယ်။ တမိသားစုလုံးစားတဲ့အစားအစာပုံစံထဲမှာသစ်သီးတွေ၊ဟင်းသီးဟင်းရွက်တွေပိုပြီးများများထည့်ပေးပါ။ အစေ့အဆံတွေ၊ဂျုံတွေများများစားပေးပါ။ ကလေးကိုရေများများသောက်ခိုင်းပါ။ တနေ့ကိုအနည်းဆုံးရေတလီတာခွဲလောက်တော့သောက်ရပါမယ်။ အိမ်သာတက်ချင်ရင်မအောင့်ထားဖို့ကလေးတွေကိုသေချာမှာပါ။ အောင့်ထားရင်လိပ်ခေါင်းကိုပိုဆိုးစေပါလိမ့်မယ်   Hello Health Groupသည် ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

သင့်ကလေးသည် သင်မရှိသောအချိန် သင်မမြင်ကွယ်ရာအချိန်သူလက်ထဲတွင်ရှိသောမည်သည့်အစာကိုမဆိုစားနိုင်သည်။ အကယ်၍သင်ကိုယ်တိုင်ဟင်းချက်သူဖြစ်နေလျှင်တောင်မှ သင့်ကလေးတွင် အစာအဆိပ်သင့်မှုဖြစ်ပွားနိုင်သေးသည်။ သင့်ကလေး အစာအဆိပ်သင့်လျှင် အလွန်အမင်းကြောက်လန့်သွားခြင်းသည် မှန်ကန်သောပြုလုပ်ရမည့်အရာတစ်ခုမဟုတ်ပါ။ အလွန်အမင်းကြောက်လန့်နေမည့်အစား အစာအဆိပ်သင့်ခြင်းနှင့် ပက်သက်ပြီးလုံလောက်သော ဗဟုသုတထားရှိပြီး အရေးပေါ်အခြေအနေများကို ကိုင်တွယ်ဖြေရှင်းနိုင်ရန်လေ့လာထားပါ။ အစာအဆိပ်သင့်ခြင်းဆိုသည်မှာ အဘယ်နည်း။ ဘယ်အချိန်တွင်ဖြစ်ပွားတတ်သလဲ။ အစာအဆိပ်သင့်ခြင်းသည် မကောင်းတော့သော အစာများတွင် ပိုးမွှားများပေါက်ပွားရာမှ ဖြစ်ပွားသည်။ အချို့ကိစ္စရပ်များတွင် မကျက်တကျက်အစာများ၊ မီးပုံမှန်မရသော ရေခဲသေတ္တာထဲတွင် ထည့်ထားသော အစာများ၊ သေချာစွာ မသန့်စင်ထားသော အစာများထဲတွင် ပိုးမွှားများပေါက်ပွားခြင်းဖြစ်သည်။ အစာအဆိပ်သင့်ခြင်းဖြစ်စေသောပိုးမွှားများသည်ဘယ်အရာတွေလဲ။ အစာအဆိပ်သင့်ခြင်းဖြစ်စေနိုင်သော ပိုးမွှားများတွင် ကမ်ပိုင်လိုဘက်ဒါ၊ စတက်ဖိုင်လိုကော့တက်စ်၊ ဆာမိုနဲလားနှင့် အက်စ်ချီးရီးချီးယားကိုလိုင်းတို့ ပါဝင်သည်။ ဗိုင်းရပ်စ်များ၊ ကပ်ပါးပိုးများ၊ အဆိပ်များသည်လည်းပဲ အစာအဆိပ်သင့်ခြင်းကို ဖြစ်ပွားစေနိုင်သည်။ အစာအဆိပ်သင့်ခြင်းဆိုသည်မှာ အစာအိမ်နှင့် အူရောင်ရမ်းပြီး အထက်လန်အောက်လျှောဖြစ်ခြင်း ဖြစ်သည်။ ဘယ်သူတွေ အစာအဆိပ်သင့်ခြင်း ဖြစ်ပွားနိုင်သလဲ။ ကလေးများ၊ အသက်အနည်းငယ်ပိုကြီးသော ကလေးများနှင့် အရွယ်ရောက်ပြီးသူများ အပါအဝင်မည်သူမဆိုဖြစ်နိုင်သည်။ အစာအဆိပ်သင့်ခြင်း၏ လက္ခဏာရပ်များ များသောအားဖြင့် အစာအဆိပ်သင့်ခြင်း […]

