နေ့စဉ် စားသုံးမှုမှာ ပရိုတင်း၊ အမျှင်ဓာတ်၊ ဗီတာမင် နဲ့ သတ္တုဓာတ်တွေ ပါဝင်အောင် စားသုံးပေးဖို့ လိုသလို ကဖင်း နဲ့ အယ်လ်ကိုဟောတို့ကိုလည်း တတ်နိုင်သမျှ လျှော့ပေးဖို့ လိုပါမယ်။
ကယ်လ်လိုရီ နည်းတာ ကာဗိုဟိုက်ဒရိတ် လျှော့စားတာ အစားမစားဘဲနေတာမျိုး မလုပ်ပါနဲ့။ ဒီလိုလုပ်တာက ရာသီသွေးမှန်စေဖို့ အနှောင့်အယှက် ဖြစ်စေနိုင်လို့ပါ။

လေ့ကျင့်ခန်း လုပ်တာက ခန္ဓာကိုယ်ကို တက်ကြွလန်းဆန်းစေသလို စိတ်ရောကိုယ်ပါ ကျန်းမာစေဖို့ ထောက်ကူပေးနိုင်ပါတယ်။ ဒါပေမယ့် ရာသီသွေးမှန်စေဖို့ ဆိုရင် လေ့ကျင့်ခန်းကို ပြင်းပြင်းထန်ထန် မလုပ်ပါနဲ့။ ယောဂလေ့ကျင့်ခန်း လုပ်တာ၊ ပေါ့ပေါ့ပါးပါး လုပ်လို့ရတဲ့ လေ့ကျင့်ခန်း လေးတွေကို လုပ်ပေးတာက ရာသီသွေးမှန်စေဖို့ ရော စိတ်ရောကိုယ်ပါ ကျန်းမာစေဖို့ပါ ထောက်ကူပေးနိုင်မှာပါ။
လေ့ကျင့်ခန်း ပြင်းပြင်းထန်ထန် လုပ်မယ်ဆိုရင်တော့ ရာသီသွေး မမှန်တာ၊ ရာသီသွေး မပေါ်တာတွေ ဖြစ်နိုင်ပါတယ်။
စိတ်ဖိစီးမှုက နေ့စဉ်ဘဝကိုတင် ထိခိုက်စေတာ မဟုတ်ဘဲ ကိုယ်တွင်း ဟော်မုန်း ဟန်ချက်ညီမှုကိုပါ ထိခိုက်စေတာပါ။ ဒီလို ဟော်မုန်း ကမောက်ကမ ဖြစ်ခြင်းက ရာသီသွေး ဆင်းတာကို ထိခိုက်စေနိုင်ပါတယ်။ ဒါကြောင့် ရာသီသွေးမှန်စေဖို့ဆိုရင် စိတ်ဖိစီးမှု ကင်းစေမယ့် တရားထိုင်တာ၊ လေ့ကျင့်ခန်း လုပ်တာမျိုး လုပ်ပေးပါ။
- ဗီတာမင် ပြည့်ဝအောင် စားပါ
ဗီတာမင် B ချို့တဲ့တာက ရာသီသွေး မမှန်တာကို ဖြစ်စေနိုင်ပါတယ်။ နောက်တစ်ခုကတော့ ဗီတာမင် D ပါ။ ဗီတာမင် D ချို့တဲ့တာကလည်း ရာသီသွေး မမှန်တာမျိုး ဖြစ်စေနိုင်ပါတယ်။ ဒါကြောင့် နေ့စဉ် စားသုံးမှုမှာ ရာသီသွေး မှန်စေဖို့ လိုအပ်တဲ့ ဗီတာမင်တွေကို အစာအာဟာရတွေကနေ ပြည့်ဝစွာ စားပေးဖို့ လိုပါမယ်။ ဒါမှ ကိုယ်တွင်းမှာ ဟော်မုန်း မျှတပြီး ခန္ဓာကိုယ်ရဲ့ လုပ်ငန်းဆောင်တာတွေကလည်း ဟန်ချက်ညီညီ လုပ်ဆောင်နိုင်စေမှာပါ။
ဒီအလေ့အထလေးတွေကို ပုံမှန် လုပ်ပေးမယ်ဆိုရင် ရာသီသွေး မှန်စေဖို့ ထောက်ကူပေးနိုင်မှာပါ။
မှတ်ချက်များ
သင့်အတွေးများကို ဝေမျှပါ။
သင့်ကျန်းမာရေးအတွေးများကို Hello Sayarwonနဲ့ ဝေမျှလိုက်ပါ။
ဆက်သွယ်ရန် သို့မဟုတ် ဝင်မည်။ နှင့် ဝင်ရောက်ဆွေးနွေးပါမည်။