အူသိမ်အဆုံးပိုင်းနဲ့ စအိုတဝိုက်မှာရှိတဲ့ သွေးပြန်ကြောတွေ ရောင်ရမ်းဖောင်းကားနေတာကို လိပ်ခေါင်းလို့ ခေါ်ပါတယ်။ သွေးကြောနံရံတွေဟာ တစ်ချိန်လုံး ဆွဲဆန့်ခံထားရသလို ဖြစ်နေတာမို့ ယားယံတာနဲ့ နာကျင်တာတွေကို ခံစားရစေပါတယ်။ လူတော်တော်များများက အရွယ်ရောက်ပြီးသူတွေမှာပဲ လိပ်ခေါင်းဖြစ်တယ်လို့ ထင်တတ်ကြပါတယ်။ ဒါဟာမှားပါတယ်။ တကယ်တမ်းကျတော့ ကလေးတွေမှာလည်း လိပ်ခေါင်းဖြစ်နိုင်ပါတယ်။ သင့်ကလေးမှာ လိပ်ခေါင်းဖြစ်နေမှန်း ဘယ်လိုသိနိုင်မလဲ။ အောက်ကအချက်တွေ ဖြစ်နေပြီဆိုရင် လိပ်ခေါင်းမှန်း သိနိုင်ပါတယ်။ ကလေးရဲ့ စအိုနားတဝိုက်မှာ ယားယံနေတာ ဒါမှမဟုတ် နာနေတာ။ အိမ်သာတက်ပြီး သန့်ရှင်းရေးလုပ်တဲ့ တစ်ရှူးစ ဒါမှမဟုတ် အိမ်သာကြွေခွက်မှာ သွေးတွေရှိနေတာကို သတိထားမိတာ။ စအိုဝနားမှာ ဒါမှမဟုတ် စအိုဝကနေ အပြင်ကို ပြူထွက်လာတဲ့ ပန်းရောင်အသားစစိုစိုလေးကို သတိထားမိတာ(ဒီအသားဖုလေးက အပြာရောင် ဒါမှမဟုတ် ခရမ်းရောင်လည်းဖြစ်နေနိုင်တယ်)။ ဘယ်အချိန်မှာ ဆေးဝါးကုသမှု ခံယူရမလဲ။ စအိုက သွေးထွက်တာဟာ ဆိုးရွားပြီး အရေးကြီးတဲ့ ရောဂါတွေဖြစ်တဲ့ အူမကြီးအနာတွေ၊အူမကြီးရောင်တာ၊Crohn's […]

ကလေးတစ်ယောက်အနေနဲ့ လေထိုးလေထနိုင်ဖို့ အခွင့်အလမ်း များပြားပါတယ်။ လေထိုးခြင်းဟာ သက်တောင့်သက်သာ မရှိခြင်းကို ဖြစ်စေပြီး တစ်ခါတရံမှာ နာကျင်မှု ရစေပါတယ်။ ကလေးငယ်မှာ လေထိုးနေတယ်ဆိုတာ ဘယ်လိုသိနိုင်မလဲ။ သင့်ကလေးဟာ ပုံမှန်ထက်ပိုပြီး အကြောင်းပြချက်မရှိပဲ ဂျီကျနေတယ်ဆိုရင် လေထခြင်း ဖြစ်နိုင်ပါတယ်။ လေထခြင်းကြောင့် နာကျင်နေတဲ့ ကလေးငယ်တွေဟာ ခြေထောက်ကို မပြီး ဆွဲဆန့်ခြင်း၊ ခါးကိုင်းထားခြင်းတွေ ပြုလုပ်နိုင်ပါတယ်။ ဒီလက္ခဏာတွေဟာ အူပြဿနာတွေ ကြောင့်လည်း ဖြစ်နိုင်တာမို့ သတိထားသင့်ပါတယ်။ ကလေးတွေမှာ လေထိုး၊လေထခြင်းဟာ ဘယ်အရာတွေကြောင့် ဖြစ်နိုင်သလဲ။ အသီးအရွက်အချို့ စားသုံးခြင်း သင့်ကလေးရဲ့ကိုယ်ခန္ဓါဟာ လူကြီးတွေရဲ့ ကိုယ်ခန္ဓါနဲ့ ဆင်တူပါတယ်။ အချို့ အသီးအရွက်တွေ ဖြစ်တဲ့ ပန်းဂေါ်ဖီစိမ်းနဲ့ ပန်းဂေါ်ဖီတွေကို စားသုံးခြင်းဟာ လေထစေနိုင်ပါတယ်။ တကယ်လို့ သင့်ကလေးငယ်ဟာ အသီးအရွက်တွေ စားသုံးတဲ့ အကျင့်ရှိရင် ဒါဟာ ကောင်းမွန်ပေမယ့် ဒီအရွက်တွေဟာ လေထစေတာမို့ အများအပြား […]

ကလေးများ၏အညစ်အကြေးများသည်ကလေးငယ်၏ကျန်းမာရေးနှင့်ပက်သက်ပြီးအချက်အလက်များစွာပေးပါသည်။၎င်းသည် သင့်ကလေးငယ်ကြီးထွားရာ၌ ဘယ်အရာသည် ပုံမှန်ဖြစ်၍ ဘယ်အရာသည် ပုံမမှန်ဖြစ်သည်ကို လေ့လာဆုံးဖြတ်ရန်အဓိက လမ်းညွှန်ပင်ဖြစ်ပါသည်။ အညစ်အကြေးစွန့်သောအကြိမ်အရေအတွက် အကယ်၍သင်၏ကလေးသည်တစ်ပတ်လျှင်တစ်ကြိမ်သို့မဟုတ်နှစ်ကြိမ်သာအလေးသွားသည်ဆိုလျှင်မကြောက်သွားပါနှင့်။ အဘယ်ကြောင့်ဆိုသော်တစ်ပတ်လျှင်တစ်ကြိမ်နှစ်ကြိမ်လောက်သာအလေးသွားခြင်းအလေ့အကျင့်သည်ကလေးငယ်များအကြားပုံမှန်နီးပါးလောက်သာဖြစ်သည်။ သင်အဓိကဂရုစိုက်ရမည့်အရာသည်သူတို့၏အလေးသည်ဘယ်လိုအခြေအနေရှိသလဲဆိုတာပင်ဖြစ်ပါသည်။ အကယ်၍၎င်းသည်ပုံမှန်လိုပျော့ပျော့ပျောင်းပျောင်းထွက်လာသည်ဆိုပါကသင်စိတ်ပူစရာမလိုပါ။ သို့သော်လည်းအလေးသည်မာပြီးခြောက်သွေ့နေသည်ဆိုပါကသင့်ကလေးဝမ်းချုပ်နေခြင်းဖြစ်ပါသည်။ မိခင်နို့တိုက်သောကလေးများသည်နို့စို့ပြီးသည့်အခါတိုင်းလိုလိုအလေးသွားလေ့ရှိကြသည်။ သို့သော်အသက်သုံးပတ်မှခြောက်ပတ်ကြာပြီးနောက်တွင်အလေးသွားနှုန်းလျော့ကျသွားလေ့ရှိပါသည်။ မွေးပြီးပြီးချင်းစွန့်သောအလေး(ငယ်ချေးပါခြင်း) ငယ်ချေးသည်သင့်ကလေးမွေးပြီးပြီးချင်းနှစ်ဆယ့်လေးနာရီအတွင်းပထမဆုံးပါသောအလေးဖြစ်သည်။ အရောင်အားဖြင့်အစိမ်းပုပ်ရောင်၊အနက်ရောင်၊ကတ္တရာလိုစေးပျစ်သည်။ ကားဆီဂျီးလိုစေးပျစ်သည်။ ထို့အပြင်အနံ့တော့သိပ်မနံပါ။ ပထမနှစ်ရက်မှလေးရက်ပြီးနောက်တွင်ကလေး၏အလေးသည်အစိမ်းရောင်ဘက်ပိုသန်းလာပြီးစေးပျစ်မှုလည်းလျော့လာသည်။ဤလက္ခဏာသည်သင်၏ကလေးသည်မိခင်နို့ကိုအစာခြေနိုင်ကြောင်းညွှန်ပြနေသည်။ မိခင်နို့ကောင်းမွန်စွာတိုက်ကျွေးထားသောကလေး၏အလေး မိခင်နို့ကောင်းမွန်စွာတိုက်ကျွေးထားသောကလေး၏အလေးသည်အဝါရောင်သို့မဟုတ်အစိမ်းရောင်ဖျော့ဖျော့သာရှိသင့်သည်။ အမာအပျော့ကိုကြည့်လျှင်ခရင်မ်ကဲ့သို့ဖြစ်သည်။ တစ်ခါတစ်လေတွင်ဝမ်းသွားသကဲ့သို့အရည်ကျဲမည်။ အကယ်၍တစ်နေ့နှင့်တစ်နေ့စားသောက်သောအစားအစာချင်းမတူလျှင်ကလေး၏အလေးသည်လည်းအစိမ်းရောင်ဘက်ပိုဆန်လာမည်။ ထို့ကြောင့်စိတ်မပူပါနှင့်။ သို့သော်လည်းဤအခြေအနေသည်အခြားရောဂါလက္ခဏာများနှင့်တွဲပြီးဖြစ်ပေါ်ပါကဆရာဝန်နှုင့်တိုင်ပင်ပြသသင့်ပါသည်။ ကယ်လိုရီနည်းသောမိခင်နို့စို့ရသောကလေး၏အလေး အစိမ်းတောက်တောက်အရောင်ရှိပြီးအမြှုပ်ထသောအလေးသည်ကယ်လိုရီနည်းသောနို့သောက်ရခြင်း၏လက္ခဏာဖြစ်သည်။ဤသည်မှာသင့်ကလေးသည်ကယ်လိုရီအနည်းငယ်သာပါဝင်သောစစို့စို့ခြင်းနို့ကိုအပြည့်အဝစို့ပြီးအဆီပါဝင်မှုများသောကုန်ခါနီးနို့ကိုလုံလုံလောက်လောက်မစို့သောကြောင့်ဖြစ်သည်။ဤအရာကိုသင်ဘယ်လိုပြင်ဆင်နိုင်သလဲဆိုတော့သင့်ကလေးနောက်တစ်ကြိမ်နို့ဆာလျှင်ပထမတိုက်ထားသောနို့မှပြန်စတိုက်ခြင်းဖြင့်ပြင်ဆင်နိုင်သည်။ ကျန်းမာရေးနှင့်ညီညွတ်သောနို့ဘူးတိုက်ထားသောကလေး၏အလေး ကျန်းမာရေးနှင့်ညီညွတ်သောနို့ဘူးတိုက်ထားသောကလေးများ၏အလေးသည်ကော်ကဲ့သို့စေးပျစ်ပြီးပဲထောပတ်နှင့်တူသောအလေးကိုသွားနိုင်သည်။ ဝါညိုရောင်လည်းဖြစ်နိင်သည်။ စိမ်းညိုရောင်လည်းဖြစ်နိုင်သည်။ ရိုးရိုးအညိုရောင်လည်းဖြစ်နိုင်သည်။ သံဓါတ်ပါသောအလေးများ သံဓါတ်အားဖြည့်ဆေးများသည်သင့်ကလေး၏အလေးကိုအစိမ်းခပ်မှောင်မှောင်အရောင်သို့မဟုတ်အနက်ရောင်နီးပါး ပြောင်းလဲနိင်သည်။ သို့သော်လည်း သံဓါတ်အားဖြည့်ဆေး မတိုက်ထားဘဲ ဤကဲ့သို့ အလေးများသွားပါက ဆရာဝန်နှင့်ပြသရန် လိုအပ်ပါသည်။ အစာမာကျွေးသောကလေး၏အလေး ကလေးကိုစီရီယယ်များငှက်ပျောသီးများစသည်ဖြင့်အစာမာများကျွေးသောအခါတွင်ကလေး၏အလေးသည်အညိုရောင်သို့မဟုတ်အညိုရင့်ရောင်နှင့်ပို၍စေးပျစ်လာနိုင်ပါသည်။ သို့သော်ပျော့ပြဲပြီးအနံ့အနည်းငယ်နံနိုင်ပါသည်။ တစ်ဝက်တစ်ပျက်ခြေဖြတ်ထားသောအစာကြောင့်သွားသည့်အလေး သင့်ကလေး၏အလေးထဲတွင်အစာအတုံးများတွေ့ခဲ့သည်ရှိသော်ထို့အတူကလေး၏အလေးသည်သက်တန့်ရောင်ကဲ့သို့အရောင်ပါဝင်နေသည်ကိုတွေ့ခဲ့သည်ရှိသော်စိတ်မပူပါနှင့်။ အဘယ်ကြောင့်ဆိုသော်ထိုအချင်းအရာသည်အချို့သောအစားအစာများသည်အစာအိမ်နှင့်အူလမ်းကြောင်းထဲတွင်အပြီးအပိုင်ခြေဖျက်ချင်းမတိုင်မီလျင်မြန်စွာဝမ်းသွားလိုက်သောကြောင့်ပါလာသောအစားအစာများဖြစ်သည်။ ဝမ်းသွားခြင်း ကလေးများတွင်ဝမ်းသွားလျှင်အရည်ကျဲကျဲသွားနိုင်ပါသည်။ ထို့အပြင်ဝမ်းသွားခြင်းသည်အဝါရောင်၊အစိမ်းရောင်၊အညိုရောင်ဖြစ်နိုင်ပါသည်။ ထိုအရာသည်ပိုးဝင်ခြင်းသို့မဟုတ်ဓါတ်မတည့်ခြင်းလက္ခဏာရပ်ဖြစ်နိုင်ပါသည်။ ကုသမှုမပေးဘူးဆိုလျှင်သင့်ကလေးရေဓါတ်ခန်းခြောက်ခြင်းဖြစ်သွားနိုင်ပါသည်။ အကယ်၍သင့်ကလေးသည်တစ်ရက်သို့မဟုတ်နှစ်ရက်ခန့်ဝမ်းသွားနေမည်ဆိုပါကဆရာဝန်ကိုပြပါ။ သို့မဟုတ်သင့်ကလေး၏အလေးတွင်သွေးသို့မဟုတ်အချွဲများပါနေသည်ဆိုပါကဆရာဝန်နှင့်ပြသပါ။ ဝမ်းချုပ်ခြင်း ကလေးငယ်များဝမ်းချုပ်လျှင်မာကြောပြီးကျောက်စရစ်ခဲနှင့်တူသောအလေးများပါတတ်သည်။ ကလေးများကိုအစာအမာများစတင်ကျွေးသောအခါတွင်သို့မဟုတ်နို့နှင့်ဓါတ်မတည့်သောအခါတွင်ထိုကဲ့သို့အခြေအနေဖြစ်ပွားနိုင်သည်။ ကလေးငယ်၏သေးစိုခံတွင်ကျောက်စရစ်ခဲနှင့်တူသောအလေးများနှစ်ကြိမ်ထက်ပိုပြီးတွေ့သည်သို့မဟုတ်ကလေးငယ်၏အလေးထဲတွင်သွေးတွေ့သောအခါတွင်ဆရာဝန်ပြသင့်ပါသည်။ အချွဲများပါသောအလေး တောက်ပပြီးတလက်လက်ထနေသောအမျှင်များပါဝင်သည့်အစိမ်းရောင်အလေးများသည်အချွဲများပါဝင်နေသည့်လက္ခဏာဖြစ်သည်။ သင့်ကလေးသွားရည်ကျနေချိန်တွင်ထိုအခြေအနေသည်ပုံမှန်ဖြစ်သော်လည်းထိုအခြေအနေသည်အခြားသောရောဂါလက္ခဏာများနှင့်တွဲလာပါကသင့်ကလေးသည်ပိုးဝင်ခြင်းသို့မဟုတ်ဓါတ်မတည့်ခြင်းဖြစ်နေသည်ဟုယူဆရသည်။ သွေးပါသောအလေး အလေးများထဲတွင်အနီရောင်ရဲရဲများပါနေပြီဆိုပါကနို့ထဲတွင်ပါသောပရိုတင်းကိုဓါတ်မတည့်ခြင်း၊စအိုတွင်သွေးထွက်ခြင်း၊လိပ်ခေါင်းအသေးစားများနှင့်အခြားဘက်တီးရီးယားပိုးဝင်မှုများကြောင့်ဖြစ်နိုင်ပါသည်။ အနက်ရောင်သွေးစများပါသောအလေးသည်သင့်ကလေးကိုမိခင်နို့တိုက်သောအခါနှင့်သွေးထွက်နေသောမိခင်နို့သီးခေါင်းမှသွေးများကိုမြိုချမိသောအခါများတွင်ဖြစ်ပွားတတ်ပါသည်။   Hello Health Group သည်ဆေးပညာအကြံပြုချက်များ၊ရောဂါရှာဖွေအတည်ပြုချက်များနှင့် ကုသမှုများမပြုလုပ်ပေးပါ။

ကလေးငယ်များတွင် ဗိုက်အောင့်ဗိုက်နာခြင်းသည် ဖြစ်လေ့ဖြစ်ထရှိသောပြဿနာများထဲမှ တစ်ခုဖြစ်သည်။ ဗိုက်နာသောကလေးသုံးယောက်တွင် တစ်ယောက်လောက်သာလျှင် ဆရာဝန်နှင့်သွားရောက်ပြသလေ့ရှိပြီး အလွန်ပြင်းထန်ဆိုးဝါးသောရောဂါခံစားရသော ကလေးငယ်မှာ အရေအတွက်အနည်းငယ်သာရှိသည်။   ကလေးတွေဘာကြောင့်ဗိုက်အောင့်ရသလဲ။ များသောအားဖြင့် ကလေးငယ်များတွင် ဗိုက်နာရသည့် အကြောင်းရင်းမှာ အစားအစာနှင့် အူအလေ့အကျင့်တို့ကြောင့်ဖြစ်သည်။ အများစုသည် ပြင်းထန်သော ဝေဒနာခံစားရလေ့မရှိပါ။ သို့ဖြစ်၍ အိမ်မှာပင်ကုသနိုင်ပါသည်။ သို့သော်လည်းမိဘများသည် ကလေးငယ်များ ဗိုက်နာရသည့်အကြောင်းရင်းကို ရှာမတွေ့သောအခါ အလွန်စိုးရိမ်စိတ်ပူလေ့ရှိကြပါသည်။ ဤအရာကိုဖြေရှင်းဖို့ နည်းလမ်းကတော့ ကလေးကိုစောင့်ကြည့်ပေးဖို့ပင်ဖြစ်ပါသည်။ ဗိုက်စနာသည့်အချိန်မှ သုံးနာရီအတွင်းတွင် ဗိုက်နာခြင်းမှလွဲ၍ အခြားလက္ခဏာများရှိမရှိစောင့်ကြည့်ရပါမည်။ ဗိုက်အောင့်ခြင်းသည်လည်း အလွန်ဆိုးရွားသော ဗိုက်အောင့်ခြင်းမဖြစ်ရပါ။ ကလေးငယ်များ ဗိုက်နာရခြင်း အခြားအကြောင်းရင်း တစ်ခုကတော့ အစာအိမ်နှင့်အနီးတစ်ဝိုက်တွင် နာမကျန်းခြင်းဖြစ်နိုင်ပါသည်။ အဖြစ်အများဆုံးသည် ဝမ်းချုပ်ခြင်းကြောင့်ဖြစ်သည်။ ပိုဆိုးရွားသော အကြောင်းအရင်းများတွင် အစာအဆိပ်သင့်ခြင်း၊ အူအတက်ရောင်ခြင်းနှင့် အူလမ်းကြောင်းပြဿနာများ ပါဝင်ပါသည်။ အပျိုဖော်ဝင်စမိန်းကလေးများတွင် လစဉ်ဗိုက်အောင့်ခြင်းဖြစ်ပွားနိုင်သကဲ့သို့ အခြားအရာများကဲ့သို့ ပို၍ဆိုးရွားသော နာကျင်မှုများလည်း ပေါ်ပေါက်နိင်ပါသည်။ ဗိုက်အောင့်ဗိုက်နာခြင်းအမျိုးအစားနှစ်မျိုးရှိသည်။ ဗိုက်တစ်ပြင်လုံးအောင့်ခြင်းနှင့် တစ်နေရာတည်းကွက်အောင့်ခြင်းဖြစ်သည်။ ဗိုက်တစ်ပြင်လုံးအောင့်ခြင်း […]

အကယ်၍သင့်ကလေးသည်အစားကိုကုန်အောင်မစားနိုင်ဘူးဆိုပါက အစာကြေးများသည်ဟု လျင်မြန်စွာမယူဆစေလိုပါ။ သင့်ကလေး၏ အစာချေစနစ်တွင် ပြဿနာတစ်စုံတစ်ရာ ရှိနေသောကြောင့်လည်း ဖြစ်နိုင်ပါသည်။ အောက်ပါလက္ခဏာများကို ကြည့်ခြင်းအားဖြင့် သင့်ကလေး အစာချေစနစ်အတွက် ဆရာဝန်ပြသရန်လိုအပ်နေပြီဖြစ်ကြောင်းညွှန်ပြပေးနေပါသည်။ အစာချေခြင်းဆိုင်ရာပြဿနာများ(ကလေးဆရာဝန်ကိုဘယ်တော့ပြမလဲ) ဗိုင်းရပ်စ်ပိုးဝင်ခြင်း၊အစာဓါတ်မတည့်ခြင်းအပါအဝင်ဖြစ်နိုင်ခြေများစွာရှိပါသည်။ အနည်းငယ်ဝမ်းပျက်ခြင်းကိုအိမ်တွင် ကုသနိုင်သော်လည်း အောက်ပါလက္ခဏာရပ်များဖြစ်ပေါ်လာပြီဆိုပါက ကလေးဆရာဝန်နှင့်ပြသဖို့လိုအပ်နေပါပြီ။ ၁။ ဝမ်းပျက်ဝမ်းလျှောခြင်း ဝမ်းကအရည်လိုဘဲဒလဟောသွားမည် ဝမ်းထဲမှာသွေးပါမည် အကယ်၍ကလေးကနှစ်ဆယ့်လေးနာရီအတွင်းမှာငါးကြိမ်ထက်ပိုပြီးဝမ်းသွားမည် မတ်တပ်ပြေးအရွယ်ဖြစ်ပါကသုံးရက်ထက်ပိုပြီးဝမ်းသွားမည် ၂။ ဝမ်းချုပ်ခြင်း ဝမ်းထဲမှာသွေးပါမည် တစ်ပတ်ကိုသုံးကြိမ်အောက်သာဝမ်းသွားမည် ဝမ်းပိတ်ခြင်းကအန်ခြင်း၊ဖျားခြင်း၊ကိုယ်အလေးချိန်ကျခြင်း(သို့မဟုတ်)ဗိုက်ဖောင်းလာခြင်းတစ်ခုခုနှင့်တွဲပြီးဖြစ်ပေါ်မည် ၃။ အန်ခြင်း အန်ဖတ်ထဲမှာသွေးသို့မဟုတ်အစိမ်းရောင်၊အဝါရောင်ရှိသောသည်းခြေရည်ပါခြင်း အန်ခြင်းကဝမ်းပျက်ဝမ်းလျှော၊ဖျားခြင်း၊သို့မဟုတ်အလွန်ဗိုက်အောင့်ခြင်းနှင့်တွဲ၍ဖြစ်ပေါ်လျှင် အကယ်၍တစ်နှစ်အောက်ကလေးတွင်တစ်နေ့လျှင်တစ်ကြိမ်ထက်ပို၍အန်ခြင်း မတ်တပ်ပြေးအရွယ်တွင်သုံးရက်ထက်ကျော်၍အန်ခြင်း ၄။ ဗိုက်အောင့်ခြင်း ဗိုက်အောင့်ခြင်းကရုတ်တရက်အရမ်းအောင့်လာပြီးတောက်လျှောက်အောင့်နေမည် ဗိုက်အောင့်ခြင်းကတစ်ဆယ့်လေးရက်ထက်ကျော်မည် ဗိုက်အောင့်ခြင်းကဗိုက်၏တစ်နေရာတည်းပေါ်တွင်အမြဲတမ်းအောင့်မည် မကြာခဏဗိုက်အောင့်လိုက်ပျောက်လိုက်ဖြစ်မည် ၅။ အစာရည်မျိုမလုံ၍အက်ဆစ်လျှံခြင်း အစာရေမျိုမလုံ၍အက်ဆစ်လျှံခြင်းသည်ပုံမှန်အားဖြင့်ကလေးများသည်ချော့ကလက်၊ပူရှိန်း၊အဆီပါသောအစားအစာများစားသည့်အခါမှာသူ့အလိုအလျောက်ပျောက်သွားတတ်ပါသည်။ သို့သော်လည်းသင်၏ကလေးသည်အောက်ပါအက်ဆစ်အလွန်အမင်းလျှံတတ်မှုရောဂါလက္ခဏာခံစားနေရပါကဆရာဝန်နှင့်ဆက်သွယ်သင့်ပါသည်။ ထိုလက္ခဏာများမှာ ကိုယ်အလေးချိန်နည်းနည်းပဲတက်ခြင်းသို့မဟုတ်ကိုယ်အလေးချိန်လုံးဝမတက်ခြင်း အသက်ရှူရခက်ခဲခြင်း အစိမ်းသို့မဟုတ်အဝါရောင်အရည်များအစာစားပြီးတိုင်းအန်ခြင်း ရင်ခေါင်းအောင့်ခြင်းသို့မဟုတ်ရင်ဘတ်အောင့်ခြင်း အချိန်ကြာမြင့်စွာချောင်းဆိုးခြင်း အစာမျိုချရာတွင်အခက်အခဲဖြစ်ခြင်း ထိုသို့မဖြစ်ခင်မှာ ကလေး၏အစာချေစနစ်ကိုကောင်းမွန်စေရန် ပံ့ပိုးမှုပေးနိုင်မည့်အာဟာရများကို အစတည်းက တိုက်ကျွေးပေးဖို့လိုပါသည်။ ဥပမာ အူလမ်းကြောင်းမှာ Probiotics ဟုခေါ်သည့် အကျိုးပြုဘက်တီးရီးယားများရှိပါသည်။ Probiotics […]

ကလေးတွေမှာ ဖြစ်တဲ့ ဝမ်းကိုက်ရောဂါ ဆိုတာဘာလဲ။ ဝမ်းကိုက်ရောဂါဆိုတာ Salmonella(စဲလ်မိုနဲလား) နှင့် Shigella(ရှီဂဲလ်လား)ဆိုတဲ့ ဘက်တီးရီးယားတွေကြောင့်ဖြစ်တဲ့ အူလမ်းကြောင်းရောဂါတစ်မျိုးဖြစ်ပါတယ်။ ဒီရောဂါပိုးဟာရောဂါးပိုးရှိနေတဲ့ မစင်နဲ့ တိုက်ရိုက်ထိတွေ့မိရာကနေ ကူးစက်နိုင်ပါတယ်။ ထို့အပြင် မသန့်ရှင်းတဲ့ အစားအသောက်တွေ စားသောက်မိခြင်း, မသန့်ရှင်းတဲ့ရေထဲမှာရေကူးမိခြင်းတို့ကနေလဲဖြစ်နိုင်ပါတယ်။ အသက် ၂ နှစ်ကနေ ၄ နှစ်ကလေးတွေ မှာ အဖြစ်များနိုင်ပါတယ်။ဆောင်းရာသီထက်နွေရာသီလို အချိန်အခါမျိုးမှာ ပိုအဖြစ်များနိုင်ပါတယ်။ ရောဂါလက္ခဏာတွေက ဘာတွေလဲ။ လက္ခဏာတွေကတော့ရောဂါပိုးဝင်ပြီးချိန်ကစပြီး တစ်ရက်၊ နှစ်ရက်လောက် အကြာမှာ ဝမ်းလျှောခြင်း၊အန်ခြင်း၊ဖျားခြင်းနှင့် ဗိုက်အောင့်ခြင်းတွေ စဖြစ်လာပါမယ်။ ဝမ်းလျှောတာက ၅ ရက်ကနေ ၇ ရက်လောက်ထိ ဆက်တိုက်ဖြစ်နိုင်တာကြောင့် ကလေးငယ်လေးတွေအတွက်ဆေးရုံမှာ တက်ရောက်ကုသမှုခံယူတာ အကောင်းဆုံးပါပဲ။ ကလေးက ဝမ်းလျှောပြီး အဖျား ၁၀ဝံFလောက်ဖြစ်နေတယ်ဆိုရင် အမြန်ဆုံးဆရာဝန်သွားပြသင့်ပါတယ်။ ဘာတွေက ဝမ်းကိုက်ရောဂါကိုဖြစ်စေတာလဲ။ ဝမ်းကိုက်ရောဂါကို အဓိကဖြစ်စေတာကတော့ ဘက်တီးရီးယားပိုးတွေပဲဖြစ်ပါတယ်။ Salmonella(စဲလ်မိုနဲလား)၊ Shigella(ရှီဂဲလ်လား)၊ E.coli(အီးကိုလိုင်း)၊Campylobacter (ကမ်ပိုင်လိုဘက်တာ) အစရှိတဲ့ […]

ကလေးတွေမှာဖြစ်တဲ့ ဝမ်းလျှောရောဂါဆိုတာ ဘာလဲ။ ကလေးလေးတွေရဲ့ ဝမ်းက ပုံမှန်ထက်ကို ပိုပြီးအရည်အဖြစ်သွားနေခြင်းဖြစ်ပါတယ်။ ဒီလို ဝမ်းလျှောတာဟာ ဘယ်ကလေးမှာ မဆိုဖြစ်နိုင်ပါတယ်။ ဒါဟာ ကလေးတွေမှာဖြစ်လေ့ဖြစ်ထရှိတဲ့ရောဂါတစ်မျိုးဖြစ်ပြီး အိမ်မှာ ကုသရုံနဲ့ သက်သာသွားတာများပါတယ်။ ဒါပေမယ့်သေချာ ဂရုစိုက်ကုသခြင်းမရှိရင်တော့ ဒီဝမ်းလျှောရောဂါဟာ အန္တရာယ်ရှိလာနိုင်ပါတယ်။ ကလေးတွေမှာ ဝမ်းလျှောရောဂါဖြစ်ရင် ဘယ်လို လက္ခဏာတွေပြလဲ။ ဝမ်းလျှောရောဂါဆိုတဲ့အတိုင်းပဲ ဝမ်းကတော့ အရည်အဖြစ်သွားနေပါလိမ့်မယ်။ ဝမ်းလျှောတာ အပြင် အန်ခြင်း အစားအသောက်ပျက်ခြင်း ဖျားခြင်း မအီမသာဖြစ်ခြင်း ရေဓါတ်ခမ်းခြောက်ခြင်း ကိုယ်အလေးချိန်ကျခြင်း တို့ပါဖြစ်နိုင်ပါတယ်။ ဘယ်အချိန်မှာ ဆရာဝန်နဲ့ပြသင့်လဲ။ အောက်ပါလက္ခဏာတွေပြနေရင်တော့ ဆရာဝန်နဲ့ဆွေးနွေးတိုင်ပင်သင့်ပါတယ်။ ဝမ်းလျှောခြင်းက တစ်ရက်၊နှစ်ရက်နဲ့ မသက်သာသွားရင် အဖျား ၁၀၂ံF နှင့် အထက်ရှိနေရင် ခဏခဏအန်နေပြီး ဘာအရည်မှသောက်မရနိင်အောင်ဖြစ်နေရင် ဝမ်းထဲမှာသွေး သို့မဟုတ် ချွဲတွေပါလာရင် ဆရာဝန်နဲ့ပြသင့်နေပါပြီ ရေဓါတ်ဆုံးရှုံးမှုလွန်ကဲခြင်း လက္ခဏာတွေဖြစ်တဲ့ ပါးစပ်နှင့် […]